|~|ملـــتقى أعضاء منتديات البلايستيشن|~|

[Austin 3:16]

بالنسبة لألعاب الرعب تعجبني ... خاصة سلسلة ريزدنت ايفل ... إلا الجزء الثالث .. احس انه كجزء لاحق للجزء الثاني وليس الجزء الثالث ... المفروض كود فيرونيكا هو الذي يكون الجزء الثالث ..

على طاري اللعبة .. فيه أحد ختم أجزاءها هنا ؟

أنا ختمت الجزء الاول والثاني .. الثالث مافكرت أشتريه .. أحب المسدس والرشاش والقاذفة أو سكين على الاقل .. أما كاميرا .. ماهو أسلوبي .. صحيح أني أحب التصوير ..لكن ليس تصوير أشباح غبية ..

[Leonium]

أصلن ريزيدنت إيفل بالغلط صار اسمها لعبة رعب...ممكن بس ترعب العيال الصغار أما الكبار..!!؟؟

مالكم إلا سايلنت هيل الرعب والهلوسه على اصولها....خاصه جزء الأخير الغرفة عقدني ...باختصار.. ارعب سلسلة رعب هي سايلنت هيل

فيتال فريم تأتي بعدها...انا وصلت بالأول لكن ماختمته..والثاني ختمته وطلعت كل نهاياته..الثالث شفت اخوي يلعبه وما انجذبت للعبة احسها تغيرت

[BIG-M]

فيتال فريم تأتي بعدها...انا وصلت بالأول لكن ماختمته..والثاني ختمته وطلعت كل نهاياته..الثالث شفت اخوي يلعبه وما انجذبت للعبة احسها تغيرت

الجزء الاول ياخي انا مالعبته -__- , ماخلصت الا 1% منه , اول ماشفت انن الهرجة فيها قلق نفسي قفلت اللعبة ,, بالنسبة لسايلنت هل مالعبت الا جزء واحد و مدري وش هو , البطلة بنت لابسة احمر اظن ؟ ,, تكون ببيتها و تروح سوق ,
و تبدأ تهلوس , ماشفت العروض كلها Skip لأنها مملة , و قاعد العب على الحل الكامل ليطلع بالمجلات

[Austin 3:16]

أصلن ريزيدنت إيفل بالغلط صار اسمها لعبة رعب

موسيقى ريزدنت إيفل وحدها تؤهلها لأن تكون لعبة رعب ...صراحة اهنئ ملحن ريزدنت إيفل ..

بالمناسبة من أفضل الالعاب موسيقى ... صراحة HitMan4 .. الاوركسترا مميزة ... ( رجاء خاص لمحبي الاربيجي ... ممنوع الأزعاج

[The Last Fantasy]

الجزء الأول كان ممتاز .. رغم صعوبته وبساطة قصته ودورانها حول محور واحد .. لكن كان بداية موفّقة للسلسلة ..
الجزء الثاني (أفضل جزء بالنسبة لي ولكثير غيري) قصتها جدا جدا ممتعة وحابسة للأنفاس .. ولو أن أساسها خرافات من أولها لآخرها .. لكن الحبكة فيه مُتقنة .. وطولها مناسب .. والبطلاتين تمام .. غير كذا النهاية تخليك تعشق اللعبة من قلب *_* .. إبداع !
الجزء الثالث نصّه تجديد .. توقّعت منه شي جديد وحلو .. خصوصا بوجود البيئة الحديثة والحرية وارتباطه بالجزئين السابقين .. بس للأسف كان ينقصه الكثير .. الحماس قل فيه .. والحبكة ليست بروعة الثاني .. أكثر اللحظات جمالاً كانت في التشابترات الأخيره (9-13) .. النهاية فيه أقل مما توقعت .. ولكنها جيدة على كل حال ..
اللي يميز النهايات هو : تعددها ، مش سعيدة تقريبا لول .. والـThemesong من أمانو تخليك تعيش العرض لحظة بلحظة لول !
وغير كذا الستايل الياباني كل اللعبة ( شخصيات - أماكن - أشباح - ألغاز - موسيقى ) هو أول شي جذبني للعبة ..
أتمنى ماكوتو يضبّط الجزء الرابع على الجيل الجديد .. ننتظر الإعلان الرسمي بالأول .. -_- .. الوعد في TGS ..

