سؤال عن Guild War

[المـلقب بالخطير]

السلام عليكم ...

هذه أول مشاركة لي في منتدى الـ PC ...

حبيت أستفسر عن هذه اللعبة Guild War : Night Fall

http://www.guildwars.com/newsarchive/2007-01.php

اللي أعرفه عن هذه اللعبة ... إنها أفضل لعبة RPG corp Online مجانية ....







طبعا أنت بحاجة لشراء النسخة الأصلية لتسجيل رقم العضوية ....

أنا اشتريت هذه اللعبة ... لإنني - و مازلت أظن - أنها أفضل لعبة أونلاين مجانية ...

وطبعا Guild War : Night Fall تعتبر الإصدار الثالث من سلسلة Guild War

الشيء الوحيد اللي أعرفه عن هذه اللعبة .... أنه الحد الأقصى لترفيع مستوى اللاعب هو : 20 !!

ومعلوماتي عن هذه اللعبة = صفر ....

حتى لا أعرف حتى الآن ماهو الهدف / القصة / المطلوب من اللعبة ....

فأرجوا من الجميع من يمتلك هذه اللعبة ... أو أي معلومة عنها لا يبخل علينا ...

أنا اشتريتها واحس إني ندمان عليها

وياليت أتعرف على اللي يلعبونها ... أنا قابلت بعض اللاعبين في اللعبة ... وما شفت أي عربي حتى الآن ... في بعض الناس لهم ستة أشهر على هاللعبة ... يمكن لها نكهتها الخاصة في اللعب ...
وسبب شرائي للعبة ... إني قرأت عنها ... وسمعت أنها تنافس WoW على الأقل ... (طبعا مافي مقارنة) لكن ... تلعبها ببلاش ...


والسلام عليكم ...

الكاتب : المـلقب بالخطير.

[صلاح9]

المشكلة انك توصل ليفيل 20 وبس!! هذا الكلام من الجزء الأول!!

وعلى فكره،، اللعبه كسرت حاجز 3 ملايين نسخة من الجزء الأول الى الجزء الثالث
http://eu.plaync.com/eu/about/pressr..._million_sold/

[Dapoo]

اولا....اللعبة ممتعة جدا اذا عرفت شو تختار من الشخصيات...اختيارك للرينجر موفق لكن ليش تستخدم فاس ودرع وانت اصلا رينجر يعني ترمي من بعيد؟

ثانيا بالنسبة للتلفيل وانه شوي يعني لفل20 ...احب افهمك ان اللعبة تبتدي يوم توصل الى لفل20 يعني ما بتحس بقمة المتعة الا يوم توصل العشرين لان مرحلة الجد تبدأ

حاول تلعب مع جروب مب لاعبين كومبيوتر

احلى شي في اللعب هو elite mission - PvP

في عرب يلعبون ومعظمهم في المنتدى

[Night Road]

لعبت اللعبة لفترة وماعجبتني ، مافيها اي حماس ، يعني احس كأني العب فاينل فانتسي .,.
احلى شي WoW .,.
هذي وجهة نظري ، واحترم وجهات نظركم جميعاً ، واهم شي اللعبة الي تعجبك انت .,.
مع التحية ...

[# big show #]

أذا كان في طريقة تخلينا نلعبها مجاناً أرجو شرحها

أما اذا كنت مضطراً لشراء نسخة أصلية لتجربتها فهذا صعب نوعاً ما

ولكن من الصور نلاحظ جمال اللعبة وقوة الجرافيكس

وشكراً على طرح الموضوع ...

[المـلقب بالخطير]

السلام عليكم ...

المشكلة انك توصل ليفيل 20 وبس!! هذا الكلام من الجزء الأول!!

وعلى فكره،، اللعبه كسرت حاجز 3 ملايين نسخة من الجزء الأول الى الجزء الثالث

نعم مازال حتى الآن الحد الأقصى مستوى 20

ما أدري ... بيعت أكثر من ثلاث ملايين بسبب اللاعبين الأوربيين ... وأكثر اللاعبين على حد علمي الأسبانيين ...
يقال نسبة وجودهم في اللعبة تقريبا 70% .

باختصار : مالها شعبية بين العرب صح ؟ ...

