عضو مبدع
بسم الله الرحمن الرحيم
السلام عليكم ورحمة الله وبركاته
أحب أن أقدم لكم أنا وزميلي بويند ( BOiND ) قصة ترفيهية كوميدية مصرقعة
لمن أرد الترشيح في حال اعجبه الموضوع ، يضغط لبويند هووووونا ويقيمه من هذاك الموضوع ويكتب أنه بدال تقييم القصة ، أما انا في نفس هذا الموضوع .
كما قلت لكم ... إما أن تقيموا كلانا أو لا تقيموا أبداً .
بداية القصة راح تكون مع بويند ... يلا استلم الميكريفون ^^
ممنوع الرد
The Old Graveyard
الثلاثاء
20/9/2005م
فورمدبل : يبه ، ممكن أطلب منك طلب
الأب : لا
فورمدبل : ليش ؟
الأب : أنت سألتني ممكن؟ قلت لك لا
فورمدبل : ما ينفع تقول هيه؟
الاب : يمكن ... على حسب الطلب
فورمدبل : خدمة بسيييييييييطة
الاب : ما بزود لك المصروف -_-" روح ذاكر أحسن لي ولك
فورمدبل : ومن قال أني أبي زيادة في المصروف -___-""؟
الاب : لانه ما وراك الا شيء يتعب قلبي وجيبي -_-
فورمدبل : بغيت منك مساعدة في عمل قاعد أسويه
الاب : تجربه؟ عمل للمدرسة يعني؟ طب قول من الصبح
فورمدبل : مب شغل للمدرسة ، شغل لي أنا
الاب : .... أقول ، تراك ما تجيب الا الهم ... يا ولدي روح ذاكر ، أبرك لك
فورمدبل : -__- .. أبي منك خيط لونه رصاصي
الاب : ... ما فهمت؟
فورمدبل : خيط لونه رصاصي >"."<
الاب:لا تقلب لي وجهك تقول هندي >.< .. افتح الثلاجة في المطبخ ما تلقى لك خيط بس .. تلقى مستودع ملابس اذا تبي
فورمدبل : ليش في الثلاجة عندنا مستودع ملابس ولا ومستودع أكل ؟!!!!
الاب : .. اقول امش الله يصلحك
فورمدبل : طيب ممكن زيادة في المصروف؟
الاب:لا!
ــــــــــــــــــــــــــــــــــــــــــــــــــــــــــــــــــــــــــــــ
Chapter 1 : one silver silk
The Hidden Formidable
المشهد الاول : بويند واقف أمام المراية في حمام المدرسة ويناظر وجهه فيها
T_T
o.O
O.O
>.>
<.>
>,<
-.*
XD
xD
xd
>":"."<
ساندر: بويند...صار لك خمس دقايق جدام المنظرة تناظر وجهك فيها
بويند : يا رجال .. أبي أشوف شكلي وانا قاعد العب بوجهي ..أشوف أي شكل احلى
ساندر:أعوذ بالله!! انت وجهك لو تبتسم حتى فيه أخاف وما أرقد الليل بطوله..تقول شيطان يتعذب في سقر -_-"!!
بويند:جب ، خلني اشوف شو يصلح لي
ساندر:استاذ العربي بيذبحنا يا بو الشباب.. خمس دقايق في الحمام متأخرين عن الحصة بعذر : بوينذ يطالع وجهه P:
بويند:خلاص..لقيت لي وجه اوكيه
ساندر:وهو؟
بويند : هذا : O.O
ساندر: أعوذ بالله! تقول مب شايف خير P:
بويند : ذكرني أضحك بعدين
ساندر: يلا ، استاذ العربي بياكلنا
بويند : انت شايف انه شايب عمره مية والعشرين سنة ، شو بيسوي يعني P: ؟؟
ساندر: ممم .. ينقص 40 درجة في النشاط و 10 بالسلوك مثلا؟
بويند : ...شو رايك نرجع الصف ؟ ترانا تأخرنا-_-
ساندر : الحمد لله أنك تذكرت !
