رحلتي إلى لبنان ( من تأليفي )

[LO BO]

السلام عليكم ورحمة الله وبركاته

كيف حل جميع الأعضاء

عساكم بخير

اليوم حاب أقولكم وش صار لي في لبنان

مع خويي أبو جمجمه و أبو جزمه (رحله خاصه)

* ملاحضة / القصة تكتب باللهجة القصيمية و اللي ما يفهم يكتب الكلمة اللي مشكله عليه و أنا أشرحها له
** اللي يقاطع القصة يوقف آخر الفصل و يرفع يدينه و رجلنه فوق ما لي دخل

القصة

بسم الله الرحمن الرحيم

الموقف القصيم فوق نفود الخبوب :-

أنا / السلام عليكم
الشباب / و عليكم السلام
أنا / كيف الحال عساكم بخير مرتاحين ؟
أبو عقل / إيه وش بلاك واقف إجلس و تقهو معنا
أنا / أبشر
وبدت السوالاف تدهر
علي / يا شباب وين رايحين هالإجازة
أنا / عسى ما شر وش صاير لك ما لنا إلا مكة و إن أبعدنا رحنا للطايف
علي / أجل ما سمعتوا
حنا / وشووووووو !!!
علي / يقولون إن لبنان حلوه مره تقطع مصارين القلب من الزين !!
أبو جمجمه / وشي لبنان
أبو سحليه / ملاهي
علي / لالالالالا
أبو جزمه / أكيد لمبه
أنا / خل عنكم ما تعرفون ( مسوي فاهم ) هذي يسمونها ال ؟؟.. ال ؟؟ آتششششششششوو!!!! الحمد لله
الشباب / يرحمك الله
أنا / يهديكم الله ويصلح بالكم ؛ إيه وين وصلنا
أبو عقال / لبنان
أنا / إيه لبنان هذي سوق جوا البر يبعون فيها الحميض
علي / لالالا ( بكل قوته ) هذي هناك عند فلسطين
حنا / إيه عرفناه وش بها
علي / حلوه مره تبيع أشياء غريبه يقولون إن العشى كل يوم شكل
أبو جزمه / يعني كل يوم أكل بردقان
علي / لا أحسن من البردقان فيه كل شي
حنا / الله شكلها حلوه
علي / إيه أحلى من الحلو
و بدا علي يقرق عن لبنان لما رحنا للبيوت

___________

الموقف الشارع بعد صلاة الفجر :-

أنا / الحمد لله صلينا و إرتحنا ولا لا يا أبو جمجمه
أبو جمجمه / إلا ........
أنا / وش فيك تفكر من أمس بليل
أبو جمجمه / إيه أفكر باللي يسمونه لبنان
أنا / إيه حتى أنا الموضوع ببالي من أمس بليل أفكر به
أبو جمجمه / ودي أروح له
أنا / حتى أنا بعد ودي أروح بس تعرف ما عندك أحد لا قروش و لا شي
أبو جمجمه / وراه ما عندك أحد شف أبو جزمه ما شاء الله عليه مطخطخ لما راسه
وش رايك نقوله يجي معنا
أنا / و الله العضيم إنك جبتها
يالله خلنا نروح لأبو جزمه نشوف رايه ؟؟!
؟؟؟؟؟؟؟؟؟؟؟؟
التكمله فيما بعد



هاه وش رايكم

لا أحد يطلع إلا وهو راد

[:: HiDEY ::]

نااايس
ناطره التكملة
تحيااااااااتي

[×"NIGHT STAR"×]

هههههههههههههههههههههههه
لبنان ملاهي هاا
هههههههههههههههههههههه
حلووووووووووووووووة..
ننتظر التكملة..