أحب المسدس والرشاش والقاذفة أو سكين على الاقل .. أما كاميرا .. ماهو أسلوبي .. صحيح أني أحب التصوير ..لكن ليس تصوير أشباح غبية ..

شي كلاسيكي ألعبه في كل لعبة <.< .. I need some change ..

[SILENCE.98]

أصلن ريزيدنت إيفل بالغلط صار اسمها لعبة رعب...ممكن بس ترعب العيال الصغار أما الكبار..!!؟؟

ًWhat ... ???

أفضـــل لعبــة رعــب هي أول مابدأ الرعب بها ... ماتذكرها على البلايستيشن 1 .... كانت مذهله ... وخاصه جزء نيمسس .... لكن اللعبه رعب 100 % ... ولو زي ماتقول للبزران رح لغرفه مظلمه وسكر النور وأفتح الدريشه وألعب بالشريط بلحاله ... فانتال فريم أيضا مذهل وبقوه .... لكن أنا كنت لاعب بجزء له على البلاي1 ... وكانت قصته بنت ترجع للبيت ومدري تلقى أهلها ميتين وتلقى شبح بنت تتوزا عنها ثم تجي تهاجمها ... كانت رووعه لذا ريزدينت إيفل وفانتال فريم هما افضل العاب الرعب بلا منافــس ...

[Flanteus]

( رجاء خاص لمحبي الاربيجي ... ممنوع الأزعاج

فيه لعبة آربي جي كلاسيكية بالأوامر ..ورهيبة




اوكي خلنا نخوض معاكم
انا فري مان ألعب كل شيء ما عدى المصارعة .. ( والكورة ..)

مالكم إلا سايلنت هيل الرعب والهلوسه على اصولها....خاصه جزء الأخير الغرفة عقدني ...باختصار.. ارعب سلسلة رعب هي سايلنت هيل

فعلا أنا سايلنت هيل دخلت قلبي بشكل ..عجيب
الجزء الوحيد اللي أنهيته كان الجزء الثاني ..

ما أدري كيف انجذبت له انجذاب غير طبيعي ..قصته مرة محزنة ومؤثرة ومخيفة ( ثلاث في واحد نظافة ريحة وتوفير ) ..

خصوصا لمن كنت أتابع موضوع لواحد الله يذكره بالخير كان مهووس باللعبة ويكتب عن قصتها ..
واكتشفت أشياء لو انهيت اللعبة 45670948790 مرة ما راح تعرفها الا اذا قريت الوثائق واستنتجت بعد ..
فكان الموضوع عن إستنتاجات القصة ..
صراحة شيء مبهر غموض وخوف وحزن كلها عوامل خلت سايلنت في نظري أفضل قصة رعب( غامضة ) و محزنة بنظري

لدرجة اني أشفقت على الوحوش اللي أقتلهم بعد ما عرفت انهم اناس ماتوا على يد قتلة !!


بعد كذا ما صرت مهتم كثير مع اني أحب السلسلة ولعبت كل أجزائها اللي بعد كذا بس ما كملت فيها

ملاحظة :
اشتريت سايلنت هيل 2 أصلي


والى يومك هذا ما شفت الفلم اللي نزل مؤخرا

موسيقى ريزدنت إيفل وحدها تؤهلها لأن تكون لعبة رعب ...صراحة اهنئ ملحن ريزدنت إيفل ..

فعلا موسيقى ريزدنت حلوة بالحيل ...
كذلك سايلنت

بس كل وحدها لها طبيعتها

ريزيدنت تقول موسيقى غموض وتساؤلات .. ( غرفة الصندوق مريحة للأعصاب وتخليني أتساءل عن الأمور اللي حدثت )
سايلنت هيل غموض وحزن

بس بالنسبة لي سلسلة ريزدنت ليست مرعبة على الإطلاق ..تقدر تقول مفجعة فقط
وهناك فرق ..
والجزء الأول كان أرعب شيء
ثم الثاني والثالث ..وكل ما يطلع جزء يخف الرعب ..ويزيد الأكشن ..