ــــــــــــــــــــــــــــــــــــــــــــــــــــــــــــــــــــــــــــــــــــ
بعد اسبوع
المكان : المدرسة
الحصة الاولى : جيوغرافيا !!
دارك ميشو : بست .. بويند ؟
بويند : بست ؟ قالوا لك قطوة ؟
دارك ميشو: لا..حمار
بويند: طيب والحمار يقولون له ( حاء ) مب( بست ) يا اهبل -_- >>> يعترف انه حمار P:
ميشو: اقول لك بست عشان ما يسمعنا الاستاذ
بويند : ليش الاستاذ بالصف ؟؟
ميشو : .....
بويند : .....؟؟
ميشو : ....على بالي موجود -_- !
بويند : الأستاذ يتأخر خمس دقايق عن كل حصة O.O
ميشو : طيب ليش فاتح عينك على آخر شيء؟
بويند : شكلي أحلى جذي ، صوح O.O ؟؟
ميشو : ... زين ، وين فورمدبل ؟
بويند : والله العظيم مب عندي ، فتشني
ميشو: اكيد مب عندك ، هذا الحجم العائلي ما بيقدر يدش جيب كندورتك ولو بعد مية سنة XD
بويند : حرام عليك تغتاب هذا الدب البقرة الغبي المتخلف راس شركة المراعي للألبان وملحقاتها وهو مب موجود -_-
ميشو : ايه صح .. خلاص ، نغتابه يوم يكون موجود XD
بويند : الا صدج ، هو وينه غايب من اسبوع ؟؟؟
ميشو : ما انا كنت ناوي أسألك
بويند : وليش تسألني ؟ قالوا لك وكيل أعماله لا سمح الله
ميشو : لا ، قالوا لي ربيعه
بويند : طب شو يعني -_- ؟؟
ميشو : المفروض تعرف ليش غايب
بويند : يمكن مات؟
ميشو : فكة !!!
بويند : قلت يمكن -_-
ميشو : افا -_-
بويند : تيجي نزوره اليوم ؟
ميشو : آسف ، لازم أروح النادي اليوم
بويند : أي نادي ؟
ميشو: ما أعرف اسمه -_-
بويند : تروح نادي ما تعرف اسمه -______- ؟
ميشو : تصريفه يا حمار ، عشان اصرفك ، ما أبي اروح
بويند : ليش مب ربيعك؟
ميشو : لا ، المسألة أني ما احب اروح بيتهم .. كل مرة يقول لي تحداني في تكن 5 .. وما يرضى يتحداني في وننج اليفن >_>
بويند:كيفك ، انا بمشي اليوم العصر لبيتهم
استاذ الجيوغرافيا : بويند ، مشمش ، خلصتم كلامكم؟ ننطركم تخلصون عشان نبدأ الحصة..
بويند: . o O
ميشو : O.o
ــــــــــــــــــــــــــــــــــــــــــــــــــــــــــــــــــــ
العصر
الحدث : شارع الواق الواق ، بويند يمشي في الشارع باتجاه بيت الفورمدبل
بويند : هووي..هووي..هووي..هووي..
واحد يمشي بالشارع : يا اخ ، شو معنى هووي اللي تقولها ؟
بويند : ما أعرف أصفر..عشان جذي احاول اطلع من حلجي صوت يشبه الصفير ، بالاذن لازم امشي
واحد يمشي بالشارع : ..... اللهم لا تجعلنا منهم ، و ......
بووووووووووووووووووووووووووووووووووووووووووووووووم !!
انفجار في بيت الفورمدبل
بويند : وجع!! فورمدبللللللللل !!
جدام باب بيت الفورمدبل
الكلب : هاتشووووووووو .. في دخان يا بو الشباب
بويند : انت بعدك حي؟ يا اخي عارفين انك مثقف وتعرف تتكلم اوردو وعربي ، بس شالسالفة ؟
الكلب : في دخان طالع من قراج السيارات بالبيت
بويند : اتصل بالمطافي!!
