يا لهوتي .. اكتشف العلماء صليبا في جسم الإنسان

[7_Dark Soul]

اول شي ...

اشوف ان في كم شرير يحاول يتلزق فيني ذي الفترة و يلزق اسم ابن الخردقي فيه

بديت اعاني من ضريبة الشهرة

احم ...

هذا اخر صيحات الموضة و يا هالأصلبة
احم...
السلام عليكم و رحمة الله و بركاته .....

(ما في تطلون من برى .....تعالوا دخلوا )

.
.

.

.

.

.
.
اشوف هالايام طايحين الخلق طيحة في اكتشاف الاصلبة ...كل يوم طالعين لنا بصليب جديد ....

و الله عندنا ناس ...عليهم افكار عجيبة ...... هوايتهم يكتشفون الاصلبة ، قاعدين طول يومهم يدورون(يبحثون) عن الاصلبة

و الغريب انهم يطلعون اصلبة في اماكن ...ابيلس ما تخطر على باله يحط فيهم صليب

مثلا شوفوا صاحبنا المكتشف الشهير ( طمطوم بن بشورة الفحولي ) وين لقى صليبه .....

(جوال نوكيا 6630)

شي واحد ابي افهمه ؟ ...شلون خطر على باله انه يدور صليب هنا !

المهم
يقولك ..بعد اكتشاف صاحبنا المذهل (الي هو طمطوم ) ... انشهر لدرجة ان المعجبين أصبحوا يأتون من شتى بقاع العالم ليشاهدوا اكتشافه الرائع ...
لكن ما لبث حتى بدأت الغيرة تشتعل في صدور منافسيه.... فقرروا أن يكتشوا اكتشاف أعظم يجعل الناس تنسى هذا الاكتشاف المذهل

و بدأت عمليات البحث في كل مكان .......

حتى تمكن المكتشف البارع ...سداح بن زعبور من اكتشاف شيء مذهل أعظم من الأول

(سكن طالبات الكليات في الخبر )

شنو هالفن ...شنو هالابداع .... الله عليك يا سداح ....صراحة ابوك زعبور بيكون فخور بك .....

شفتو ابداع علمائنا و مكتشفينا العظام .... يقلون لي اينشتاين ...يا عمي طير ...بلا اينشتاين بلا هم ...
مكتشفينا العظام ما يوقف شي في طريقهم .... شغفهم للاكتشاف فاق كل القوى البشرية ...

و نكمل تاريخنا العظيم في الاكتشافات العالمية
بعد اكتشافات شحاط الرائعة ...
برز مستكشف جديد في عالم الصلبنة ....

حسون الملعون ..

عاد هذا له نكهة خاصة في اكتشافاته ....
هذا اذا شفت اكتشافه لا شعوريا يتجمع البلغم في فمك

(ورقة من فئة 100 ريال سعودية)

و الله اشهد ان عيونه ولا كشفات دتسن ... عنبوه .... شلون شافها

بعد كل ذي الاكتشافات العظيمة

قلت لازم اكتشف صليبي الخاص .....
اجل كل العالم عندهم و انا ما عندي

ولا مكينة سداح ثمانية سلندر و و انا ... ابن الخردقي اربعة سلندر ؟ ..

وبدأت اجول الشوارع باحثا عن ما يسى الصليب .....

فجأة ....
اكتشفت صليب سيخلد اسمي في التاريخ ....
صليب عظبيم بشأنه و حجمه ....

Look !!

( كرسي من البوفية الي جنب بيتنا )

بس كلفني كثير هذا اكتشاف .... لاني اول ما شفته على طول طاح البيبسي من يدي و سويت بحيرة بيبسي في البوفية

زبدة الموضوع للي ما فهم الهذرة الي الفوق :

كا تشوفون ان الوسواس الصليبي غازي تفكيرنا

من يشفون علامة (+) طويلة شوي قالوا صليب
صحيح في كم صليب مسوينهم ...بس مو كل شي تشوفونه صليب !

[rubso]

.......
ما ادري شنو فايدة هالموضوع ؟

[rushin_911]

أستغفر الله حتّى منتدى المنتدى فيه أصلبة و هذا أحدها +

[SkaveN]

انا ما ادري وش الي قاهر العالم خع هالصلبان ..
ياخي لهم دينهم ولي دين
يسوون الي يبونه , اغراضهم , اختراعاتهم , لو فينا خير كان ما احتجنالها اصللا
على اي حال , الله مستعان

[7_Dark Soul]

.......
ما ادري شنو فايدة هالموضوع ؟

.......... تحطيم


الله يهداك rubso ....جان انتظرت شوي على الاقل واحد يرد قبلك ×__×

اهو الموضوع طالع من واحد منفس(منسم) و صارله تقريبا يومن ما ينام الا 3 ساعات ....

