هذا سبب خسارة المنتخب السعودي

[cono]

هههههههههههههههههه من جدك انت ماجد عبدالله الزول يجي رئيس الرياضه

أنا بشوف إنه أفضل لاعب في تاريخ الكره العربيه

[... m r h m ...]

سبب خسارة السعوديه زايد..والاتحاديين..

اسفه لكل اتحادي..

بس الصراحه ماينزعل منها..

زايد ما يعرف يحرس..والاتحاديين في الدفاع ما عندهم ماعند جدتي..
بس في مباراة السعوديه اما تونس نور كان يلعب وكانت اخر مره يلعب فيها واول مره..

باكيتا لو يغير زايد نفوز..

اما الكلام الي تقوله فهو صح100%..

اما عن مباراة اسبانيا..
فانا اتوقع ان السعوديه ستبلي بلاء حسنا..
والدعيع بيكون بدل زايد..
والدفاع بيتحسن..
وبيحطون من بداية المباراة مهاجم مع ياسر..
ويلبسون جزم(اكرمكم الله) مناسبه للوضع الي هم فيه..


اشكرك على الموضوع..

[... m r h m ...]

لحظه لحظه..

السبب الاول والاخير في الهزيمه..

المكافأت الي صرفت والاعلام..

المكافأت الي صرفت تصرف لناس تأهلوا.. مفروض يقللونها شوي..مابي احسدهم بس اذا تاهلو للدور الثاني عطوهم الي يبوون..

اما الاعلام..
فزودها شوي وقام يمدح ويمدح لين استهانوا بالافرقه الي بتقابلهم لان تونس كانت قويه..
ومباراة اوكرانيا كانت درس وعقاب في نفس الوقت..

اما عن مستوى المنتخب السعودي في مباراة تونس ظهر بمستواه الحقيقي..او اقل بقليل..

في مباراة اوكرانيا..
كانت نفسه مسدوده..ماوده يلعب..

بس فيه شيء قاهرني..
ليش الناس يقولون يكفينا تأهلوا للمره الرابعه..

الافرقه الأوربيه الثانيه سبب نجاحها انها تنظر لمستواها في المونديال وليس قبله..
وهذا عيب في المنتخب بعد..
اتمنى يلتفتون له..

ترقبوا مستوى المنتخب غدا بإذن الله..

ولا راؤول ولا عشره من امثاله بيكسرون المنتخب..

ومعك يالاخضر لو تنصك بثمانيه..

الله معك..

وان شاء الله بتشرف الكره السعوديه والخليجيه والعربيه..

يا اسبان..
انتظروا المفاجأه..
والثمانيه في ظهوركم..
قابلوني بكره..<<الله يعينك..

[بو ضاري]

منتخبنا يكون في أفضل حالاته ضد العرب مثل مصر و الكويت و تونس و المغرب و هلم جر

لكن أمام المنتخبات الأوروبية فهو يلعب كما تعلب المنتخبات العربية ضده
.
.
.
.
.
.
و عليه أتمنى أن يشارك المنتخب السعودي
أمام المنتخبات العربية بالرديف أو حتى بالألومبي
.
.
.
.
أما المنتخب الأول فيفرغ تماماً لمواجهة الدول الأوروبية
حتى لو خسر بالعشرة المهم أن تزول الرهبية من المنتخبات الأوروبية
حتى نرى مشاركة رائعة في كأس العالم القادمة
.
.
.
.
.

.

كلنا بالهواء سوى وكل الفرق الخليجية بنفس المستوى او متقاربة هذي حقيقة ماتقدر تنكرها..

خل عنك التقاييم..اتكلم عن المستوى..

تقولي رديف يباري العرب؟؟ لا يااخي انتوا تبون سداسية والا خماسية من العرب او من مصر او

تونس او المغرب بعد...

والاول يباري الفرق الاوربية..ياسلام سداسية وخماسية من الطرفين

العربي الشقيق

والاوروبي المحترف

يااخي انتوا اختاروا تشكيلة سنعة وثابته للمنتخب ذيج الساعة تكلموا برديف والا بدونه !!

للحين اتحادكم عايش على تفضيلات بين لاعبين فريق على لاعبين فريق معين ...

لو على سالفة انه الافضلية للتأهل يجعل المنتخب الافضل بين منتخباته المجاورة

لكانت اسكتلندا الافضل بين دولها المجاورة لتأهلها المتوالي حتى كاس العالم 98

...

