السلام عليكم
يعطيك العافية أخي الكريم خالد على الموضوع والأخبار لكن في عندي كم نقطة شدت إنتباهي من خلال كلام الأخوة الأعضاء وردك عليهم وبعض النقاط على الموضوع أتمنى إنك تتقبلهم بكل صدر رحب
1-

المشاركة الأصلية كتبت بواسطة zanykhalid
السلام عليكم
شخباركم ياشباب
خبر للعشاق بلاي ستيشن3
!!!!!!!!!!!!!!!!!!!!!!!!!!!!!!!!!!!!!!!!!!
السيد استر ينجير أخذ القيادة السنة الماضية في سوني،
الكفاح إذا ما زالت عملاق في الاكترونيات هائله،
والعالم تسمع مثل انتول ياعشاق سوني ان البلاي ستيشن 3
قادمه بقوه ونفس الكلام نيو يورك كانت تتوقع هذا الكلام
ولكن مايكروسوفت أخذت مركز الصدارة في الحروب في
الالعاب الفيديو جيمز قبل سنة في الابداع القوي جدا في العالم الالعاب الجيمز ^^
هذا الكلام موثوق علشان ماتقولون انا متعصب الاكس بوكس 360
من جريدة الاخبار المشهوره في امريكا
اسمها THE NEW WORK TIME
وهذا المصدر
وشــــــــــكرااااااا
هذا الموضوع اللي حضرتك تفضلت وكتبته ومع إحترامي الشديد لشخصك الكريم لكن من خلال نقاشي معاك في أحد المواضيع ومن خلال هالموضوع أشوف إنك ما تعرف انجليزي وايد مع الإحترام لشخصك لأن ترجمتك للخبر مالها أي دخل باللي مكتوب بالإنجليزي اللي مكتوب يقول:
بالرغم من أن مايكروسوفت أخذت الصدارة من قبل سنة في حرب أجهزة الألعاب من خلال جهازها الإبداعي والقوي الأكس بوكس 360 إلا أن سوني بإبتهاج تصر على أن جهازها سوف يقفز قفزة كبيرة على جميع منافسيه لتقديم مرحلة لا مثيل لها من المتعة.لكن بوضوح، فإن سوني قد فشلت بتوصيل ما تصبوا إليه في الوقت المحدد، بقياس التخبط الهائل والمشاكل التقنية في الكميات والمساحات، فإن البلايستيشن 3 هو بالتأكيد أقوى جهاز ألعاب، إنه يبدو بعيد المنال بأي حال فإنه لتوفير أفضل جهاز شهده العالم لتجربة الترفيه هناك فارق كبير ويبدو أن سوني خلطت الأمور على الجميع.
هذه الترجمة على حسب دراستي ومعرفتي باللغة الإنجليزية بالتحديد للمقال اللي إنت كاتبه والعلم عند الله.
نرجع لكلامك أخي الكريم وهو إنك في نهاية المقال ذكرت إن
هذا الكلام موثوق علشان ماتقولون انا متعصب الاكس بوكس 360
طيب عزيزي الكريم لو إنك غير متعصب ما أعتقد إن له داعي إنك تقول تراني مو متعصب اللي يبي يشوفك متعصب كيفه هذا رايه واللي بيقول غير هالكلام هم رايه وكيفه وكلامك هذا كأن واحد يقول يا جماعة ترى هالشخص الفلاني بخيل بس لحد يقول إني قلت إنه بخيل بس تراه بخيل!!!
يعني لحد يقول أنا متعصب بس تراني متعصب!!
2-
من جريدة الاخبار المشهوره في امريكا
اسمها THE NEW WORK TIME
اسمها أخي الكريم New York Times وليس New Work Time
3-
أتمنى إنك تركز والأعضاء يركزون على هالرد بالذات لردك على أحد الأخوان بإنك قلت (( الحمدلله والشكر )) على شنو على إن سوني سوت حفلتها في شارع أو سوق خضرة في اليابان وبالأخير تقول له شكرا يا متعصب طيب سؤال من هو المتعصب في ردك وطريقة إستهزائك بالردود أنت ولا اللي راد عليه؟؟!! وطبعا أحب أذكر بطريقة كلامك وترفيعك في حفلات مايكرو سوفتاللي سوتها في MALL والمول هو السوق التجاري وباين من كلامك إنك من دولة الإمارات الشقيقة يعني مثل سيتي سنتر وبرجمان ولا عندنا الفنار وسوق شرق هذا على حسب كلامك وأنا على حسب المؤتمرات والــ (( الحفلات )) اللي تقول عنها عمري ما شفتها تصير غير في أماكن خاصة في مثل هالأماكن مثل قاعات المؤتمرات أو في مركز من مراكز الشركة يعني لا مولات ولا شوارع مثل ما حضرتك تقول.