الى ان تتطور اللعبة وتصير ديفيل مي كراي الجزء الأول ...

على فكرة أنا أيضا من عشاق السلسلة انهيت الثالث ثم الثاني ثم الأول ( الأول كانت لي عقدة منه لأنه أول لعبة أشوفها على البلايستيشن 1 آنذاك ...كان عمي توه مشتري الجهاز قلي تعال بوريك حاجة ..
وعلمني كيف أمشي وكذا اول ما وصلت لمقطع الزومبي اللي يستعرض بوجهه ...مدري ايش صار بعد كذا ..يقال انه اغمى علي ..وفي رواية أخرى اني خرجت اصرخ وابكي مثل المجنون من الغرفة ..وفي مقولة أخرى بس ضعفها شفرتوح بن مزنة ( اخوي الكبير ) .. وهي اني مت وهذا عن عمر يناهز صف خامس ) ..


المهم اني الآن فان بوي للسلسلة <---------- طيب وبعدين ؟ <---------- ولا قبلين


بعد كذا لعبت كود وما أنهيتها مع اني كنت متحمس وصلت لغز وما عرفت شيء ..وتركتها الى هذا اليوم

وبعدها لعبت جزء أعجبني جدا وهو حق التصويب ..اللي تبدأ بسفينة ومش عارف ايه والرئيس الأخير يشبه سيفروث
هذا الجزء أنهيته باحتراف وكان ممتع جدا أنصح بتجربته

بعدين لعبت الرابع اللي كان مصفر زيادة عن اللزوم ..
وصلت عند الكنيسة لمن أخذت البنية ..

خرجت وشفت آلاف القرويين وانا ما كان عندي الا مسدس دلخ ..

استسلمت ولا عدت كملت اللعبة


وترا اكتشتف اني عندي حالات مثلا ..ما أبغى ألعب الا لعبة رعب ..
واصير متنرفز اذا لعبت آربي جي

عشان كذا لمن تضرب فيوزات الرعب عندي أصير أدور على ألعاب رعب وانهيها مهما كان ..








كلامي كثير... داري

[Flanteus]

شباب مين يعرف فيكم لعبة ..نايتمير كريتشز .. او شيء زي كذا ..

اللي البطل فيها سفاح دموي يقتل الوحوش بطريقة دموية للغاية

واللي كان الجزء الأول تختار بين رجل وحرمة وتبدأ داخل المدينة وكذا ..


إذا أحد يعرفها ؟


اللعبة ذي لي قصة معاها .. أول لعبة بالتاريخ الرعبي تصيبني بالكآبة السرطانية !

مع انها كانت ممتعة ..بس بعد لعب أسبوع كامل وبشكل متواصل مرحلة ورا مرحلة وبدون توقف ..

جاني انهيار عصبي بعدها !!
خصوصا اني كنت ألعبها بقوة لا تقهر ...

بس ترا كئيبة بشكل .. لدرجة ان وجهي صار شاحب و أسود ... اهلي ما تعرفوا علي من أول وهلة




الجزء اللي أتكلم عنه كان الجزء الثاني ..وكان بيطلع جزء ثالث أعتقد على البلاي 2 بس وقفوا تطوير اللعبة او شيء زي كذا ما أذكر بالضبط



الجزء الأول كان أفضل بنظري من الجزء الثاني ..لأنه كان ممتع أكثر وكان فيه أسرار كثيرة جدا ..
عن حركات وذخائر وأسلحة سرية ..

وقفنا عند الرئيس الأول وما قدرنا نعديه انا والشباب اللي كانوا معي ..وهذا آخر شيء أعرفه

لكن الجزء الثاني اعتمد بشكل أساسي على الضرب بالفأس .. وتقريبا الأسلحة والحركات الخاصة نادرة جدا ومالها داعي .... وراح تمل بعد ما تعدي المرحلة الأولى من القتال بالفأس

لكن أجواء اللعبة المرعبة كانت بحق رائعة ورسومها حلوة ..