عامل الحظ يلعب أحياناً بالتأهل لكأس العالم..والا توغو متساوية بالنقاط مع نيجيريا لكن عامل فرق

الاهداف كان الفرق..هل توغو افضل من نيجيريا حالياً؟..

ولو انه فرق الخليج ادنى مستوى من السعودية وايران مثلاً...

كان اكتفيتوا بالفرجة لكأس العالم 2002 والفضل كان لله ثم للبحرينين بعد فوزهم على ايران 3-1 ..

والا لو ايران فايزه على البحرين ..جان ماتأهلتوا ..

تقييم الفريق استناداً على انه تأهل ومقارنته مع فريق لم يتأهل مقارنة مضحكة..


وبالتأهل لكاس العالم هذا مانفعكم الا سامي الجابر..المنتخب السعودي في بداية اول مباراتين

بالتصفيات

كان منتخب ركيك ، يتعادل مع اوزباكستان والكويت ولكن بعد سامي فاز على كوريا والكويت

واوزباكستان !

سامي له دور مؤثر بالفريق..واعتقد هالشيء بان في الربع الساعة الاخيرة بين تونس والسعودية

والله يعينكم بعد اعتزاله ..كيف راح تتأهلون..

خلاص جيل الشباب اللي جابلكم كاس العالم للشباب انتهى..

كلي شوق بعد كأس العالم بمتابعة كأس الخليج القادمة بابوظبي..

بشوف جيل الكرة السعودي الجديد

[ShRsHr]

والله ياجماعه سالفه مو سالفة مطر ولا سالفة خوف ولا هم يحزنون

انا الي ملاحظه ان منتخب سعوديه مايطلع حرته الا على المنتخبات العربيه ومع المنتخبات الاجنبيه
يخق ويرجع مستواه

والله يوم شفت مبارتهم مع منتخب تونس طرت من الفرحه لمن شفت سامي دخل الهدف وكنت اشجع سعوديه بس يوم شفت تونس وشلون لعبت مع اسبانيه قلت ياااااااااااااليت فايزه على سعوديه لاني شفت اصرار وعزيمه فرق عن لاعبي سعوديه مع اوكرانيا

الحين اوكرانيا خسرانه من اسبانيه 4 0 وتفوز على سعوديه 4 0
الله يستر اليوم بشوف المباره وبقعد اضحك بنشوف الدعيع والحارس الي تقولون سبب الخساره
شيبي يسوي جدام فرناندو تورس وديفيد فيا هذا اذا لعبو الاساسين اتوقع نتيجه 10-0

واذا الاحتياط اكيد مو اقل من 5-0

الله يستر على الي تقولون عنه على الاقل متاهل 4 مرات اي متاهل 4 مرات ماقلنا شي بس مو يدش ويطلع وهو مابيده شي او مايطلع مواجهه شريفه شوفو ساحل العاج سوت مع الارجنتين وهولنده واهي اول مره تتاهل اتحداكم اذا قارنتوه بلعب سعوديه

والله يعين على مبارة اليوم

[ReD_EyeS]

كلنا بالهواء سوى وكل الفرق الخليجية بنفس المستوى او متقاربة هذي حقيقة ماتقدر تنكرها..

خل عنك التقاييم..اتكلم عن المستوى..

تقولي رديف يباري العرب؟؟ لا يااخي انتوا تبون سداسية والا خماسية من العرب او من مصر او

تونس او المغرب بعد...

والاول يباري الفرق الاوربية..ياسلام سداسية وخماسية من الطرفين

العربي الشقيق

والاوروبي المحترف

يااخي انتوا اختاروا تشكيلة سنعة وثابته للمنتخب ذيج الساعة تكلموا برديف والا بدونه !!

للحين اتحادكم عايش على تفضيلات بين لاعبين فريق على لاعبين فريق معين ...

لو على سالفة انه الافضلية للتأهل يجعل المنتخب الافضل بين منتخباته المجاورة

لكانت اسكتلندا الافضل بين دولها المجاورة لتأهلها المتوالي حتى كاس العالم 98

...

عامل الحظ يلعب أحياناً بالتأهل لكأس العالم..والا توغو متساوية بالنقاط مع نيجيريا لكن عامل فرق

الاهداف كان الفرق..هل توغو افضل من نيجيريا حالياً؟..

ولو انه فرق الخليج ادنى مستوى من السعودية وايران مثلاً...