4-
اقتباس:
المشاركة الأصلية كتبت بواسطة joker_zambrotta
وانا شدخلني ب نيويورك ..........يعني نجاح الجهاز راح ايي منها ...........المهم الجهاز توه نازل والعاب اصداره أفضل من العاب اصدار ال360
وفي هذا الشهر11 ال360 قام ينزل العاب قويه وبشكل كبير هذا يدل على خوفه من نزول ال3
سلالالالام
اوكي
خخخخخخخخخخخخ
شكرا على الرد
لماذا الإستهزاء بآراء الناس؟؟؟؟!!!!
5- هذا أقوى رد شفته بصراحة ويقول مو متعصب:
اقتباس:
المشاركة الأصلية كتبت بواسطة Biwi
الأكس بوكس كان متوفر بالهبل للكل انتاجه كان كبير مو زي السوني 400 الف وحدة فقط لأمريكا الشمالية
ولا تنسى الي جايين بس عشان يكسبون منه مو عشان سواد عيون سوني وتقدر تقول هذولي الأغلبية
شكرا اخوي على الرد
وكلامك صحيح 100%
وهذي سوني سوت غلطه كبيره
مسويه حفلتها في شارع
الأخ Biwi كتب يمدح بالأكس بوكس وحضرتك تؤيد كلامه وتستهزء بالأخير إن سوني مسوية حفلتها بالشارع وتقول ماني متعصب ولحد يقول إني متعصب وماني فاضي لهذي السوالف ولحد يتكلم بهالموضوع ولا تخربون الموضوع بهالسوالف!!!!
6-
اقتباس:
المشاركة الأصلية كتبت بواسطة al WaTaR
خالد
و بعدين معاك و مواضيع التعصب..
إنت شكلك يديد في عالم الألعاب.. إذا إنت عاشق إكس بوةكس.. يعني إنت صار لك 6 سنين فقط.. لكن اللي موجودين و قاعدين يردو عليك صار لهم 20 سنه في عالم الفيديو جيمز.. و ماهم متعصبين لأي جهاز.. يمكن أحس إن أكثر عشاق البلاي ستيشن يحبو كل الأجهزه.. و ما فارقه معهم لأن عدد الألعاب الي يلعبوها متفرقه و متنوعه على كل الأجهزه لأن البدايه كانت من سوني في كل الألعاب القويه اللي بدت من تلك الفتره و ليس من 6 سنين!!!
المقارنات و التحشيش اللي تسويه ما يبين أي نتيجه لأن مدة عمر الجهازين مقدؤة تكون 6 إلى 8 سنين حتى ينزل جهاز آخر.. يعني المنافسه مستمررررررررررررررررررره.. توها البدايه بس
و السموحه
يعني تبغي اتقول انا غبي وان الخبر كذب والمصدر كذب ((الخبر موثوق))
وانا مو متعصب على فكره هاي سوالف يهال الحينه
وانا ابغي اعرف انتوا ليش ماتحبون الصراحه كل الناس صارت اكاذيب عندكم
ولو سمحت لو مو عاجبنك الموضوع المفروض ماترد علشان اسمعك كلام
وانا ما اغبي مشاكل في المنتدى مع لاعضاء
وشكرا
ما أعتقد إن الأخ ذكر إنك غبي أو قال شي يثبت إنك غبي وعلى فكرة الغباء مو مسبة أو تجريح أدخل على أي موقع متخصص في علم النفس يشرح لك معنى الكلمة وتراها مو مسبة
ثاني شي الأخ ممكن كان يقصد إنك تكون متعصب للأكس بوكس وما تحب السوني فقالك لا تخلق حزازيات بين الأعضاء وكتب لك مقارنات بين جهازين وعن آراء الناس اللي يستخدمون الأجهزة وكان بإمكانك إنك ترد عليه إنك غير متعصب وما تكتب لشئ معين بس قصدك توضح للأخوان اللي ينكتب بالجرايد والمواقع الآخرى وما تقول عن نفسك غبي وأنا غبي وتقول عني غبي يعني بصراحة ردك ماله شغل باللي الأخ كاتبة.
7- أتمنى أشوف ردك على كلامي بشكل منطقي وما تكتب لي إني أتهمك إنك متعصب ولا إني أقول عنك غبي لكن أتمنى إنك تقرأ ردودك وتتأكد من كلامك من نفسك وترد علي، وهم أتمنى إنك تقرأ المواضيع اللي تنقلها أو تترجمها عدل قبل ما تكتبها ولو فعلا حضرتك قاري المقال بالكامل كان عرفت إن المقال ما يقصدون فيها منو اللي أخذ الصدارة لكن هي تقييم لأداء الجهاز من خلال تجربتهم له بالمقارنة مع الأكس بوكس وبآخر المقال مذكور إنه الوقت ليلحين ما يبين لكن ممكن بعد فترة يبين كل شي لأن الجهاز توه نازل ورأيهم كان من خلال تجربتهم الأولية للجهاز.
وسامحني على الكلام الطويل وأنتظر ردك
السلالالالالالالالام...