آخر 4 العاب انهيتها.

[cantona222]

السلام عليكم و رحمة الله و بركاته.

بس بغيت افتح موضوع عن اخر 4 العاب الاعضاء انهوها (ختموها) (خلصوها) على الـPS2. و نبي من كل عضو يعطينا انطباعه عن اللعبة اللي انهاها.

بالنسبه لي: فراح تلاحظون ان الالعاب اللي توني خلصتها كلها قديمة. و السبب اهو اني ادرس بامريكا. هذا معناته ان مافي Copy. و انطر نزول اسعار الالعاب. مثل ما انتو عارفين ان الالعاب اول ما تنزل بامريكا يكون سعرها 50$ ....... و بعدين ترخص و توصل 20$ ........ لازم نوفر بعد


(1)
God of war

اللعبة عجبتني واايد. الـ Game play وايد عجبني. و الالعاب اللي بهالطريقه احسها قليلة؟؟ صححوني اذا غلطان؟؟!!......انا ناطر God Of War II باحر من الجمر

خلصتها عالـNormal
لعبت الـ God Mode (very Hard) بس للاسف ما قدرت اخلصها....... صعبة عليي


(2)
GTA: San Andreas


طبعا هاللعبة لا غبار عليها. خذت من وقتي يمكن 80 ساعه..... بس كانت من اجمل الساعات
بس بصراحه. انا خلصتها باستخدام الـCheats
كنت استخدم Cheats الاسلحه و الـHealth
نبي نعرف اذا في واحد من الاعضاء ختمها بدون Cheats... هذا صج يعتبر Hard Core Gamer


(3)
GTA: Liberty City Stories


بعد ما لعبت San andres و تحمست....... قلنا ناخذ اختها. اهي ما كانت بنفس المسوى...... و لكن تبقى لعبة ممتعه. اللعبة اقصر من San Andreas. بس تعتبر من الالعاب الطويلة.
طبعا خلصتها بالـCheats بعد


(4)
Midnight Club: Dub Edition (Remixed)


لعبة سباق وايد حلوة.
انا خلصت 78% من اللعبة ....... بس مقنع نفسي اني خلصتها
.
...
......
...
.

هذي اخر 4 العاب نهيتها عالـPS2 ...... ادري انها قديمة. بس شنسوي بعد؟؟
نبي ناخذ رايكم ......... و نشوف اخر 4 العاب خلصتوها

و شكرا

[HopeCord]

أنا بالنسبة لي كانت :
1- hitman blood money
2- final fantasy XII
3-kingdom heart 2
4-roger trouper
أعرف إني قديم نوعا ما لكن ننتظر بلاي ستيشن 3

[Gentleman]

لا اذكر اخر 4 العاب ..

ولكن اخرلعبتين هم ::

Kingdpm hearts 2 و Devil May Cry 3 SE ..

وشكرا ..

[ولد الصائغ]

عندي أنا هذا الشريط http://www.galaxisnet.hu/termekkepek...tion_remix.jpg
بس ما ختمته للحين توني مبتدي فيه بس أن شاء الله أقدر أكمله

[# big show #]

في البداية عندي تعليق على لعبة god of war ...

اللعبة تتكلم عن مقاتلة الإله و المشي على الصراط والموت والعودة للحياة ...

وكل هذا يعد من ضروب الكفر والفسق ...

صحيح ان اللعبة جميلة وممتعة ولكن دع ما يريبك الى ما لا يريبك ...

فمن المتوقع ان يكون البطل في الجزء الثاني هو الرب !!!

كل هذه افكار غبية وخطيرة ولا احب حتى انظر الى صور ألعاب نجسة كهذه ...

وهل تعرف ان الشيوخ (حفظهم الله جميعاً) قد حرموا مثل هذه الألعاب ؟؟؟

وأن من يبيعها في المملكة سيتم سجنه لستة أشهر ؟؟؟

فلماذا كل هذه الشبهات ...

آسف عن خروجي من الموضوع لكن حبيت أنصح ...

والألعاب هي /

جراند تريزمو 4 ...
ريزيدنت ايفل كود فيرونيكا (مع اني انهيتها لعدة مرات ولكن للتسلية) ...
شادو أوف روم (يا قديييييييييييم ) ...
ريزيدنت ايفل 4 (للمرة المليار ) ...

وبالتوفيـــــــــــــــــــق ...

[ShadoW]

السلام عليكم و رحمة الله و بركاته.

بس بغيت افتح موضوع عن اخر 4 العاب الاعضاء انهوها (ختموها) (خلصوها) على الـPS2. و نبي من كل عضو يعطينا انطباعه عن اللعبة اللي انهاها.