الكلب : ... شفت كلب يتصل بالمطافي؟
بويند : دام في كلب يتكلم .. في أكيد كلب يسوق سيارة ويتصل ببرامج مسابقات مو مطافي بس
الكلب : اقول الحق على ربيعك ... فورمدبل بالداخل عند القراج
بويند : ليش ؟؟
الكلب : مالك خص
بويند : ...... -_-
جدام باب القراج
بويند يطق الباب
بويند : افتح!!!
لا يوجد رد
بويند : افتح الباب يا فورمدبل !!!
لا يوجد رد
بويند : افتح، لا تمووووت !!
صوت من الداخل: .... كلمة السر؟
بويند : فورمدبل !! بعدك حي ؟ افتح الباب بنقذك
فورمدبل : ليش ؟ قالوا لك رامبو؟
بويند : لا ، قالوا لي بات مان ، افتح بلا مسخرة قبل لا تموت !!
فورمدبل : وليش اموت؟
بويند : ..... اقول ؟ تعرف ؟ انا حمار مثل ما قال ميشو ، انت ليش مدخلني في هذي القصة اصلاً ؟؟ اذا تبي تموت في القصة موت وفكنا !! انا وش دخلني ؟ حواراتك غبية والقصة أغبى ! موت يا اخي وفكنا منك
فورمدبل: خلاص خلاص لا تزعل .. بس كمل السيناريو الله يخليك
بويند:...وين وصلنا -_- ؟
فورمدبل : يوم تبي تنقذني
بويند: زين ... افتح يا محمد ترى أبي أنقذك!
فورمدبل : ما صار شيء
بويند : والانفجار؟؟
فورمدبل : لا الله يسلمك.. هذي بطني تصوصو .. مب ماكل من اسبوع
بويند: ... والدخان؟
فورمدبل: قاعد اشوي سمك ^^
بويند : وشوي السمك يطلع كل هذا الدخان ؟!؟؟!؟!؟!!
فورمدابل : لاع .
بويند : طيب من وين جا كل هذا الدخان ؟!؟!؟!
فورمدابل : لأن السمك احترق لما نسيته على الفحم وأنا نايم >_<"
بويند:............................ طيب افتح ابي اكلمك
فورمدبل : كلمة السر؟؟
بويند : .....
بويند يتجه الى باب البيت ويدخله ويخلي فورمدبل بروحه يتكلم بدون ما يدري
فورمدبل : بويند .. كلمه السر؟
ـــــــــــــــــــــــــــــــــــــــــــــــ
بالداخل
بويند : السلام عليكم
الاب : وعليكم السلام ، جيت والله جابك !!
بويند : ...عمي ... فورمدبل انجن شيء -_- ؟
الاب : والله ابي اعرف اذا انجن والا لا.. ما اقدر اسوي شيء
بويند : شو بلاه؟
الاب : والله ما ادري .. بدت السالفة من اسبوع
بويند : من يوم غاب عن المدرسة ؟
الاب : ايوه
بويند : وشو السالفة ؟
الاب : ماشي .. طلب مني خيط رمادي ، وبعدها..
بويند : .. وبعدها؟؟
الاب : قفل على عمره باب القراج ، ومن يومها ما يرد ، ولا ياكل ، ولا حتى طلع من هناك!!