[إنـسـان ثـانـي]

هو انت ماذكرت الي الشي البسيط ><

طيب كان طولت المقطع الاولاني ><

بس البداية جميله ^^ يالله واصل ولا تفاصل

ننتظر ^^

[LO BO]

مشكورين على المرور

الموقف أمام باب بيت أبو جزمه :-

أنا / عساو يوافق
أبو جمجمه / إيه أغديه يوافق
فجـأه !
بووووووووووووم
أنا / بسم الله الرحمن الرحيم وش صار !!
أبو جمجمه / ما أدري !!!
أخيرا فتح الباب أبو جزمه
أبو جزمه / وش بكم صايره عيونكم صايره مثل التفيخ
أبو جمجمه / أول شي السلام عليكم
ثاني شي وش الصوت هذا ؟؟؟؟
أبو جزمه / هههههههههههه هذا صوت جزمتي و أنا أدبغ الصارور بالملحق
أنا / كلذا علشان صارور
أبو جزمه / أكيد أجل أخليه يتمشى بالبيت و أنا مسكت !! إيه صح ليش جاين بعد صلاة الفجر لمي
أنا / أغديك يا أبو جمجمه تقول السالفه ...؟
أبو جمجمه / لالا أنت أبدا ....
أبو جزمه / !!!!!
أبو جزمه / خلص أنا أبي أروح أجيب عامل علشان يخرف النخل إذا قضيتوا نادون
أنا / خلاص لا تروح أنا أقول السلالفه بس تخلينا بالشارع ما تدخلنا
أبو جزمه / لا أبوي يعي علي أدخلكم
أنا / خلاص تعال نروح عند الطرفيه نكشت و نقول السالفه ....
أبو جزمه / طيب دقايق و أجي
بعد مرور 3 ساعات .......
أبو جمجمه / شكل هذا مهب جاي خلنا نروح
أنا / خلاص خمس دقايق و نمشي الرجال طول و إلا أقول خلنا ندق على عليه ؟؟؟
أبو جمجمه / طيب ؛
أنا / خلن أدق عليه .... توت ... توت .... توت ...طوط ...طوط ...طوط طوط طوط !!!
أبو جمجمه / وش صار ؟؟
أنا / ما رد ... تيت تييت تيت تيييت !!!
أبو جمجمه / وش الرساله اللي جت ؟؟؟
أنا / الله يقطع إبليسه
أبو جمجمه / وش فيه
أنا / شكل أبو جزمه سحب علينا
أبو جمجمه / وشلون
أنا / مرسل لي رساله يقول فيها إنه نايم و ما يبي أحد يزعجه
أبو جمجمه / صدق و الله لا أوريه
أنا / فك الشر عنك الرجال مسكين
نزل أبو جمجمه من السيارة و راح يرن الجرس
فجأه ما أدري إلا اللي جاي من أخر الشارع يركض لمي يوم وصل فك اللطمه أثره أبو جزمه
خخخخخخخخخخ
أبو جزمه / هاه وش رايكم بالمقلب ؟
أبو جمجمه / يا ثور يا خنفسانه وش مسوي خلتنا نتأخر 3 ساعات بسبك يا تعبان
أنا / اللحين قلي وشلون طلعت من البيت بدون ما نشوفك
أبو جزمه / الله يخلي أبو الجيران
أبو جمجمه / وش سوى
أبو جزمه / خلان أقمز على بيتهم علشان أضرب الصوارير عندهم بعدين جلسنا نتقهوى ساعتين و نص
أنا / شغلك بعدين يا أبو جزمه اللحين خلنا نروح لما الطرفيه علشان نشرح السالفه
الشباب / يالله !!!!!!


عاد وش صار بالطرفيه العدد الجاي ؟؟؟؟

ملاحظه * إذا لم يفهم أحد يكتب الكلمه المجهوله و يقول أنا ما فهمت هذي الكلمه علشان أشرحها له

تحياتي

[:: HiDEY ::]

انا فهمت كل شي ..
الا الطرفية شنو يعني ؟؟
و مااا صاارت من لبنان .. اقصاها ملاهي خخخ
لا تطول بالقصه ترا انا متاابعه
يعطييك الف عااافيه
و تحياااتي

[LO BO]

