ما الذي تتفوق به الاكس بوكس على البي اس 3 ( دعوه للتثقف وليس للجدل )

[MSF]

شباب انا اللي بقلبي على لساني وهالكلام ودي اقوله من اول ارجو انكم ما تزعلون

الحين قبل ما ينزل البلايستيشن قلتو عنه جبار وخارق وهذا الكلام قبل ما نشوفه
ولمن نزل وطلع انه فاشل وبشهادة بعض اللي جربوه قلتم لا انتظرو لمن تنزل عليه الألعاب القوية
ولمن تنزل الألعاب القوية وتطلع فاشلة الله يعلم وش بتطلعون حجة جديدة
عاد زبدة الكلام كله انه لا تقعدو تقصو على نفسكم وتطلم تقلونو اصبرو اصبرو لأنه شكلنا بننتظر مدى الحياة على كذه

والخلاصة كلها انه الإكس بوكس احسن منه وانتهى النقاش <<<<<وقلك اخونا بالله مو متعصب

بعد شوي راح يرد متعصب للـPS3
وبعدين يرد عليه متعصب للـXbox
والنهايه Closed
..

[محـ ss uae ـمد]

بعد شوي راح يرد متعصب للـPS3

وبعدين يرد عليه متعصب للـXbox
والنهايه Closed

..

اي صح ..
و ينك يافارس ...
وافارساه

تعال و شوف الردود ....

[Master Sword]

بصراحه أنا بأقول لكم شيء ... وأقصد بكلامي كل الأخوان العرب احنا نتناقش علشان نتناقش فقط .. يعني مستحيل أحد في النقاش يقتنع بالشخص الآخر والسبب بأننا عنيدين

لو تشوفوا منتديات الأجانب أنا مره شفت نقاش من أروع مايكون اثنين تناقشوا واشتد الكلام بس الجميل بالأمر بأن النقاش أنتهى على أقرار طرف دون الآخر وهذا شيء نفتقده هنا للأسف

[EVIL KNIGHT]

عاد شباب قلت لكم اللي بقلبي كتبته
وادري انه اكثركم يأيد كلامي بس ما تبون تتكلمون علشان ما يخرب الموضوع

[Dukefleed]

سأقوم بالرد عن قريب ان شاء الله بسبب اني مشغول قليلا لكن حبيت اوضح نقطتين فقط وهما ان سبب مبيعات الإكس بوكس القوية هي وجود العاب قوية عليه لاتوجد على البلاي ستيشن3 الى الان لكن ننتظر صدور العاب البلاي ستيشن القوية واوعدكم انكم بتلاحظون ان الإكس بوكس ستصبح نسبة مبيعاته قليلة

أنا أعتبر هالكلام صحيح نوعاً ما. جهاز الـPS3 مبيعاته بتزيد بشكل ملحوظ يوم بتنزل أفضل وأقوى العابه، ولكن هذا ابداً ما يعني انه مبيعات الاكس بوكس بتصير قليلة، لأنه فيه العاب قوية بتنزل عليه بعد

ثانيا احب اقول ان يد البلاي تيشن3 مافيها هزاز لكن فيها خاصية sixaxis وهي تغني عن خاصية الهزاز تقنية الهزاز اصبحت قديمة شوي ويجب على الشركات ان تواكب التطور

هذا أحد عيوب النقاش عندنا للأسف، الواحد ما يعترف بأخطاء الشركة الي "يحبها"، يعني بصراحة تامة.. الحين يوم شالو الهزاز من ريموت الـ PS3، صار الهزاز "تقنية قديمة" ولازم الشركات الثانية يشيلونها عشان "يواكبون التطور"؟ آسف ولكن خلنا نتكلم بمنطقية شوي! هذه تعتبر أحد عيوب الجهاز وليست من مميزاته ابداً...

[MSF]

عاد شباب قلت لكم اللي بقلبي كتبته

الجهاز عنده ألعاب تنعد بالأصابع
وأنت تقول أنه فاشل !
ومن كلامك أنك حكمت على الجهاز من بعض ماقريته .. وماحكمت عليه من تجربتك

وادري انه اكثركم يأيد كلامي بس ما تبون تتكلمون علشان ما يخرب الموضوع

ما أعتقد أن الجميع متعصبين للـXbox مثلك

[EVIL KNIGHT]

خخخخخخخخخخخخخخخ
في شباب متعصبين اكثر مني
على العموم شباب خلاص يكفي تعصب
الرجال تعب على الموضوع

[Dark Watch]

يعني نهاية كل موضوع مثل هذا معروفة ؟ ..