بالنسبه لي: فراح تلاحظون ان الالعاب اللي توني خلصتها كلها قديمة. و السبب اهو اني ادرس بامريكا. هذا معناته ان مافي Copy. و انطر نزول اسعار الالعاب. مثل ما انتو عارفين ان الالعاب اول ما تنزل بامريكا يكون سعرها 50$ ....... و بعدين ترخص و توصل 20$ ........ لازم نوفر بعد


(1)
God of war

اللعبة عجبتني واايد. الـ Game play وايد عجبني. و الالعاب اللي بهالطريقه احسها قليلة؟؟ صححوني اذا غلطان؟؟!!......انا ناطر God Of War II باحر من الجمر

خلصتها عالـNormal
لعبت الـ God Mode (very Hard) بس للاسف ما قدرت اخلصها....... صعبة عليي


(2)
GTA: San Andreas


طبعا هاللعبة لا غبار عليها. خذت من وقتي يمكن 80 ساعه..... بس كانت من اجمل الساعات
بس بصراحه. انا خلصتها باستخدام الـCheats
كنت استخدم Cheats الاسلحه و الـHealth
نبي نعرف اذا في واحد من الاعضاء ختمها بدون Cheats... هذا صج يعتبر Hard Core Gamer


(3)
GTA: Liberty City Stories


بعد ما لعبت San andres و تحمست....... قلنا ناخذ اختها. اهي ما كانت بنفس المسوى...... و لكن تبقى لعبة ممتعه. اللعبة اقصر من San Andreas. بس تعتبر من الالعاب الطويلة.
طبعا خلصتها بالـCheats بعد


(4)
Midnight Club: Dub Edition (Remixed)


لعبة سباق وايد حلوة.
انا خلصت 78% من اللعبة ....... بس مقنع نفسي اني خلصتها
.
...
......
...
.

هذي اخر 4 العاب نهيتها عالـPS2 ...... ادري انها قديمة. بس شنسوي بعد؟؟
نبي ناخذ رايكم ......... و نشوف اخر 4 العاب خلصتوها

و شكرا

مدام انك في امريكا ليه ماتستخدم هذا الموقع تأجر منه الالعاب

http://www.gamefly.com/

انا جربته ومره ممتاز وطريقة نفس نت فليكس

[shatnawi]

اخوي مشكور واخر اربعة العاب هي
1-final fantasy XII
2-gta san andreas
3-need for speed ug
4-hit man contracts

[Abdul-Rahman]

بالنسبة لي:
1/ برنس اوف برشيا الجزء الثالث
أخخ ندمان لاني مالعبت أو ما اشتريت الجزء الاول والثاني الصراحة لعبة خطييرة
2/ راتشيت آند كلانك الجزء الثالث
أنا اشتريتها يوم ماطلعت لكن
ماختمتها لاني يوم اشتريتها كنت قبل يومين مشتري الجزء الثاني وجلست العب
فيه والجزء الثالث مرمي لييين خلصت اللعبة وجيت العب الجزء الثالث كرهت
اللعبة خلاص والله كنت كل يوم العب راتشيت راتشيت خلاص قرفت.
للاسف طلعوا لعبة جديدة من راتشيت لكنها ليست لعبة بلاتفروم
3/ِ Ape Escape3
برضها لعبة قديمة لكني لعبتها متأخر والصراحة هي لعبة حلوة
وما فيها صعوبة ابدا هذي اللي مبيخها
4/ ديفل ماي كراي 3
خطييييييييرة مررة بدون أي كلام واصل المهمة12 يعني تقربيا ختمته إن شاء الله

-----------
بالنسبة للعبة اللي فيها محاربة الله والعياذ بالله
اعتقد اللي مسوين اللعبة نصارى >> كيف عرفت يا ذكي << والله مدري لكن علشان اغلب
الاوروبين والامريكان نصارى على حسب معلوماتي الضئيلة
المهم والنصارى يعترفون وبجود الله وانه هو الخالق إلا أنهم عندهم معتقدات
واشياء اخرى غريبة والصراحة هذا إن دل دل على تشكيكهم بالله وعدم وثوقهم في دينهم
المهم دخلتكم في سالفة الاديان يالله بس حبيت اعرف بعض المعلومات المهم سلمت على الموضوع

[cantona222]

اشكر الشباب عالردود. و عالمرور

أنا بالنسبة لي كانت :
1- hitman blood money
2- final fantasy XII
3-kingdom heart 2
4-roger trouper

أعرف إني قديم نوعا ما لكن ننتظر بلاي ستيشن 3

خلصت فاينال فانتاسي 12 عالـPS2؟ لاعبها بالياباني؟ لان على حد علمي ان الاصدار الامريكي راح ينزل 31/10/2006؟

لا اذكر اخر 4 العاب ]

ولكن اخرلعبتين هم ::

Kingdpm hearts 2 و Devil May Cry 3 SE ..

وشكرا ..

و الله Dvil May Cry 3 صعبه........... انا قاعد العبها عالـVery easy

كل هذه افكار غبية وخطيرة ولا احب حتى انظر الى صور ألعاب نجسة كهذه ......