أختي hide n seek

الطرفيية هي منطقة بالقصيم ( مكشات ) يعني مثل الثمامه بالرياض

إذا ما فهمتي قولي لي أوضح أكثر

[TiTaN]

أنا / أغديك يا أبو جمجمه تقول السالفه ...؟

ما فهمت هدي الجملة

و دي كمان

يخرف

ما فهمتها ؟

شكل القصة حماس ، بإنتظار التكملة
اخي الكريم لوبو

[:: HiDEY ::]

أختي hide n seek

الطرفيية هي منطقة بالقصيم ( مكشات ) يعني مثل الثمامه بالرياض

إذا ما فهمتي قولي لي أوضح أكثر

لاا مشكوور فهمت ,,
أقول مو القصيم موجوده بالطريج وانا راحة منك من الكويت ؟؟
جنة مرييت على المكان ..
و مو القصيميين اهم اللي عندهم ال (تس) مثل شلونتس ؟؟ يعني شلونج ؟؟
مجرد تساؤلات بريئه !
ههههه
تحيااتي

[LO BO]

مشكورين على المرور

أخي TiTaN

شرح جملة
( أغديك تقول السالفه )
أنا قلت لأبي جمجمه بالعربي الفصيح
( ليتك يا أبا جمجمه تقول له الموضوع )
كلمت أغديك تعني ليتك
و تشتق منها كلمت
أغدينا و تعني ليتنا

كلمة ( يخرف )
معقول ما تعرفها ؟؟؟
هذي كلمه لازم يكون العرب جميعهم يعرفونها
توضيحها : التمر إذا صار رطب يحتاج واحد يقطفه
كذا فهمتاه
يخرف => يقطف ( لاكن تستخدم للتمر فقط )
مثال إخرف التمر يا TiTaN
واضح



أختي hide n seek
صدق تحبين القصيم
القصيم بعض الكلمات تكون فيها ( نس ) بس هذا الضمير مؤنث
يعني ما تقولين وش لونس يا محمد
تقولين وش لونس يا hide n seek
تمام

مشكورين على المرور

[LO BO]

بسم الله الرحمن الرحيم
.
.
الموقف في الطريق إلى الطرفيه :-

أنا / وين نقعد به ؟
أبو جمجمه / ندخل داخل البر علشان ما يصير فيه إزعاج
أبو جزمه / تكفا دور لنا مكان فيه صوارير علشان أضبحهن
أنا / وش الكلام الماله داعي هذا
أبو جزمه / آسف ...!
أبو جمجمه / شف هذا المكان زين ...
أنا / لا ما يصلح هناك مخيم أخاف فيه حريم ...بعدين تعرف وشلون تصير عيون أبو جزمه
أبو جزمه / إيه !!! تبي واحد يشوف الماما حقتك
أنا / وش رايكم ورا النفود ما ضنتي فيه أحد ؟؟
أبو جمجمه / خلاص .....

بعد التوقف و أخذ إستراحة قصيرة ...:-

أبو جزمه / حنا ليش جاين
أنا / جاين نقولك موضوع ياليت تركز معي ....
أبو جزمه / كلي عيون صاغية
أنا / وشو
أبو جزمه / كلي أذآن صاغية بس لا تصيح
أنا / انت اللي تصيح يا عنبه و الله لأوريك
أبو جمجمه / خلاص فكوا أنا أقول السالفه الشر إسمع يا أبو جزمه حنا ودنا نروح لما لبنان ونبيك تباشر علينا بالرحله !!!!
أبو جزمه / لا
أنا / أمانا وديناك لما الطرفيه ودنا للبنان
أبو جزمه / خلاص أكلم أبوي و أعطيكم رد بعدين .....!
أنا / خلاص خلونا نكمل الطلعه
و بدينا نسولف فجـأه قام أبو جمجمه و جلد أبو جزمه !
أنا / فكوا الشر عيب يا أبو جمجمه خل الرجال
أبو جمجمه / و الله لأوريك و أتمردغبك بالأرض لمين تقول ربي الله
أبو جزمه / ربي الله ربي الله وش السالفه
أبو جمجمه / هذي إنتقام عن اليوم الفجر 3 ساعات يا حيوان
أبو جزمه / خلاص أتوب
أبو جمجمه / لا ما أسامحك
أبو جزمه / أتوووووووووووب خلالالاص
أبو جمجمه / خلاص أسامحك بس بشرط تودين لبنان
أبو جزمه / أوديك لبنان بس خلاص ما تزعل علي
أنا / أفا نسيتون بسرعة هين و الله لأعلم أبوك يا أبو جمجمه إنك أنت اللي فقعت لمبت بيتهم يوم نلعب كورة
أبو جمجمه / الله يخليك لا تعلم أخليك تروح معنا .....
أبو جزمه / أنت أول واحد يبي يروح
أنا / خلاص بس كل واحد يقنع أهله
أبو جمجمه و أبو جزمه / خلاص

