بعيداً عن العواطف ..!! (( تنبيه::: الكل يدخل )) ..

[الوصلاوي]

بســ الله الرحمن الرحيم ـــم

اعلم إن هذا المنتدى .. هو منتدى رياضي .. لكن الملفت في الآونه الأخيره .. هي كثره الردود و المواضيع المنقوله .. و التي لاهدف لها إلا إثاره الفتن و المشاكل .. و كثر عدد الأعضاء ذو الـ10 مشاركات !!!

أخواني ..

أنا آسف على ردودي الي قمت بها اليوم .. و آسف على تحرير الكثير من الردود العاديه نوعاً ما .. لكن لأنها خرجت عن صلب مواضيعها .. و لأنها من الممكن أن تشعب حوار الحديث .. مما قد يسبب مشاكل كثيره ..

في هذا الموضوع .. اباكم تنسون مباراة العين والهلال .. و أباكم تصفون النيه ..

نحن أخوان

ولا تفرق بيننا كره القدم ...!!

في هذا الموضوع .. اباكم كلكم تصفون النيه .. و تتسامحون من بعض ..

و نترك العراك للمباراة القادمه ..خخخخ

آسف على الي صار اليوم .. ولكن .. لا احب أن ينطق أحد بكلمه (( مشرف إماراتي .. وليش ما يسمح ردود الإماراتيين )) لأنها تزعجني و تضايقني ..!!

ولكم فائق الاحترام

الوصـــــــــــــــــــــــــــــلاوي

[full option]

الحمد لله
ردودي كلها محترمة
وما غلطت على حد
ومشكووووور على المبادرة الطيبه
...
..
.

[زعيم الإحساس]

هلا اخوي الوصلاوي ...


شكراً على الموضوع .. وانا اعرفك قد اي انت محترم وما تفكر التفيكر الي قلتة انت ..


بس انت مثل ما شفت المواضيع الي كلها مشاكل هي الي نقلوها الأخوان العيناوية من منتدى العين وفيه كم موضوع من الأخوان الهلالين بس مو منقولة كانت مكتوبة بأقلامهم .. لكن خرجوا الموضوع ..


انا ردودي كانت على قد الكلام الي قالوة .. وفيه كم واحد غلط وسب بالهلال وانا رديت عليه وهذا من حقي كهلالي اولاً وكنائب رئيس للرابطة لأدافع عن فريقي ..


فأتمنى اول شئ تشوف لنا حل لأنة اتوقع للآن لم ينتهون من فرحتهم .. والأعضاء ابو 10 مشاركات هم سبب كل المشاكل والي طوروا المشاكل لأنهم قالوا كلام ما له داعي .. ومسوا نادي الهلال بسوء وهذا كلام ما ينقال ولم يقدرونا ولم يحترموننا مثل ما احترمناهم .. حنا اول من باركلكم .. رابطة الهلال باركت لكم .. لكن ما فيه تقدير .. بس زادوا تجريح ..


واذكرك اخوي نا كاتب موضوع بعنوان ( قبل ديربي الزعماء .. الهلال × العين ) وكنت متوقع الي صاير الحين .. فيال ليت تروح وتقرأة ..


وشكراً..

[B A D R]

أخوي الوصلاوي المشكلة ليست مشكلة الاعضاء المحترمين الموجودين معنـا

المشكلة ابو مشاركة وحدة يكتب رد مستفز ويجيون الاعضاء يقتبسون الرد وهكذا الين ماتصير مشاكل

حنـا أخوان ولاداعي لمباراة تفرق بينـا

والزعل مهوب موجود عند الهلاليين ولا السعوديين

وحتى مهوب موجود عند العيناوين والامارتيين

وكلنـا أخوان والحمدلله ماوصلت الامور للمشاكل

ملاحظة أخيرة : المواضيع المنقولة اتمنى عدم وضعها لانها هي سبب المشاكل

[العيناوي]

حاضرين يا أخوي الوصلاوي أنت تامر أمر كم وصلاوي عنا في المنتدى ؟

أما عن سالفة نقل المواضيع فأنا حركت المنتدى إللي كان فيه سبات وخليناه يغلي لكن بحدود والمواضيع إللي نقلتها كانت مميزة لأقلام رائعة في منتدى الزعيم ومافيها كلمة غلط على الفريق الآخر

ونحن الآن خلاص نسينا الفوز وبنركز على الدوري والآسيوية خليناها على جنب شوي

واعذرونا يا شباب المنتدى وبالأخص الهلاليين

[B A D R]

أما عن سالفة نقل المواضيع فأنا حركت المنتدى إللي كان فيه سبات وخليناه يغلي لكن بحدود

حنا بعد نقدر ننقل مواضيع من منتدى الزعيم

بس مالها داعي النقل من منتدى الفريق..

لان هذا منتدى محايد..

وبرابطة العين انقل الي تبي ..

صح ولا خطا كلامي

إللي نقلتها كانت مميزة لأقلام رائعة في منتدى الزعيم ومافيها كلمة غلط على الفريق الآخر

كل منتدى فيه أقلام مميزة ..

واستطيع ان انقل اكثر من 10 أقلام مميزة في

منتدى الزعيم

واعذرونا يا شباب المنتدى وبالأخص الهلاليين

عاذرينك حبيبي ..

ومن حقك تفرح لانك مو فايز على اي فريق..

