ياشباب سؤال عن الومينا SSوقوتها للي جربوها والي عندهم معلوميه عنها

[DAGAS]

سلام
كيفكم شباب معليش ابخش عرض عليكم اقولكم الومينا حلوة وقوية والمكسيماء برضوة بس انا كنت مع واحد من الشباب الاسبوع الماضي وركبت سيارتة توها جديدة والسيارة حلوة مرة كل حاجة فيها وقوية جدا والله ماصدقت ومريحة وسعرها معقول تدرون وش السيارة (VOLVO) والله انها دلع بلا مكسيماء بلا اوبل بلا لكزس بلا باسات بلا لوميناء واللة السيارة جنان السيارة الي معاة (S80) بدون تيربوا يعني لو كانت تيربوا يعمي انساء الوميناء SS معليش تجيبها وشكرا.

[الصقر22]

مشكورين يالحبايب وماقصرتوا وان شاءالله اركب القطع وحده وحده

اما الفولفو سياره حلوه لاكن اظن سعرها مرتفع ولا لا
ومشكور

[RPG_master]

اقول يا power في محل بالرياض اسمه كار اوبشن...هذا قال لواحد من الشباب جيب لي لومينا اس اس


وانا اركب لها الظاهر فلتر...ما ادري ايش هو لكن شي يزيد السياره 10 احصنه صحيح هالكلام ولا لا؟

واذا كان صحيح هل يركب بعد على الكابرس الاس اس؟

[Power_by_HKS]

يا خوي الغالي قبل لا تركب الفلتر اقولك فكرته اولا وشنو هي فايدته
يخلي دخول الهوى اسرع داخل المكينه ويخلي الاشتعال اقوى
بس الفلتر لحاله مايسوي لك شي كبير وبعدين هو اصلا مو حق زياده قوة بس
هو مهم حتى تريح سيارتك وقت التزويد
يعني هو اول واخر شي زين للسياره حتى لو مابتزودها
والعشره احصنه مايعطيك اياها الفلتر
يعطيك شي اقل من كذا يعني تقريبا 2 او 3 حصان بس
الا اذا بتركب نظام التهويه كامل
الي هو
فلتر البخاخ
والهيدرزات
ودبات ومواسير
كلهم يعطونك اذا كانت من شركه تعديل اصليه 20 الى 30 حصان
واهم شي في هذي المجموعه الهيدرزات ولا ادري اذا متوفه حق اللومينا عندكم
وعموما الفلتر يركب على كل السيارات
بس اذا تبي تركبه ترى سعره مايتعدى ال 200 ريال بدون التركيب
واذا تبي تركبه يعتمد على السياره بعض السيارات ممكن يعقد فا ياخذ عليك سعر اكثر
انت اسال المحل اذا عنده هيدرزات خذ لك هيدرزات احسن لك
":"

[الصقر22]

ممكن اخوي RBG_master توصف لي المحل الي بالرياض وين موقعه
ولا عليك كلافه يالحبيب..واكون شاكر لك .


وانت يا Power يالخبير
اشهد انك داهيه في التلغيم ولك تحياتي


تحياتي للجميع............

[NiGhT KiNg]

ما شاء الله عليك يا باور با اتش كي اس (لو كتبته انجليزي احسن) عندك خبره كبيييييييييييييرة في السيارات الامريكية خاصة شفروليت و على العموم مشكورين على المعلومات المفيدة و على قولة القايل و منكم نستفيد

[أسامه بن كليفرت]

اولا المقارنه بين السيارات الامريكيه و اليابانيه خطا كبير .


الكل تكلم عن القوه والسرعه و الانطلاق ... اكيد اللومينا اس اس هي الاحسن بسبب الثمان سلندرات و المحرك الفايف بوينت سفن .

ولا كن يجب ان نفكر في المشاكل الكثيره جدا في الاس اس وصرفها للوقود ... مقارنه ب المكسيما .


عمر المكسيما طويل جدا اما الاس اس حدها خمس سنوات .


الصانع الياباني دقيق جدا اما الامريكي فكثير العيوب .



انا احب قوه الاس اس ولاكن في نفس الوقت اكره عيوبها الفنيه و الاعطال الكثيره جدا .