يالله وش رايكم بالجزء الجديد

إنتظروووا التكمله

تشاهدون في الحلقة القادمه ....

&&&&
أبو (أبو جزمه) / خلص رح إشتر لبن !!!!!
&&&&
أبو جمجمه / وين الطربوش
&&&&
أنا / ليش تدووور الطيارة
أبو جمجمه / ما أدري
أبو جزمه /؟؟؟؟؟؟
&&&&

تحياتي

[LO BO]

أفا وين الردود ؟؟؟؟

طيب عقاب المقطع هذا بسيط

الموقف رحلة العوده من الطرفية :-

أبو جمجمه / الحمدلله الكشته زينه
أنا / إيه و الله أهم شي إننا إنبسطنا
أبو جزمه / و الله إني زعلان
أنا / ليش ؟؟؟؟؟؟
أبو جزمه / ما كان فيه صوارير نضربهن !!
أبو جمجمه / الله يخليك متى تكبر عن هذا الموضوع أكبر يا رجل عيب كذا
أبو جزمه / لا معصي
أنا / أعقلوا قدامنا نقطة تفتيش بدون إزاج .....
الشرطي / وقف على جنب !!!!
أنا / أبشر
بعد الوقوف عند نقطة التفتيش
أنا / السلام عليكم وش القصة يا الضابط
الضابط / إقالك ما تعرف
أنا / لا والله ما أعرف
الضابط / قاعد تفحط على الشارع
أنا / !َ!! متى ؟
الضابط / لا تنكر
أنا / و الله ما تحركت من محلنا هناك
نزل أبو جمجمه و أبو جزمه من السيارة .....
أبو جمجمه / وش صاير
أنا / أبد يقولون إني قاعد أفحط و الله ما فحطت
الضابط / لا تكذب
أنا / و الله إني صادق !!!!
أبو جزمه / يا ضابط و الله ما فحط أنا اللي فحطت
أنا و أبو جمجمه / !!!!!!
أبو جزمه / إيه أصلن يوم غفيتوا الظهر قمت أخذت كم من عقده بالشارع
أنا و أبو جمجمه /
الضابط / إيه أثره أنت
أبو جزمه / إيه وش تبي
الضابط / بسرعة رح لباص التوقيف
أبو جزمه / طيب وينه ؟
الشرطي / ورا الغرفه
المهم أخذوا أبو جزمه وودوه للتوقيف


يالله ورونا الردود


سترون في الأعداد القادمه :-

&&&&
أبو (أبو جزمه) / خلص رح إشتر لبن !!!!!
أبو جزمه / طيب ما تبي لبن ثاني بعد
أبو ( أبو جزمه ) / ؟؟؟؟؟؟؟؟؟
&&&&
أبو جمجمه / وين الطربوش
أم ( أبو جمجمه ) / أماك يا أوليدي ؟؟؟؟؟؟
&&&&
أنا / ليش تدووور الطيارة
أبو جمجمه / ما أدري
أبو جزمه /؟؟؟؟؟؟
&&&&




تحياتي

[S.W.A.T._911]

