..:: نصيحتكم لي .. في شراء جهازي ::..

[امير الابداع]

السلام عليكم ورحمة الله وبركاته....

قبل اسبوع تقريبا ذهبت لشراء لعبة جديدة (من مكتبة جرير) وبعد التفكير الطويل اخترت باتل فيلد 2142
رجعت البيت متحمس .. لان اللعبة باين عليها انها فلة ..
فتحت اللاب توب حقي .. و تفاجأت عندما شاهدت المساحة المتبقية في قرصي الصلب تقريبا 2 جيجا بس !! ..
سويت تنظيف للقرص و مسحت بعض الملفات وووو ... الخ
لما صفيت تقريبا على 7 جيجا .. سويت install للعبة ..
وحدثت المصيبة (يا للهول) .. ما اشتغلت اللعبة .. ليه وش صار .. ما ادري .. بعد المحاولات المريرة لمحاولة تشغيل اللعبة
رجعت للمحل وشرحت له الموضوع .. و كنت جايب معي اللعبة واللاب توب بعد .. كنت احسب انها ما تشتغل عشان يمكن بعض الاعدادت
او شي زي كذا .. المهم الموضف بعد ما شاف اللعبة والجهاز
قال : " للاسف .. كرت الشاشة اللي عندك ضعيف جدا .. واللعبة هذي تتطلب كرت قوي شوي من انفيديا او ATI
راح نسمح لك انك تستبدلها .. دور لك لعبة ما تحتاج كرت شاشة قوي "
قلت له : طيب
ورحت ادور لعبة حلوة كذا .. حصلت كامباني اوف هيروز Company OF Hearos
ورجعت للموظف .. ونفس الشي قال انها تحتاج كرت قوي .. غير كذا امكانيات جهاز ضعيفة شوي وتعتبر اقل معيار ان اللعبة تشتغل
قلت : لا حول ولا قوة الا بالله .. ورحت ادور على لعبة ثانية .. وكلما القى لعبة حلوة .. تكون تحتاج كرت قوي .. اهع .. اهع
تحطمت صراحة خاصة ان اللابتوب يمكن توه مكمل سنة بس
و كان اللابتوب يعني جيد نوعا ما (DELL INSPIRON | 6000)
.....
انتل سينترينو 1,86 GHz
512 ميجا بايت للرام
80 جيجا للهارد دسك
كرت الشاشة : 128 Mb من انتل
واي فاي وبلوتوث .. وغيره
.....

وبعد ما فكرت وفكرت .. قررت اخيرا اني اشتري جهاز جديد (DeskTop)..!!
رحت ابحث في الانترنت وادخل موقع بعد موقع ..
ابغى احد يفيدني في هذا الموضوع .. وما لقيت احسن من هذا المنتدى اللي يملك اعضاء ذوو خبرة عظيمة في مجال الهاردوير (بدون مجاملة اقولها )


انا بالنسبة لي .. ساكن بالدمام .. واحسن سوق كمبيوتر قريب هو : ابراج الدوسري بالخبر .. رحت هناك اشوف واتفرج ..
حصلت عرضين حلوين..
المحل الاول
-----------------------------------------------------------
1.86Dou 2 Core المعالج
GigaByte 965 اللوحة الام
2GB DDR2 الرام
265 nVIDIA كرت الشاشة
400GB SATA2 الهارددسك
DVD RW Lightscribe
PowerSubbly 550 W
السعر : 4300
---------------------------------------------------------

المحل الثاني
------------------------------------------------------------
2.13Duo Core 2 المعالج
GigaByte 965 اللوحة الام
2GB DDR2 الرام
Nvidia G.force MSI NX 7600 كرت الشاشة
320GB SATA3 الهارددسك
DVD RW Lightscribe
PowerSubbly 550 W
السعر : 4500
------------------------------------------------------------

طيب .. اللي ابيه منكم لا هنتم :


