السلام عليكم ورحمة الله وبركاته
ها رعبة مو تقولين ماسلمت كا انا سلمت
ههههههههههه
ماعليكم من الي فوق
قوة شباب وشابات
شخباركم؟؟
صارلي كم يوم ماكتبت موضوع بالمنتدى بس جبت تعويض اليوم كتبت اربع مواضيع جديدة بكل المنتدى
ايييييه الله يذكر ايام المدارس
خخخخخخخخخخخ
الي يسمعني يقول صكيت مية وانا توني ماصارلي سنة مخلص ثانوية
على فكرة كثيرين يسألوني عن عمري منهم الي يقول بآخر العشرينات وغيرهم
بس انا حتى العشرين ماوصلت للحين يعني كلنا بالهوا سوا كلنا مراهقين
نخش موضوعنا
هذا صارلي قبل كم سنة كان في مدرس الله يذكره بالخير من اعز المدرسين عندي
كنت مرة قاعد بالفرصة (الفسحة ) وكنت قاعد آكل حلاو مارس بس ما عجبني الظاهر ماكنت متريق (متفطر ) عدل
المهم اكلت منه شوي وقطيته بالزبالة
اول ما سويت جذا ولا صوت من بعيد ياوله عملت ايه
انا : والله ماسويت شي
المدرس : ايه الي عملته دلوأتي
انا : والله مامعاي زقاير هاك شم ايدي
المدرس : اشم ايه هو حشيش انا بعرفك كويس
انا : يابن الحلال خرعتني شسويت انا
المدرس : رميت المارس بالدرام
عاد انا يومها خفت خوفة موطبيعية قلت هذا الحين علباله عندي زقاير ويبعطوني فصل وحرمان بس ماتوقعته جذي
انا : من اليوم خرعتني وهذا اخرته علشان حلاو
المدرس : انت ماتعرفش ده كان حلمي وانه ده معاش رجالا بمصر
انا : والله عليك طموح قوي حلم مارس شالسالفة يبا
المدرس بحكيلك أوصتي ...كان يامكان ....
انا : استاد بعد جبدي انت الله يخليك باقي ربع ساعة لا تطولها
المدرس : مش حتسمعها طيب نشوف بعض بعد الامتحانات
انا : والله مو قصدي حبيبي انت بس قلت بدون مقدمات دش بالموضوع
المدرس : بدون ولا كويتي
انا : (تعرفون ضحكة الواحد الي يجامل ) ها ها ها ها ظريف الحبيب
المدرس : كنت بشتغل مدرس بمصر ومعاشي 20 دينار والمارس نوعين اصلي وتقليد الاصلي بدنار
انا : الله حلاو المارس بدينار ....دينار اشتري فيه كرتون احنا بمية فلس محد يشتريه هالمرة بدينار
المدرس : آه واللهي كنت كل يوم امر من جمب بآلة واشوف المارس افكر اشتريه ولا لا ومرة جتني بنتي عاوزة مارس وانا مأدرش اشتريه وكنت كل يوم امر جمبه وافكر واقول بكرى اشتريه ومرت اكثر من شهرين وانا افكر
انا : يا الله كل هذا المارس مسبب لكم مشاكل توني عرفت قيمة المارس
المدرس : مش بس كده لما اقتنعت وألت لازم اشتريه حأ البنوتة الصغننة بتاعتي اشتريته وركبت الاوتوبيس
وانا ماسكه عدل علشان محدش يسرأه
انا : شيصرق الله يهداك الي يسمعك يقول فلوس البنك عندك
المدرس : انت ماتعرفش حاجة ولما وصلته للبيت بنتي أكلته وانا ابص لها عاوز ادوؤه ولما جيت الكويت كل اسبوع اشتري كرتون مارس
انا : والله عمار ياكويت
المدرس : آه صحيح الله يخليها وشوف دلوأتي بجيبي اتنين مارس
انا : ما شاء الله تحقق حلمك زين استاد الحين يطق الجرس وانت علينا اقدر ما اجي حصتك واعطيك كرتون مارس
المدرس : اييه ده عرض مغري ....وبعدين معاكم يالكُوَيْتَة اييه احنا بأينا اصحاب ولا ايه
انا : افا الحين بعد القصة الطويلة العريضة اخرتها جذي والله عاد كسرت خاطري انا كنت بروح بعد الهدى اشتري لك كرتون مارس لزوم الشغل يعني الشهايد قربت
المدرس : صحيح ماتنعطوش وش اوم امشي من هنا
والله ذكريات يازين الدراسة والمدرس هذا عزيز علي صراحة
مرة رحت معاه لسيارته كان بيعطيني دفتر منها فتح دبة السيارة لقيت فيها كرتون مارس
والله انه مجنون مارس
وين يبا على وين نازل <<مبيوقة من من موضوع تايتان
حبيبي والله تايتان
خلاص يبا انتهى الموضوع روح اكتب رد لا تقعد ادور حجة علشان ماتكتب يلا انا ناطرك
وانتي بعد مو بس هو
>>>>والله احس اني انجنيت قاعد احاجي روحي
سيا
لا الحين تزعل رعبة خلاص
سلام
.. و ايهو حلاو مارس -_-" >> حده سنيكرز 
المشاركة الأصلية كتبت بواسطة ToUaReG