[MSF]

خخخخخخخخخخخخخخخ

في شباب متعصبين اكثر مني
على العموم شباب خلاص يكفي تعصب

الرجال تعب على الموضوع

الحين عرفت أن الرجال تعب على الموضوع ؟
.. !

[Angry Odin]

صحيح ولكن ماقصدته هو تنزيل الديمو والعروض ببلاش , اما البي اس ستور ياخذ منك فلوس...

من قالك ؟؟؟ ال PS STORE تنزل منه العروض وال demo بلاش مثل ال 360 .اللي تدفع عليها العاب ال Arcade وال PSP فقط .

[فوق المستحيل]

انا ودي اعرف شغله وحده بس

شنو نستفيد اذا كانت الاكس بوكس احسن من البي اس 3 او كان العكس ؟

من يتملك السوني قادر على ان يمتلك الاكس بوكس والعكس صحيح...فهل هناك مشكله في افضليه جهاز على الاخر اذا كان كلا الجهازين باامكاننا اقتنائهم واللعب بهم

لو كنا ملاك ميكروسوفت لكان الامر مختلف

لو كنا ملاك سوني لكان الامر مختلف

لان هؤلاء يفكرون باافضليه اللعبه للربح المادي..ولكن نحن نفكر بالافضليه لماذا ؟

دعوه للتعقل..ارجوا من الاخوه عدم الخوض في نقاشات هم ليسوا باهل لها

وشكرا على من قدم لنا معلومات بكل ذوق وادب واحترام

[kingx11]

ظلم صراحه نحكم ان الاكس بوكس تفوق عالبلاي 3 من الحين

الاكس بوكس صار له فتره طويله فالاسواق وتطور وصارت له تحديثات كثيره فالداشبورد ....الخ بينما البلاي3 توه للحين ماصار له شهرين والناس تحكم عليه بالفشل والخساره امام الاكس بوكس

حتى مقارنة ign بين جرافيكس الجهازين كان غير مقنع بالمره لان المطورين من زمان قالو انهم للحين معرفو يطورون العاب عالrsx بسهوله لانه جديد عليهم على عكس الcell اللي خذو راحتهم فيه ومانزلت اقوى العابه الا بعد سنه تقريبآ من صدور الاكس360


والمقصد من كلامي ان المطورين يحتاجون وقت عشان يعرفون يوظفون قدرات الrsx بالشكل الصحيح وحزتها نقدر نقارن بينهم اما حاليآ ظلم كبير للبلاي مقارنته بجهاز حصل على تعديلات وترقيات كثيره فالسوفتوير بينما السوني للحين ماجاه الا ابديت واحد اعتقد !!!!!


للحين الاكس بوكس ماتفوق عالسوني بنظري حتى وان كان الايف احسن ومرتب اكثر تذكرو شلون كان الايف اول مانزل الجهاز وشلون كان فاضي


عطوه البلاي فرصه حتى نص السنه عالاقل وبنشوف اشياء حلوه عليه بالتأكيد


ويكفي انه يتفوق عالايف حق الاكس بالعضويه المجانيه صحيح؟

[Dukefleed]

عطوه البلاي فرصه حتى نص السنه عالاقل وبنشوف اشياء حلوه عليه بالتأكيد


ويكفي انه يتفوق عالايف حق الاكس بالعضويه المجانيه صحيح؟

صحيح انه ببلاش، ولكن هذا ما يعني انه افضل. أعطيك مثال: العاب الـMMORPG الي تلعبها ببلاش أفضل أم الألعاب الي تدفع لها كل شهر أمثال WoW, FFXI؟ انا في رأيي انه الي تدفع لهم افضل بكثير ! من ناحية اللعب والدعم والصيانة والإضافات الجديدة وطرد الهاكرز، الخ.

ولكن ربما هالمقارنة ما تكون صحيحة في هذا الموضوع.. لأنه MMO =/= Console online service. فأتوقع افضل حل انه ننتظر ونشوف.. ربما سوني تذهلنا

انا ودي اعرف شغله وحده بس

شنو نستفيد اذا كانت الاكس بوكس احسن من البي اس 3 او كان العكس ؟

من يتملك السوني قادر على ان يمتلك الاكس بوكس والعكس صحيح...فهل هناك مشكله في افضليه جهاز على الاخر اذا كان كلا الجهازين باامكاننا اقتنائهم واللعب بهم

أهلاً أخوي، للأسف انا اخالفك في هذه النقطة.

