~ساحة نقاش لـGundam 00~

[*Ran*]

ShinGundam

ذوقج ممتاز ^_~ !

أخجلت تواضعنا

إي نعم هو كوورديناتور و بس أقول تعرفين شنو الفرق بين كوورديناتور و ناتشرلز ؟

امممم ... اللي فاهمته .. إنه الناتشرلز .. هم الناس الطبيعيين .. لكن الكوردينيتورز هم اللي صار فيهم تلابع بجيناتهم .. ويكونون أذكى وأمهر من الناس الطبيعيين .. والكوردينيتور يحتقرون الناتشرلز لأنهم يشوفون نفسهم أعلى مرتية من الناتشرلز ... صح ؟؟ ... كيرا كوردينيور من الجيل الأول يعني أمه وابوه ناتشرلز .. هذا اللي فهمته من الحلقات اللي شفته للحين ( وصلت الحلقة الخامسة )

إذا في أي مصطلح مو فاهمته لا تترددي في سؤال ؟ و صح الشلون الـOST ^_^

للحين كل شي تمام .. بس اللي باط جبدي إنه لكل جاندام اسم .. أنا مو قادرة أحفظ أساميهم +_+ .. بس أعرف اسم الجاندام اللي يقوده كيرا .. أعتقد اسمه Strike ... على طاري كيرا .. الجاندام اللي عند تحالف الأرض ( ستريك ) غير عن باقي الجاندامز ولا كلهم بنفس القوة ؟
وعن الـ OST ... عجيب .. وعجبني حيل .. صج يعتبر من أفضل ماسمعت ^^

يتبع >>>

[ShinGundam]

السلام عليكم

~ Relena

اوكي بس هذا يعتبر اسمك هنا,فانا اقصد لقب اضافي
اما توكيتا هذا الله يستر منه بس

صراحة لازم ننطر على القصة شوي لأن لتو نزل تشابتر الأول

مو انمي هذا دعايه
شي غريب والله توقعته عالاقل 15 حلقه

أدري مثل المدعو بـGundam Evolve بس على الأقل سووا شي و إن شاء الله يكملون
إحسانهم

~ شبح الأربيجي

ما في زيتا؟؟
يالله
خيرها في غيرها
نكزر بجاندام غيرها

إي نعم لأن اللعبة راح تركز على One year war و شغله بس أحلى شي إذا كان سوالف
Missions راح يكون أحلى ^^

---------------------------------------------------------------------------------------------------

>>>>>>>>Video Clip -from NHK Channel Gundam Otaku <<<<<<<<

تعليق : شكلها عائلة Otakus و لا شرايكم ؟
---------------------------------------------------------------------------------------------------

[*Ran*]

**Relena**
أهلين رلوووونا ^^

السموحة قلبي عالرد المتأخر,كل ما اكتب رد ينمسح ويطلع المنتدى متوقف لـ5 دقائق,فتنرفزت ومارجعت اكتب مرة ثانيه

مسموحة .. هالمنتدى يبط الجبد .. ياما صارت لي هالحالة .. بس أنا ما أقطع يوم يومين .. أقطع شهر شهرين ( زعلي صعب ) .. لوووول

وابشرك انا بشوف سيد معاك الحين عشان نتناقش صح

واااااو ... وناسة .. جذي أحسن .. على الأقل أحد يتابعه معاي .. ثانكس رلوونا ^^

مممممممم تقصدين RahXephon ؟

اي هو بعينه ^^
شوفيه .. صدقيني حلو وايد .. لا يطوفج .. صج ماستر بيس .. أي شخص مهتم بالانمي الراقي والمميز لازم يشوفه ^^... شخصيات رائعة .. وتصميم مميز .. وأحداث جميلة .. وقصمة مبتكرة جداً .. وغموض لا يعلى عليه ( كل شي موجود ^^ )
ماراح أتكلم عن الحلقة الرابعة والخامسة ألحين .. بروح أشوف السادسة وبعدين إناقشهم كلهم مرة وحدة