احم ....
اتكلم في الموضوع عن جهل بعض الناس و انهم من يشوفون علامة + طولة شوي يعتقدونها صليب .... و يدعون الناس لمقاطعة الشركة الفلانية و هدم المبنى الفلاني و لا انقلاب على الحكومة الفلانية لانها صليبة ....و الي سوى ذي السلعة و ذاك المبنى على نياه و ما يدري عن شي ...
(و طبعا الاسامي الي فوق و البلبلة ما عليك منها .. هذرة واحد فاضي )

و شكرا على مرورك الكريم


rushin_911
انت اصبر كلها كم يوم و يطلع لك واحد ما يدري عن الدنيا فتوى بقتل كل من يشارك في المنتدى

طانكيو على مرورك

[Snake Eyes]

الصليب اداة الاعدام قديما (وممكن تعزيب حاليا)
ماهي دين ومو انها موجودة معاناته انك بتعبدها
الصليب صليب مكان لوضع الانسان عليه لشنقه و التنكل به

[Classic Evil]

عزيزي انت والله يا دارك سول سبعة ...

يا كثرهم عندنا وعندكم ...

هو ممكن يكون صليب لكن البعض يبالغ , مثلا حتى الغترة و التطريز أو المخوّر ممكن تكون فيه تقاطعات ... على طول قالوا لك صليب ...

ياخي حتى الإنسان إذا رفع إيدينه بشكل مستقيم بيستوي صليب ...


بس ماردي كيف هذا ينبش(يدور) على الصلبان في كل مكان !؟


رسالتك وصلت

[abidaan]

غريبة كيف لاحظت هذي الاشياء

[فريـــســـكـــا]

السلام عليكم جميعااا

صور اكتشافاات سداح بن زعبور ما ظهرتش عندي >>> انسجمت من جد

والحمد لله على نعمة الإسلام

مشكووور يا أخي ^^

[احلامو ادوماتو]

بالنسبة للاصلبة

الفضاوة شينة وانا اخوك ×_× من جد الفضاوة مرض "يلعب بخشمه شوي*

وويلكم باك يا بعد حيي ^^ عسا الاختبارات منيحة بس @@


*يخطط لمصيبة قادمة للناس انت من بينهم فيتاكد ان النفسيات عال العال*

[القــعـقـاع]

ذولي عندهم مهارات استثنائية في البحث و التحري

هذا كوم و اللي اكتشف ان الكوكاكولا اذا كانت مقلوبة تطلع "لا محمد لا مكة" كوم..

[BOOOB_2002]

وش سالفة القوانين اللي طلعتلي لمن جيت برد



المهم موضوعك زاحف واتاريك منسم زي سنووب


المهم فعلا في بعضهم يوسوس لدرجة كبيرة هو صحيح بعض الأمور مقصودة لكن عاد ما نسويها هاجس ..


ومشكور يا قرقور وترا وضع رابط لمنتدى ثاني مخالف دوليا وبعدين جيت اشوف الصورة قالي لازم تسجل ياريت ترفقها

[Mista Koo]

Sorry Couldn't Find Better =P

[Amarant]

ممم الصراحة موضوع فلة
بخصوص جوال 6630 من بعد ما اكتشفوا سالفة الصليب اللي فيه صارت الهيئة
في كل مكان مسويين زحمة وهاتك يا تفتيش في المحلات الخاصة ببيع الجوالات بحثاً عن هذا الجهاز الاسطوري ومصادرته وين يودون هالأجهزة الله أعلم
عاد أنا من الخوف خليته في البيت .. والله يخلي برج العرب
وثانكس عالموضوع

[الموهوب]

ممم الصراحة موضوع فلة
بخصوص جوال 6630 من بعد ما اكتشفوا سالفة الصليب اللي فيه صارت الهيئة
في كل مكان مسويين زحمة وهاتك يا تفتيش في المحلات الخاصة ببيع الجوالات بحثاً عن هذا الجهاز الاسطوري ومصادرته وين يودون هالأجهزة الله أعلم
عاد أنا من الخوف خليته في البيت .. والله يخلي برج العرب
وثانكس عالموضوع

اي عاد ..

ماعتقد الهيئة تفكر هالتفكير ,, واي شخص عاقل مايفكر بهالأمر ..

اعتقد انها اشاعات ليس إلا ّ .. وبإذن الله بجرب اشوف في اي وقت اشوف فيه رجل هيئة اقوله كيف الحال وانا ماسك الجوال بيدي .. ونشوف الزحمة بتصير


برايفت امارنت : وين الناس حجّي ماتنشاف الا بالأعياد >_<