بويند : خيبة!! شو يسوي هناك داخل القراج؟
الاب : والله ما اعرف ، تكفى روح شوف شو بلاه ، انت ربيعه ويحبك وتحبه
بويند : يحبني هيه..احبه لا -_-
الاب : براحتك.. بس تكفى شوف لي اياه شو بلاه
بويند : انا اظن يا عمي انك لازم تدبر له صرفه وتزوجه..يمكن يشعر بالمسؤوليه وقتها -_-
الاب : هههه..ومن تبيه اصلا؟
بويند : هاع هاع هاع
الاب : ما علينا.. وين وصلنا في الكلام؟ ايه صح..تكفى ، روح شوف شو بلاه
بويند : ان شاء الله ، بس شو كلمه السر؟
الاب : كلمة وش؟ ليش بعد في كلمة سرعشان تدش القراج؟
بويند : هو يسأل
الاب : ما اعرف ، بس فكر في شيء يحبه ، يمكن تطلع كلمه السر شيء يحبه
بويند : زين ، أنا طالع
ــــــــــــــــــــــــــــــــــــــــــــــــــــــ
جدام باب القراج
فورمدبل : كح..كح..هاااع..شو...كلمـ..ة..السر..بووووووووويند...و..وين رحت؟
بويند : بعدك تتحسبني واقف هني من الصبح؟
فورمدبل : ها..ها..ليش وين كنت؟
بويند : كنت داش داخل البيت اكلم ابوك وارجع
فورمدبل : ... يقطع يومك ، ما بخليك تدش
بويند : انا عارف كلمة السر
فورمدبل : وهي؟
بويند : ..ليش انت ما تعرفها؟
فورمدبل : الا أعرفها!!
بويند : عيل ليش تسألني شو هي؟
فورمدبل : عشان اتاكد انك تعرفها
بويند : كذاااب!! انت ما تعرفها
فورمدبل : أعرف!!
بويند : طيب أثبت لي..
فورمدبل : كلمة السر هي : افتح باب القراج يا فورمدبل
بويند : ممم..الحين أثبت لي انك تعرفها
فورمدبل : وانت تعرفها؟
بويند : ايه
فورمدبل : وهي؟؟
بويند : افتح باب القراج يا فورمدبل
فورمدبل : كيف عرفت؟؟؟!!!!!!!!!!!
بويند : وهذا سؤال ؟ ذكائي خارق
فورمدبل : .. صدج انك تخوف! ادخل
ـــــــــــــــــــــــــــــــــــــــــــــــــــــــــــــــــــــــــــــ
بداخل قراج سيارات بيت الفورمدبل
بويند : زين يا فورمدبل (وهو يشوف جدار القراج) ، ما قلت لي ، شتسوي هني؟
فورمدبل بخطورة : مشروع..سيغير مجرى العالم بأسره!
بويند : تكفى فكنا من سوالفك..قول لابوك أنك تبي زيادة في المصروف والسلام
فورمدبل : قلت له بس ما رضى >.< قال لي ارجع بعد اسبوعين
بويند:يعني انت مسكر باب القراج عشان زيادة في المصروف؟ يا رجال قول لابوك يزوجك..يمكن تحس بالمسؤولية شوي -_-
فورمدبل : يا رجال أي زواج أي خرابيط..انا يالله يالله اقدر اصرف على عمري -_- ، على العموم ، انا مندس هني مثل ما قلت لك..(يبتسم بخطورة) لمشروع سيغير مجرى العالم
بويند:..........أستغفر الله العظيم! يا اخي هتلر مات ، تبي تطلع من قبره عشان يجتل خلق الله ؟
فورمدبل:..........ذكرني أضحك بعد العيد
بويند:ان شاء الله ، بس شو مشروعك؟
فورمدبل:اول شيء روح هات لي كوب حليب وشوي جبن وبيض من ثلاجة المطبخ..حرام ، مب ماكل من زمان -_-
بويند:روح بنفسك هات اللي تبيه -_- ما اشتغل عندك >.>
فورمدبل:خلاص..ما بخبرك شو اسوي هني
بويند:أحسن..اللي يسمعك يقول تصمم قنابل ذرية في قراج بيتكم .. انا راجع البيت
فورمدبل:لا لا..خلك هني ، انا آسف...بس لووووو سمحت روح هات لي شيء آكله ، ما اقدر أخلي الوالد يشوفني حاليا ، بلييييز
بويند:لاع!!