[**Relena**]

السلام عليكم ورحمة الله

ShinGundam

صراحة لازم ننطر على القصة شوي لأن لتو نزل تشابتر الأول

مممممم تصدق عاد,انا ما اهتميت بالـAstray ولا فكرت حتى اتابعها
لكن نجرب ليه لا,عموما توكيتا هذا لايكثر من حركاته اللي فوق,ويصير خير

أدري مثل المدعو بـGundam Evolve

ماحصل لي شرف مقابلته والله ,بس دامه مثل صاحبه 5 دقائق وبس,فمستغنيه ما ابغى

بس على الأقل سووا شي و إن شاء الله يكملون
إحسانهم

ايه مرة سووا شي,حتى الدعايه احسن بكثير من ناحيه المستوى,ودام هذا احسانهم فما نبغاهم يكملون

>>>>>>>>Video Clip -from NHK Channel Gundam Otaku <<<<<<<<

تعليق : شكلها عائلة Otakus و لا شرايكم ؟

الموقع محظور عندي ><

----------------------------------

على فكرة من شاف الفلم الاول ؟

[**Relena**]

Ran-Chan

مساء الخير رنو ^.^

أهلين رلوووونا ^^

ياهلا ومرحبا بك رنووووو,شخبارك ؟^^

مسموحة .. هالمنتدى يبط الجبد .. ياما صارت لي هالحالة .. بس أنا ما أقطع يوم يومين .. أقطع شهر شهرين ( زعلي صعب ) .. لوووول

تسلمين والله,يسعدني انه فيه احد يفهم الحاله السيكلوجيه اللي امر بها لما يوقف المنتدى وارسل رد,خاطري اكسر جهازي ذاك الوقت بس لما افكر اقول الجهاز ماله ذنب,ربك كريم حبيبتي
لوووووووووووووول الله لايجيب الزعل ان شاء الله وبعدين انا ماصدقت تصير معاي بنت تحب SEED مثلي تقومين تقطعين شهر شهرين؟ لا حرام عليك لاتسوينها

واااااو ... وناسة .. جذي أحسن .. على الأقل أحد يتابعه معاي .. ثانكس رلوونا ^^

نعم نعم قمة الوناسة,انا مستانسة أكثر منك ^-^
العفو قلبي ماسويت شي
انا وصلت للحلقه الرابعة الحين,قريب بخلص الخامسة والسادسه عشان نتناقش فيهم

ي هو بعينه ^^
شوفيه .. صدقيني حلو وايد .. لا يطوفج .. صج ماستر بيس .. أي شخص مهتم بالانمي الراقي والمميز لازم يشوفه ^^... شخصيات رائعة .. وتصميم مميز .. وأحداث جميلة .. وقصمة مبتكرة جداً .. وغموض لا يعلى عليه ( كل شي موجود ^^ )
ماراح أتكلم عن الحلقة الرابعة والخامسة ألحين .. بروح أشوف السادسة وبعدين إناقشهم كلهم مرة وحدة

انا جالسة اتابعه حاليا ومثل ماقلت لك وصلت للحلقه الرابعة,بس التحميل حده بطيء مع انه مفتوح 24 ساعة فعشان كذا تأخرت,انا مرة اعجبتني القصه احس اني في عالم ثاني غير واقعي ابدا,يعني شي خارج عن المألوف بشكل مو طبيعي ابدا,يارب اخلصه في اقرب وقت
بالنسبة للحلقات خذي راحتك تماما,انا ايضا بكمل للسادسه حتى نتناقش بالتفصيل الممل ^^

[ShinGundam]

~ Ran

امممم ... اللي فاهمته .. إنه الناتشرلز .. هم الناس الطبيعيين .. لكن الكوردينيتورز هم اللي صار فيهم تلابع بجيناتهم .. ويكونون أذكى وأمهر من الناس الطبيعيين .. والكوردينيتور يحتقرون الناتشرلز لأنهم يشوفون نفسهم أعلى مرتية من الناتشرلز ... صح ؟؟ ... كيرا كوردينيور من الجيل الأول يعني أمه وابوه ناتشرلز .. هذا اللي فهمته من الحلقات اللي شفته للحين ( وصلت الحلقة الخامسة )