[الوصلاوي]

مشكورين على تواجدكم الطيب .. أنتم أفضل أعضاء (بالأخلاق الرياضيه) .. و الدليل تفاعلكم مع هذا الموضوع ..

مشكورين أخواني على المرور ...

[الكلام الصح]

مشكور ياوصلاوي


وهذا هو العشم من مراقبينا الأعزاء

والكلام أو الرد السيئ لايعبر إلا عن صاحبه فقط

ولكن

في غمرة أفراحنا بفوز الإتحاد لا أذكر أنه نزل رد بمثل المستوى اللي تراه تحت
وأنا آسف اللي أقولها من الدناءة والخسة

لا تقعدون اطلعون اشاعات عليه لأنه خيط دفاعكم

أو

و شو فيها لو كان يمني...أهم شي أنه خيطكم خيااااااااط...

ولو لاقدر الله إن غلط سعودي على فريق إماراتي أو حتى عربي بمثل هالكلام فنحن أول من يقف ضده
بل وسنطالب بإيقافه

[الوصلاوي]

مشكور ياوصلاوي


وهذا هو العشم من مراقبينا الأعزاء

والكلام أو الرد السيئ لايعبر إلا عن صاحبه فقط

ولكن

في غمرة أفراحنا بفوز الإتحاد لا أذكر أنه نزل رد بمثل المستوى اللي تراه تحت
وأنا آسف اللي أقولها من الدناءة والخسة

أو

ولو لاقدر الله إن غلط سعودي على فريق إماراتي أو حتى عربي بمثل هالكلام فنحن أول من يقف ضده
بل وسنطالب بإيقافه

مشكور أخوي على ردك .. و للأسف هذي هي فئه قليله ...!!
و عذراً لأني قليل التواجد في هذا المنتدى .. نظراً لإنشغالي بالدراسه .. لكن

أي بقيه المراقبين !!!!!!

الوصــــــــــــــــــــلاوي

[العيناوي]

حنا بعد نقدر ننقل مواضيع من منتدى الزعيم

بس مالها داعي النقل من منتدى الفريق..

لان هذا منتدى محايد..

وبرابطة العين انقل الي تبي ..

صح ولا خطا كلامي

كل منتدى فيه أقلام مميزة ..

واستطيع ان انقل اكثر من 10 أقلام مميزة في

منتدى الزعيم

عاذرينك حبيبي ..

ومن حقك تفرح لانك مو فايز على اي فريق..

اسمحلي يا أخوي كلامك خطأ كيف تقول هذا المنتدى محايد انتوا أكثر المتعصبين لفريقكم وتقولي محايد

وأصلا أنا ماشفتلك مشاركة أو رد في المواضيع المنقولة

ومره ثانية بحط المواضيع في الرابطة علشان ماتزعلون

وسامحونا

[B A D R]

اسمحلي يا أخوي كلامك خطأ كيف تقول هذا المنتدى محايد

اجــل منتدى العين ولا الهلال

وش تسمي المنتدى اجــل ؟؟

[CENTER]


وأصلا أنا ماشفتلك مشاركة في المواضيع المنقولة

مـا يحتــاج تشوف لي مشاركة لاني اكبر من الرد على هالمواضيع

ولا له داعي ارد على موضوع منقول يعني لو كاتبه انت رديت

امـا منقول ماحصلي الشرف

[زعيم الإحساس]

[CENTER]

اسمحلي يا أخوي كلامك خطأ كيف تقول هذا المنتدى محايد انتوا أكثر المتعصبين لفريقكم وتقولي محايد
وأصلا أنا ماشفتلك مشاركة أو رد في المواضيع المنقولة
ومره ثانية بحط المواضيع في الرابطة علشان ماتزعلون

وسامحونا

متعصبين .. لا .. بس مع الحق حنا والكل يشهد حتى مباراة العين والهلال كلمني الكلام الصح وقال انهم افضل مننا واسحقوا الفوز .. حنا متعصبين اذا كانفيه غلط او شئ مثل ما غلطتوا انتم علينا ..

[العيناوي]

اجــل منتدى العين ولا الهلال

وش تسمي المنتدى اجــل ؟؟

مـا يحتــاج تشوف لي مشاركة لاني اكبر من الرد على هالمواضيع

ولا له داعي ارد على موضوع منقول يعني لو كاتبه انت رديت

امـا منقول ماحصلي الشرف

يا سلام على ردك الجميل

كثر منه مرة ثانية

[B A D R]

يا سلام على ردك الجميل


كثر منه مرة ثانية

والله ردي جميـل ؟؟ تصدق توني ادري

كثر منه مرة ثانية

ابشـر وعندي مثل هالردود أكثر

[ronaldinho dxb]

نعم تسلم اخوي على طرح الموضوع الذي بنضري صحيح الف بالمئه

و العصبيه الزايده اتوقع اتكون من البغض على الانديه الاخرى
مثلا: الانتر و ميلان و الريال و البارسا........

فاقتراحاتي لمنع هذه الحركات هو وضع اشارات تنبيه لكل عضو

و تزيد اشارات التنبيه اذا شتم او سخر العضو نفسه
و عندما يوصل الى عدد محدد يتم توقيفه لعدد معين من الايام

وبهذه ستقل الشجارات و العصبيه

و على فكره انا وصلاوي و هاردلك من الشباب