طلب .. اتمنى مانرد فيه

[BU3ABD]

السلام عليكم ورحمة الله وبركاته

من ايام ويننج الفن 7 ولين يومكم وانا متلهف لعمل سيدي ويننج الفن
من تصميمي ويوم سالت قالو لي منتدى المنتدى ومالك غيره فقلت اتقدم
بهذا الطلب راجياً من الله ان ارى الحل ومايكون مروركم مثل عدمه على الموضوع

طبعاً انا جديد ولا اعرف اي نقطه او اي معلومه بهذا المجال ومتلهف
لمعرفة كل مايخص عمل سيدي واضافة كور وملابس جديده .. الخ

فممكن منكم ياجماعه .. تتقدمون بمساعدتي فكونو على ثقه بان
هالخدمه الكبيره ماراح انساها ابد وماراح استفيد منها وحدي اكيد
الجميع راح يستفيديون منها

الي مافهم طلبي لين الحين راح اوضح النقطه خلاص لوول

اريد شرح من بداية الموضوع ونمشي الى النهايه
يعني شلون ادخل السيدي الاصلي وشلون اطلعه بعد التعديل
وشنهي البرامج المطلوبه ويفضل انكم تحطونها لنه .. والله مصختها


واثق ثقه كبيره بانكم ماراح تقصرون ويانه

وو اذا بتنعبكم معانه

[ronaldo two]

والله اخوي انا هم كنت مثللك ولكن بفضل الله وصاحب هذا الموضوع استفدت كثيرا.

هذا الموضوع

http://montada.com/showthread.php?p=4255351#post4255351

[BU3ABD]

صراحه لك جزيل الشكر .. وشكله موضوع كبير

[users]

بسم الله الرحمن الرحيم

السلام عليكم ورحمة الله وبركاته

كيف الحال يا اخويه ؟! .. ان شاء الله بخير وعافيه

انا يعجبني فيـك حبك للتعلم .. واصرارك .. واتمنى انه هالشئين يفيدونك لكي توصل لما تريده باذن الله

واعلم انك اذا حطيت هدف نصب عينيـك .. ستحققه يعني ستحققه

انا بعطيك فكره سريعه عن الموضوع .. ان شاء الله تفهم مني شئ

اول شئ يا اخويه في شئ لازم تعرفه

انه لعبة البلايستيشن .. > > وخاصة الكوره

عباره عن ملفات متجمعه ومضغوطه بصيغة iso <<< لاحظ تراك بتستخدم هالكلمه وايد فالمستقبل

وهالملف اتكون فاللعبه .. وهي الي تتحكم فيها انته وتغير فيها صوتك و الصور وما شابهه

ويوم تفتح هالملف يا اخويه .. بتحصل بعـد كم من ملف مضغووط .. وباقي الملفات الي تشغل اللعبه وغيره

واحلى شئ فالويننيج الفن انه الملفات مترتبه .. يعني الخلفيات بملف و الصوت بملف والاشكال بملف

المهم يا اخويه انا ولا عمري جربت اسوي لي شريط ... والسبب يرجع لاختباراتي

لاني انا حاولت اتعلم قبل الامتحانات باسبوع .. وكنت اذاكر .. وآخذ بريك هنيه ..

والحمدلله الحينه اقدر اني اغير ولو شويه فاللعبه .. ولكني لست محترف .. ولا اعرف كيف اغير فالصوره

فقط الصوت

اول شئ يا اخويه انته محتاج كم من برنامـج .. انا بعطيك اسامي البرامـج الحينه .. لأني والله يا اخويه

مشغوول هاليومين .. والله الاختبارات فوق رآسي .. ادعيلي بالتوفيق

1- DVD Decrypter .. . . هذا البرنامـج يخليـك تجمع ملفات اللعبه بصيغة iso

وتخزنه فالكمبيوتر ..

2- Game Graphic Studio
هذا البرنامـج بتحتاجه فالمستقبل عشان تعدل فالصور والأطقم والخلفيات

3- ppf-o-matic3
هذا البرنامـج بتحتاجه اذا كنت تبا تدمج باتش فاللعبه .. >> مثلا واحـد قالـلك هذا باتش يحتوي

لغة انجليزيه + كور + ملاعب + ... + ... الخ

تقدر انك تدمجه بهالبرنامـج ..

4- الكحول 120 %

عشان تنسخ الالعاب بعد ما تظبطها ..

5- dkz studio

بصراحه انا اعرف انه هالبرنامـج مهم جـدا .. للويننينج الفن ..

لكن والله انا ما اعرف استعمله .. ولا اعرف اثبته على الكمبيوتر ..

وحتى اني فتحت موضوع اطلب فيه المساعده من الأعضاء ومشرفين هذا المنتدى الغالي

وعلى فكـره : ترى السالفة ما تحتاج شريط اصلي .. لأنه الكوبي يكفي ويزيد

والسبب يرجع لأن ملفات الكوبي هي نفسها ملفات الشريط الأصلي .. يعني ما تفرق عنـدك كوبي ولا

اصلي ..

وبعدين حاول انك فكل يوم تتعلم لك شئ جديد .. عشان ما تضيع الي بنيته ...

واذا كانت لغتك الانجليزيه ممتازه فهنيئا لك ..

اذا ما حصلت ضالتك فاي مكان من الاماكن .. بامكانك وقتها عمل سيرش فجووجل بالانجليزي

والله يعطيـك العافيه و ويوفقك يا رب .. واتمنى اني اكون افدتـك

[BU3ABD]

users

اسعدني مرورك وكلامك الطيب والله
واتمنى اني اكون عند حسن ظنك واوصل للي
ابيه باذن الله وبفضل من الله ومن ثم الاخوان راح
نوصل للمطلوب انشاءالله .. وفكره سريعه وحلوه
حول الموضوع .. وحاب اسالكم بخصوص التعديلات
هل التعديل على وينجج الفن 9 يختلف عن التعديل على
ويننج الفن 10 .. اذا يختلف اتعلم على 10 مره وحده
لانها الجديده وحرام اضيع وقتي على القديمه ..


وربي يوفقك ياخوي users وانشاءالله نشوفك من الاوئل يارب

[تبوك الورد]

والله اني ماازيد عليكم بشي لكن اعتقد انه فيه اختلاف بسيط في مكان الطقم والتعليق و الموسيقى إلخ

تحياتي...