تمام ^^

أعتقد اسمه Strike ... على طاري كيرا .. الجاندام اللي عند تحالف الأرض ( ستريك ) غير عن باقي الجاندامز ولا كلهم بنفس القوة ؟

كلهم نفس القوة و يعتبرون الجيل الأول للجاندام في ذاك العالم ، و آلي كيرا (سترايك ) ميزته
أنه Multi - Weapons و الله متى ما كان السيف مفيد إستعمله و متى ما إحتاج الى سرعة
ركب الطيارة على ظهرة و أسلحه خفيفة و هكذا ^^ ....

~ Relena

مممممم تصدق عاد,انا ما اهتميت بالـAstray ولا فكرت حتى اتابعها
لكن نجرب ليه لا,عموما توكيتا هذا لايكثر من حركاته اللي فوق,ويصير خير

شوفي Sunrise غبية إذا ما سوته أنمي على الأقل 13 حلقة

ماحصل لي شرف مقابلته والله ,بس دامه مثل صاحبه 5 دقائق وبس,فمستغنيه ما ابغى

على راحتج ^^

الموقع محظور عندي ><

مو مشكلة راح أشوف حل في وقت ثاني

و لي عودة

[Persona]

مشكووورر يا اخ شن على فلم
( انا ماعجبني الا لعبة فريدوم يبيلي اشتريها )
و
يا اخت ريلينا
مشكورة على الخبر
انا بعد اشوي بابدأ تنزيل فلم ( 1 جيجا )
وان شاء الله على ساعة 8-9 يكون بارز
( اليوم سهرة عليه )

[ShinGundam]

مشكووورر يا اخ شن على فلم
( انا ماعجبني الا لعبة فريدوم يبيلي اشتريها )

الي يضحك ان الأبو Otaku .... لا يبيله أحط لينك عند ساحة أميدا أما مجسم الي تقصده فأنا
أسميه الضحية !

يا اخت ريلينا
مشكورة على الخبر
انا بعد اشوي بابدأ تنزيل فلم ( 1 جيجا )
وان شاء الله على ساعة 8-9 يكون بارز
( اليوم سهرة عليه )

ترى القصة مركزة الحين بس لاحظت انهم غيروا الدبلجة عن المسلسل !!

إحم إحم ^_^ !

[

من DVD Special لـنوار حطوا صور مظللة لـMSs في قصة Stargazer :

Stargazer شكله غريب شكله فرعوني و مستقوي


Black Dagger هو MP أو Mass Production حاله من حال زاكو بس هذا مبين عليه شوي سبيشل

DSSD Astray راح نشوف آستري في OVA ^^ حدا تمام

سلاااااام ^^

[Persona]

سلام
كومبانوا
يعني
ذيله قاعدين يحسرونا او شنو؟؟
بس صور مظللة
مشكووووررر يا اخ شن على صور
ياله
اوكي شباب
باروح اشاهد فلم سبيشل
نشوفكم على خير

[UCHIHA_ITACHI]

السلام عليكم

ليش لما انا ما ادخل النقاش يصير قوي

المهم

تصاميم الجاندامز بستار جيزر روووعة

خصوصا ستارجيزر

وقفته تذكرني بالاوريجينال soulgain

اذا كنت تعرفه ^^

بس تصميمه مختلف عن باقي الجاندامز

شكله بيكون مصيبة

بس ترى مو كل الماس بروداكت حالهم من حال زاكو

عنده نو جاندام في منه ماس بروداكت

بس طبعا الاقوى الي عند آمورو الاصلي

بس اقول شن سمعت عن لعبة سينت سيا الجديدة على السوني2

شكلها بتكون حلوة بس لو يزودون الكومبوات

[*Ran*]

