قصتي مع الرسم غريبة...

**aya brea 4000** · 12-01-2002, 09:25 PM

هاااي جااايز..انا جديدة على هذا المنتدى..المهم
احم ..احم انا ابي اشرح لكم مشكلتي واتمنى انكم تساعدوني...انا بديت ارسم من يوم كان عمري12 سنة والحين عمري ما بين 14 وال15 ...بس المشكلة الكبيرة..اني اعرف ارسم بس الوجة والرقبة وما اعرف ارسم الجسم مولية..ولا حتى اعرف ارسم رسومات مثل رسمات مانجا وانمي..اعرف ارسم رسمات انسانية بس ارسم الوجة كله ( عين واذن وشعر وكلة) بس الجسم ما اعرف والاصابع اموووت وانا احاول ارسمها بس مافي امل مع اني ارسم الوجة بطريقة حلوة وتهبل بس مشكلتي اني ما اعرف ارسم الجسم و ما اعرف ارسم الرسومات الي تشبة الرسمات اليابانية...غريبة صح .. اتمنى اني القى الحل عندكم واذا عندكم نصايح لا تبخلون...وهاذي رسمة انا راسمتها
....وشكرا....

**orange road** · 12-01-2002, 10:26 PM

آيا اولا احب اقول ان رسمتج رووووووووووووعة.....

واذا انتي تقولين ان رسمج ما يشبه رسم المانجا.. فان المانجا بعد فيها اساليب مختلفة.. مثلا قارني بين رسم كارتون fushigi yuugi وبين رسم evangelion وبين رسم perfect blue نلقين كل واحد وله اسلوبه..

وانتي لج اسلوبج...... الخاص والمميز....

واذا بالنسبة للجسم.. حاولي شوي شوي.... وحاولي تشترين الكتب اللي تعلم رسم المانجا تراها وايد مفيدة وتساعدج انج تحسنين رسمج.....

مع انج ما شاءالله عليج في الويه ما يبي لج شي

انتي اهم شي حاولي ولا تيئسين... وانتي توج في بداياتج.. ترى انا ما صار رسمي جذي الا من سنتين بس تقريبا... ولما كنت في سنج كان رسمي مسخرة على الاخير... انتي ما خذتي الا سنتين بس ووصلتي حق هالمستوى .. يعني يبي لج دزة بسيطة وتوصلين المستوى اللي تبينه انشاءالله...

**shaheen** · 12-01-2002, 10:35 PM

يا سلام عليك... هذا رسمك يعني؟؟؟

اذا كان رسمك رسمك روعة وابداع ..
بس مايصير ترسم كل هذي وماتعرف ترسم الجسم..
هههههههههه هذي الرسمة راسمها رسام محترف

**orange road** · 12-01-2002, 10:39 PM

هو شكل الرسمة منقولة... لكن حتى لو كانت منقولة فالنقل وايد دقيق ويدل على مهارة في الرسم...
دايما لما نرسم شخصيات غيرنا نقعد ننقلها قبل علشان نعرف شلون نرسمها بعدين نحاول نرسمها من عندنا باوضاع ثانية

**shaheen** · 12-01-2002, 10:46 PM

صح كلامك يا خلود...
وانا اتمنى ان يزيد عدد فنانينا في المنتدى الى المئة
بس ممكن يا aya brea 4000 انشوف رسمات اكثر...
نبي نشجعك!!

**aya brea 4000** · 12-01-2002, 11:07 PM

شكرا على اهتمامكم..
فعلا انا ناقلة الرسمة من شخصية ايا بري (( شريط برسايت ايف)) على البلي ستيشن انا عندي النقل احسن من اني اتخيل الرسمة..واللة انا فرحانة لان احد حس فيني..وفي مشكلتي الغريبة ( واللة اني مستغرربة من حالتي الشاذة) اي انا ودي احط رسماتي بس ممكن تشرحون لي شلون احطها لان الصورة الي فوق حاطتها صديفتي لي لاني ما اعرف في هاذي الخرابيط...اتمنى انكم صدقتوني لان كلام شاهين محبط شوي..مع اني اقول الصج وما اكذب واللة اني جادة في كلامي ومافي سبب علشان اكذب..لاني توني ادري ان في منتدى للرسامين..ممكن تقولون وين القى المجلات الي تعلم رسم مانجا..؟
وانا احترم راي الكل...شكرا اورانج رود على مشاركتك وعلى تشجيعك رفعتي معنوياتي..

**shaheen** · 12-01-2002, 11:14 PM

عذرا أيا ... انا كنت ابي اعرف كيف رسمت الرسمة لانها عاجبتني كثير...
انا دايما احب اتحدى فلا تؤاخذني
المهم انشاء الله نشوف رسومات اكثر لك
بالنسبة لكيفية الرسم عندنا مجموعة من المواضيع لكيفية الرسم

واذا احتجت شئ احنا كلنا حاضرين
بس بصراحة الرسمة واااااايد حلوة

**orange road** · 12-01-2002, 11:14 PM

اختي آيا... طبعا عرفت هالشخصية وهي من الشخصيات المفضلة عندي........
والنقل من الصور مب عيب... بالعكس... وايد يبتدون بالنقل من رسوم غيرهم وبعدين يتكون اسلوبهم الخاص شوي شوي... ترى النقل مب عيب....

