WIB Project: Jeepers Creepers

[i_Zahik]

السلام عليكم..

كيف حالكم طيبين؟
الحقوا ترا العدد 334 من منقت ناروتو نزلت..

المهم , امس قعدت اخبص في الجيب حتى اكمله -اذ ان الصورة اللي في مخي صعبة التحقيق- فشكلت تشكيل عجيب وغيرت فئة الجيب وحتى اسمه..

تراني لم انعم البودي و الكفرات وسمسنغ لايك زات فلا تهلكوني ولا تتعبون..

اش رايكم ؟ اقتراح؟ ايوه صح المقاعد احتمال اغيرها لكن الصدام لا ..

[||صقر||]

بالمناسبه هى WIP وليست WIB.... اسمك الأول كان أفضل ^^&
بخصوص الجيب أحس ان الهيكل مرفوع جدا... تصميمك جيد منتظرين الإكساء ^^&

[yugi motoo]

جميل زاهيك((اسف اسمك الجديد ))

هذا افضل من الاول وذكرني بلعبة جاك اند ديكستير3.......بانتظار الباقي لكن حاول تحافظ على النعومة....

وصقر الهيكل لا مرتفع ولاشي...مثالي وروعة!!

[RAMMAH]

السلام عليكم ماشاء الله تصميم والله مايتوصف جدا ممتاز الله يبارك فيك هذا تصميم يفتح النفس والله ماشفت أروع منه حتى فتحات البنزين ودي الأشياء تصميم مكتمل وممتاز حتى الجناح . أظنك أقتبست شكله من جناح ترمنيتر المشهور . .
لو رندرته باكساء حديدي أو بوية مطفية امكن يسير تصميم رهيب .

[i_Zahik]

"بالمناسبه هى WIP وليست WIB"
بواهاهاهاها ..
ممكن تسير still Working In the Body !

"وصقر الهيكل لا مرتفع ولاشي...مثالي وروعة!!" يوغي
ياشيخ أحبك أنا !

" باكساء حديدي أو بوية مطفية امكن يسير تصميم رهيب"
باحاول مع الاكساء دي الفترة بقوة.. محتار اخليه بكموفلاق حربي أو بستكرات رياضية فيسير زي باجيرو ايفولوشن..

"اسمك الأول كان أفضل ^^& "% "اسف اسمك الجديد"
وشبكم؟ وش علومكم انتو؟ مفروض تقولوا ونعم! ..

تعديل:
جربت أخلي القمرة قزازية والنتيجة.. طولت البودي حتى يكون هناك مكان للراص فسارت القمرة بحجم حقت باص..
فهل اخليه زي ماهو قزاز أو أرجعه بدون قزاز وأخليه على اساس انه buggy زي حق بيجو؟ أنا أقول أني اعدله القزاز الحالي بحيث اجعله افطس والله الموفق..

[KilluaPica]

السلام عليكم.. كيفك يا عم زاهيك؟ يعني مصرّ انك تبدأ اسمك بحرف صغير؟! توقعت تغيره لـ(Xahik) أو مجرد (Zahik)!
جيبك رهيب ومغبر ومتسخ! أعتقد هذا لكن مو متسخ لحد الاتساخ الواقعي.. بس رهيب والله!
الصدام لا تغيره طبعًا ولو أصر عليك عشرين يوغي..
بس اقتراحي ان تضيف اللمبات.. وتكبر الذراع الماسكة الجناح لأنها مظهريًا على وشك الانعواج.
باقي الاقتراحات دبر نفسك فيها لأنها بديهية مثل لون خامة الكفرات وتفاصيل أسفل الجيب والتنعيم والعمرة..
سلامي لك!

[i_Zahik]

اقتراحاتك كلها بديهية! والجناح لو شفتوا على حقيقته , راح تبكي عليه!
بس ليش ماشفت الصورة الأخيرة طيب؟؟
تسلموا..

[KilluaPica]

أعوذ بالله كيف ما شفتها؟
محليته -أي أضافت له حلية -أي جعلته حلو-- خامة الكروم الموزعة فيه بدل الأولى التعبانة.. والرندرة عمومًا!
أعتقد لو شفت الجهة الأخرى كلها من الجيب سأبكي عليه لأنها مهملة جدًا.
تصدق بالزجاج هذا شكله أفضل.. صار ساينس-فيكشني نسبيًا.. لكن الخامة المخاطية زي كتاب العلوم في الابتدائي قبل 8 سنوات.. كئيب جدًا..
المسكات البيضاء مسكات باب أم سلم؟
وعندي سؤال يلعب في عبي.. كيف السائق يرى ما أمام بعدم وجود أي مجال للرؤية بسبب الكبّوت الضخم؟ هل يوجد كاميرات أو سمثنغ؟

[oms]

بدك الصراحة ... ومن الآخر .... التصميم ما عجبني !!!
في إشي خطأ ... مش عارف شو هو ،، يعني موديل هالإشي .. كله مش داخل مخي ..

يالله خربط وطلع لنا سيارة ثلج بتوزع بوظة

[RAMMAH]

السلام عليكم . ماشاء الله سمعت نصيحتي لأنك عرفت أنه نصيحة معلم .
المه والله الجيب جدا ممتاز .
لكن شيل دا القزاز (الزجاج النوافذ ) سارت السيارة باييخة به ليش حطيته خليه بدون قزاز وشوف لنا زاوية تانية بس من فوق.

[The MAYAer]

كيف حالك يا اي_زاهك؟ اسمك غريب اش يعني حرف الآي في البادية؟

جيب رهيب مدهش بس البودي الخارجي يبغاله تفصايل احسه فاضي وناقص

وعجبني شكله بالزاج كانه مركبة فضائية

بس فعلا كيف السواق يشوف اللي قدامه؟

[الجنرال المصرى]

عمل فعلا يفتح النفس ..
اتمنى ان اراه كاملا ..

[i_Zahik]

"عمل فعلا يفتح النفس.. اتمنى ان اراه كاملا .."
ردك يفتح النفس فعلا! شكرا ..

والله مصيبة ان طلع البفل عدملي الدنيا وسرت ماقدر اعدل ولا شي في اي UVMAP.. استغرب ان كان سمير يعرف حل دي المشكلة..
لاتوجد الكثير من التحديثات هنا لكني فكرت اخلي الجيب اسود زي جيب باتمان الجديد..

"بس فعلا كيف السواق يشوف اللي قدامه؟"
مو لازم يشوف اللي قدامه..

[KilluaPica]

وو شكله رهيييب ونظيف بلمعانه هذا.

"والله مصيبة ان طلع البفل عدملي الدنيا"
وأنا إش قلتليلك من زمان؟ لهذا أنعم الحواف بأداة الرينغ والكت فيس.

[RAMMAH]

السلام عليكم
ماشاء الله أيوة الآن بان الجيب مو قلت لك راح يكون أحلى بدون الزجاج .
والله تصميم رهيب .
بس السيارة من صدامها كأنها سيارة كلاسيكية .