صباح الخير ^^ .. وصلت للحلقة الثامنة .. والصراحة الأحداث كل مالها وتحلو و كل شخصية قامت تبين اكثر .. عرفنا منو نحب ومنو نكره
قبل ما أبدأ بالنقاش .. عندي طلب ..
إذا عندكم أي موقع أقدر أنزل منه سيد مدبلج ( إذا كان متوفر )... لأني كل يوم أطالع لي حلقة من سيد قبل ما أنام ( اطالع بعين وحدة ^_+ ) وأركز بالرسم ويطوفني وايد من الترجمة .. فلو موجود سيد مدبلج إنقلش يكون وايد احسن .. على الأقل أطالع بدون ما أقعد أقرا ( يعني أشاهد أسمع وأستمتع فقط ) .. فبليز اللي عنده سايت يعطيني اياه ^^

احم احم احم .. يلا نبدأ نقاش .. ^^

الحلقة الرابعة :-

أول شي لما كيرا ياب الـ life pod اللي لقاه .. حسيت إنه أم شعر أشقر اللي ميتة وأعرف منو اهي راح تكون ماهم ^^ .. بس خابت آمالي +_+ .. Fllay كانت موجودة بالـ life pod ... وطلعت شخصية أساسية بالانمي .. انا حسبالي بس مشهد واحد وخلاص ..امممم ... ما أدري ليش مو راضية أبلعها .. باطة جبدي +_+ .. الله يعين sai عليها -_-
و Mwu la Flaga حده طيب وحبوب .. بس مافهمته خطته اللي حطها عدل ؟؟ .. أنا وين والخطط والمعارك وين +_+


الحلقة الخامسة :-

وايد عجبني اللي صار بين كيرا وآثرن .. كل واحد يحب الثاني ومايبي يأذيه .. بس بنفس الوقت هم ضد بعض ولازم يتواجهون وواحد فيهم ينتصر .. واااو .. وأحلى شي المشهد اللي كان بينهم وآثرن يسأل كيرا ليش هو ضدهم وهم من نوع واحد .. صج مشهد رائع ^^
كنت ببجي لما آثرن نقذ كير من هجوم ايزاك ( أعتقد ) .. وكان عذره إنه يبي ياخذ الغاندام .. كان يبي يبين إنه مو مهتم لكيرا بس يبي ياخذ الغاندام علشان مصلحة زافت ومصلحة الكوردينيتورز .. أحسه يحاول يقنع نفسه بهالكلام .. واااو .. مشاعر متشابكة ومعقدة .. تخلي المشاهد يحتار ويفكر بطرق مختلفة .. صج إبداع ^^
اممم .. لما راحو Artemis إرتحت .. قلت أخيراً بيرتاحون وأنا أرتاح بعد .. على الأقل عندهم الـ umbrella اللي بتحميهم .. لكن لما دخلوا وقاموا يفتشونهم ومادري شنو .. راحت الراحة مع الريح ^__+


الحلقة السادسة :-

ِِِArtemis مع هيليو بويلس في تحالف واحد .. ليش كانوا حقيرين معاهم وحاولو ياخذون أسلحتهم السرية (الأرك آنجل والغاندام) ؟؟ .. وحدهم ثقة إنه محد راح يقدر يهاجمهم مدام الـ umbrella موجودة وactivated ... اوكي حلو .. زين شلون إقدروا قوات زافت ( الغاندامز) يدخلون .. مافهمت ليش الـ artemis شالو الـ umbrella بعد ما إبعدوا قوات زافت .. حدهم أغبياء مايدرون إنه ممكن تكون خدعة .. الصراحة أنا مافهمت اللي صار عدل ؟؟
الحلقة كانت وايد حلوة .. وأعجبوني كل أفراد طاقم الأرك آنجل و شلون شغلو الآرك أنجل وإنحاشوا( حبايب قلبي ^^ ) .. بس حرام آرتيمس +_+ .. تدمرت كلها