اولا....اللعبة ممتعة جدا اذا عرفت شو تختار من الشخصيات...اختيارك للرينجر موفق لكن ليش تستخدم فاس ودرع وانت اصلا رينجر يعني ترمي من بعيد؟

لأنه طلع لي Drop قلت خلني أكشخ واصور نفسي
انظر للصورة الثالثة للأسفل وشوف كيف أفقش (أصوب) على الوحوش ...
طبعا باستخدام القوس والأسهم .

ثانيا بالنسبة للتلفيل وانه شوي يعني لفل20 ...احب افهمك ان اللعبة تبتدي يوم توصل الى لفل20 يعني ما بتحس بقمة المتعة الا يوم توصل العشرين لان مرحلة الجد تبدأ

طيب ياليت تفهمني أخوي : مالمطلوب بعد لفل 20 ؟؟ وإذا كنت تعرف موقع يتكلم عن أفضل الدروع والأسلحة ، وشرح المهمات ياليت تعلمنا عنه .

حاول تلعب مع جروب مب لاعبين كومبيوتر

حاليا مستواي منخفض (لفل 5) وأغلب اللي يشوت (ينادي) للـ Party ... فوق المستوى عشرة .

احلى شي في اللعب هو elite mission - PvP

في عرب يلعبون ومعظمهم في المنتدى

ياليت كل واحد يكتب اسمه في اللعبة لكي نتقابل ونفهم اللعبة مع بعض ...
على فكرة إنت تقول معظمهم في هذا المنتدى ؟؟؟ تقريبا مالقيت ولا موضوع يتكلم عن هذه اللعبة !!

وياليت نتعارف أكثر

معك Dangerous Called

لعبت اللعبة لفترة وماعجبتني ، مافيها اي حماس ، يعني احس كأني العب فاينل فانتسي .,.
احلى شي WoW .,.

صدقني لو كانت مثل أسلوب فاينل فانتسي 11 ... ما كتبت هذا الموضوع أصلا ....
أنا - حتى الآن - مشتريها وتاركها على جنب (وحاس إني ندمان عليها) ... صحيح فيه ناس يشتغلون ... لكن ... أغلبهم ما يعطوني وجه
لآني أصلا لا أعرف مالأشياء اللازمة لأفعلها وخاصة وبصفتي مبتدئ ...

ولا تقارن ألعاب RPG MMP (عملاقة - وتدفع لها شهريا ) Online بألعاب RPG corp (صغيرة مقارنة بألعاب لها دفع شهري - أيضا هذه اللعبة مجانية ) Online

لإن المقارنة ماراح تنفع ... يكفي لعدم تركك لألعاب FFXI or WoW تدفع لها شهريا ... وما تبغى تدفع على فاضي .

هذي وجهة نظري ، واحترم وجهات نظركم جميعاً ، واهم شي اللعبة الي تعجبك انت .,.
مع التحية ...

عدم اعجابي بهذه اللعبة حتى الآن ... لأني ماني فاهم شيء .
وحياك الله معنا

إذا كان في طريقة تخلينا نلعبها مجاناً أرجو شرحها

أما اذا كنت مضطراً لشراء نسخة أصلية لتجربتها فهذا صعب نوعاً ما

ولكن من الصور نلاحظ جمال اللعبة وقوة الجرافيكس

أصلا هذه اللعبة تلعبها مجانا ...

لكن تحتاج إلى رقم عضوية لدخول اللعبة ... يعني لازم تشتري اللعبة أصلية لتحصل على رقم العضوية ...

سمعت من أحد أصحابي إنه جرب اللعبة بدون الحصول على رقم العضوية ... ولكن مدة اللعب تقريبا 14 يوم فقط .

جرب هذا الرابط :

http://www.guildwars.org/support/downloadclient/

بالنسبة للجرافيكس ... حقيقة حلوة ولابأس بها ... لكن إذا تبي تلعب عدل !!! ماراح تقدر تشوف شيء !! لأن المنظور يكون من الأعلى ولكي ترى أعدائك من حولك .

وشكراً على طرح الموضوع ...

حياك الله أخوي

والسلام عليكم ...

الكاتب : المـلقب بالخطير.

