اقتراح لفرع جديد في قسم الاكس بوكس ...

[محـ ss uae ـمد]

السلام عليكم .....
المهم توني بنام ... < الساعه 3 و نص الفجر
جاتني الفكره ...

ليش ما يكون في القسم فرع خاص بالانطباعات ....

يعني اذا واحد من اشترى لعبه .. او اكسسوار يكتب موضوع بسيط عن اللعبه ...< قصدي الانطباعات مو التقارير و المراجعات ...

علشان يسهل على القارئ الوصول الى المعلومه لان القسم العام .... كبير و شامل جداا
تقارير على اخبار على صور على مراجعات ...

مثال على موضوع .
__________________________________

السلام عليكم ..

امس شريت Xbox 360™ Quick Charge Kit

السعر : 180 درهم
المكان : ابوظبي _ الامارات ..
الايجابيات : سرعه التجريج .. و مناسبه السعر و ان البطاريه ما تخرب ..
و مفيده جدااا لاصحاب اليد الوايرليس ..
السلبيات : ما تنفع لاصحاب الواير

_______________________________________

و يكون الموضوع مختصر و مفيد جدااا ...

و الاقتراح قابل للطعن و النقد و الطحن ...


و شكراا و ننتظر النقد منكم ...

[سلماوي]

لا . و الفكره سيئه جدا

ماشوفها راح تفيد القسم لان كل لعبة جديدة غالبا يكون لها موضوع رئيسي او الرسمي للعبة

فتنكتب الاراء في نفس الموضوع واشوف ماله داعي فتح قسم جديد لانه ماراح يخدم القسم

[FARES360]

هي فكره بس ما أضن راح تنجح لأنه الناس راح تضيع ..موضوع واحد فيه الف رأي وتختلف الألعاب ويروح الترتيب..فيفضل مواضيع رسميه احسن ..مثل ما قال سلماوي

[SILENCE.98]

مواضيع رسميه احسن ^^

[محـ ss uae ـمد]

مشكورين شباب على المشاركه ....
و لكن اللي ردو ما عجبتهم الفكره و لكن التصويت يوافق الفكره ..؟؟؟؟؟

[FAS]

مشكورين شباب على المشاركه ....
و لكن اللي ردو ما عجبتهم الفكره و لكن التصويت يوافق الفكره ..؟؟؟؟؟

احتمال الي صوتوا ما قروا الموضوع .....
فكرة وضع الانطباعات في الموضوع الرسمي للعبه أفضل ...

[SILENCE.98]

انا رأيي الموضوع الرسمي لإنطباعات الأعضاء عن العابهم

[اماراتي اماراتي]

بالعكس ان اشوفها فكره حلوه

[Gentleman]

وعليكم السلام ورحمة الله وبركاته ..

الفكرة نوعا ما جيده ولكن لا اعتقد انها ستنجح .. حيث انك تستطيع وضع انطباعاتك كلها في المنتدى العام .. مثلا اذا اردت وضع موضوع .. تضعه هكذا ::

[ إنطباع ] او [ تجربتي ] .. وهنا الهدف يتحقق بدون وضع قسم فرعي ..

ايضا لو وضعنا هذا القسم .. فيجب وضع قسم للتعليقات والانتقادات وغيرها ..

لذا فالمنتدى العام يشمل هذه المواضيع ..

وشكرا ..

[Mr.Xbox]

حتى انا رأيي من رأي سلماوي وجنتل مان

القسم العام يشمل هالشي , وفي ايضاً المواضيع الرسميه للالعاب واللي فيها تقدر تكتب انطباعاتك عن اللعبه..

وشكرا لك الاول بالصف على اهتمامك بمنتدى الاكس بوكس

[THE_X_F.B.I]

اصبر يا اول الصف المنتدى هذا منتداي و القسم هذا قسمي ما ابغاك تخرب هذا القسم ابد لأ والف لأ ماني موافق >>>>> لوووول امزح ولكن اظن انه ماله فائده اسف

[Ninja.Gaiden]

فكرة رائعة وخصوصا للالعاب