كان اكتفيتوا بالفرجة لكأس العالم 2002 والفضل كان لله ثم للبحرينين بعد فوزهم على ايران 3-1 ..

والا لو ايران فايزه على البحرين ..جان ماتأهلتوا ..

تقييم الفريق استناداً على انه تأهل ومقارنته مع فريق لم يتأهل مقارنة مضحكة..


وبالتأهل لكاس العالم هذا مانفعكم الا سامي الجابر..المنتخب السعودي في بداية اول مباراتين

بالتصفيات

كان منتخب ركيك ، يتعادل مع اوزباكستان والكويت ولكن بعد سامي فاز على كوريا والكويت

واوزباكستان !

سامي له دور مؤثر بالفريق..واعتقد هالشيء بان في الربع الساعة الاخيرة بين تونس والسعودية

والله يعينكم بعد اعتزاله ..كيف راح تتأهلون..

خلاص جيل الشباب اللي جابلكم كاس العالم للشباب انتهى..

كلي شوق بعد كأس العالم بمتابعة كأس الخليج القادمة بابوظبي..

بشوف جيل الكرة السعودي الجديد

بو ضاري
أنت ما فهمتني
منتخب الرديف أو الشباب بحتكاكه مع منتخبات دول الخليج و الدول العربية الأولى
سيكتسب الخبرة و عدم الرهبة من الكبار بحكم أنهم رديف أو حتى شباب
.
.
.
.
و على ضوء نتاج الرديف أو الألومبي أو الشباب سينشأ منتخب أول قادر
على مقارعة المنتخبات الأوروبية لكن ينقصه الإحترافية في اللعب
و التي سوف يكتسبها من خلال إحتكاكه معهم من خلال المباريات
الودية أو البطولات الشرفية و التي تجمع أقوى الفرق الأوروبية
.
.
.
.
و خلينا نخسر سنوات لكن سنبقى أقوياء على مدى طويل
.
.
.
.
فهمت قصدي؟
.
.
.
.

[بو ضاري]

ريد ايز

بشكل عام بدون لا اخص السعودية او الكويت او اي دولة ثانية

أسباب فشل منتخباتنا..

1.تركيزها التام على الاول وكأن مافي في الديرة الا هذول اللي يلعبون كرة قدم !!

2.المنتخبات العربية والخليجية هي عدم اهتمامها بالرديف والشباب ..وهالشيء
بمثابة الوريد للمنتخب ..أوكي عندك لاعب عمره 20 بس هداف..بس ماعنده فرصة يلعب بالمنتخب
لتوافر المهاجمين...ياخي لا تقطه بره التشكيلة خله يلعب مع الرديف - الشباب ..
يعنى عندك هولندا عندهم هنتلر هداف الدوري الهولندي..ماحبطوه وقالوا يالله اذلف ماراح تشارك بكاس العالم..شركوه بكاس اوروبا تحت 21 وفوزهم فيه !!


3.عدم تفكيرهم بالمستقبل البعيد..
وعدم توفر الحوافز للشباب ..فتلقاهم يامسنترين يلعبون بلي ستيشن
او شييشه .. او يروحون بخرايطها بمخدرات والا شي من هالقبيل..
عندك اليابان قبل ندقهم بالسته والسبعه والحين بعد سنين صاروا اقوى منتخب باسيا
ودخلولوهم هدف في مرمى البرازيل..
قولي منتخب عربي دخل هدف على البرزيل..مافيه؟

[ReD_EyeS]

طيب هذا اللي قلته أنا من البداية
إعطاء الفرصة للشباب لكن بشكل أكبر
و ذلك بمواجهة منتخبات تلعب بالمنتخب الأول (لكن من الفئة العربية أو الآسيوية)
و إذا كبروا ينقلون إلى المنتخب الأول لمواجهة منتخباب أوربية لكسب الإحترافية في اللعب
بختصار نفس الخطط التي أتبعتها اليابان لكن اليابان إقتصرت في البداية
على البرازيل
.
.
.
.
.
.
.
.
.
.

قولي منتخب عربي دخل هدف على البرزيل..مافيه؟

إلا فيه منتخب السعودية ضد البرازيل في بطولة القارات
جابوا قولين عن طريق مرزوق العتيبي

.
.
.
.
.
.
.
.
.
.