1- ممكن تقولولي الكرت هذا(Nvidia G.force MSI NX 7600)ما مدى قوته وهل هو ممتاز للالعاب ولا لا .. وهل يدعم ايضا تقنية SLI؟؟ (المشكلة ما ادري هل هو GT ولا GC مش مكتوب شي)


2- بالنسبة للهارددسك .. ايش الفرق بين ساتا 2 و ساتا 3

3- انا ودي بالمعالج كور تو ديو E6600 اللي سرعته 2.4 جيجاهيرتز
يفرق سعرة يمكن 200 ريال عن 2,13
(هل يسوى ولا لا ؟؟)

4- اذا كان كرت الشاشة غير ممتاز فيا ليت تعطوني بديل له .

4-آرائكم العامة لباقي القطع (اللوحة الام - المعالج - الباور سبلاي - محرك الاقراص)



والله يجزاكم الف خير .. اعرف اني تعبتكم معى ... بس انوو الاجر

-- وشكرا لكم --

[الوهج]

اخي الفاضل حياك الله معنا في المنتدى ونتمى ان نشوف ابداعاتك معنا يا مبدع ..بالنسبة لمواصفات جهازك المستقبلي انت اعطينا ميزانيتك واقصى حد ممكن تصل له وانشاء الله الشباب راح يعطوك افضل من الجهازين المزكورين في ردك ..وهل هنالك امكانية انك تشتري من الانترنيت لان الاسعار في النت ارخص من السوق المحلي ..وشكراً

[THE-FABLED]

السلام عليكم

أهلين بيك اخوي بالمنتدى

بالنسبة للجهازين
"- ممكن تقولولي الكرت هذا(Nvidia G.force MSI NX 7600)ما مدى قوته وهل هو ممتاز للالعاب ولا لا .. وهل يدعم ايضا تقنية SLI؟؟ (المشكلة ما ادري هل هو GT ولا GC مش مكتوب شي)"
على حسب ميزانيتك ...هذا الكرت متوسط...لكن اذا كانت ميزانيتك عالية الأفضل تغيره
"(المشكلة ما ادري هل هو GT ولا GC مش مكتوب شي)"
في نوعين GT و GS و طبعاً الفرق بينهم كبير
لهذا الأفضل تتأكد
و على فكره هذا الكرت راح يشغل بتل فيلد لكن اذا كنت من محبي اللعب بأعلى المواصفات ما راح يشغلها بقوه

"2- بالنسبة للهارددسك .. ايش الفرق بين ساتا 2 و ساتا 3"
مو متأكد من هذه المعلومة
ساتا 2 سرعتة 7200 دوره
اما ساتا 3 سرعتة 10000 دوره
مو متأكد لهذا نشوف الخبراء وش يقولوا

"3- انا ودي بالمعالج كور تو ديو E6600 اللي سرعته 2.4 جيجاهيرتز
يفرق سعرة يمكن 200 ريال عن 2,13
(هل يسوى ولا لا ؟؟)"
اذا كان الفرق فقط 200 ريال
اكيد يسوى لأن E6600 معالج قوي جداً

هذا كل اللي عندي
بالتوفيق

[hytm]

السلام عليكم

في نوعين GT و GS و طبعاً الفرق بينهم كبير

ايش الفرق وايهم احسن ومشكور

[THE-FABLED]

السلام عليكم
اقتباس:
المشاركة الأصلية كتبت بواسطة THE-FABLED
في نوعين GT و GS و طبعاً الفرق بينهم كبير

ايش الفرق وايهم احسن ومشكور

و عليكم السلام

اوكي
بكل بساطة
7600GT يأتي مع ميموري GDDR3 بسرعة 1400 و كرو بسرعة 560
7600GS يأتي مع ميموري GDDR2 بسرعة 800 و كرو بسرعة 500
طبعاً الـ GDDR3 أقوى بكثير من سابقتها
و على فكره خديت هذه السرعات من منتجات جيجابات
السرعات تختلف من شركة لأخرى مثل : XFX , ASUS ,BFG ,GIGABYTE, ...etc