- عندي شوية أسئلة توني أتذكرها ^^

1- مو شرط كل الكوردينيور يشتغلون مع Zaft ؟
2- شنو الـ Atlantic Alliance commad center ؟
3-وين راحو الناس اللي كانوا Heliopolis .. قصدي اللي نخشوا بالشلترز .. وهل كل هيليو بويلس تدمر ؟؟

أوكي بوقف هني وبروح أنام .. باجر أكمل

يتبع >>>

[ShinGundam]

السلام عليكم

~ شبح الار بي جي

ذيله قاعدين يحسرونا او شنو؟؟
بس صور مظللة

هيهيهيهيهي ...... كل شي في وقته حلو

--------------------------------------------------------------------------------------------
~ UCHIHA_ITACHI

تصاميم الجاندامز بستار جيزر روووعة

لأن كل مصممين CE يشاركون في تصاميم الـMSs ^^ على عكس ديستني الي إعتمد على
مصمم واحد فقط و هو Kunio Okawara توقع شنو أعماله Layzner كله
و First Gundam كله و بعض تصاميم الزيتا .... الخ ..... تصور turn a خمس مصممين
على إيش ما أدري ~_~

وقفته تذكرني بالاوريجينال soulgain

اذا كنت تعرفه ^^

بس تصميمه مختلف عن باقي الجاندامز

صج O_o .... إذا عندك الـArt-work حق الـSoulGain ضيفه في ردك الياي^_^
و بصراحة في عالم CE بشكل عام إستقبال تصاميم غير عن الجاندام على سبيل المثال ^_~

فينيتو @_@ تصميمه مو تصميم جاندام ! و للعلم ميزته أن ما عنده ولا سلاح بس عنده
هجمه وحده ...... نشر فايروس !! يوقف الموبيل سوت إذا OS ماله ضعيف !!!

شحقه نروح بعيد خنشوف زافت !
مثل ما تعرف جستس رقمه X09 و فريدوم X10 و بروفيدونس X13 ...أنزين وين X11 و X12
راح أحطلك X11 عشان لا تتعب مو زين لصحتك

لا تحاول تقنعني أن الراس كله راس جاندام عادي او حتى ما شفت في عالم الجاندام او ريل
آلي عنده 4 Legs بهالطريقة إلا في الـArmored Core فقط ..... على فكرة ترى طوله 35
متر فلا تحسبه صغير ! صح إسمه Regenerate يعني سوالف Regen في ألعاب الـRPG شكو !
يعني عنده الـN Jammer Canceler ^_~

و آخر واحد عشان أحطمك نفسياً في حال أنك ما تعرفه

عمرك شفت جاندام مجسم أو معضل و عنده سيف طوله 150 متر .... غير هذا لا

الأنميشن هو الأساس الأشياء الي تخرع تطلع بعدين ... المهم أنا معاك أن stargazer
راح يطلع شي بس شنو هو ما أدري ..... لازم ننطر 13 يوم حق الحلقة الأولى
على فكرة لو تلاحظ الى الأن ما اعلنو عن آليات الزافت يعني للحين في بعد ^^

بس ترى مو كل الماس بروداكت حالهم من حال زاكو
عنده نو جاندام في منه ماس بروداكت
بس طبعا الاقوى الي عند آمورو الاصلي

I Know حجي بس قصدي أنه من نفس نوع أو طقه ^^ ....

بس اقول شن سمعت عن لعبة سينت سيا الجديدة على السوني2

شكلها بتكون حلوة بس لو يزودون الكومبوات

لا ما سمعت بس أتمنى تكون شخصيات هادس موجودة^_~ !