أبو جزمه / يعني كل يوم أكل بردقان

هههههههههههههه
الظاهر اخونا البردقانة ما تمر عليه الا من سنة لسنة خخخ

تعريف البردقانة للاعضاء :
هي الفاكهة اللي قصد فيها ذاك المغنى علاء سعد يوم يقول .. يالبردقانة .. عذبتي حاله
<< ياهي هيظت الشيبان هالبردقانه

أبو جمجمه / إيه أفكر باللي يسمونه لبنان
أنا / إيه حتى أنا الموضوع ببالي من أمس بليل أفكر به
أبو جمجمه / ودي أروح له
أنا / حتى أنا بعد ودي أروح بس تعرف ما عندك أحد لا قروش و لا شي

ياخي كان اخذتوا تايد أقساط من المكاتب خخخ
عاد شكثرهم هاليومين .. بس جب كفيل وخذ دراهمك << حاطين على ظهره عشرين ألف خخخ

سترون في الأعداد القادمه :-

&&&&
أبو (أبو جزمه) / خلص رح إشتر لبن !!!!!
أبو جزمه / طيب ما تبي لبن ثاني بعد
أبو ( أبو جزمه ) / ؟؟؟؟؟؟؟؟؟
&&&&
أبو جمجمه / وين الطربوش
أم ( أبو جمجمه ) / أماك يا أوليدي ؟؟؟؟؟؟
&&&&
أنا / ليش تدووور الطيارة
أبو جمجمه / ما أدري
أبو جزمه /؟؟؟؟؟؟
&&&&

أبوك يالتشويق
غطيت على اعلانات ام بي سي


قصة جميلة , بس الاعضاء هنا مشكلتهم ما يفهمون اللهجات المحلية
لو تقول لهم " بوه مير نيم " يقولون لك فاين ثانك يو خخخ

الا ياخي متى تاصلون لبنان ؟
شكلهم مضيعين الشخصيات اللي بالقصة خخخ

مثبت ثلاث أيام لعيون أبو جزمة

واصل ابداعك أخوي , سلام ^^

[LO BO]

السلام عليكم ورحمة الله وبركاته

الحمد لله تم تثبيت الموضوع ثلاث أيام ( هذي أيام العيد عندي )
مشكور يا أحسن مشرف بالعالم يا S.W.A.T._911

الموقف قسم الشرطة :-
أنا / تكفى ياضابط إرحمه الرجال مسكين
الضابط / لا
أبو جمجمه / تراه مخبول تكفى إرحمه
الضابط / معصي
وفي هذه الأثناء يدخل أبو ( أبو جزمه )
أبو ( أبو جزمه ) / وينه الضابط شف طلع ولدي لأتمردغبك بالأرض
الضابط / إحترم نفسك أنت في مكتب الشرطة مهب بسوق التمر
أبو ( أبو جزمه ) / أبو حمود يالله حيه
الضابط / !!!!!! من معي

أبو ( أبو جزمه ) / ما تذكرن بعزيمت أبو صالح على مفطح يوم طلعت أمه من المستشفى
الضابط / أبو ( أبو جزمه ) يالله حيه كيف الحال ...... يا عسكري
أنا و أبو جمجمه /
العسكري / سم طال عمرك !!!
الضابط / رح طلع أبو جزمه من السجن ( يقلع أم الواسطه ) !
العسكري / أبشر !!!
أبو ( أبو جزمه ) / جزاك الله خير و الله ما أدري وش أقول ؟
دخل أبو جزمه علينا ...
أبو جزمه / يباه
أبو ( أبو جزمه ) / ولدي الحمد لله !!!
أبو جزمه / يباه السجن حقهم مهب زين ما به صوارير
أبو ( أبو جزمه ) / لقيلك يا ولدي ثلاث بالحوش قبل ما أجي
أبو جزمه / يالله بسرعة يبع قوه للبيت
أبو ( أبو جزمه ) / طيب مشينا ماشكور يا أبو حمود
الضابط / نشوفك على خير




