ابا اشتري جهاز وهاي المواصفات

[u,a,e]

ابا اشتري جهاز حق الالعاب وجي

شوهاي
jnte M.B.O 945

Ram 1gb

HDD 250gb

شوهاي
DVD-RW SUPER MULTI DRIVE

VGA 256MB

ها مافهمتها
PRO D/call 3.4

السعر 2300

الي باللون الأحمر قولولي شو هو

المهم شو تنصحوني زيادة

[الوهج]

اخي الكريم هذه الموصفات ليست جيدة للالعاب سواء الحالية أو المستقبلية .. كم الميزانية وايش اقصى حد ممكن تصل له وانشاء الله شباب المنتدى" الله يعطيهم الصحة والعافية" ما راح يقصرون .....اها كم اخر

[u,a,e]

لا ها كمبيوتر تركيب وقالي راع المحل ها المواصفات زينة

عاد موب انا الي كنت ساير

وشو الاشياء الي استبدلها

[u,a,e]

يعني مو بس حق الالعاب يعني كشخصي
بس انزل العاب فيه

[GoldenLion]

السلام عليكم ورحمة الله وبركاته

أخي الكريم

مواصفات الجهاز غير مفصلة بشكل واضح، نحتاج إلى تفاصيل أكثر

شوهاي
jnte M.B.O 945

ما سبق ذكره هي اللوحة الأم وطقم الرقاقات وهو يعتبر متوسط هناك ماهو أفضل وأحدث

الذاكرة 1 جيجا معقولة

القرص الصلب ممتاز 250 جيجا والمفترض يكون SATA II

شوهاي
DVD-RW SUPER MULTI DRIVE

بالنسبة لما سبق فهو ناسخ إسطوانات DVD

كرت الشاشة 256 ميجا ولكن ماهو ؟
الذاكرة ليست معيار أبداً للألعاب
هناك خفايا وعناصر أقوى وأهم في مجال الألعاب
كسرعة الذاكرة وفئة المعالجة والـ Memory Interface
وسرعة المعالج ... إلى آخره

أعطيك مثال بسيط
الكرت MSI nVIDIA Geforce NX6600GT 128MB
أفضل من
MSI nVIDIA Geforce NX6600 256MB
وأفضل من بعض الكروت ذات ذاكرة 512

ها مافهمتها
PRO D/call 3.4

أما هذه الأخيرة فيبغالها تفسير اسأل صاحب السلعة
هل يقصد مثلاً نوع المعالج ؟ Pentium D 3.4 ؟
الله أعلم

[u,a,e]

والله انا مادري مكتوبة بخط ما ينفهم يمكن خربط في الاسبيلينق

او انا ماشفت حرف زين

وهو قالي هاي المواصفات زينه حق الالعاب والله اعلم

الالعاب الي العباها

gunz , splinter cell double agent , maplestory
وواايد

[RICH BOY]

اخي العزيز .
لو انت تحب تلعب العاب كثيرة .فهذي المواصفات لاتصلح .

المعالج غير واضح !
وكرت الشاشة ؟

فاتمنى توضيحهم .. ولك الشكر .

[amajed]

اخوي بكل بساطه قول لنا كم معاك فلوس عشان تشتري جهاز

وراح نكتب لك مواصفات معينة
انت اكتبها في ورقه وروح للمحل واسأله عن القطع وبس
يعني المفروض انت الي تختار القطع مو المحل !

نحنا هنا بنعطيك افضل قطع موجوده في السوق بس على حسب فلوسك
اذا كثيره بتاخذ جهاز قوي
اذا متوسطه بتاخذ جهاز متوسط
اذا قليله بتاخذ جهاز ضعيف
اذا قليله جدا بنقول لك الفلوس ماتكفي لجهاز العاب

ولا تنسى لعبة splinter cell double agent تعتبر اقوى لعبة جرافكس حاليا
يعني تحتاج جهاز خطير عشان يشغلها

والمحل لما قال لك كرت شاشه 256
احتمال يعطيك NVIDIA GeForce FX 5200 AGP 256MB
وهذا الكرت ضعيف جدا ولا يمكنه تشغيل هذه اللعبه نهائيا

حدد ميزانيتك
وجهز ورقة وقلم واكتب المواصفات الي نعطيك اياها
وروح للمحلات كلها واشترها قطعه قطعه (يعني مثلا معالج اسمه Intel E6400 تروح للمحلات وتدور عليه وتشوف الارخص وتاخذه لوحده)
بعد كذا لما تنتهي من شراء جميع القطع الضرورية
روح للمحل الي تثق في قدراته (وما يسرقك) وعطه القطع كلها وقول له يركبها ويثبت الويندوز عليها وبس

[RICH BOY]

هذا هو الكلام الصحيح .

في انتظار الميزانية .

[GoldenLion]

ولا تنسى لعبة splinter cell double agent تعتبر اقوى لعبة جرافكس حاليا
يعني تحتاج جهاز خطير عشان يشغلها
والمحل لما قال لك كرت شاشه 256
احتمال يعطيك NVIDIA GeForce FX 5200 AGP 256MB
وهذا الكرت ضعيف جدا ولا يمكنه تشغيل هذه اللعبه نهائيا

السلام عليكم ورحمة الله وبركاته

أحسنت أخي العزيز amajed
والكثير يخدعون في كروت الشاشة
فيقول كرتي 256 ولا يشغل اللعبة بدون تقطيع ويطلع FX5500
بينما تجد 6600 جي تي أبو 128 ميجا DDR3 شغال زي الفل
وذكرت هذه النقطة سلفاً في ردي وأنت جئت بمثال أقوى FX5200

موفقين جميعاً إن شاء الله

[الكهالي]

ياجماعة هذه مواصفات جهازي والحمد لله ولا فيه أي إشكالية
الماذربورد نوع جيجا بايت 945 PL موديل GA-8I945PL-G Intel ch. AGP 16 X
المعالج 3000 أنتل بانتيوم إل جي أي كاش 1 ميجا وسرعة نقل 800
الرام أربع شرائح من 1024 ميجا الواحدة يعني 4 جيجا دي دي رام تو
كرت الشاشة GV-NX62TC256 D / نيفيديا جي فورس 6200 ذاكرته 256 ميجا
فاكس مودم أنتل
سيدي درايف ملتي ناسخ إسطوانات DVD
هارديسك 320 جيجا بايت نوع ماكستور
واعتقد من خلال خبرتي انها أفضل مواصفات جمعتها بيدي لنفسي

[alawadhi3000]

أخوي مثل ماقالو لك الاخوان قول ميزانتيك واحنا بنساعدك باحسن المواصفات بالنسبة لميزانيتك
ابتعد عن الPentium4 والPentium D والCeleron والAthlon X2/FX

ابحث عن Core2 اذا ميزانيتك متوسطة او عالية أو عن Athlon64 AM2 اذا كانت ميزانيتك ضعيفة شوي

السلام عليكم ورحمة الله وبركاته

أحسنت أخي العزيز amajed
والكثير يخدعون في كروت الشاشة
فيقول كرتي 256 ولا يشغل اللعبة بدون تقطيع ويطلع FX5500
بينما تجد 6600 جي تي أبو 128 ميجا DDR3 شغال زي الفل
وذكرت هذه النقطة سلفاً في ردي وأنت جئت بمثال أقوى FX5200

موفقين جميعاً إن شاء الله

شرايك عندنا في البحرين يبيعون كرت 7300LE بذاكرة 512ميجا وبسعر 300 ريال , وراعي المحل يقولي الناس تشتري منه بكثرة وهو من افضل الكروت ,, قلتله اي خير صح كلامك