[بو ضاري]

إلا فيه منتخب السعودية ضد البرازيل في بطولة القارات
جابوا قولين عن طريق مرزوق العتيبي

صج؟ هذا وينه الحين مايلعب؟

على طاري اليابان يااخي حتى سوولهم مسلسل كرتوني عشان يحفزونهم للكره

اسمه كابتن ماجد ..

عموماً ريد ايز تشرفت بمناقشتك ^^

[ReD_EyeS]

صج؟ هذا وينه الحين مايلعب؟

خرب لعبه من بعد الملاايين

.
.
.
.

على طاري اليابان يااخي حتى سوولهم مسلسل كرتوني عشان يحفزونهم للكره

اسمه كابتن ماجد ..

فكرتي من الأساس مقتبسه من هالمسلسل بس لا تعلم أحد

.
.
.
.
.

عموماً ريد ايز تشرفت بمناقشتك ^^

هذا بس من ذوقك الله يسلمك.
.
.
.
.
.
.
.

[أبومعاذ السلفي]

السلام عليكم
إخواني ما في داعي نقعد نرمي اللوم على أحد معين
المفروض ننسى إلي صار ونعمل للمستقبل
وهذا هو أهم أسباب فشل المنتخبات العربية
مع السلامة

[... m r h m ...]

النتيجه 1-0 مبروك زايد اعجبني اليوم بس مو مره لو انه الدعيع كان ولا هدف..

لانه في الهدف كان واقف يتفرج على الكوره..ماتحرك..

وبعدين السعوديه ماتحط حرتها على المنتخبات العربيه بس..

لا والله شوفوا وش سوت لاسبانيا..

وراؤول الي كنا خايفين منه..ماسوا شيء..

المدرب قال بنفوز بالاحتياط..

لكنه في الشوط الثاني بدا يدخل الاساسيين..خاف الولد..

اداء السعوديه حلو مع العرب والاجانب بس في مره قهروني
مع اوكرانيا..

ماناموا زين الشباب..

رحل سامي وجا وراه ياسر..والشلهوب..ومالك..حسين..وغيرهم كثيرين..

لكن مابيوصلون مستوى سامي الذيب..

لانه خبره ويمديه يلعب في كذا مكان..

لكن يالله ان شاء الله يرفعون روسنا في المبارايات القادمه وفي المونديالات القادمه..

[hardmetal]

السلام عليكم,

يجب علينا ان ننظر الى المستويات السيئة التي اصبح يقدمها المنتخب خلال السنوات الاخيرة والتي اتت عقب وفاة الامير فيصل بن فهد رحمه الله حيث ان هذا الرجل, على الرغم من مساوئه, لم يكن يرضى بالمهاترات ولم يكن ليدع الامر بيد الغير. فالامير سلطان بن فهد للاسف لم ينجح مع المنتخب السعودي وذلك لافتقاده الى ماكان يمتلكه الامير فيصل من حزم ومن شدة تجعل من الاخرين يحترمون العمل الذي يقدمونه.

ارى بان ينصب الامير نواف بن فيصل رئيس للاتحاد السعودي والمسؤول الاول على المنتخبات السعودية بفئاتها العمرية المختلفة على ان يكون للاعبين السعودين القدامى لمثال ماجد عبدالله وفؤاد انور وغيرهم اليد الطولى في قراءة مستقبل الكرة وتحديد نواقصها والعمل على تطويرها بحكم خبرتهم الطويلة والمشهودة لها بالنجاح من قبل الجميع.

حينها, سنرى المنتخب بشكل مختلف وللافضل بالطبع لكن في حدود المعقول والمنطق.

عموماً, شكراً

[ADRIANOOOO 10]

ياناس انتم متى تقتنعون ان منتخبنا فاشل
حدة (اوزباكستان تركمانستان طاجستان) وانت ماشي
واحد يقول بنفوز على اكرانيا
والثاني يقول ماراح ننهزم من فريق لقم 4 اهداف
وواحد يقول فريقنا عالمي عشان تعادلنا مع تونس

ترى على فكرة السعودية يقال انها لعبت زين
ترى تونس هي الي مالعبت زين
هنا الفرق
وعالم كثيرين مستانسين بالتعادل واغاني وزحمة وهباب واجد
ليش تراهـ تعادل !
تكلمهم تقولهم ليش فرحانين يقولك والله اللاعبين ابطال
نفسية اللاعب تحسنت بعد عام 2002
الله يالدنيا بلد فية 20 مليون
مافي الا 12 لاعب فقط عشان اخذهم المنتخب !!!!
والمشكلة 8 من عام 2002 موجدون في عام 2006 !!
مافي احد يعرف يلعب في السعودية الا هذولا الـ 8 ؟