فورمدبل:عشان خاطر هذا الويه البريء :
بويند:أعوذ بالله! خلاص بروح ، بس لا تسوي جذي بوجهك..ترى أخاف
فورمدبل:حبيبي انت والله
بويند:حبك برص ان شاء الله
ــــــــــــــــــــــــــــــــــــــــــــــــــ
ممنوع الرد
عضو مبدع
بعد الرجوع من المطبخ..امام باب القراج
بويند:افتح يا بو راس,, جبت لك الاكل
فورمدبل:كلمة السر؟؟
بويند:لا حووووول...تكفى افتح ، مب فاضي لسوالفك
فورمدبل:كلمة السر؟؟؟؟
بويند:أعوذ بالله ..نسيتها ، شلون اخليه يفتح؟ يا فورمدبل افتح ، ترى نسيتها
فورمدبل:عيل انت مب بويند ، ما بخليك تدش
بويند:خلاص اوكيه...انا برجع الاكل الثلاجة
فورمدبل:ال...أكل؟
فورمدبل:خلاص، خلاص ، خلاص! صدقتك لا تمشي! دش..
ــــــــــــــــــــــــــــــــــــــــــــــــــــــــــــــــــــــــ
فورمبدبل:
بويند:أعوذ بالله..تقول مب شايف خير
فورمدبل:
بويند:بالراحة .. أعصابك ، سمي أول
فورمدبل: بووع ، الحمدلله ، أخيرا أكلت
بويند:خيبة! خلصت الاكل قبل ما تسمي حتى؟ صاروخ يا رجال
بويند:طيب..مب ناوي ترجع البيت؟
فورمدبل:لا ، بعدني ما خلصت اختراعي
بويند:انت يالله يالله تقدر تفتح غرشة بيبسي.. تبي تقنعني انك تقدر تسوي شيء XD ؟؟
فورمدبل (بخطورة) : أنا أخترع آلة الزمن
بويند:.........
فورمدبل:.........؟
بويند:...........؟؟
فورمدبل:؟؟؟؟؟؟؟!!
بويند:................؟!
؟؟؟
فورمدبل:؟
بويند:......صدج؟
فورمدبل:هيه
بويند:والله؟
فورمدبل:والله
بويند: زين لا تخبر حد ، مواهاهاهاهاهاهاع
فورمدبل:حلوة ، ذكرني أضحك بعد العيد
بويند : كل مرة تقلي ذكرني أضحك بعد العيد -_-
فورمدابل : انا حر
بويند:زين ، يلا ، انا ماشي
فورمدبل:ما تبي تشوفها؟؟
بويند:اشوف شو؟
فورمدبل:آلة الزمن
بويند:انت مصدج انك تسوي شيء اصلا -_- ؟؟
فورمدبل:يا اخي حلفت لك .. انا قاعد أصنع آلة الزمن
بويند:أول شي أدي كفارة اليمين
فورمدبل : ليش؟
بويند:لانك تحلف كذب -_-
فورمدبل: تعال (ويمسك بويند من ايده) براويك اياها
ويمشي فورمدبل من أول قراج بيتهم الى آخر القراج!! ((اللي يسمع يقول قراج بيتهم 10 كيلو متر))
بويند:وين؟
فورمدبل:هذي!
بويند:هذي سيارتكم البرادو.. بس شكلها عندها مغص .. ليش فيه طماطم معفنة على زجاج سيارتكم؟
فورمدبل:كانت سيارتنا..
بويند:..ليش ابوك باعها؟
فورمدبل:لا ، أنا حولتها لآلة الزمن
بويند:أبوك بيذبحك . طماطم معفنة على زجاج سيارتكم ><؟؟
فورمدبل:أخيرا..وبعد عناء.. خلال ثلاث أيام بيكتمل مشروعي
بويند:.......(وقد رفع الراية البيضاء)..هففف..زين ، زين ، كيف صنعتها؟ ومن وين جتك فكرتها
فورمدبل:جت الفكرة من صلعة راس الاستاذ طلعت!
