السلام عليكم...
في البداية نحمد الله ان النتيجة انتهت بهدفين فقط ولا كانت على وشك ان تكون تاريخية وتلطخ سمعة الريال اللي بناها بالكد والتعب لفترات طويلة
ونشكر الدايركتور لأن لولاه لكان لقب " عضو موقوف " بيشتهر من خلال رابطتنا
نرجعل للشلولو بالنسبة للاعبين فرأيي بهم كالتالي
كاسياس
ما شاء الله في المباريات الصعبة دائما ما يكون بالمرصاد يكفي انه أنقذنا من فضيحة تاريخية وأكبر خسارة للريال في البطولة اللي طالما كانت محل شهرة الفريق ، لكن لا أدري سبب العقدة النفسية اللي مسيطرة عليه من تسديدات جنينهو ما في كرة الا واستعمل معاها صدة أوليفر كان الشهير " المقبض " مع ان الكرات كانت سهلة للغاية وبعضها مثل خطر حقيقي علينا
كارلوس
سوا اللي عليه وأكثر ، ما تقدم كثير ويبدو انها كانت من أوامر سامية من كابيللو لكن بالنواحي الأخرى وخاصة الدفاعية ما قصر
كنفارو
من أول نص ساعة شكيت انه بافون مسوي عملية تجميل
والله لاعبين ليون لعبوا فيه أبو الشلولو ، أخطاء فظيعة وارتباك واضح ومستوى معاكس لما ظهر عليه بالمباريات الماضية...
بالتأكيد كان الأسوأ بالمباراة وكأنه استلم رشوة من اداريي ليون
راموس
كذلك ما كان بمستواه ربما أخطاء كنفارو الكثيرة زادت من ارتباكه ، كذلك ما ننسى تحركات ليون السريعة والذكية والتفاهم الكبير بينهم زاد من أخطاء راموس الدفاعية..
بس يبقى أرحم من كنفارو بكثير..
سلجادو
هذا اللاعب اللي هلكتونا معاه
وأنا اللي أصرخ من أيام جدي ان سيسنهو ما له مكان غير الجناح..
تمريراته أغلبها خاطئة خصوصا الطويلة والبينية ، وثلاث أرباع الهجمات كانت من جهته وطبعا السيد المحترم كان يلعب مع دفاع ليون بهالفترات
حى كل غلطة على طول الكاميرا تروح لكابيللو وكأنها تصف حال كابيللو وهو مستاء لاصابة النجم المميز سلجادو..
والله حتى بالناحية الهجومية أفضل من سيسينهو وروحه القالية العية كانت بتساعدنا كثيرا لو شارك..
إيميرسون
قال كماشة قال
أكثر ما يغيظني بهاللاعب انه يحتاج نص ساعة عشان يستوعب ان الكرة بين أقدامه وغير نص ساعة عشان يدور ولين ما يمرر عد تحصل الخصم شايلين الكرة وجايبيلهم كم جول...
متباطيء لدرجة أسطورية بغض النظر عن أخطائه الكثيرة الاخرى ليلة أمس..
لكن البطيء هو اكبر عيب فيه لازم يتجاوزه من خلال الطامة الكبرى أمس كابيللو
ديارا
" من عاشر قوما أربعين يوما صار منهم "
لكن للأسف ما مر اسبوعين بجانب ايميرسون الا وصار أستاذه بالبطيء
رائع بتحركاته وتمريراته وروحه لكن عابه البطيء الكبير ولياقته وكأنه كان متعاطف مع فريقه السابق
بس يبقى مستواه جيد بالمقارنة مع فشلة ليلة أمس...
راؤول
أحيانا في الجناح الأيسر وأحيانا خلف الدفاع ثم بأقصى الهجوم بس ودي أفهم تعليمات كابيللو له ايش ؟
ومعقولة كابيللو اللي محصل قصائد شعرية مادحة ما استنتج للحين انه راؤول ما يبرز الا بمركزه الحقيقي كراس حربة
ما بتكلم عن مستواه اللي كان واضح للجميع لكن أتمنى كابيللو يتدارك الوضع ويفهم وين يحطه وبعدين التعليق عليه يكون جائز..
والله ما بيكون لنا حاجة لا برونالدو ولا نيستلروي
بيكهام
روح غني مع زوجتك أحسنلك
والله خلصت كلمات السب عليك ، انجلترا قرروا وضعك بالاحتياط لماذا لا يفعلها الريال
من مستواه يبدو انه مغرم باحدى مشجعات ليون وخاف يكسر قلبها هالحنون
كاسانو
يبدو ان الايطاليين لهم عقدة مع نادي ليون..
مستواه مختلف كليا عن المباريات الماضية ، وتبديل كابيللو له كان صحيح 100%
ما كان بالفورمة أبدا
الرود
لا تعليق فوق هذا التعليقما ألومه أبد هاللاعب معروف إن خطورته في الـ 18 وأمس كان يتراجع عشان يستلم الكورة والسبب إن ما فيه صانع لعب بعدك يا زيزو
رييس
حركي نشيط ، أول مباراة له وكأنه خاض أكثر من سنة مع الريال بتأقلمه وبروحه القتالية..
بنزوله حرك المباراة وكان السبب بعدد كبير من الكرات الخطرة...
بيخيب ظني بكابيللو اذا ما أشركه كأساسي بالمباريات القادمة
وفعلا صفقة أكثر من ناجحة وتأثيرها بيكون أوضح مع مرور الأيام..
جوتي
مدري وش صار فيه ..
يبدو ان بقائه هالفترات الطويلة على مقاعد الاحتياط أنقصت أضعاف مضاعفة من مستاه المعهود به ..
روبينيو
أي مجنون يفكر بلحظة يخليه بالاحتياط وبيكهام أساسي..
يبقى فريق ليون ثابت على تشكيلة معينة من فترة طويلة لذلك واضح الانسجان والتآلف بينهم وهذا كان أكبر سبب لهالفضيحة الكروية اللي حصلت أمس...
الأمل بالريال ميئوس وأظن اخراج بيكهام بيكون الخطوة الاولى للعودة هذا اذا كانت هناك عودة
متع الروح قبل لا تروح 
المشاركة الأصلية كتبت بواسطة ALcATRAZ
