البلاي ستيشن 3 موجود في الإمارات ( تم الدمج )

[E.R.T]

نصب في نصب , هناك في اليابان يبيعون ال60 جيجا 2200 درهم عندهم حمايه المستهلك اما في الدول العربيه فلا يقولون يلا انقص على العرب وخلهم يدفعون ما يهمنا شي , بطلبها من برع احسن لي .

[wishbagi]

في لحظة من اللحظات عقلي قال لي امسك الجهاز واضربه به راعي المحل على راسه واشرد لكن تمالكت نفسي

ياشين الصرقعه ياحمد

معقوله الجهاز نزل للخليج
كويس يعني الكوبي بينزل اسرع من كنت اتوقع

[Light.Darkness]

والله السعر اوكي جدا ^^
بس بسأل الحين مو يقولون ماكو أوروبي أو ياباني؟
كله فري ريجن ؟
ترى دخت T_T
وإذا السعر مالك 60 جيجا أبي آخذ واحد ^^

لتوضيح مسألة الفري ريجن حسب معلوماتي:

الفري ريجن بيكون على الألعاب بس بمعنى مافيه اصدار ياباني وامريكي واوروبي وانما اصدار واحد لجميع انحاء العالم

الأفلام الي راح تنزل على البلو راى راح تظل تابعة لنظام الريجنز وبيكون فيه افلام بإصدارات مختلفة بمعنى امريكي و اوروبي.....إلخ


اتمنى اتكون الفكرة وصلت

[kingx11]

للعلم

مواصفات الجهاز (( الموعوده )) غير موجوده والجهاز فيه عيوب كثيره لاتشترونه الحين لين تنزل النسخه اللي السوفت وير وبعض القطع الداخليه فيه معدله

لانك لو شريته الحين بتندم وبتروح تشتري واحد ثاني


كفايه ان جهاز التحكم مافيه بطاريات AA

[Shredder]

صاحب المحل : سعر نسخة الـ 20 جيجا بايت هي 3200 درهم

ربيعي طلع مقصه ....هو أشتراها بـ 3500 ...يعني هذاك أستفاد 300 زياده ...

في لحظة من اللحظات عقلي قال لي امسك الجهاز واضربه به راعي المحل على راسه واشرد لكن تمالكت نفسي

اسمع اليوم أتصل على رقمي <<<< ماشاء الله ربع ..
وبنروح انا وانت وبنسرقها ..انت تمك سولف مع النفر الللي يبيع ...وأنا بتسلفها وبروح ...

[wessly]

سلام عليكم هذا اجمل خبر سمعت بس اخون اريد نصيحة من عندكم اني عندي كرايب في اذا اكولهم يشرون الي بلي 3 يشرونه هس بس اريد نصيحة منكم هل انتظر شهرين لو انتظر بداية العام الجديد وهل كوا فرق بين بلي الياباني و الامريكي وهل يشغل كوبي لو لا وشكرا

[Emirates]

اذا محلات العين اللي ارخص من ابوظبي بشي بسيط وكان الجهاز ب 6260 درهم بالعربي ست الاف ومئتين وستون درهم مع لعبة ابو 60 جيجا

وشكرا

حمد11 عطني رقم تيلفون المحل

[سعيد الزبيدي]

السلام عليكم

ياخي كيف 4000 درهم سألة في مركز مدينة زايد التجاري قالي 6200 درهم فقط

وقالي انو 5 اجهزة ps3 باعهن ب6200 درهم (((يربح راعي المحل)))

شي غريب؟؟؟ اخوي ممكن تذكرلي اسم الحل الي في حامد سنتر

[ahlyi]

الكل عارف حاليا المحلات

تبي تربح


يعني تروح مليون محل

بتلقى اسعار مختلفه

واغلب الاسعار تكون غاليه جدا

نصيحتي

انتظروا

حتى ينزل افضل نسخه

ويقل سعره

و يفضل إنكم تتعاملون مع محل واحد

وتكونوا دائما زبون لهم

علشان تقدر تقلل السعر ^_^

هذا افضل طريقه حاليا

[Lasto]

لو يتكرم احد الشباب و يعطينا رقم المحل لو سمحتوا عشان الكل يتصل و يتأكد بنفسه

بايو ^^

[H.Y.M]

غريبة !!

كيف 3500 ؟؟؟؟

أنا سألت مركز الروضة في عجمان ،، و قال لي :6000 درهم

[Shredder]

اذا محلات العين اللي ارخص من ابوظبي بشي بسيط وكان الجهاز ب 6260 درهم بالعربي ست الاف ومئتين وستون درهم مع لعبة ابو 60 جيجا

وشكرا

حمد11 عطني رقم تيلفون المحل

هلا والله بشباب العين ...
انا من قبل شوي أتصلت على كابول ..قال ان سعرها امس نزل عندهم وكانت بـ 6000 ...هو يقول ان الأسعار تختلف محل عن محل ..بس يقول ان بعد كم أسبوع بينزل سعرها واايد ... جرب وأتصل على نسيم الصباح اللي هو أخو مال كابول ...

[Emirates]

السعر اللي حطيته فوق ويا لعبة وانا امس كنت هناك ^_~

نسيم الصباح ماياب البلاي3

عطني رقم المحل اللي اشترا ربيعك منه البلاي3 لانه حتى في المواقع العالمية السعر شاب نار واقل من سعر المحل هذا

[Shredder]

السعر اللي حطيته فوق ويا لعبة وانا امس كنت هناك ^_~

نسيم الصباح ماياب البلاي3

عطني رقم المحل اللي اشترا ربيعك منه البلاي3 لانه حتى في المواقع العالمية السعر شاب نار واقل من سعر المحل هذا

دقايق بعبي رصيد وبتصل على ربيعي

[u,a,e]

شووو رقم المحلل ابا اشوفها يالله بسرعة


والسالفة استلاف ps3 من المحل فكرة حلوة

ابا اشترك وياكم lol