بويند:صلعة الاستاذ طلعت O.O ؟؟
فورمدبل: يس
بويند : قصدك أستاذ التاريخ الصعيدي ؟؟
فورمدابل : إيه
بويند:شدخل صلعته في آلة الزمن ؟ ... هذا أستاذ تاريخ ... شو يفهمه بالعلم والاختراعات ؟؟؟؟؟
فورمدبل : نظرا لنظرية فيثاغورث ، المتعلقة بجمع مربعي ضلعي المثلث القائم ثم ايجاد الجذر لهذا العدد نحصل به على الوتر ، فان نيوتن عندما طاحت على نافوخة التفاحة واكتشف العلاقة بين الاشياء وجاذبية الارض ، وبما أن....
ـــــــــــــــــــــــــــــــــــــــــــــــــ
بعد أربع ساعات...
ــــــــــــــــــــــــــــــــــــــــــــــــ
فورمدبل:.............لذا توصلت بذكائي الخارق عن طريقة لصنع آلة الزمن
بويند:...........
فورمدبل:..شفيك؟
بويند : ...... ZZzzzZZZZ
فورمدبل : ؟
بويند: ZZzzzZZZZZZZzzzz
ـــــــــــــــــــــــــــــــــــــــــــــــــــــــــــــــــــــــــــــ
ـــــــــــــــــــــــــــــــــــــــــــــــــــ
بعد التاديب
بويند : آخ يا ظهري
فورمدبل:عشان تعرف ، يوم اتكلم تسمع كلامي
بويند:اسمع كلامك مدة 3 ساعات؟
فورمدبل:اربعة يا حمار!
بويند: لا ويعترف
فورمدبل:ما علينا ، خلال ثلاث ايام بتكون جاهزة ، احتاجك وقتها
بويند:ليش؟
فورمدبل:احتاج متطوعين لاستخدامها
بويند:قالوا لك اني فار تجارب؟
فورمدبل:..لا ، ربيعي الحبوب
بويند:حبك برص
فورمدبل : عشان خاطري خوخو (تدليع خالد) ، احتاجك كمتطوع
بويند:أعوذ بالله! خلاص خلاص ، عارف اني ما بجني شيء من ورى هذا ، لكن غير تعابير وجهك ذي
فورمدبل:حبيبي انت والله XD
بويند:حبك برص
ـــــــــــــــــــــــــــــــــــــــــــــــــــــــــــــــــــــ
ممنوع الرد
عضو مبدع
الساعة 10 بالليل ، بويند يمشي عائدا الى البيت
بويند:هوي..هوي..هوي..
واحد يمشي في الشارع:..اعوذ بالله..هذا بعده حي..
بويند:هاه؟ قلت شيء يا بو الشباب؟
واحد يمشي في الشارع:لا سلامتك
بويند:الله يسلمك..هوي..هوي..هوي..و...
طراخ...
بويند:آخ يا راسي
؟؟؟:وجع..خشمي!
بويند:يا احول ما تشوف وين تمشي
؟؟؟: ما اشوف أحول غيرك ، سمعت بالمثل العنقليزي "الحيوانات العمياء" ؟
بويند:هذا مب مثل ، هذي مسبة ، شكلك تبي ضرابة....
؟؟؟: والله اذا انت قدها قرب
بويند:بتشوف!
بويند : Rasengan !!
؟؟؟ : Barata !!
بويند:براااااتا؟؟!!!!
؟؟؟:راسينجان؟!!!!!!
بويند:....ميشو؟؟!!!
ميشو:..بويندو؟؟!!