------------------------------------------------------------------------------------
~ Ran

إذا عندكم أي موقع أقدر أنزل منه سيد مدبلج ( إذا كان متوفر )... لأني كل يوم أطالع لي حلقة من سيد قبل ما أنام ( اطالع بعين وحدة ^_+ ) وأركز بالرسم ويطوفني وايد من الترجمة .. فلو موجود سيد مدبلج إنقلش يكون وايد احسن .. على الأقل أطالع بدون ما أقعد أقرا ( يعني أشاهد أسمع وأستمتع فقط ) .. فبليز اللي عنده سايت يعطيني اياه ^^

أنصحج أن تنسيييييييييييييين فكرة الطالعين سييد مدبلج لأن فيه تحريف .... و إذا كانت الترجمة
تأذي فأنا أقولج الدبلجة مضرة للأذن +_+ أصوات تبط الجبد ... لكن الترجمتهم لنسخة اليابانية
زينة ^^ أحسن من نسخة هونغ كونغ

أول شي لما كيرا ياب الـ life pod اللي لقاه .. حسيت إنه أم شعر أشقر اللي ميتة وأعرف منو اهي راح تكون ماهم ^^ .. بس خابت آمالي +_+ .. Fllay كانت موجودة بالـ life pod ... وطلعت شخصية أساسية بالانمي .. انا حسبالي بس مشهد واحد وخلاص ..امممم ... ما أدري ليش مو راضية أبلعها .. باطة جبدي +_+ .. الله يعين sai عليها -_-
و Mwu la Flaga حده طيب وحبوب .. بس مافهمته خطته اللي حطها عدل ؟؟ .. أنا وين والخطط والمعارك وين +_+

Fllay شخصياتها أنانية صج الله يعين Sai عليها و ممكن تأذي ناس أما Mwu فحسب
ما أذكر ان خطته تحديد موقع السفين التي خرجت منها الغاندمات التحالف ثم تمويه ثم مباغته
قاتلة من مدفع الـArchangel !

وايد عجبني اللي صار بين كيرا وآثرن .. كل واحد يحب الثاني ومايبي يأذيه .. بس بنفس الوقت هم ضد بعض ولازم يتواجهون وواحد فيهم ينتصر .. واااو .. وأحلى شي المشهد اللي كان بينهم وآثرن يسأل كيرا ليش هو ضدهم وهم من نوع واحد .. صج مشهد رائع ^^

بالضبط حتى في مشهد سابق لو تذكرين راؤول لا كروسيت يقول حق آثران بكل برود إقتله
و لا راح يقتلك ! فالموقف صعب ... صعب تضحي بصديق ^^

ِِِArtemis مع هيليو بويلس في تحالف واحد .. ليش كانوا حقيرين معاهم وحاولو ياخذون أسلحتهم السرية (الأرك آنجل والغاندام) ؟؟ .. وحدهم ثقة إنه محد راح يقدر يهاجمهم مدام الـ umbrella موجودة وactivated ... اوكي حلو .. زين شلون إقدروا قوات زافت ( الغاندامز) يدخلون .. مافهمت ليش الـ artemis شالو الـ umbrella بعد ما إبعدوا قوات زافت .. حدهم أغبياء مايدرون إنه ممكن تكون خدعة .. الصراحة أنا مافهمت اللي صار عدل ؟؟

ما أذكر الي صار بضبط ... بس الزافت دزو الغاندام الأسود Blitz للمكان لأن ميزة وايد قوية
و هي الإختفاء و رادارات ما تلقطه لوقت محدود و منها تسلل و أوقف عمل الـumbrella ثم
أتى إيزاك و ديركا لإكمال الهجوم على الـartemis

1- مو شرط كل الكوردينيور يشتغلون مع Zaft ؟
2- شنو الـ Atlantic Alliance commad center ؟
3-وين راحو الناس اللي كانوا Heliopolis .. قصدي اللي نخشوا بالشلترز .. وهل كل هيليو بويلس تدمر ؟؟

1- إي نعم شرط أساسي أنه يكون كورديناتور
2- الله يسلمج العالم هناك يعتمد على التكتلات حتى تعيش الدول فتلقين حلف أطلسي و له مركز
قيادة في الأرض أعتقد في ألاسكا أو منطقة في أمريكا الشمالية شي جذي +_+ هي الـcommad center للحلف الأطلسي
3- إرجعوا لبلدهم ^^ ما أقدر أزيد بس حسب ما أذكر أن في ناس في الأرك إنجل صح و لا لاء ؟

[ShinGundam]

السلام عليكم

SEED DESTINY&Stargazer Updates ^^

قبل أمس نزل مجسم Legend 1/100 و يكون قياساته الأصلية مقسومة على 100 فيطلع
طوله تقريباً 19 cm بدون الشغل الي بظهره و شكل هذي الصور مأخوذه من أكيهابارا
لأن هي مركز تجمع و تسوق الـOtakus مع أن مو شرط !