اخي Big Show:
بس بغيت اوضحلك شي: لعبة God of War مو مثل ما تتوقع. التاريخ اليوناني مليء بهالخرافات. و الكل يدري عن هالشي. و اصلا احنا حافظين اسامي كثير من آلهتهم بس احنا مو حاسين. مثلا الماركة الرياضية Nike هي عبارة عن اله اغريقي و معناتها اله النصر. و ايضا كلمةاطلس(Atlas) الا وهو كتاب الخرائط. سمي بهذا الاسم لان معناته اله الارض عند الاغريق. مع ذلك احنا نستخدم هالمصطلحات. فكل حضارة لا تخلو من هذه الشبهات......... حتى الحضارة المصرية الفرعونية عندهم آلهتهم و معتقداتهم. فمافي مانع انا نعرفها........ بس ما نؤمن فيها طبعا. ........... فاذا احنا قاعدين نلعب لعبة تتكلم عن التاريخ الايوناني للمتعه ......... فاتوقع انه شي عادي......... لان باللعبة ما دخلو بالذات الالهيه و لا شي........ بس جايبين شوي عن خرافاتهم اللي مالها دخل فينا...... و لا تمسنا نوعا ما. .......... بس عيب اللعبة ...... اهو وجود بعض اللقطات الاباحية ....... بس طبعا بمقدورك انك تطوفها حالها حال الافلام . و شكرا

مدام انك في امريكا ليه ماتستخدم هذا الموقع تأجر منه الالعاب
http://www.gamefly.com/

انا جربته ومره ممتاز وطريقة نفس نت فليكس

و الله استخدمت Game Fly لمدة شهر بس ما عجبتني خدمتهم. بطيئين وايد في ارسال الالعاب. ما يتقارنون بخدمة الـonline لـBlockbuster و Netflix

شكرا اخوي عالمعلومة..........عندي سؤال: انت حاليا بامريكا؟ وين بالضبط؟

اخوي مشكور واخر اربعة العاب هي
1-final fantasy XII
2-gta san andreas
3-need for speed ug
4-hit man contracts

عندي لك نفس السؤال: Final fantasy XII ياباني؟

شكرا اخوي jakom jak عالرد.......... و صج انا ودي العب سلسلة Prince of Persia احس انها لعبة مغامرات شيقة.
و شكرا

[Flanteus]

1- فف12 ياباني ما علقت الا في لغزين
لغز الزومبي والباب اللي ما ينفتح الا باستدعاء
عن نفسي أحلى جزء لعبته بعد 7
وأضخم جزء بالسلسلة ..من كبرها بالراحة ممكن تضيع
2- برنس اوف بيرجيا 3 ...روعة اللعبة بكل ما تعنيه الكلمة انهيت الأول والثالث فقط ..الثاني كان مليان أخطاء برمجية ...
3- فف10-2 في 20 ساعة مهزلة
أنهيتها بالياباني مرة ... زمان اول ما نزلت ..ولقيت صاحبي عنده الأمريكية فلعبتها
4- فف7-2 ... لعبة فينست المتخلفة ..
هي ممتعة ...بس ابدا ما تصل لمستوى الألعاب القوية ...
تقريبا أقوى من ذا باونسر ( أفشل لعبة عند سكوير ) ..
5- محاولة فاشلة بانهاء عنموشا 4 .. ( ما عرفت كيف احول اللغة ..وبطلت العبها لول )

[Drasticxx]

انا آخر خمسة العاب اللي ختمتها هي :

Tekken 5



Midnight club (DUB edition

Resident evil 4



Resident evil outbreak 1&2


WinBack 2: project posidon

[DANTE Sprada]

اخر لعبه ختمتها Devil May Cry3 SE ما ختمت شريط جديد من زماان كل وقتي اللي العب فيه الPC2 اقضيه بلعب Devil May Cry3 SE (ختمته مليون مره)

[DANTE Sprada]

يا أخوان نصيحه من اخوكم DANTE لاتلعبون God of war هذا الشريط فيه اعتراف بالاله اخر ولا فيه الاله غير الله سبحانه وتعالى صحيح ان العبه حلوه بس فيها اعتراف بالاله اخر وهذي المره الثالثه اللي انصحكم فيها ومشكور اخوي على الموضوع

[nitros]

تصدقون ماشريت PS2

لكن اخذته من صاحبي مره وشريت 3 اشرطه

GTA:SA

وخلصته بدون اي اسرار

metal gear

خلصته مرتين <--- افضل لعبة في تاريخ العاب الفيديو


GT4
اذكر تعديت 50% ومامداني اكمل

[cantona222]

GTA:SA

وخلصته بدون اي اسرار

metal gear

خلصته مرتين <--- افضل لعبة في تاريخ العاب الفيديو

ما شاء الله ......... خلصت GTA:SA بدون Cheats؟ هذا انجاز. انا لو ما استخدم اعاده الـHealth و الاسلحه.......... جان يمكن عدت كل Mission اكثر من 10 مرات عشان اخلصها

و أي Metal gear تقصد؟ 2 او 3؟

وشكرا