بويند:من وين جت الواو في اسمي -_-؟
ميشو:اسمي مشاري ، وين راحت الالف ومن وين جت الواو -_-؟
بويند: طيب ما تقول انك من اول ميشو -_-
ميشو: طيب ما تقول من الاول انك بويندو -_-
بويند:شتسوي الساعة 10 بالليل في الشارع؟ عارف حركاتك >.> يا ما نصحتك تبعد عن الحشيش
ميشو:انا رايح اشتري جبن وطماط حق البيت ، ابي اتعشى
بويند:جبن وطماط بنص الليل DX ؟؟
ميشو:شخصك؟ ايه صح ، شتسوي انت الساعة 10 بنص الليل؟ يا ما نصحتك انك تهد السجاير >.>
بويند:سجاير شو استغفر الله >.>؟ عمري 15 سنة
ميشو:وبعد شهرين 16... سن الدمار والعياذ بالله
بويند:وانت حضرتك؟ عمرك سنتين DX ؟؟
ميشو:وفوقهم شهرين P:
بويند:الطول طول نخلة...والعقل عقل صخلة
ميشو: ... انت قاعد تشوف المنظرة DX
بويند:انا الله يسلمك توني راجع من بيت الفورمدبل
ميشو:عزيتهم؟
بويند:على؟
ميشو:على موت الفورمدبل؟
بويند: ما مات -_-
ميشو:قل قسم؟؟
بويند:قسم
ميشو: يا وجه النحس >.>
بويند:... ما علينا ، عرفت شو قاعد يخربط فورمدبل؟
ميشو:انا كنت اعرف انه حي عشان اعرف شو يخربط؟
بويند:قال يصنع آلة الزمن DX
ميشو:...اقول ، تعال اشتري لك براتا معي في الطريق ابرك من سوالفك وسوالفه
بويند:أكلمك جد ، الرجل مخه انلسع
ميشو:شو يعني انلسع؟
بويند:والله ما ادري ، بس يقولونها بالمصري
ميشو:جاه الزهامير؟؟
بويند:لا ، يترياك P:
ميشو: لا والله ، شالسالفة؟
بعد الشرح
ميشو:ايييييييييييييييييييييييييييه..طيب ، بتروح له بعد 3 ايام؟ بروح معاك
بويند:لا..السالفة سرية ولازم ما تطلع منك ، اقول ، لازم امشي..الساعة صكت 10 ونص وانا برع البيت..الظاهر بيتسحرون فيي اليوم
ميشو:زين انقلع
بعد انصراف بويند
ميشو:..آلة الزمن؟...هممم...
ويمشي ميشو لشراء ال"بيض" و ال "طماطم"
ـــــــــــــــــــــــــــــــــــــــــــــــــــــــــــــــــ
البقية بعد ردودكم ^^
عضو جديد
جد رهيبيين
يعطيكم العافية على هالموضوع الياخذ العقل
عضو مبدع
ذكروني أضحك بعد العيد -_-"<<<<ههههههه لا تصدقون أنا اضحك معاكم بس
صلعة الأستاذ طلعت اللي جابت لك الإلهام هذا يا فورميدابل XD...حرام عليك ارحم بويند شوية من التخاريف حقك
جوعتوني و انا صايمبويند:خلاص اوكيه...انا برجع الاكل الثلاجة
فورمدبل:ال...أكل؟
في إنتظار بقية القصة التحشيشية حقكم...
فضحتك نفسك قدام الخلق يا بويندبويند : هووي..هووي..هووي..هووي..
واحد يمشي بالشارع : يا اخ ، شو معنى هووي اللي تقولها ؟
بويند:هوي..هوي..هوي..
واحد يمشي في الشارع:..اعوذ بالله..هذا بعده حي..
معقول هو نفسه الأول اللي يمشي في الشارع
هههههههه..هوي هوي هوي هذه كلمة النحس..كلما تقولها يحصل إنفجارطراخ...
و في إنتظار بقية الموضوع المحشش هذا....
و
و
و
و
و
و
و
و
و
و
و
و
و
و
و
و
و
و
و
و
و ذكروني اضحك بعد العيد -_-"<<<<لا تأخذوها جد تروني أضحك بس
Some stories can't be told by words...Some Legends are Meant to Die...Some Bloodlines must come to an end..
calgary_dude سابقاً
عضو قدير
مصرقعيـن من جـد ..ذكروني أضحك بعد العيد -_-"
أمـا فورميدابل .. طلع ذكي من جـد .... خخخ ..