>>>>>>>--------موقع لـصور مجسم Legend عادي غير مصبوغ ^^ ---------<<<<<<

-------------------------
و مجسم 144/1 Noir نزل في نفس اليوم ^^ ! و يكون قياساته الأصلية مقسومة على 144 فيطلع
طوله تقريبا 13~15 cm و غالباً ما يتميز 144/1 بالبساطة و بعيد عن التعقيد !

>>>>>>>--------موقع لـصور مجسم Noir وأعتقد أنه غير مصبوغ فقط عادي ^^ ---------<<<<<<

------------------------------------------
أعلن موقع Sunrise أن المغنية الجديدة Satori Negishi ستصدر ألبومها الأول لـStargazer: Hoshi No Tobira
في تاريخ 23/8 مع أغنية إضافية إسمها Crescent Moon's Puzzle ^^

في إنتظار الألبوم ^^

نشوفكم على خير

[UCHIHA_ITACHI]

السلام عليكم

شن اللعبة الجديدة بتكون فيها شخصيات من هاديس

و يقولون فيها شخصيات من المانجا

انا الصراحة بس ابي يحطون كومبوات اكثر اللعبة القديمة كل شخصية كان عندها 3 كومبوات بس


اما بالنسبة لسولجين ما عندي تصميم له عندي بس صورة اذا تبي احطها لك بالرد القادم بس انت قول ^^

و بالنسبة للجاندام المعضل الي معاه سيف 150 متر يعني قصدهم بيتحدون دايزينجر

بس لو يموتون ما يقدرون يحدونه خصوصا انه قائده zengaaaaa zanboltoooo

و مشكوووووووور على الصور و التصاميم

حمستنا لستارجيزر

الحين شلون بننطر على ما ينزل

[Persona]

سلام
كومبانوا
مشكوررررر يا اخ شين على صور وخاصة
صورة نوار
لكن شكل ليجد اسود اكشخ من الملون

ويا اخ ايتاشي
في لعبة حق سايا وانا مادري
( ياله خيرها في غيرها T_T )

ويا اخت ران
بحاول اساعدك بدون ما احرق ( متعود على الحرق )
1- ما اعتقد
لان كل ناشنر يتصرفون تصرفات عنصرية ضد كوردنيتر
لكن في بعضهم في دول محايدة لكن محد مع تحالف الارض
2- ماتذكر لكن يمكن مركز القيادة
3- هيلوبس كله دمرت
وناس هربت الى الارض
وشلتر ( قارب نجاة ) الي خذاه كيره لانهمحركاته ما تشتغل

والفلم فيه بعذ الاختلافات ومسوينه بطريقة بحيث الي اول مرة يشوفة
مايدري من ان معظم الاحداث مقطوعة وهو لين ما يطلع كيرا
ويستعمل ****** ( ما ابي اقول اسمه واحرقه على الي ما شاهد سيد )

واقول يا اخت ريلينا
ترى موقع مكسيات حاليا قاعد يترجم كل حلقات جاندم سيد
الى العربية
لكن من الحين اقولكم من ان اول الحلقات عليكم عليهم شوي في ترجمة
( اقرع ومتشيرط ) لكن ترجمة صارت احسن بعد اول الحلاقات
وهم موصلين لين الحلقة 15
( انجليزي ما حصلت لاني صراحة مب نوع الي يحب يشاهد انمي مدبلج باي لغة )
< طبع غير ساينت سايا وهيل سينج >
جانا