: & : قصة الخبصه : & :
السلام عليكم
اول موضوع لي اكتبه في المنتدى
طبعا من العجز الزايد
انا مخلوقه مااحب الطبخ لكني أبدع فيه>>طبعا مداح نفسه كذاب
بس ماعلينا
لكن مره من المرارير الممرمره دشيت المطبخ بالعرض
لاحظوا تراه موب بالطول لاع بالعرض يعني مالي داعي
يقال إني بخبص اقصد اطبخ عن أميمتي الله يدخلها الجنه يارب >>قولي اميين
ماعرفت وشه اطبخ وقتها بس طاحت عيني على الثلاجه
يوم فتحتها أكتشفت وتذكرت إن ابوي الله يخليه متقضي أمس >>يعني جايب مقاضي
وجايب كل انواع الخضار إللى تخطر في بالكم ومعلبات ومثلجات طبعا اهم شي المشرووم >>احبه بس مااكله خخخخخخخخ
انهبلت بشكل قمت اراكض في المطبخ شوي
وارقص شوي خخخخخخخخخ
فوقفت بعد مادار راسي وقلت في نفسي خليني اصلح صينة خضار وخلاص خططت كذا
يوم بديت >>تبدأ الطبخه الحين
جبت قدر وحمست فيه بصل مقطع مع شويتين ثووم
وبهارات وملح لازم عاد همن حطيت معه
صدوور دجاج مقطعه مربعات بدوون عظم ولا جلد خلاص!!
تقدرين إذا بغيتي تحمسين في قدر ثاني لحم مفروم دجاج إن حبيتي تطلع الخبصه فيها مذاقات متنوعه
ماعلينا بس انا قد صلحتها بلحم مفروم وصدور دجاج طلعت حركه
بعدين خذي قدر ثاني إحمسي فيه بصل مقطع ومعاه بهارات وملح
وبعدين تكوني مجهزه قبل ماتحمسي البصل الثاني
كل انواع الخضار إللى عندك >>حسب الرغبه ((يعني تقدرين تحذفين إللى ماتبين وتضيفين إللى تبين))
بس قطعيها طوال خلاص!!
وإللى تقلى إقليها وإللى تنسلق إسلقيها
لاتخافين بعلمكم بس شوي على اشرب مويه تعبت وانا اكتب ماعمري نزلت موضوع او رديت رد طويل >>عجاااازه
نبدأ الخضار من الأول
جيبي بطاطس وكوسه وبيذنجان وقطعيها طوال وإقلي كل صنف لحال
بعدها جيبي
جزر وفاصوليا وبزاليا وإسلقيهم لاتحطيين لوبيا تراني جربتها وطلعت كأنها عصب على قولت امي
بعدين إذا انقلت هاذولي وانسلقت ذوليك حطي هاذولي في مشخله وذوليك في مشخله >>صفايه على قولت بعضهم
بعدها إحمسي البصل إللى قلت لس عليه همن إذا انحمس
انتي تصيرين مقطعه طماط طوال وأحمسيها معاه وبعدها غطي القدر وخليه لييين تذوب الطماط
همن سفي عليه الدجاج واللحم المفروم وحركيهم وغطيهم شوي
بعدها سفي عليه المقلي كله وحركيهم وغطيهم شوي
بعدها سفي عليه المسلووق وحركيهم وغطيهم
بعدها تكوني مجهزه مشرووم >>معلب احسن
وحطيه معهم هو والذره وإخبصيهم >>هنا سر الطبخه خخخخخخخخخخ
بعد ماتخبصيهم
جيبي قدر وحطي فيه قشطه
طبعا المقدار على حسب الكميه
بس كل علبه قشطه معها 6 ملاعق طعام جبن و 3 ملاعق طعام مايونيز
خلاص حطي هاذولي وأنتي تحركينها على النار وحطي معهم ملي يدك جبن مزريلا>> حق البيتزا
وشوي حليب بارد وشوي ربع ملعقة صغيره صلصة صويا
وحركيهم مع بعض
بعدين إخبصيها مع الخبصه الأوله يعني زجيها في نفس قدر الأكل وحركيهم
>>انا وقتها والله خفت حسيت إني جبت العيد بغيت اكبها بس قلت نعمه
وحركيها وحركيها حركيها بعد كذا
غطيها شوي بس لين تبدأ تطلع بلونات
همن حطيها في صينيه وذري عليها شوي جبن مزريلا
وحمريها شوي بس لين تحمر همن كليها بالعافيه
المقادير عشان ماتقولون لخبطنا
للدجاج او لحم المفروم او كليهما
بصل مقطع ومحموس مع بهارات وملح واحط عليه الدجاج مقطع مربعات او لحم مفروم
الخبصه
بصل مقطع ومحموس مع بهارات وملح
بعدها
كل مايلي يقطع طوال
طماط
بطاطس - وكوسه - وباذنجان >>يقلى كلا على حده
جزر - فاصوليا - بزاليا >>يسلق بماء وملح
مشروم - ذره حب
الطماط اولا وبعدها باقي المقادير ولاتنسين الدجاج واللحم المفروم
الصلصه
على حسب الكميه لكن
لكل علبة قشطه 6 ملاعق جبن سايل و 3 مايونيز
ولاتنسين الحليب وصلصة الصويا وجبن المزريلا
تراها كانت صينيه خضار عاديه كان عرفتوها المصقعه خخخخخخخخخ
بس هاذي النتيجه "خبصه"
وسبب التسميه لأني خبصت ذاك اليوم بشكل
من كثر ماخفت إنها ماتطلع حلوه حطيتها على الطاوله وأنحشت خخخخخخ
بس انهبل عليها ابوي واهلي
حتى صلحتها في عزيمه عندنا والله قضت كلها ماشاء الله على
بس للحين موب مصدقه كيف انوكلت
تدرون وشة الرهيب فيها
إنك تاكلين كل الخضار وتسفيدين منه بدون ماتحسين
والله تعبت بشكل وانا اكتب
وبالهناء والشفاء جربوها عاد وقولوا لي
رعبه نزلت مووووضوووع
مبروك الموضوع << حتى هنا خخخخخخ
المشاركة الأصلية كتبت بواسطة الــنرجــســـيـــه
شكلها .. مو طبيعية . جوعتيني وانا شبعانه ^^
>>تراه فرحان بس من قرادته زعل خخخخخخخ
<< احلفى <_<
خخخخخخخخخخخ
<<