ساري في ظلام

[UDK]

السلام عليكم و رحمة الله و بركاته


كيف حالكم وش اخباركم جميع ان شاء الله بخير


ساري في الظلام هذا العنوان صار لقصيدتين وانا باحطها بين يديكم و انتم اعطوني آراءكم



ساري في الظلام 1


اشوف العشاق من حولي و اسمع احلى الكلام
و انتي عني يا غلاتي مبعدة و لا تدرين بالحال
بعدك عني و غلاك يتعبوني و يجرحوني بالسهام
من فرقاك ضاع قلبي و ما بقى فيني من البال
صرت انا في بعدك انسان ساري في الظلام
اشوفك حولي و قريبة بس للأسف صرتي الخيال
صرت اعاني و حياتي اكتفت من الحزن الاوهام
يسألوني ليش انت تفكيرك في الحل و الترحال
قلت لأنها عني ابعدت ابعدت ذيك الرهام
طيبها طيب يستاهل اعلى مراتب في الجلال
تستاهل كل قطرة دم على كل رمح و الحسام
لها في قلبي غلا في لحظة امتلكني و في الحال
اشعلت حياتي بضيها و ضيها من ضي الكرام
استعمرت قلبي و صار قلبي في وضع الاحتلال
ابرقت قلبي من حبها و شوقها لي و من الغرام
و لا عاد صارت لي البدر و لا حتى لي الهلال
لمن اشكي حالي لعذال ينتظرون لحظة انهزام
او اشكي حالي للأوراق علها ارحم من العذال



ساري في الظلام 2


انا ساري في ظلام نوره اوهام ... عاشق خيال هل هو حقيقة او
سراب
انا شاري منه عيون كما السهام ... تجرح فيني و تداويني احلى
اهداب
انا خالي من عشق و من الاحلام ... و العاشقات كثار بس يفصلني
حجاب
انا عالي قدري كني للبعير السنام ... في احزاني و ضحكتي تعتبر
ارهاب
انا كافي قلبي بقناعتي و الحطام ... راضي بالحال و الحال ما تسر
اغراب
انا عاتي جبار قاهر كل الاقلام ... و الفرح بعيد عني كما نجمات و
شهاب
انا طاير ما اطير كني من النعام ... طاير في هواها و ما اشوف منها
اعجاب
انا كاسي عيوبي بطيب و احترام ... و كافي حالي مبعد عن ناس في
خراب


انتقادتكم يا الربع و آراءكم



تحياتي

[إنـسـان ثـانـي]

السلام عليكم ورحمة الله

يسعدني ان يكون ردي اول رد


.

ساري في الظلام هذا العنوان صار لقصيدتين وانا باحطها بين يديكم و انتم اعطوني آراءكم

كان افضل لو حطيت كل قصيده في موضوع وسميتهم
ساري في الظلام 1 , ساري في الظلام 2

عموما

ساري في الظلام
.
ابحرت معك من اول حرف لاخر حرف
.
جولة مع مخيلتك ! مخيلة شاعر يتمتع بالرحابة في التفكير والخيال
.
ولي رجعة مع (ساري في الظلام 2 )
.
اسعد الله اوقاتك

[UDK]

مشكور يا انسان ثاني على ردك و انا انتظر رجعتك




تحياتي

[إنـسـان ثـانـي]

ولي رجعة مع (ساري في الظلام 2 )

انا عالي قدري كني للبعير السنام

احس التشبيه مو جيد السنام مو قدر عالي ... ولا هو قدر اصلا على شان يكون عالي

و كافي حالي مبعد عن ناس في خراب

هنا احس الشطر يحتاج له تطوير

والوزان مختله بعض الشي

والكلمات يحتاجلها تطوير اكثر ... يعني اختيارك للكلمات في المرات القادمه يكون غير

(غريبه ... انا ماحبيت انتقد في -ساري 1- لاني بغيت اترك الامر لمن هو اكثر خبره... وين الاعضاء عن الرد ؟؟ )

بالتوفيق

اخوك ماجد مراد

[Mr.MooT]

روووووووووعه وصح الساانك قلبي والله يوفقك

[Exodia]

السلام عليكم

صح لسانك ولا هنت أخوي UDK

وملاحظتي الوحيده :

اشوفك حولي و قريبة بس للأسف صرتي الخيال

جرب ألغي كلمة قريبة أو جرب ألغي الواو وشوف المعنى ...