[hamad771]

اول شي اخوي اللعبه وايد حلوه انا جربت الاثنين واو و قيلدوارس الاحلى اكيد قيل وارس

او شي اذا كان عندك NightFall

امشي مع القصه كل ال Primary Quest سوهم وراح تمشي اللعبه معاك شلون تعرف وي الاكوستاات تظغط على L يطلعلك مربع يقول لك في الكوستات الي عندك دور وين مكتوب Primary Quest وسهم وراح اللعبه تمشي معاك حلوه

طبعا بخصوص المشنز انا سويتهم مع الهيروس Heros المشنز في NightFall وايد سهله

اذا كان خاطرك تسألني في شي هذا اسمي في اللعبه

Hamad the Dervish

[صلاح9]

انا الى الان مستغرب من سالفة الـ Heros،، هذي اللعبه اونلاين او اوفلاين؟

[hamad771]

دكتور شكلك نسيت اللعبه ؟؟

هاي GuildWars الهيروس راح سياعدونك وايد في ال Pve

يعندي اذا ما عندك مونك ممكن تحط 2 هيروس مونك وخلاص وسولك قروب
قبل كنا تنرجى المنكات عشا يجون الحين مب لازم هع هع

الحين تحصل في القروب 4 مونكات Heros و 4 لعبيه Real ppl

[صلاح9]

ايه ادري،، بالعكس انا مانسيتها لكن صارت ابيخ


امممم،، ماعرف كيف اشرح قصدي،، ميزه اللعب الجماعي انك تلعب مع ناس حقيقين فقط!! بدون تدخل اي AI باللعبه مثل GW:NF،،، يعني اللعبه على كذا تقدر تختار Heros وتلعب لوحدك طول الوقت!! وين المتعه؟ :|

[المـلقب بالخطير]

السلام عليكم ...

اول شي اخوي اللعبه وايد حلوه انا جربت الاثنين واو و قيلدوارس الاحلى اكيد قيل وارس

او شي اذا كان عندك NightFall

امشي مع القصه كل ال Primary Quest سوهم وراح تمشي اللعبه معاك شلون تعرف وي الاكوستاات تظغط على L يطلعلك مربع يقول لك في الكوستات الي عندك دور وين مكتوب Primary Quest وسهم وراح اللعبه تمشي معاك حلوه

طبعا بخصوص المشنز انا سويتهم مع الهيروس Heros المشنز في NightFall وايد سهله

اذا كان خاطرك تسألني في شي هذا اسمي في اللعبه

Hamad the Dervish

هلا والله أخوي Hamad the Dervish

بصفتك خبير أحتاج من تجيب بعض هذه الأسئلة :

1- هل للعبة Server ? وإذا كان فيه كيف أحول من سيرفير إلى آخر ( أصلا كيف أعرف انا في أي سيرفر ؟؟) .
2- كيف أعرف الأدوات اللي آخذها إذا كانت نادرة أم لا ؟؟
3- ممكن تشرح لي إذا سمحت طريقة الـ Status ?? فيه بعض الـ Ability يطلع لي ولا أقدر أستفيد منه (بالعربي لا أعرف طريقة استخدامه).
4- فيه أدوات تنزل من الوحوش ؟ ماهي الفائدة منها ؟؟ هل هي من أجل المهمة أم من أجل Craft ? (وهو أصلا فيه كرافت ؟؟ كرافت مثل نظام فاينل فانتسي 11 أقصد مثل الحداد - نجار - طباخ ... الخ).

5- هذا اهم سؤال ... أنا عندي نسخة Night Fall ... سجلت رقم السيريال حق اللعبة قالوا لي لازم تستلم شئ من الإميل ... توهقت وماعرفت أكمل ... بعدها دخلت موقع PlayNC وسجلت العضوية هناك ... قالوا لي إذا تبي تلعب اللعبة ... لازم يكون رقم السريال في حدود 20 رقم ....
ورقم السيريال اللي معي 25رقم/حرف ؟؟؟

ماقدرت أسجل ... لكن لاحظت بأنه بإمكاني أن ألعب نسخة مجانية من للجزء الأول والثاني للـ Guild war ومدتها فقط 14 يوم ... طبعا في نفس العلبة فيه رقم السيريال للجزئين الأول والثاني لكن ينتهي مدته بعد 14 يوم ...

وطبعا حدود رقم السيريال 25 مما جعلني أستطيع أن ألعب .... لكن ... بالنسخة المجانية !!!!