[Power_by_HKS]

هلا فيك يا الغالي بس مدري ليه قلت لي المقارنه بين السيارات الامريكيه واليابانيه خطاء كبير؟
اذا انت كنت تسمع السياره كم سلندر والي هي اكثر سلندرات هي الاقوى هنا الخطاء الكبير
واذا تسمع السياره كم حصان وتقول السياره الي اكثر احصه هي اقوى هنا خطاء كبير
الحين انا اقولك السياره الي فازت ببطولات الدراج ريس بطولات ال 600 متر
وال 800 منر و ال 1000 وتعتبر من اقوى سيارات العالم
السياره الاولى / هوندا سيفيك بمحرك اربع سلند
وسياره الثانيه / rx7 بمحرك اربع سلندرات وسعه 120 سي سي
وبعيدن ان ااقولك انا السوبرا والجيتي سكاي لاين سيارات بمحركات 6 سلندر هل يعني انه اللومينا اس اس اقوى منهم ؟

وهذي السيارات الي تقارن بالكورفيت والام فايف
الهوندا NSX سته سلندر وهي السياره الي دخلة في مقارناتها مع الفيراري
يعني تقولي كومارو عادي ولا لومينا اس اس اقوى من الهوندا NSX
ولاحظ يا الغالي ابي اسوي لك مقارنه بسيطه
بين ال GS300
وبين الموستنغ الجي تي
انا اسالك مين اقوى مع انه الGS300 سته سلندر وقوة 260 حصان والموستنغ 8 سلندر وقوه 260 حصان والموستنغ اخف وزن والسيارتين دفع خلفي
يا الغالي انا اجرب سياره سوبراو بقوه 160 بمحرك اربعه سلندر واشوف تسارع هذي السياره يتفوق على الماليبو الي هي بمحرك سته سلندر ويتفوق على جراند شروكي بمحرك 8 سلندر وعلى الشروكي بمحرك 6 سلندر وتعرف انه هذي سيارات فيها من القوه المعقوله
والحين تقول انه من الخطاء نقارن السيارات الامريكيه مع اليابانيه
اقول شي
وال GT3000 بخاخ اقوى من اللومينا اس اس واقوى من الموستنغ واقوى من الكومارو وهو بمحرك سته سلندرات /// اجل لو يجيك التون توربو منه ؟
السوبرا البخاخ من موديل 94 واكثر اقوى من الموستنغ واقوى من الكومارو وفي التسارع اقوى من اللومينا اساس وهي ست سلندرات وقوه الحصنه ما تجاوزت ال 260 /// اجل وش تسوي ال توربو بقوه 330
هذي سيارات اذا جات منها بنظام الشاحن التوربو وهي سته سلندر تنافس اقوى السيارات ف العالم
اللانسر الدفع الرباعي على مكينته اربعه سلندر وتوين توربو سياره في انطلاقتها اقوى من موستنغ كوبرا واقوى من كورفت شي خيالي وكل هذا بمكينه اربعه سلندر
ال RX7 سيارة بطولات عالميه وهي اربعه سلندر ومكينه سعة 1200 سي سي من الصفر الى ال 100 ب 5 ثواني بس
ارجع اقولك الحكم ماهو لعدد السلندرات ولا لعدد الاحصنه ولا لوزن السياره بعد فيه اشياء ماراح تعرفها يا الغالي الا لما تدخل العالم هذا وتجي انت بفايبر مثلا وتستغرب من سيفك يطلع على سيارتك ذاك الوقت بتسال تقول مايصير والناس بتشرح لك ليه سيارته اقوى وباربعه سلندر واقولك بعدد اقل من الاحصنه من سيارتك
:غضب:
وبعطيك هديه لصوره سياره تويوتا ماجت عندنا السعوديه اربعه سلندر وتتفوق على الموستنغ ولو جا منها توربو تتفوق على اللومينا اس اس

[Power_by_HKS]

