كـلامك درر يا ســـــــام 6 ... نصيحة للزعماء والسعوديين

[ALcATRAZ]

الهلال والاتحاد..
الاسيويه لهم وهم للاسيويه..
سلام عليكم..

[ALcATRAZ]

كلامك صح..

[DMC]

السلام عليكم

اخي الكريم كلام الصح :

تستغربون من شدة فرحتنا ؟!! واحنا لازم نفرح هالفرحة تدرون ليش؟؟
لانكم انتو اللي عطيتو الهلال حجم كبير وهو يستحق .. دايما اتييبون طاري بطولات الهلال وتاريخه وماتقدر تنكر انك انت شخصيا قلت ان الهلال بيهاجم في المباراة وبيفوز مادري كم هدف واقدر اييب اقتباس كلامك
يعني احنا من حقنا نفرح لانا فزنا على فريق قوي ومطعم بعناصر المنتخب وهو زعيمكم !!
وفرحنا اكثر تعرف ليش ؟؟
لان العين رد اعتباره من آخر هزيمة وبعده عطشااااان يبا يفوز ويفوز ويكتسحكم كلكم سواء اندية سعودية او ايرانية وغيرها ..
لانكم ماحسيتو يوم فريق يوصل للنهائي ويخسر !!
العين مانسى 4 الاتحاد .. والفرحة اللي شفتوها تعبر عن نص الفرحة اللي بتكون يوم انفوز على الاتحاد .. وتستغربون منا ليش فرحانين لهدرجة !!
لان زعيمنا عااد اخيرا لمستواه الحقيقي..هذي فرحة
لان زعيمنا فااز للمرة الثالثة على التوالي على زعيمكم .. هذي فرحة
ردينا على كل المشككين والردود السعودية وصبرنا عليها ونظرنا انها من باب التحدي ولو اني شفت فيها مبالغة وكانهم نسو قوة فريق العين ويمكن تفائلتو وايد لانكم كنتم تنظرون لمستواه اخر مرة من بعد خسارته من الاتحاد..مع انه كان العين يلعب بمحترفين ديكور بس .. صدق كان في اسوأ حالاته .. وحتى بعد خسارتنا من الاتحاد وخسارة البطولة ..
ظل العين يعاني في الدوري لانه نفسيا متاثر بالخسارة الاخيرة..وبدا يرجع لمستواه تدريجيا والحين صار الثالث في ترتيب الدوري ..
على العموم اذا خرجت بعض الردود بنظركم جارحة فنحن آسفون ..
ولكن لا تنسو فرحتكم يوم فزتو على العين !!
كنا نتألم اكثر منكم الحين .. لان العين خسر باربعة وماظهر بمستوى مقنع .. واهم شي خسرنا البطولة بعد مشوار طويل .. كنا في قمة الحزن وانتو كنتو : الكاس يلمع والعين تدمع ..

المهم .. العين مابيرتاح إلا والكاس بإيده .. لا تظنو انه ارتاح بعد فوزه على الهلال ولا تعتقدو انه بيرتاح بعد ما يفوز على الاتحاد ان شاءالله .. بيرتاح يوم يوصل الكاس للخزينة العيناوية ..

وعن بعض المواضيع النسخ واللصق اللي تقصد فيها العيناوي .. فحتى هاي ماتبونها !!
اعتقد انه حرك المنتدى وشعلله
وهو مب مسؤول عن ردود ماتمثل إلا نفسها .. فكل بلد فيه الصالح والطالح ..
وحتى لو ماحط هذي المواضيع .. بتشوفون بعد هذيك الردود .. لان فيهم حررة لازم يطلعوها

على العموم احنا مانسينا كيف القسم انترس موااضيع تحدي وبعضها فيه اذكر اهانة للعين يوم قبل مباراة العين والاتحاد ..
ويا كثر المواضيع اللي اتسكرت ..
واخص بالذكر العضو مختص كرة قدم .. ماحد يشوفه إلا يوم تكون في مواجهة نادي اماراتي بسعودي
يعني اعتقد انك تلمح ان العيناوي سوى فتنة وغيره !! والي سواه حق مشروع وخاصة كانت الكلمات فيها احترام للهلال وماحد انتقص منه ..
...

الامارات كلها كانت سعيدة .. ويوم 8 -3 - 2006
العين رفع راس الامارات فوق .. اخيرا عادت هيبة الزعيم ..
..

لا اريد ذكر منتدى معين .. ولكنني شفت فيه العجب !!
اطلقو على العين بالزعيم التايواني والمزيف ووو ..
وواحد حلف انه مابيزوج اذا فاز العين !!
وطبعا شعب الامارات كله حتى ماسلم .. وصل فيهم بسب شعبنا ..
فنتيجة طبيعية انك اتشوف ردود تجرح .. انا ماادافع عنهم .. لكن معظم الردود الجارحة كانت من اعضاء اول مرة انشوفهم يشاركون في القسم الرياضي .. وهم مايدرون ان السعوديين اهني محترمين ..
وبعد مب معذورين .. وهم مايمثلون إلا نفسهم ..

واخيرا .. لا يحط حد في خاطره منا ..
ونبقى اخوان ..

كفيتي واوفيتي اختي !!!!!!
لكل واحد نصيب وكما المثل يقول يوم لكم ويوم عليكم
النهاية

[TORNADO]

وعليكم السلام
:-:
اولا كما نعرف ان الهلال والعين فريقين كبيرين .. ولكن لكل نادي يتميز بشي
ثانيا بخصوص الفرحه بعد مباراه الاتحاد والعين الموسم الي فات .. فشي طبيعي بتكون فرحه لا حدود لها لان نادي الاتحاد حقق بطوله اسيا للاندية
وفي الاخير كلنا اخوان مهما حصل ان شاءالله
واتمنى ان يكون بطل هذا الموسم لدوري ابطال اسيا فريق عربي
والله الموفق

[Another_One]

الوعد درة الملاعب ....

والأقوى بيستمر