أذكر مرحلة كانت تحت قصر مليئة بالمياه ..والقصر هذا تخرج منه أرجل أخطبوط كبير !!
مرحلة غريبة جدا !



سلام

[PeaceDevil]

أيام مع الرعب الحقيقي أيام ريزيدنت ايفل 1 و 2
انا يوم كان عمري حدود 7-8 سنين كنت اشغل ريزيدنت ايفل 1 و اهرب من الخوف

و 3 يعني مو مرة كان يخرع فجأة يعني لو طولت على الصوت و طفيت النور

اما 4 كان إطلاق نار فقط ما كان رعب ابدا كان في حس بالخوف و التوتر في المنطفة الأولى القرية كانت حماس


اما سايلنت هيل جربت الثاني و لعبته لمدة ساعة بعدين طفيته و شغلت ريزيدنت ايفل 3

[Grandia Fantasy]

مافيه فرق بين العربي والانجليزي ... اللهم فقط الغلاف ..

لا....... أخاف يكون العربي محرّف في بعض المقاطع

[Leonium]

ًWhat ... ???

أفضـــل لعبــة رعــب هي أول مابدأ الرعب بها ... ماتذكرها على البلايستيشن 1 .... كانت مذهله ... وخاصه جزء نيمسس .... لكن اللعبه رعب 100 % ... ولو زي ماتقول للبزران رح لغرفه مظلمه وسكر النور وأفتح الدريشه وألعب بالشريط بلحاله ... فانتال فريم أيضا مذهل وبقوه .... لكن أنا كنت لاعب بجزء له على البلاي1 ... وكانت قصته بنت ترجع للبيت ومدري تلقى أهلها ميتين وتلقى شبح بنت تتوزا عنها ثم تجي تهاجمها ... كانت رووعه لذا ريزدينت إيفل وفانتال فريم هما افضل العاب الرعب بلا منافــس ...

شوف انا معك الجزء اول على بلاي ون كان فاجعه لأن أول مره نصادف لعبة رعب مثل هذي....لكن الباقي...كان اخوي عمره 8 سنين خلص كل الأجزاء إلي كانت على بلاي ون بدون خوف....بس كان يخاف من سايلنت هيل

رح لغرفه مظلمه وسكر النور وأفتح الدريشه وألعب بالشريط بلحاله

لو أقولك السنة إلي فاتت انا كنت بالشاليه بغرفه بروحي كبيرة الساعه 3 الفجر والأهل كل واحد بغرفته ومطفي النور ومطول التلفزون الكبير عالعالي وكنت العب سايلنت هيل 4 وبعدها فيتال فريم 2 ؟؟؟

وانت تقولي رزيدنت ايفل؟...قبل كم يوم رايح بيت عمي وكانت بنت عمي إلي بأولى ابتدائي جالسه تلعب رزيدنت إيفل 4 أحسن مني خخخخخخ

المهم انا سلسلة رزيدنت ايفل أحبها وماقصد شي بس اعتبرها مو رعب...ممكن اثارة اوكي....و لي معاها ذكريات كنت اختم كل جزء 5342 مره....والحمدالله خاتم كل الأجزاء ماخليت منها شي

وترا اكتشتف اني عندي حالات مثلا ..ما أبغى ألعب الا لعبة رعب ..
واصير متنرفز اذا لعبت آربي جي

نصيحة مني لك العب اجزاء شادو هارتس....خلط بين الرعب والآر بي جي....الرعب من ناحية أشكال الوحوش..والآر بي جي هو القيم بلاي

شباب مين يعرف فيكم لعبة ..نايتمير كريتشز .. او شيء زي كذا ..