وتسلم يمينك ...

[Mr.FMZ]

يعطيك العافية على الابيات .. صح لسانك ولاهنت
من ناحية المعاني .. الاولى عندي اجمل معاني وتشابيه وابعد عن المبالغة في التشبيه.
اخص بالذكر هذي الابيات جميلة جداً:
"اشعلت حياتي بضيها و ضيها من ضي الكرام
استعمرت قلبي و صار قلبي في وضع الاحتلال
ابرقت قلبي من حبها و شوقها لي و من الغرام
و لا عاد صارت لي البدر و لا حتى لي الهلال
لمن اشكي حالي لعذال ينتظرون لحظة انهزام
او اشكي حالي للأوراق علها ارحم من العذال"

ولكن من ناحية الوزن والقافية الثانية افضل .. ولكن في العموم اقترح عليك لو تخلي عجز من البيت ساكن والآخر متحرك يعطي صوت موسيقي افضل.
اتمنى لك التقدم دوماً إلى الأمام ولاتحرمنا من مشاركاتك الجميلة.
وبالتوفيق
بدر

[UDK]

مشكورين على الردود و الملاحظات و الانتقادات المهمة فعلا بصراحة ما ادري وش أقول عشان أوفي لكم حقكم بس ما أقول الا جزاكم الله خير على هذه النصايح المهمة فعلا و الله لا يحرمني منكم




تحياتي

[UDK]

يا انسان ثاني

احس التشبيه مو جيد السنام مو قدر عالي ... ولا هو قدر اصلا على شان يكون عالي

انا لم أشبه السنام ( بالقدر العالي ) انا أخترت السنام لأنه عالي و ليس لأن قدره عالي


moot

صح بدنك و مشكور على ردك


Exodia

وملاحظتي الوحيده :

اشوفك حولي و قريبة بس للأسف صرتي الخيال

جرب ألغي كلمة قريبة أو جرب ألغي الواو وشوف المعنى ...

وتسلم يمينك ...

فعلا انا معك في الملاحظة شكرا على التنبيه و الله يسلمك


Mr.FMZ

من ناحية المعاني .. الاولى عندي اجمل معاني وتشابيه وابعد عن المبالغة في التشبيه.

بصراحة انا ايضا تعجبني الاولى من ناحية المعاني اكثر من الثانية

ولكن من ناحية الوزن والقافية الثانية افضل .. ولكن في العموم اقترح عليك لو تخلي عجز من البيت ساكن والآخر متحرك يعطي صوت موسيقي افضل.

مشكور على النصيحة المهمة فعلا




تحياتي

[bo3bdo]

وصح الساانك

[بوساامي]

هوووه

عمر افندي

صح لسانك و لو انك وهقتنا يا اخوي ليش ما كتبت كل وحدة بروح مثل ما قال الحجي انسان اخر او انسان ثاني

و دام انك تبي انتقاداتنا ....اجل وسع صدرك اهم شي وطول بالك ولا تصير عصبي و خلك مثل هذا --------->

حاول تضبط الوزن .... والطريقة هي ان تختار لحن معين و تغني القصيدة على اللحن ...اذا شفتها مضبوطة زين ...واذا صادفك بيت ما تقدر تغنيه على اللحن الي اخترته ... يعني بيت ( طااااااااااخ ) مكسور


القصيدة الثانية ...كلها انا ..انا ... انا ... انا .... يا اخوي تراني زعلت عليك .... خليتني احس انك مغرور ...شفت اشلون

اضحك معاك .... و وسسسسسسسسسسسسسسع صدرك وطووووووووووول بالك وخلك رجال نشيييييط واسنااااااااااافي وراعي فزعة

بالتوفيق

[UDK]

bo3bdo

مشكور على الرد و صح بدنك



بوساامي

مشكور على ردك بصراحة ما ادريي وش اقول لك بالضبط

بس أنا من ناحية الوزن ما أهتم مره لاحقين على خير


و بالنسبة للقصيدة الثانية كررت فيها كلمة انا موب غرور بس كذا حسيت اني احتاج اني اعبر نفسي شوي ( و العياذ بالله من كلمة انا )




تحياتي