قرار نهائي!! بشأن قطعة الكوبي

[mxmail]

الافضل الكوبي لسعرها الرخيص وبل اون لاين ووجع راس

[RxPRoRx]

الصراحة انه مع الاخوان ،،،

لا تركب القطعة نهائيا .... انه عندي غيم كيوب ولا ركبت لها قطعة علشان الكوبي والصراحة ليلحين شغال مثل الفل .... اما البلاي 2 .... تعبت منه الصراحة وساعات افكر ودي احذفة من الشباك والسبة خراباته .....

لحد يفهمني غلط لكن كله من الكوبي والتقليد ....


خل اعطيك معلومات ممكن تستفيد منها :::

1- الكوبي تشتريه بسعر رخيص لكنك تمل منه ولن تفكر حتى بانهاءه واذا السيدي اخترب بعد مدة ماراح تتردد في رميه في حاوية القمامة ... اما الاصلي فانت ملزم على انهاءه وذلك لانك دفعت مبلغ لاجله وحتى اللعبة ستستمتع به

2- القطع المركبة للكوبي تؤتر على باقي القطع الاصلية في الجهاز من تخريب العدسة وغيرها وانت لست باستعداد على دفع مبلغ معين كل فترة معينة للتصليح ؟؟؟


هذا كل اللي عندي

انا كنت مفكر اشتري كوبي بس الحين غيرت رايي j/k

أخيرا بعد إنتظار دام اكثر من سنة

[البيكهام هام]

ياجماعه انتوا فكروا فيها بس وراح تغيرون رايكم
يعني انت دافع دافع بكل الاحوال سواء لشراء الجهاز او لشراء الالعاب الاصليه فبدال ماتشتري العاب اصليه 10 يساوون سعر جهاز ثاني طورها ونزل العاب من النت ببلاش وبدون طقة مشاوير عالفاضي

وشوفوني الحين انا طورت جهازي وتوها نازله لعبة كول اوف ديوتي3 عالاكس بوكس كامله والحين قاعد احملها اللي يبي اللعبه يقولي

[البيكهام هام]

8
8
8
واذا ماتنزل العاب وافلام من النت عجل شفايدت اشتراكك بالدي اس ال

[SOLID SNAKEEEE]

انا اوافق الاخ البيكهام اون لاين........

وعلى فكره call of duty 3 جارية التحميل..

وامس خلص تحميل لعبة F.E.A.R

[WE Vll]

طيب هل في طريقة للتواصل بين الأعضاء..

يعني لو واحد عنده 5 ألعاب منسوخة مختلفة عن الآخر..

يتبادل معه مثلاً؟؟ أو يرسلها بالفيدكس (اذا كان عدد الألعاب كبير)

لأن مو معقوله أقعد أحمل 6 جيجا لكل لعبة.. و ما هو أرخص سعر للألعاب المنسوخة في المحلات؟

[TrOOKi]

في طرق قد تنجح اليوم ولاكن مومضمونه للأبد

[shaibona]

ياشباب ممكن احد يعلمنا وش المواقع الي يحمل منها الالعاب وطريقة نسخ العبة على الdvd9

[bigbite]

لما تخرب المكنة تكون دافع حقها على الاصلي شو اشبك شى

[hydro]

بصراحة وش الفايدة العب لعبة كوبي وبعدين يخترب الجهاز لي
انا اصلا الجهاز مشتريه مب بس للالعاب انا اشغل عليه الافلام وموصله بالكمبيوتر لتشغيل ملفات الفيديو وعرض الصور
اذا اختربت العدسه او تاثرت ما بستفيد من الجهاز بتاتا
خلاص انا تبت من الكوبي
الله يرحم ال psone وال pstwo اختربوا من الكوبي
العاب الكوبي صحيح رخيصه لكن صدقوني لما تشتريها ما تحس بمتعه اللعبه لانك لما تنظر ليها بانها كوبي بتخليها على جنب وبتقول لنفسك اذا فضيت بلعبه فيها اما الاصلي انا دافع فيها مبلغ والعلبة مغريه
وثانيا انا من الناس لما اخلص اللعبة واحس نفسي ا بلعب فيها اقوم اعرضها للبيع او المبادله و حتى اعطيها احد من الربع يعني احب افيد واستفيد
لا للكوبي
لا للكوبي
لا للكوبي
ابد ابد ابد

[fox8787]

ياجماعه والله انا اعرف وايد تاس يلعبون بالكوبي من هولندا و غيرها من الدول اللي برع يقولك ينزلون اللعبه منسوخه ويلعبون وهم ضمانين الشغله لانه هذا مو قطعه سوفت وير لو كانت القطعه اهني يمكن اتخاف بس السوفت وير يخلي العاب الكوبي اتبين اصليه و اخونا بيكهام يلعب ضدي برو 6 يمكن الحين شهر وتوني دريت انه لعبته منسوخه ويقولي مافي اي مشاكل معاه وكل شي تمام وانا الحين وديت جهازي تايلند للخبراء واحد يتعامل معاهم واهما اللي اكتشفو السوفت وير بيسون الجهاز مالتي سيستم + الايف ضمان واتمنى اتفكرون زين نفس ماقال اخوي بيكهام

[WE Vll]

طيب ليه تروح لواحد ..

كثير من الاعضاء هنا يعرفون طريقة عمل السوفت وير بنفسك..

فقط تحمل السوفتوير من التورنت والباقي تلاقيه في شروحات .. ياليت اللي يعرفها يضعها..

[the king]

السلام عليكم ,,,,

أحلى شي في كندا انو تقدر تستأجر الالعاب باليومية ,, كمان أدا اشتريت الجيم كمان تقدر تبيع الجيم للمحل Trade in


بس الكوبي ممنوع منع بااات يعني من جد ممكن يصير مشاكل قانونية ادا الواحد انمسك ,,,,

[WE Vll]

لو عندي سرعة فوق ال2 ميجا كان كوبيX كوبي..

بس بسأل فيه أحد يقدر يسويه بنفسه ياليت تفيدونا بمواقع تعليم؟؟

[احمد السعد]

لو عندي سرعة فوق ال2 ميجا كان كوبيX كوبي..

بس بسأل فيه أحد يقدر يسويه بنفسه ياليت تفيدونا بمواقع تعليم؟؟

انا مرة وضعت شرح لعملية التحديث تقدر تراجعها في مواضيع المنتدى على الرغم من انها تغيرت قليلا فقد اصبحت اسهل ..

وانا احدث الاجهزة بنوعيها الهيتاشي والسامسونج اعمل واسجل الالعاب الكوبي والعملية كلها بسيطة جدا .

واذا واجهتك مشكلة او تريد ان تستفسر عن اي شي فانا جاهز للخدمة .