السماح منك اخوي رامز ماعليه اعذرني بس لاني قريت اخر رد ولا انتبهت لردك بس يا الغالي انا اشتغلت في هذي الاشياء من قبل وشفت وسافرت وحضرت وشفت بعيني مقارنات من السيارات لما تكون عاديه ومن السيارات الي تتزود لحد اقوى شي
ولاحظ انه من اثوى سيارات العالم سيفيك بمحرك اربعه سلندر وبقوه 680 حصان يتفوق على اقوى سيارات العالم من فيراري وديابلو وفكتور وبوقاتي تخيل سياره خلال 8.5 تحقق ال 280 كلم او 300كلم في احسن حالاتها
وعلشان اوضح لك الصوره يا اخوي الغالي
انت لاحض انه الدبابات تتفوق على السيارات واقوى السيارات ومع انه الدباب بمحرك اربعه سلندر
وهل تقدر تقارن لومينا اس اس ببورش كريرا بمحرك سته سلندر ؟
كل هذا يرجع لنفس تقنيه السياره والضفط العالي الي تتمتع فيه السيارات السبورت الي من المحركات الصغيره
اذا فيه سياره انحني لها في المنافسه وسياره امريكيه تتفوق على اعظم السيارات في العالم يعني تكون اقوى من اللمبرجيني واقوى من الفيراري حتى الاف 50 واقوى من البوقاتي هي سياره
الموستنغ
كل الي اقدر اقوله انه سياره جباره ولها مكانها
طبعا لا تعصبون علي انا كل الكلام الي اقوله يعني بعد تزويد السياره لانه الموستنغ يحقق الي ماتقدر سياره ثانيه تحققه والسيارات الي تنافسه السوبرا / RX7 / CIVIC / جيتي سكاي لاين / وبعض السيارات عفوا نسيتها بس هذي السيارات تفوقت على اقوى سيارات العالم بعد تعديلها وارجع اقولكم الموستنغ من اقوى المنافسين
واي واحد عنده من هذي السيارات يقدر يوصل لاقوى مستوى

[مهبل الدوريات]

ماشاء الله عليك اخوي القوه



لكن انت يمكن انك شايف فلم السرعه والغضب صح




وشايف السوبرا وهي طالعه على الفيراري



لكن الحين انت حطمتنييييييييي بقوه





بصراحه تمنيت اني مادخلت الموضوع



يعني انا ناوي انشاء الله اشتري كورفيت


ولعلمك الجديد 2001 يجيب ال 100 كيلو في 4 ثواني بس


يعني تسارعه افضل من البورش 911 تيربو



ولكن اذا انا اشتريت الكورفيت وجا موستانغ


وطلع عليييي


تخيل وش راح يكون وضعي خصوصا ومعاك ناس وعالم

قسم بالله تتوب من انك تسوق السياره ثاني مره


كيف كذا يعني اطق 180000 ريال في سياره من افضل

السيارات في العالم واسرعها ويجي موستانج شاريها 100000

او اقل ويزود فيها قل 20000 ريال وتطلع عليه حدود 120000


او حولها وبعدين يطلع علي لا وبعد اروح ورى ورى ورى الشمس

والله حررررام قهر موووووت.


بصراحه شكلي بااهون وادور سوبرا وازدها هههههههخخخخ

مثل الي في الفلم ...


المهم طيب انا لو اخذت الكورفيت وحبيت ازودها

خلاص اطلع على اي سياره بلراحه حتى لو كانت هي مزوده

علما وانت عارف ان الكورفيت الجديد 385 حمار اقصد حصان




ارجوا الرد لكل من له الخبره لأني والله ناوي بعد شهر او حوله اشتري


كورفيت .... ماابي اتحطم ياااناس




هلا..

[Power_by_HKS]

