تصريح حق مخفي شامل^^

[xuae_3]

السلام عليكم،،،

الله حيهم


اليوم حبيت اكتب الكم سالفة استوت حق واحد من الناس الله يستر عليه و وواحد من شيوخ الإمارات((السموحة منكم ما بغيت احط أسماء أو قبايل))

الموضوع انه في ريال يريد يركب مخفي شامل و يريد تصريح

فراح طلب مقابلة الشيخ و بعد أسبوع قالهم الشيخ دخلوه انطالع شعنده


يوم دخل قاله الشيخ
((خير يـالـ "قبيلة الريال"))

قاله الريال
(( طال عمرك أريد تصريح حق المخفي))

-يطلب مقابلة الشيخ من أسبوع و آخرتها ع المخفي الله يهديه-

قاله الشيخ
(( و ليش تريد مخفي))

رد عليه الريال
((ما أريد الناس اشوفوني))

قاله الشيخ
((فالك طيب))

و أمرهم يحبسونه أسبوع

و بعد أسبوع قالهم اييبونه

و قاله الشيخ
(( هاه؟ حد شافك))

فسكت الريال

و بعدين أمر له الشيخ بتصريح^^

أن شاء الله عيبتكم

و السموحة...

[silver diamond]

هههههه من جد خلاه مخفي .

مشكور اخوي على فتح نفسي مع الصباح ^_^.

[المزيووونه]

خخخخخخخخخخ

أحلى مخفي

يسلمو ع الطرح ^__^

[الوردة الجريحة]

ما يسوى عليه
بس المفروض ما يسمحون بالمخفي نهائيا
مشكور أخوي على القصة الظريفة

[52x]

الصراحة لا اعرف ايش هو المخفي الشامل لاني مش من اهل الخليج لكن الحلو بالموضوع موقف الشيخ بانه اخفاه
سلام

[TURKi]

الصراحة لا اعرف ايش هو المخفي الشامل لاني مش من اهل الخليج لكن الحلو بالموضوع موقف الشيخ بانه اخفاه
سلام

يقصد بالمخفي: ( تضليل السيارة) أو ( تغييم السيارة ) أو ( تعتيم السيارة) أو (تكتيم السيارة ) أو ( تحط أسود على زجاج السيارة ليصبح الذين بالداخل لا يكاد شخص يراهم )

<--- عصب

فهمت وإلا لا ؟

أشوا انك فهمت ؟

مشكور أخوي عالقصة الظريفة ثانكس اكس 52

تحياتي و تقديري
ابو فيييييصل

[Shredder]

خخخخخخخخخخ هههههههههههههه <<<< بس

والله نااس معندهم سااالفه يعني أتخيل عمري ادخل عند شيخ وماعرف شو واقوله أريد مخفي -_-
هالناس يهتمون بالمظاهر .انا أسميهم خقاقين مثل مايسمونهم في الامارات ...
ناس مايهتمون غير بأرقام مبايلاتهم و نعلهم الله يعزكم ..نعالي مندوس وبـ 600 ويجيك الثاني ويقول نعالي باشوتي وبـ ألف ومادري ..كم وهذاك يقولك انا كندورتي المانيه بـ 320 ....
هالناس وااايد فااضين ويهتمون بالمظاهر بس لايغرك المظهر ..يعني الحين تشوف وااحد عنده رنج او بي أم ... وعليه مخفي شاامل او عااكس وماعرف شو ...وتلاقي ليت البترول ماله والع ...وأوراق الديون تارسه بوكه -_- ...والبنك من هنااك يسحب شهريا وهو مرتااح !!
..والريال معذب نفسه بهالسياره اللي ماخذنها بـ 350 ألف -_-
المهم أسف على الأطاله بس كل اللي قلته موجود عندنا بالفعل ...
ومشكور اخوي على الموضوع الحلو منك ..