الجزء الأول كان على ايامه اسطورة......وكان طويل والمراحل صعبة جدا جدا ><"

الأول ختمته.. حتى بالنهاية تتقاتل مع الوحش إلي صورته على غلاف الشريط....الله يغربله كان صعب

والجزء الثاني لعبت البداية ماعجبني قمت وكسرت السوني من كثر بياخته <<-- لحظة انفعال

[Flanteus]

نصيحة مني لك العب اجزاء شادو هارتس....خلط بين الرعب والآر بي جي....الرعب من ناحية أشكال الوحوش..والآر بي جي هو القيم بلاي

افا عليك ما يفوتني شيء <--------- مرة هين بالموت يلاقي شريط معين

انا جربت الثالث أعتقد ..

اللعبة حلوة بس أغبى مافيها الرعب !!

لول

هم مسوينها مو انها رعب .. لا بل قرف دموي قبيح ومعفن

مثلا بواجه رئيس حرمة حلوة ومافيها أي شيء قبل القتال
واول ما دخلت المعركة طلعت عبارة عن وحش قبيح ومخيف ومقرف ..وانا وجهي ! ويش ذا !؟


طبيعة اللعبة من هذي الناحية ما دخلت مزاجي

ايييوه

انا لعبت جزء اللي البطل يتحول فيه لكائنات ويصير قوي ومش عارف ايه تقريبا لعبت أكثر من 20 ساعة أعتقد وكانت النسخة يابانية ..وصلت لغز ولا عاد كملتها

مدري هو الثاني أو الثالث بالضبط مدري

الجزء الأول كان على ايامه اسطورة......وكان طويل والمراحل صعبة جدا جدا ><"

الأول ختمته.. حتى بالنهاية تتقاتل مع الوحش إلي صورته على غلاف الشريط....الله يغربله كان صعب

والجزء الثاني لعبت البداية ماعجبني قمت وكسرت السوني من كثر بياخته <<-- لحظة انفعال

شفت أنفع محلل ألعاب أجل
انا عرفت ان الجزء الأول فنان بس من المرحلة الأولى والثانية ثم الرئيس أعتقد

الثاني كويس انك بعدت عنه .. لأنه مثل ما قلت جبلي مرض الكآبة السرطانية ... الله يبعده عندك



أما عاد كسرت السوني

من جد ؟

[Squall 9]

شادو هرتس 1

شادو هرتس 2

شادو هرتس 3 << ترا لسى ماختمتها بس دام يوري مافي ماحلعب

آلمهم

من شاف فلم " 2 فاست 2 فيروس طوكيو "؟

[SILENCE.98]

شادو هرتس 1

شادو هرتس 2

شادو هرتس 3 << ترا لسى ماختمتها بس دام يوري مافي ماحلعب

آلمهم

من شاف فلم " 2 فاست 2 فيروس طوكيو "؟

أنا شفته كان أغلبه ممل جدا لا وكله يتمحور على الإنزلاق السريع ... وشو هو غسيل حوش ..

[Leonium]

أما عاد كسرت السوني

من جد ؟

شاريها بفلوس وتبيني أكسرها!!؟؟

للأسف شادو هارتس 3 ماكان بالمستوى المطلوب...خيب أملي...ظيع مستقبلي <<-- الآخيرة اضافة مني

بس مثل ماقلت فلنطس الوحوش بهذا الجزء صايره دمويه زيادة وخصوصا الوحش بوراس كبير إلي عنده مادري كم فم وعين

والقصه بالثالث بس بالقارة الأمريكية على ما اعتقد وماتروح قارات ثانيه....والبطل جوني مو مثل بطل اللعبة السابق يوري....والبنت الهندية شنايا اهيا سبب نجاح اللعبة <<--- قويه

الجزء الثاني فعلا لعبة آر بي جي تستاهل الواحد يقعد عليها ساعات بدون ملل...يعني كانت اسطورة آر بي جي لاتنسى

الجزء الأول احلى من ناحية القصة من باقي الأجزاء لكن القيم بلاي والتصوير غير واضعف من الثاني والثالث وايد....لكن اذا اهتميت للقصه فراح تلعبها مهما كانت طريقتها

من شاف فلم " 2 فاست 2 فيروس طوكيو "؟

Not interested