بالنسبة للمواقع اللي تبيع كتب تعليم فن رسم المانجا بتلقين هني المجموعة الكاملة.. وانا ناوية اشتريها باذن الله.. وانصحج فيها... وتلقينها في هالموقع

http://www.animecorner.com

واسعارهم معقولة وايد........

وهاي صورة حق ايا.. واعتقد ان هذي هي الصورة اللي نقلتي منها الرسمة اللي عرضتيها صح؟؟؟
بس ضراحة خطوطج رووووووعة.....

وشلون تحطين صور؟؟ بسيطة اختي

لما تحطين رد على موضوع كل اللي عليج تنزلين تحت.. قبل زر انشر الرد بتلقين زر مكتوب عليه browse ضغطي عليه واختاري الملف اللي تبين تحملينه من جهازج واختاري open وبعدين ضغطي انشر الرد...
سهل صح؟؟؟

**aya brea 4000** · 12-01-2002, 11:28 PM

صح اورانج رود ..مثل هاذي الرسمة انا احب الشخصية هاذي..اكثر من اي شخصية عرفتها واحب ارسمها..مشكلتي مو اهي شلون احط الصورة المشكلة اني لمن اصور رسمتي بالسكنر واحفظها ماتفتح غندي ما ادري شلون الطريقة..بحاول اني القى حل للمشكلة هاذي ..وان شا اللة احلها واحط رسوماتي ورسومات خواتي كلنا نعرف نرسم لان ابوي يعرف يرسم بس ما يشتغل رسام ( يعني تعرفين رسم الاباء كلة عن الغوص واللؤلؤ ) هذا رسم ابوي..ومشكورة على الموقع ...شاهين مافي داعي انك تعتذر لان قصتي غرييبة شوي
واذا ما عليكم امر ممكن تحاولون تعلموني ارسم رسومات كرتونية وياريت تبدون من الاصابع والعيون لانهم اصعب جزئين في رسومات مانجا..وشكرا

**fatoom** · 13-01-2002, 06:13 PM

آيا رسمج يجنننننننننننننننن
رهييييييييييييييييب وايد حلو وليش متعقده ......
إعذريني .....بس مثل هل الخطوط .....اااااااااه أطقها .....
حلوه .....

**ZAYERMA7** · 13-01-2002, 06:48 PM

عندي شخصيوة أتمنى أنك ترسميها وهي
لون الشعر (أسود)
لون البشرة(بيضاء)
معتدل القامة
بنطال (أسود)
قفازات (سوداء)
حداء (أسود)
قميس (أحمر)مفتوح والفانيلة (بيضاء)

**aya brea 4000** · 13-01-2002, 10:13 PM

شكرا على كلانمك فطوم..انا متعقدة لاني بظل طول عمري ارسم وجة والجسم ما اعرفة

..هذا هو الي معقدي..انا اقول يمكن انا السبب لاني ما كنت اتدرب على رسم الاجسام بس ارسم اي وجة اشوفة قدامي
اخ ZAYERMA7 انا ما عرف ارسم لك الجسم..في اعضاء احسن مني في الرسم مليون مرة...
روح لهم وراح يساعدونك...

**Ranze Eto** · 14-01-2002, 08:20 AM

صديقتي آيا .......

كلمة لا أعرف و لا أستطيع لا تحقق شئ ..و لكن ... كلمة سأحاول ..تحقق المعجزات

رسمتج روعة ...ارجوك تابعي

**ZAYERMA7** · 14-01-2002, 08:45 AM

كتب العضو (Ranzie Eto)
صديقتي آيا .......

كلمة لا أعرف و لا أستطيع لا تحقق شئ ..و لكن ... كلمة سأحاول ..تحقق المعجزات

رسمتج روعة ...ارجوك تابعي

هذا هو الكلام الصح

**fatoom** · 14-01-2002, 04:13 PM

انا مع رانزي ..... ثرى انت إلي قررت أنج متعقده ....و هني
الغلط ..... أنت حاولي بتخسرين شيء .....جربي و جربي و جربي .....
بتحصلين نقد و بتشوفين رسمج في البدايه مش اوكي للجسم .....
لكن في الأخير هو تدريب و إن شاء الله راح تتقنينه .....
لأن انا ما أنولدت و انا أرسم جذي .....

كان عندي إصرار و محاولات فاشله ...
لكن ما وقفت ......اوكي ......
يلا عشان يزيد عدد البنات هههههههههه

صح ولا لأ ......

الموضوع: قصتي مع الرسم غريبة...

أدوات الموضوع

قصتي مع الرسم غريبة...

ضوابط المشاركة