سأشتري إكس بوكس فساعدوني ^^

[SILENCE.98]

هلا والله ...

أدري أدري بتقولون هذا مهبول بيشتري إكس بوكس عادي وتارك الإكس بوكس 360 ... والله ماعندي فلوس .. لكن خلونا بالمهم أنا بشتريه .. بكم سعره بالرياض .. ووش أشتري ألعاب معه ؟؟؟ .. ووش إكسسوراته الي أقدر اشتريها له ؟

[graphics style]

>< من جد مهبول >> لاتزعل
يأخي اذا ما عندك فلوس جمع الفرق بين القديم والجديد تقريباً 1000 ريال وتقدر تشغل العاب القديم على الجديد , كما أن الناس الحين يتجهون لاجهزة الجيل الجديد وليس القديم , على العموم أنت وكيفك .

الجهاز سعره تقريباً 700 ريال أو 600 وافضل الألعاب هي سلسلة هالو 1/2 , فيبل , نينجا جايدن , ريدك , فار كراي وغيرهم ,,,,,,,,,

[SILENCE.98]

طيب الإكس 360 أنا بشتريه ونفس الأسئله بكم سعره بالرياض .. ووش أشتري ألعاب معه ؟؟؟ .. ووش إكسسوراته الي أقدر اشتريها له ؟ ووش النوعيه الي أشتريه

[graphics style]

سعره بالرياض متنوع , يعني لكل محل سعر الي زيادة عليه ضمان وغير ذلك , بس تقريباً سعره مع لعبتين ب2400 ريال , وبالنسبة لأفضل الألعاب الحالية على الجهاز فيه ديد ريسنغ , ابلفيون , كال أوف ديوتي2 , بيرفكت دراك زيرو , كوندميند وغيرها .

اما الاكسسوارات مافيه أشياء ملفته في الوقت الحالي بس تقدر تشتري مروحة للجهاز عشان ما يحتر بسرعة , والنوعية يفضل يكون أمريكي لأنه المنتشر بالخليج

[Biwi]

(فل باك أمريكي) سعره بـ 1650 ريال سعودي الي يقول لك اكثر من كذا نصاب نصيحة انتبه من الغشاشين

والألعاب بـ 200 ريال وفيه بعضها قديم بـ 180 ,190 ريال

ولاتنسى اشتراك لايف (لعب اونلاين)

[graphics style]

(فل باك أمريكي) سعره بـ 1650 ريال سعودي

ممكن تقولي وش أسم المحل الي يبيع الجهاز بهذا السعر ؟

[SILENCE.98]

أرسل بواسطة Biwi
(فل باك أمريكي) سعره بـ 1650 ريال سعودي

من أي محل أكيد بالبطحاء ... على العموم ببيع البلاي 2 الكبير يمكن يحصل 430 على الأقل .. يعني إن شاء الله احصل سعر زين ^^ ..

[Biwi]

ممكن تقولي وش أسم المحل الي يبيع الجهاز بهذا السعر ؟

مو البطحاء بس الي يبيع بهالسعر محلات كثير تبيع بهالسعر عندك على سبيل المثال النسر قيمز في الشعلة يبيع حول هالسعر 1600 وشوي بس مادري كم بالضبط اهم شي مايزيد عن الـ 1700 ريال واذا منت مصدقني رح للمحل واسأله بنفسك وانا في انتظارك

[SILENCE.98]

بالبطحاء ألقاه بــ 1450 تصدق ... !! وأنا رايح بكرا وبشوف

[Mr.X]

اجل ربحت الجهاز في مسابقه ها
ومتفلس علشان مسابقه
الله يشفيك من مرض الكذب