الموقف بيت أبو جزمه ( لعيون مشرفنا S.W.A.T._911 ) :-

أبو جزمه / يباه أبي أقول لك شي
أبو ( أبو جزمه ) / سم ياولدي
أبو جزمه / ودي أروح للبنان
أبو ( أبو جزمه ) / خلاص رح إشتر لبن
أبو جزمه / طيب ما تبي لبن ثاني
أبو ( أبو جزمه ) / لا أبي قشطة بعير
أبو جزمه / طيب يبه
راح أبو جزمه للبقاله
أبو جزمه / السلام عليكم !
العامل / و إليكم سلام !!!
أبو جزمه / عندك لبن و لبن ثاني و قشطة بعير
العامل / لا ما بيه قسطه بأير
أبو جزمه / طيب عطنا كيك طماط و عصير باذيجان و عسكريم لحم بسرعة
العامل / إس قول ؟؟
أبو جزمه / خلاص عطنا لبن و لبن ثاني
رجع أبو جزمه للبيت
أبو جزمه / يباه
أبو ( أبو جزمه ) / نعم ؟
أبو جزمه / ما لقيت قشطة بعير
أبو ( أبو جزمه ) / ياحليلك ياولدي أثرك مخفه
أبو جزمه / و الله العظيم بغيت أروح لكل البقلات أدور قشطة بعير
أبو ( أبو جزمه ) / يا حبيلك ياولدي
أبو جزمه / يباه ودي أروح لبنان
أبو ( أبو جزمه ) / وشي لبنان
أبو جزمه / جيران فلسطين من الرضاعة
أبو ( أبو جزمه ) / خلاص ياولدي أوديك له بس تروح لحالك
أبو جزمه / لا يبي يروحون معنا ثلاثه بس إذا طرحتن من هم يصيرون إثنين ناقص واحد
أبو ( أبو جزمه ) / خلاص رح
أبو جزمه / هيييييييييييه يحيضي أبي أرو لبنان
أم ( أبو جزمه ) / من يبي علك البان
أبو جزمه / لا أبي أروح للبنان
أم ( أبو جزمه ) / واخزياه تروح لحالك
أبو جزمه / لا يبي يروحون معنا ثلاثه بس إذا طرحتين من هم يصيرون إثنين ناقص واحد
أم أبو جزمه / زين تبين أجهز لك الشنطة
أبو جزمه / ياليت يأمه
أم أبو جزمه / أبشر يا فلذت كبدي
أبو جزمه /


ترقبوا العدد القادم


تشاهدون في الحلقة القادمة

&&&&&
أبو جمجمه / وين الطربوش
أم ( أبو جمجمه ) / أماك يا أوليدي ؟؟؟؟؟؟
&&&&
أنا / ليش تدووور الطيارة
أبو جمجمه / ما أدري
أبو جزمه /؟؟؟؟؟؟
&&&&
أبو جمجمه / وين السوق
فادي/ شو عاوز
أبو جمجمه / ؟؟؟؟؟؟؟؟

تحياتي

[TiTaN]

و بدينا نسولف فجـأه قام أبو جمجمه و جلد أبو جزمه !
أنا / فكوا الشر عيب يا أبو جمجمه خل الرجال
أبو جمجمه / و الله لأوريك و أتمردغبك بالأرض لمين تقول ربي الله
أبو جزمه / ربي الله ربي الله وش السالفه
أبو جمجمه / هذي إنتقام عن اليوم الفجر 3 ساعات يا حيوان

أكثر مقطع ضحكني ، و مافي دليل على الجنون أقوى من التسطيحات الساعة 3 ونص في الليل XD

------لحظة اروح أشرب موية ، الأذان قرب ^__^--------

خلصنا شرب

الضابط / رح طلع أبو جزمه من السجن ( يقلع أم الواسطه ) !

من جد يلعن أبو الواسطة XD

أبو جزمه / طيب عطنا كيك طماط و عصير باذيجان و عسكريم لحم بسرعة

عصبي XD

على فكرة ، شكرا على التوضيح
و يإنتظار الرد
و مبروك على التثبيت ^^