بالتوفيق

[M.A.C.D]

طيب اخوي انا مثلك قبل فتر وكتبت بلمنتدى وبعد التفكير الكثير والمقارنه بين العروض

واقتراحات الشباب خلص الى امر الي هو


انا اهم شي عندي الالعاب فا ركزت على كرت الشاشه رقم واح وبعده الرام واخيرا المعالج


واخذت لي جهاز بينتوم 4 3600 رام واحد قيقا قطعه وحدا كرت شاشه 512 جي فورس من نيفادا رقم الكرت 7300 جي اس

وكل هذا لم يتزاوج ال 2150 مع لوح ام انت 945 وهاردسك 160 قيقا

وانت لك الخيار

[Gentleman]

وعليكم السلام ورحمة الله وبركاته ..

اخي ان شاء الله ان تجد الجهاز المناسب لك .. والاعضاء جزاهم الله خيرا لم يقصروا ..

"2- بالنسبة للهارددسك .. ايش الفرق بين ساتا 2 و ساتا 3"
مو متأكد من هذه المعلومة
ساتا 2 سرعتة 7200 دوره
اما ساتا 3 سرعتة 10000 دوره
مو متأكد لهذا نشوف الخبراء وش يقولوا

مثل ما قلت الفرق بين الـ Sata Sata2 Sata3 ليس بسرعة الدوران .. بل الفرق بين هذه الاجيال هي سرعة نقل البيانات بين ملفات القرص الصلب ..

وشكرا ..

[alawadhi3000]

1

- ممكن تقولولي الكرت هذا(Nvidia G.force MSI NX 7600)ما مدى قوته وهل هو ممتاز للالعاب ولا لا .. وهل يدعم ايضا تقنية SLI؟؟ (المشكلة ما ادري هل هو GT ولا GC مش مكتوب شي)

اذا GS فقوته متوسطة حاليا وضعيفة مستقبلا
اذا GT فقوته في المتوسط حاليا وتحت المتوسط مستقبلا

2

- بالنسبة للهارددسك .. ايش الفرق بين ساتا 2 و ساتا

3

اخوي مافي شي اسمه ساتا 3 , يمكن قصده SATA 3 Gb/s وهي سرعة الSATA 2

3

- انا ودي بالمعالج كور تو ديو E6600 اللي سرعته 2.4 جيجاهيرتز
يفرق سعرة يمكن 200 ريال عن 2,13
(هل يسوى ولا لا ؟؟)

أكيد يسوى , كفاية ان فرق اللسعر في النت 300-350 ريال

4

- اذا كان كرت الشاشة غير ممتاز فيا ليت تعطوني بديل له .

مع ميزانيتك ما انصحك تاخذ شي اقل من 7800GS

4

-آرائكم العامة لباقي القطع (اللوحة الام - المعالج - الباور سبلاي - محرك الاقراص)

اللوحة الام ممتازة اذا كانت DS3 , المعالج ممتاز , الباور سبلاي شوف شركته وخبرنا , الهاردسك حجمه راجعلك بس اخذ 250 فما فوق على حسب حاجتك

[alawadhi3000]

المحل الاول

-----------------------------------------------------------
1.86Dou 2 Core المعالج
GigaByte 965 اللوحة الام
2GB DDR2 الرام
265 nVIDIA كرت الشاشة
400GB SATA2 الهارددسك
DVD RW Lightscribe
PowerSubbly 550 W
السعر : 4300

السعر حلو مع الافتراض ان الكرت 7600GT والبور سبلاي من شركة ممتازة

---------------------------------------------------------
المحل الثاني
------------------------------------------------------------
2.13Duo Core 2 المعالج
GigaByte 965 اللوحة الام
2GB DDR2 الرام
Nvidia G.force MSI NX 7600 كرت الشاشة
320GB SATA3 الهارددسك
DVD RW Lightscribe
PowerSubbly 550 W
السعر : 4500

شوي غالي, عالعموم المفروض الفرق بين ال1.86 وال2.13 هو120-150 ريال

[امير الابداع]

الله يعطيكم الف عافيه على الردود

اخي .:: الوهج ::.
الله يحييك .. وما شاء الله الشباب بالفعل ما قصرو ..