وبويند طلـع يعرف يصفر أحسن مني
Strong heart
مشكورين اخواني على القصة
وقصة مضحكة بشكل غير طبيعي
وارجو التكملة
][Al Ansari][
ههههههههه ترا صج القصه حلوه و خبله ^^
بس وايد طويله
انها طويلتون جدن
ألة الزمن -_- بالعيد
خخخخخخخخخخ ^^ خبلان انتو
тнє αℓ¢нємιšт
لووووول
قصه حلوة ،،
وفي احد يخترع اله زمن في 3 ايام -_-
المهم ذكرني اضحك بعد العيد الجاي
ويلا كملوها
| Precious Member |
lol
صريحبويند : تروح نادي ما تعرف اسمه -______- ؟
ميشو : تصريفه يا حمار ، عشان اصرفك ، ما أبي اروح
خخخخ برضه صريحبويند : يحبني هيه..احبه لا -_-
أخسكلكم أقل من الخمسين ... يعني كلكم ممنوع تشوفوا
يعطيكم العافية, القصة حلوة بس الأحداث بطيئة , باين عليكم ثرثارين >.>
only kidding
بإنتظار البقية, حلوة فكرة آلة الزمن ^^
موفقين و ماتنسوا تزودوا لنا الأكشن
o.O ][ .. ملك الصرقعة .. ][ O.o
مرحبا السااااع
شلونك خويا
القصة ذي انا قارنه ثلاث مرات .. مب يستوي تشي .. << يا زيني وانا اسولف اماراتي
بصراحة عاملين انت وبويند قصة رهييييييييبة
عليكم خيال يا خي .. بالله من له خلق يسوي آله زمن ؟
<< الا من يقدر يسويها من اساس
بس ياخي في شغلات ما فهمتها .. وش دخل الخيط الحرير الفضي ؟
و أحلى مقطع اعجبني يوم تتهاوش انت وبويند .. يوم يقول انا الغبي اللي جيت بهالقصه خخخ
أحس انه يقصدها من جد
الاب : براحتك.. بس تكفى شوف لي اياه شو بلاه
بويند : انا اظن يا عمي انك لازم تدبر له صرفه وتزوجه..يمكن يشعر بالمسؤوليه وقتها -_-
الاب : هههه..ومن تبيه اصلا؟
بويند : هاع هاع هاع
بويند طيح الميانه على طول
زين ما قال له الله يقطع سوالفك خخخ
*********
على العموم أخواني .. الله لا يهينكم .. قصة متعوب عليها
حبكه + سيناريو + دراما + >> وين راح الاخ ؟
بعدين القصة كم فصل ؟
يلا نزلوا التكلملة .. نبي نعرف وش يصير بعد ما راح يشتري البيض والطماطم
ومشكورين مرة ثانية
( تم الترشيح لكليكما ) << من زين ترشيحك خخخخ
عضو مثالي
lo0o0o0o0ol
شو هالقصة الرهيبة !!
أبــــدعتوا بصراحة
خخخخخخخخخخخ زين طلعت مب بس أنا إلي ما أعرف أصفرالمشاركة الأصلية كتبت بواسطة BOiND
ذكرتني بثالث أعدادي -__- شو ها أول ثانوي مب شي
لا و باجر الشهادات بعد
مشـــــــــــــكورين بويند و فورمبدل
على القصة
و يالله شدو حليكم نبا التكملة
ياناس يا عالــــــــــــــــــــمفراشة استوت مراقبة على قسم النثرادخلوووو باركو لها< اضغط على الصورة للوصول إلي الرابط
سـبحان الله و بحمده .. سبحان الله العظيم
ما يفهمها إلا مال المعهد
بس حرام عليكم ، هذا الاستاذ من أفضل الأساتذة اللي درسوني
قصة روعة ، و في انتظار التكملة
عضو موقوف
يسلموووووووووو
التوقيع جداجداجدا رائع>>>><<<<<
ضوابط المشاركة
