ميلس منتدى الألعاب العام -- اجازة صيفيه كشخه ووناسه

[ODIN]

شباااب شخباركم اشتقتلكم !!


انا غطست بالاسبوعين الماضيين بتقديم دورة والحمدلله طلعت بأحلى ما يكون والان انتهيت من تقديمها باركولي


الحمدلله الدورة كانت رهيبه والمتدربين الي دربتهم حماااااس ورهيبين .. كانوا 9 شباب و 15 فتاة تقريبا

قدمتها على اربع ايام .. عن التصميم الداخلي + تنمية الذوق الابداعي


ما توقعت بيصير كل هذا التفاعل والنجاح الحمدلله وفيه معاهد ثانيه الان ودهم اقدمها عندهم بعد

الدورة قدمتها بمبنى جريدة اليوم تبع قسم التطوير عندهم .. والحمدلله مرة انبسطوا عليها

[Black Rash]

انا غطست بالاسبوعين الماضيين بتقديم دورة والحمدلله طلعت بأحلى ما يكون والان انتهيت من تقديمها باركولي


الحمدلله الدورة كانت رهيبه والمتدربين الي دربتهم حماااااس ورهيبين .. كانوا 9 شباب و 15 فتاة تقريبا

قدمتها على اربع ايام .. عن التصميم الداخلي + تنمية الذوق الابداعي


ما توقعت بيصير كل هذا التفاعل والنجاح الحمدلله وفيه معاهد ثانيه الان ودهم اقدمها عندهم بعد

الدورة قدمتها بمبنى جريدة اليوم تبع قسم التطوير عندهم .. والحمدلله مرة انبسطوا عليها

مادري وش تقول بس....مبرووووووووووووووووووووووووك....

الله يوفقك لما يحب ويرضى....

والله يوفقك ان شاء الله وتوصل لاعلى المراتب.....قولوا امين

[القــعـقـاع]

الله يعين اخواننا الفلسطينيين...ما يدرون من وين يحصونها...

الكترو:

تسلم و الله..العملية كانت الثلاثاء..و الحين بعد العملية بيومين اقدر اقول لك لا عاد تتكلم على رونالدو كلام شين

جته الاصابة مرتين و رجع يلعب...و الله انه بطل

الموهوب، روري، عيون المها، انسان:

جزاكم الله خير

[الموهوب]

يامجرم يا إي_ماد

شوّهت سمعة القصمان

شف هالنص

المو هوب:
بلاك مو حاسّ بالمعاناة ×_×
المو هوب:
انت لو في مكاني خلصت في 5 ثواني
المو هوب:
ماشاء الله لاتخاف .
كيف الحال :
هههههههههههه
كيف الحال:
لا عادي انت مب من القصيم , عينك بارده

طبعا ً كنا نسولف عن سرعة النت

ً كيف الحال اسم الشخص الذي يقطن في الأمارات الشقيقه , وصلت معاك الى الامارات .. يا إلهي

[Angel whisper]

الحمدلله على السلامه قعقاع

ومبروك للي خلصو امتحاناتهم ونجحو ..

[Mada Mada Dane]

ماشاء الله عليك يابدر .. الله يوفقك وشد حيلك وارفع راس شباب المنتدى

واسالني ياخي اخوف شئ لما تقدم شئ وتخاف ان المجهور مايتفاعل, مريت فيها انا بامريكا ..

طلبوا مني القى كلمة على حول 100 شخص من مدراء وشخصيات مهمة بالجامعة وطلاب, بـ فندق الماريوت ...
وطلبوا مني اجي ببدلة رسمية تكسيدو وكرفته .. وللاسف ماكان عندي وكان رصيدي قليل ماعندي فلوس .. فجات ببالي فكرة ..

رحت صلاة الجمعة, وابدل هناك والبس ثوب وشماغ واروح الفندق مشي وحولي جيش من العرب, ودخلت الفندق واستانسوا مره على اني جيت بهالزي وتحمسوا .. وطلعت والقيت الكلمة الحمدلله وبالفعل كانت حلوه .. كنت انكت والجمهور يضحك ومتحمس وكلها بالانجليزي .. والحمدلله رفعت الراس ولما خلصت صار اسمي معروف عند " مدير القبول بالجامعة " وعلى طول بايام قليلة لما رحت له جاني القبول بالقسم الي ابيه وبالوقت الي ابيه بالجامعة

كان فلة وحماس حاس بشعورك لول, ناس كثار جاوا هنوني على الخطاب بالفندق و برا الفندق من الي اعرفهم ..