اخي .:: THE-FABLED vbmenu_register("postmenu_5166608", true); ::.
شكرا لمرورك اخي ..
اذا باتل فيلد ما يشغلها باعلى المواصفات اجل يبيله تغيير >_<

اخي vbmenu_register("postmenu_5166760", true);
M.A.C.D vbmenu_register("postmenu_5166962", true);

شكرا لردك ..والله صراحة الكرت اللي عندك ما ادري عنه (7300) اذا عندك ومجربة .. هل هو زين ؟


اخي
Gentelman

شكرا لمرورك الكريم

ان شاء الله .. الله يتقبل منك ..

اذا ساتا 3 هو الافضل بالتكيد

اخي
alawadhi3000
شكرا لاهتمامك ..

انت قلت (اذا GT فقوته في المتوسط حاليا وتحت المتوسط مستقبلا)
فاتوقع انه ممتاز
-----------
(أكيد يسوى , كفاية ان فرق اللسعر في النت 300-350 ريال)
اجل خلاص باخذ E6600

(مع ميزانيتك ما انصحك تاخذ شي اقل من 7800GS)
طيب لا هنت تقدر تقولي كم سعره

-------------
ما قصرنو ويعطيكم الف عافية
vbmenu_register("postmenu_5167162", true);

[الوهج]

اخي امير الابداع ليش ما تخربها مرة وحدة وتاخذلك كرت DX10 8800 gtx ..لسببين الاول الفيستا قادم مع بداية السنة الجديدة ثانياً في لعبة اسمها كرايسس هذه اللعبة عاوزة كرت محترم ..

[alawadhi3000]

شكرا لردك ..والله صراحة الكرت اللي عندك ما ادري عنه (7300) اذا عندك ومجربة .. هل هو زين ؟

عذرا عالمداخلة , انا عندي هالكرت وهو سيء , يقدر يشغل العاب مثل NFSMW على اعلى الاعدادات لكن 800*600 , ومثلا في لعبة Obvilion تشتغل على 800*600 مع نص الاعدادات لكن اللعبة تقطع قليلا , مع ان جهازي قوي Athlon X2 4200+ @ +5000 والرام ا جيجا

انت قلت (اذا GT فقوته في المتوسط حاليا وتحت المتوسط مستقبلا)
فاتوقع انه ممتاز

أكيد , وسعره حلو بالنسبة لأداءه

(مع ميزانيتك ما انصحك تاخذ شي اقل من 7800GS)
طيب لا هنت تقدر تقولي كم سعره

آسف آسف , قصدي 7900GS
الXFX GeForce 7900 GS تحصله ب190 دولار بسرعة 450/1320
والXFX GeForce 7900 GS Extreme تحصله ب200 دولار بسرعة 525/1550
والXFX GeForce 7900 GS XXX تحصله ب210دولار بسرعة 600/1630

كلهم نفس الكرت لكن السرعة تختلف وأنصحك بالXXX Edition

[THE-FABLED]

صحيح الـ XFX GeForce 7900 GS XXX كرت قوي
و انصحك فية ايضاً

بالتوفيق

[M.A.C.D]

والله يا خوي انا ما افهم بلامور الفنيه بس من واقع تجرب بلعبة MediEval 2 Total War

حلو وماشي عال العال

[THE-FABLED]

والله يا خوي انا ما افهم بلامور الفنيه بس من واقع تجرب بلعبة MediEval 2 Total War

حلو وماشي عال العال

اي كرت تقصد ؟