وين الباقين وين لاعبين ابطال كأس دوري خادم الحرمين الشريفين
يكرفون سنة كاملة عشان يمثلون المنتخب
واخرتها في فريق ثاني
لاعب من بداية الموسم مصاب
ونهاية الموسم تزول الاصابة ومايدري الا تذكرة المانيا في يدة !!
مجاملات المجاملات ياحسام

اهـ بس لو رئيس الاتحاد السعودي عبدالرحمن بن سعود الله يرحمة
اذا مارجعهم خط من المانيا الي الرياض
انا ما اعرف شي في الكورة

هذولا مايحتاجون دلع يحتاجون عقال على ضهورهم
مثل ماسوى فيهم فيصل بن فهد

لاكن الاعب حاليا مايفكر بـ المنتخب ابد

*****
بجيب مثال وبتقتنعون فية

انت لو جاك ابوك وقالك ياولدي اذا نجحت هذي السنة بشتريلك سيارة
حلو
حلو
وانت عارف ان ابوك طيب وكريم
فـ اكيد خليار %
ماراح تشد حيلك في الدراسة ابد
تقول عادي حتى اذا سقطت
في دور ثاني وانجح وبيشترلي السيارة

*****
نفس الحكاية الي سايرة مع المنتخب
الحكومة قالت اذا فزتو 100 لكل لاعب
واللاعب طبعا عارف حتى اذا تعادل راح تجية الـ 100 الف
ليش يشد حيلة !!!
يعني بالعقل كيف نتأهل للدور الثاني
$$$$
اخ لو يسلموني المنتخب يوم واحد بس
اقولهم تنهزمون اخصم منكم 50 الف
تفوزون هذا انجاز لكم وللوطن وابشرو بالشرهات حدود 5 الي 10 الاف فقط لا غير
وشوف كيف الابداع يوم يدري اللاعب ان راح يلعب على حلالة
قسم بالله يحرث ام الملعب حرث الأسود


على العموم الي يهمة المنتخب زين
يشوفه بعد 12 سنة من الان يعني
يشوفة في كاس العالم 2018 اذا تأهلنا بعد استراليا موجودة
لسبب واحد ممكن وهي البنية الأساسية
وهي
الأكادميات الي توها مفتتحة في السعوديـــــــــــــة

((((((((سلام يابرازيل العالم بالمقلوب )))))))

[خبير هيوماكس]

النتيجه 1-0 مبروك زايد اعجبني اليوم بس مو مره لو انه الدعيع كان ولا هدف..

لانه في الهدف كان واقف يتفرج على الكوره..ماتحرك..

وبعدين السعوديه ماتحط حرتها على المنتخبات العربيه بس..

لا والله شوفوا وش سوت لاسبانيا..

وراؤول الي كنا خايفين منه..ماسوا شيء..

المدرب قال بنفوز بالاحتياط..

لكنه في الشوط الثاني بدا يدخل الاساسيين..خاف الولد..

اداء السعوديه حلو مع العرب والاجانب بس في مره قهروني
مع اوكرانيا..

ماناموا زين الشباب..

رحل سامي وجا وراه ياسر..والشلهوب..ومالك..حسين..وغيرهم كثيرين..

لكن مابيوصلون مستوى سامي الذيب..

لانه خبره ويمديه يلعب في كذا مكان..

لكن يالله ان شاء الله يرفعون روسنا في المبارايات القادمه وفي المونديالات القادمه..

والله مضيع اسبانيا اليوم الا المدرب المغرور لو انهم محترمهم قبل المباراة كان والله بيفوز الاسبان علينا فوق ال 8
الكل لاحظ لمنتخب اسبانيا في بداية الشوط الثاني الكل يظن ان المنتخب السعودي لعب زين الصحيحان اسبانيا اصاب لاعبينهم توتر لان المدرب المغرور وتر اللاعبين بتصريحه واصبحوا مع مرور الوقت يبغون يجيبون اهداف اكثر وها سبب تراجع اداء منتخب اسبانيا في الشوط الثاني
اقول للاخضر سبب احمدوا ربكم انك ماطلعتم في مجموعة البرازيل ولا اكلترا او المانيا