مهبل الدوريات اخوي الغالي والله في العكس انا ما اقولك انه الكورفت من احسن سيارات العالم والكل يدري وقوته خياليه بس حرام تشتريه تزوده لاكثر من سبب اولها انه الكورفت كل قطعه نار اغلى من الثانيه
ثاني شي انه قطعه ماهي متوفره وانه الورش الي عندنا نادر ماتلاقي واحد يشتغل لك عليه ويضبطه حلو يعني ممكن يخربه لك
لاكن اذا بتاخذ كورفت جديد خليه مثل ما هو ولا تزود فيه ولا حتى تقاوم سياره حلوه حيل حيل حيل
بس الناس وش تسوي الحين اقولك فكره حلوه خفيفه
يشترون موستنغ ب 30000
ويدفعون 80000 كله على تزويد السياره
انت تتخيل ب 80000 يعني اغلى من قيمه السياره وش يخلونها السياره تصير وحش
وحتى السوبرا والجيتي سكايلاين تشتري وحده ب 60000
وتدفع فيها 50000 تزويد تخيل السياره راح تكون اقوى من ما تتصور
مدري انا ابعطيك موقع فيه عروض فيديو للسوبرا وهي تتحدى مع موستنغ كوبرا وتشوف كيف الفرق بعد التزويد
وبعد وهي تتحدى مع F40 وصحيح هو يطلع في البدايه بس الخط هي تطلع عليه
والسوبرا وهي تتحدى مع مكلارين والفرق بينهم اقل من 100 متر
والسوبرا هذي ماهي اقوى السوبرات
انت شوف الموقع وارجع قولي رايك ":"
http://www.toyotasupra.ch/supra.html

[الصقر22]

يعني يا Power يالحبيب الموستنج مديل 94 الى 96 ممكن مبلغ
15000 الف ريال تخليها وحش وقويه جدا والتزويد يعطيها قوه على الخط ولا يعطيها قوه في القومه بس ..

[Power_by_HKS]

15000 حق الموستنغ راح ترفع قوته شي حلوو كثير بس انا كنت اقولك
اذا تبي تخلي الموستنغ اقوى الفايبر
اقوى من الفيراري
اقوى من البوقاتي
فيه ناس تدفع فيه 80000
بس حق تزويد
لاكن راح السياره ماتقدر تمشي فيها بس تخليها حق قومه
وهنا العيب الوحيد لانه الموستنغ اذا تبي تزوده لاقوى مايكون وبنفس الوقت تبيه يكون سيارتك يعني تطلع فيها في اوقات غير القومات
مايصلح لانك تحتاج تفصل اشياء كثير
وانا اقولك 15000 يعني تخلي الموستنغ اقوى من اللومينا بس لا تفكر انه يكون مثلا اقوى من كورفيت بهذا المبلغ
وانت تقدر تضبط السياره اذا تبيها لقومه ولا تبيها لخط ولا تبيها متوازنه بين الاثنين

[Sonic 2002]

السلام عليكم شباب ... كيف الحال صقر22 و power ...
حبيت أذكرك يا صقر22 بقطع السلامة لاتنسى تحطها وأكيد power
حيقلك عليها بالتفصيل ... ترى مهما أنا شفت الفرق بيها وبدونها ...
وحبيت أشكرك يا power على موقع السوبرا خطير مرة . وهذه الصورة
من ليك هديه ...

[مهبل الدوريات]

بصراحة الموقع رااائع و1000 شكرا على الوصلة...

موقع جنان للسوبرا...


لكن انا عندي بعض الاسئلة تحملني هاه


اولا انت حيرتني انا احب الكورفيت شكلها عاجبني مره

لكن في الاول يهمني القوة والصيانة والقطع الغيار ...



وياليت منك او من الشباب إذا عندكم نصحية لي

بسيارة معينه لاتبخلون علي


لأني والله في امس الحاجه لها......


ثانيا انا مثل ماقلت يمكن بعد شهر او شهرين بالكثير مرررره


لكن ابي أخذ فكره زينه عن اي سياره اشتريها...


يعني السيارات الحلوة كثير منها الكورفيت والموستانج كوبرا

والسويرا تعجبني حيل وبس



اي رأيكم بأحسن سياره قيمتها حلوه عادي حتى لو ماالقى وكاله

مثل السوبرا انتو اعطوني رأيكم .... ةقطع التزويد تهمنييييييييييييييييييييييييييييييييييييييييييييييييييييييييييييييييي واجد


ابغى افضل سيارة تتحمل التزويد وتكون شكلها حلو و القطع سعرها معقول..



تمام طيب ابي اسئلك اخوي باور


اي سياره اقدر ازود فيها .... يعني حتى السيدان مثل الكامري

العادي الاربعة سلندر ... اقدر عادي حتى لو تزيد حمار حمارين

اهم شي فيه فرق اقدرررررررررررررررررررر قلي...



ومشكووووووووووووووووووووووووور على التواصل ..