تخيل أمتلك اللعبة الأصلية لـ Night Fall ولا أقدر ألعب فيها ... كله بسبب السيريال نامبر ذو الحدود 20 رقم

نكتفي بهذا القدر من الأسئلة لهذا اليوم

أتمنى الإجابة عليها في أسرع وقت .

والسلام عليكم ...

الكاتب : المـلقب بالخطير.

[المـلقب بالخطير]

الـ Heros ؟

NPC ? لاعب كمبيوتر وإلا واحد حقيقي ؟؟

[hamad771]

- هل للعبة Server ? وإذا كان فيه كيف أحول من سيرفير إلى آخر ( أصلا كيف أعرف انا في أي سيرفر ؟؟) .
نعم في سيرفر اوروبي وسيرفر امريكي شلون تعر اذا امريكي فوق على اليمين راح يضهرلك Amrcan Server Dis1.2.3 على حسب انت وين

الاوروبي تحصل فوق على اليمين كثير من السيرفرات فررسي الماني وامريكي هذا يتبر اوروبي


شلون تغير عن طريق اللعبه انا ما اذكر بس تروح على الاوبشن راح تحصلهم هناك لك اربع محولات بعد 4 محوالت را تستقر في السيرفر الي انت فيه


- كيف أعرف الأدوات اللي آخذها إذا كانت نادرة أم لا ؟؟

الاسلحه انواع : بيضه = مو قويه زرقه فيها شي من القوه مثل الا Energy or Health
بنفزجيه : اسلحه حلوه بس مش كامله خضره يعني اسلحه كامله قويه ما تتغير


4- فيه أدوات تنزل من الوحوش ؟ ماهي الفائدة منها ؟؟ هل هي من أجل المهمة أم من أجل Craft ? (وهو أصلا فيه كرافت ؟؟ كرافت مثل نظام فاينل فانتسي 11 أقصد مثل الحداد - نجار - طباخ ... الخ).

مش ادوات هي متيريلس ممكن تبدل باسلحه منهم من ال NPS"Collecter"
وراحخ ينفعونك لما تشتري ارمور

5- هذا اهم سؤال ... أنا عندي نسخة Night Fall ... سجلت رقم السيريال حق اللعبة قالوا لي لازم تستلم شئ من الإميل ... توهقت وماعرفت أكمل ... بعدها دخلت موقع PlayNC وسجلت العضوية هناك ... قالوا لي إذا تبي تلعب اللعبة ... لازم يكون رقم السريال في حدود 20 رقم ....
ورقم السيريال اللي معي 25رقم/حرف ؟؟؟

الحين بشوف السيريل نبر مالي كم حرف وراح ارد لك

[hamad771]

ممكن تشرحلي شوي اكثر اول ما فتحت اللعبه من صندوقها وش سويت؟


راح انتظر ردك وهااي اميلي كمني اذا حبيت Like.no.0ther@hotmail.com

[المـلقب بالخطير]

السلام عليكم ...

مشكور آخوي hamad771 على المساعدة تسلم و ماقصرت

وشكرا لك خصوصا لحل مشكلتي الخاصة

طيب أخوي عندي سؤال ثاني لك بصفتك خبير في اللعبة :

مالفرق بين الأجزاء الثلاثة للـ Guild war ?? وهل هناك ترابط بين الأجزاء ؟ أم لكل جزء وعالمه الخاص؟

الذي يمتلك نسخة واحدة من الأجزاء الثلاثة هل نحتاج للجزيئن المتبقيين لإنهاء شيء ما ؟ سواء أداة ممة أو سلاح سري .. الخ .

سمعت بإنه بالإمكان ارسال المال أو الأسلحة أو أي أداة ما من أي جزء Guild war إلى آخر ... كيف ؟

ياليت توضح لي أخوي فائدة الـ Guild بشكل عام ، وهل نحتاج الـ Guild مثلا لقتل وحش صعب المنال يحتاج من الجميع المشاركة؟

ماهو أفضل أجزء من مراحل هذه اللعبة تستمتع بها ؟ (يعني متى تجد الوناسة في اللعب ) ومتى يصير العكس ؟ (طبعا هذا رأيك الخاص وأكيد نقدر رأيك بصفتك خبير ).

وآسف على إطالة الأسئلة ...

والسلام عليكم ...

الكاتب : المـلقب بالخطير.