[ODIN]

الله يباركم فيكم راشد وخالد مدير القبول ويعطيكم العافيه

[Master ArNab]

القعقاع ..... الحمدلله على السلامه

مادا مادا .... تعجبني ماشاء الله عليك

أودن ......... مبرووووك
عصفور ..... مبروك النتيجة , ماشاء الله
سنيك أيز ... الأنمي بس 13 حلقه وفيه ميتل وهارد رووك


قبل كم يوم نزلت نسخة الديفيدي للمسلسل Seven Swordsmen من الناشر


الفلم كان له توقعات عالية , بس خيب الأمال بسبب التشتت وكثرة الشخصيات في فلم مدته ما تتجاوز الثلاث ساعات وصعوبة ضغط القصه في هالوقت
وفيه جزء ثاني للفلم .. بعده في مرحلة الإنتاج
اللحين السبب الرئيسي هو إنه قصة Seven Swordsmen يبيلها مسلسل وهذا اللي حصل
والمسلسل عليه كلام ونزل قبل كم يوم

صوره أكبر للبوكس من الأمام والخلف
http://masterarnab.jeeran.com/SevenSwordsMen1-1.jpg
http://masterarnab.jeeran.com/SevenSwordsMen1-2.jpg

تحرير:
سنيك أيز .. بلاك هيفين من الأنميات القليله اللي الE dub يكون أحسن بكثير من الياباني , فأنصحك تشوفه بالإنجليزي

[Angel whisper]

I'm bored .. BORED ..
This week sucked ..
mmm ~_~
*goes back to playing with her fofoshop*

[Yamato]

ثريول (اسف ما انتبهت لك) وارنب..
الله يبارك فيكم وعقبالكم

عصفور
مبروك يا ولد... فرحانين لك أوي أوي..
بس ما قدرت ادش واشوف درجاتك.. يباله رقم الجلوس

شهر مارس..
كم نسبتك... ما عليه محد بيضحك..
انا كانت نسبتي 79.3%... ما فيها شي.. هذا نصيب الواحد


القعقاع..
الف حمدلله عالسلامة.. وان شاء الله تقوم بالسلامة وترجع تركض زي الجاغوار.. وتحش اللي حشك.. وبعد ما تحشه تقوله له نفس اللي قالك..


المهم..
احس اني فقدت شهيتي للانمي والمانغا -___-
حتى اني بديت انزل افلام امريكية وبرامج وثائقية.. -_______-!


عماد الدين كوكو..
برنامج روبوت شيكن.. ما نزل له حلقات جديدة.. اخر شي كان الحلقة التاسعة.. ما شفت شي جديد
اضافة انا انزلهم من ميني نوفا اللي انت عطيتني اياهم.. في بعضهم مخصص حق الاي بود.. بس مش قادر افتحهم.. عليهم باسوورد


اودين..
انا من زمان اقول انه لك مستقبل باهر..
بس لا تقلبها وتفتح لك مذهب جديد

وشو الاخبار كمان يا كبابز

[Angel whisper]

الحمدلله ان مارشوه دش الماسنجر ويالس يسولف ويايه .. ولا جان صدق وسوست T___T
اكره الويك اندز T__T

[Marche]

عصفور
مبروك يا ولد... فرحانين لك أوي أوي..
بس ما قدرت ادش واشوف درجاتك.. يباله رقم الجلوس

بطرش لك رقم الجلوس في الخاص لأنهم يحطون الاسم و يمكن هو ما يبغي الناس يعرفون اسمه @@

شهر مارس..
كم نسبتك... ما عليه محد بيضحك..
انا كانت نسبتي 79.3%... ما فيها شي.. هذا نصيب الواحد

أخس عنك بوايد^^

[Yamato]

مارس..
عصفور ما يستحي.. عادي الناس تشوف اسمه

ونسبتك اخس عن نسبتي..
عادي.. نصيب وصار يا فتى

[NsaN]

ياخي حاس ان مزاجي رايق بزيادة اليوم...
حتى مرمس واحد من الشباب..و كل شوي يضحك..اقوله بلاك؟
يقولي هب متعود عليك و انت رايق

لهالدرجة العادة انا كئيب عالتيلفون؟

حبيب البي من جوه ياماتو

تصدق نفس حالتك..بس انا مع الـVideo Games..
مووول مالي خاطر العب..مع ان عندي وايد العاب لازم اخلصهن..

الفترة الاخيرة All I Do Is Watch Monster..
A Masterpiece..

[Yamato]

انسان..
انا لا قعدت اطالع انمي ولا مانغا.. مع اني منزل الكثير هالاسبوعين اللي طافوا..
وكمان الجيمز ما لمست الا الكورة بس علشان العب مع اخوي وكم واحد من الشباب

حتى لعبة ميتل جير عالبي اس بي بعدني ما شغلتها..

يعني احس انه صاير عندي تحول في الميول.. وتمحور في التمركز..

يعني بالله عليك.. كم واحد يقعد ينزل برامج البي بي سي