صح كلامك انه احنا ما نستفيد شي من كون الإكس بوكس 360 افضل او البي اس 3 افضل، ولكن هذا ما يعني انه ما نقارن بينهم ونشوف مميزات كل جهاز فيهم وعيوبه، وشو الأسباب الي تدفعنا لشراء هذا الجهاز أو ذاك وشو الأسباب الي تحدنا من شراؤهم.

أخوي مب كل الناس عندهم القدرة انهم ياخذون جميع الأجهزة الموجودة، فبعض الناس يبحثون عن جهاز واحد يرضيهم وما يوصلون لدرجة انهم ياخذون جميع الأجهزة.. فهذه المقارنات موجودة لمساعدتهم كما هي موجودة لمساعدتنا في معرفة مميزات وعيوب الجهاز كما ذكرت.

[Light.Darkness]

المشاركة الأصلية كتبت بواسطة S!NDBAD

عندي سؤال في الهاردوير و يتعلق بالضغط

مثلا اذا لعبة حجمها 50 جيجا او 30 جيجا... المهم انه عالي

عند الضغط ألن يقلل من جودة المفات التي بها
اي عند اللعب على لعبة حجمها مثل 37 جيجا
تم ضغطها بحيث تتسع للـHD-DVD اي اصبح حجمها 9 جيجا او اقل

عند اللعب بها الن تقل جودة الاصوات و جودة الصورة و هكذا...

يا جماعة مع احترامي لكم لكن ولا حتى اي رد

حتى لو تقولون " ليس لدينا علم " ما فيها فشلة

بحكم اني درست ضغط المعلومات بأجاوبك

نعم ضغط الصور و الأصوات يأثر على جودتها و كلما زادت نسبة الضغط قلت جودة الشيء المضغوط

بإمكان مايكروسوفت اصداره على 3 DVD او اصدار على 1 HD-DVD او على الثنين

الـHD-DVD المستخدم في الـXbox360 ليس للألعاب أبدا

صحيح ولكن ماقصدته هو تنزيل الديمو والعروض ببلاش , اما البي اس ستور ياخذ منك فلوس...

ايضا مجاني في الـPS3

شباب انا اللي بقلبي على لساني وهالكلام ودي اقوله من اول ارجو انكم ما تزعلون

الحين قبل ما ينزل البلايستيشن قلتو عنه جبار وخارق وهذا الكلام قبل ما نشوفه

ولمن نزل وطلع انه فاشل وبشهادة بعض اللي جربوه قلتم لا انتظرو لمن تنزل عليه الألعاب القوية

ولمن تنزل الألعاب القوية وتطلع فاشلة الله يعلم وش بتطلعون حجة جديدة
عاد زبدة الكلام كله انه لا تقعدو تقصو على نفسكم وتطلم تقلونو اصبرو اصبرو لأنه شكلنا بننتظر مدى الحياة على كذه

والخلاصة كلها انه الإكس بوكس احسن منه وانتهى النقاش <<<<<وقلك اخونا بالله مو متعصب

وش الي قاهرك ؟
يا أخي و الله السالفة ما تستاهل انك تنقهر عشانها
انت لك رأي وهم لهم آرائهم

[Light.Darkness]

ظلم صراحه نحكم ان الاكس بوكس تفوق عالبلاي 3 من الحين

الاكس بوكس صار له فتره طويله فالاسواق وتطور وصارت له تحديثات كثيره فالداشبورد ....الخ بينما البلاي3 توه للحين ماصار له شهرين والناس تحكم عليه بالفشل والخساره امام الاكس بوكس

حتى مقارنة ign بين جرافيكس الجهازين كان غير مقنع بالمره لان المطورين من زمان قالو انهم للحين معرفو يطورون العاب عالrsx بسهوله لانه جديد عليهم على عكس الcell اللي خذو راحتهم فيه ومانزلت اقوى العابه الا بعد سنه تقريبآ من صدور الاكس360


والمقصد من كلامي ان المطورين يحتاجون وقت عشان يعرفون يوظفون قدرات الrsx بالشكل الصحيح وحزتها نقدر نقارن بينهم اما حاليآ ظلم كبير للبلاي مقارنته بجهاز حصل على تعديلات وترقيات كثيره فالسوفتوير بينما السوني للحين ماجاه الا ابديت واحد اعتقد !!!!!


للحين الاكس بوكس ماتفوق عالسوني بنظري حتى وان كان الايف احسن ومرتب اكثر تذكرو شلون كان الايف اول مانزل الجهاز وشلون كان فاضي


عطوه البلاي فرصه حتى نص السنه عالاقل وبنشوف اشياء حلوه عليه بالتأكيد


ويكفي انه يتفوق عالايف حق الاكس بالعضويه المجانيه صحيح؟

كلام جميل و منطقي صراحة