# -- فـــوات الآوان -- #
السلام عليكم والرحمه ^^
كيف الحال والتحوال ..^^..
اليوم حابه أنقل لكم قصيده تفوق الوصف
إهي عندي من زمان وفي خاطري احطها لكم بس انتظرت لين جبت المقطع الصوتي
قصيده رهيبه بجد ومؤثره جدا جدا جدا T-T
مابطول قرقره اترككم مع القصيده وان شاء الله تعجبكم
فوات الأوان
للشاعر : نصار الظفيري
يــا يمــه.. منتــهي جيتـــك وطالب منــك الغفران
أقــــبل قــــاعــة أقدامــــــك واغـــسلـــها بــــدمعــاتي
يـــا يمه..... كـــل مــا فينــي يناديلك أنا ندمان
طلبتــــك..... قــولي سامحتك وردي لوجهي بسماتي
أنا أدري قلبك الطيب كسرته بصدمة النكران
غلطـــــت..... وغــــلطتـــي هــذي تغير كل غلطاتـي
تشوفــي الشيب يا يمه ترى ماجا وأنا فرحان
وربــــي إلي رفـــع ذاتــــك ونـــزل للـــردى ذاتـــي
فقـدت الراحه من بعدك..فقدت الطيبه والتحنان
بـــدونك .. راحتـــي غـــاية بدينــك هــــذي راحــاتي
أنا بعدك ولا حاجه أنا بعدك ترى عميـــان
أشـــوف....... ولا أشــوف إلي يوريني مساواتـــــي
أنا وسيــد الشقـــى والهـــم من بعدك غدينـــا أخــــوان
يجـــــيب همــــــوم هـالعـــالم..... ويرميها بمتاهاتي
صــــدقتي..... يوم قلتيلي تدين اليوم بس تندان
رميتـــــك فـــي بدايـــــاتي..... ورمـــوني في نهاياتي
أنا مـن شــالك بيـــده ورماك بــأسفل البـــركــــان
نخيتينـــــي....وطلبتينــــي....ولا حصلتــــي نخواتـــي
مثل ماهنتي بعيوني......عليهــم قلبي يمه هان
رمــــوني وضعتهـــم فزعه .. وأنا الدمعـات فزعـــاتي
يــــا يمه لاتظنــيني أنــا مــن فعلهـــم زعــلان ؟
ســــــــوات فيــــــك ســــــويته وســوو فينـــي سواتي
يا يمه.... يالله ضمينــي ودفيني بهــا لأحضان
أنــــا أدري فيـــك مشتــــاقه....وهمــــك بس ملاقاتي
يـا يمه ( حييييل ) ضميني أبي أرتاح أنا تعبان
تعبت أهـرب مــن ذنوبـي أبيـــك آخــر مسـافـــــــاتــي
أبسمــــع منـــك أي كلمـــه... لصوتك مسمعي ولهان
أبسمــــع ( يمـه ) بصـــوتك أبـــذكر فيهـــــا نشواتــي
أشوفك ساكنه يمه ؟ !! .. غفيتي ولا أنا غلطان ؟
غفيتــــي يــا بعـد عمري ؟.. تعبتــي مــن مواساتي ؟
يــا يمـه طالبك قومي .. إذا لي في عيونك شان
أشـــوف المــــوت بعيــــونك عســـاها تخيب هقواتي
تعـــالوا يا بشـــر شــوفوا أنا محتار أنا تلفان
أنــا أمــي مـــدري وش فيهــا أنــا مــدري أنــا أحـاتي
شنو ؟؟ أمــي أنا ماتت ّ!!! لا لا .. لاترى غلطان
أنـــا أمــــي مــا تخلينـــي علـــى حـــزنـــي و ونــاتـي
أنــا أمـــي قلبهـــا طيــب ولا يمكــن تبكي إنسان
أنـــا أمـــــي مـــا تبكــينــي.... ولا تتمنـــى آهـــاتــــــــي
يا يمه صح مامتي ؟...... وصح الموت تو ماحان ؟
إذا متــــي أنــــا بعـــــدك أبقضـــي ويـــن ســاعـــــاتــــي
يــا يمـه قـــومـــي يايمه وقـــولـــي الموت لا ماكان
أنـــــا جيتــــك وأنـــا نــــاوي أببـــدي فيــــــك جنــــــاتــي
تـــــركتينــــي ومتـــــي ليـــه تركتيني وأنــــا غـــرقــان ؟
ولا مسمــــــــوح يــــــا وليــــــدي !!!!.. ولاتلعنك لعناتي
أنا الجاني... وأنا المجني.. وأنا المخطي..وأنا الندمان
وأنــــا بــــإيدي رميتــــك إيــه... وبعثـــرت أهـم ملفـاتـي
وجيـت مـن الهنــا مفــلس... وقلبي من الضنا خسران
تـــــركتينــــي علـــــى نـــاري أعــــدد فيـــــك زلاتــــــــــي
ولانـــــي مـرضي ربــي... ولانـي تابـع الشيطــان
أنـــا بعــــدك تـــــــرى مـــــا بين نهـايـاتـي وبــدايــاتــــــي
يــا يمـه منتهـــي جيتـــك وكلـــي مــــرتجي غفران
وشفـــــت النــــاس تلعنــــي... وتحــذرنـي مــن الاتي .. !!
************************
رابط تحميل القصيده بصوت الشاعر
وأنصحكم تحملونها بصوته القصيده جدا مؤثره
http://sa32.com/download.php?id=2E58B721
موفقين إن شاء الله
جاانااا ^^
المشاركة الأصلية كتبت بواسطة LUBU المرعب
