جالاري ‘نداء الخيال‘ رسومات من عوالم رواية.

[Rex]

والله بصراحة أبدعت زيادة عن اللزوم!!

بس ياليت كانو في قصة مصورة عشان نعرف الأحداث اللي مرت عليهم...

"بس راح يكون شيء صعب جدا... "


اذا كنت راح ترسم لهم رسمات ثانيه فأرجوا أن تكون في وضعية "Action "

وتحياتي...

[Rewayah]

سلامٌ قولاً من ربٍ رحيم!
كيف الحال؟

شكراً شاهين ريفليكس!
تعليقاتكم ونقدكم وايد يسعدني!
فرحتوا هالقلب الحزين
شكراً شاهين على كلماتك المنتقاة بعناية! ما بغيت أكثر!
كفيت ووفيت!
...
ماذا؟ على طاري الرصاص...
ماروم ماروم ماروم أهجر الرصاص!
يجري في دمي!
التحبير بياكل خطوطي!
أنا أشعر بقلبي يتمزق عند مرور رأس قلم الحبر الجبار فوق خطوط الرصاص الرقيقة!...
ما أحبة!! أنا فرحت وايد يوم أكتشفت الفوتوشوب!
يوم قدرت أسوِّد خطوطي الرصاص بدون إستعمال الحبر!
كان يوم فرح وسعادة!

بس مو مشكلة, عشان خاطر عيونك بجرب!

ريفليكس, أنا ناوي أسويلهم كومكس بعد!! الفكرة جت على بالي.
تبيهم في أكشن؟ ولا يهمك!
أنت بس آمر تدلل!



تحياتي!

[Rewayah]

السلام عليكم!

هاي الرسمة أنا سويتها اليوم عشانكم!
وعدت أيفل نيفار داي وفطوم برسومات جديدة.

الرسمة خذت الكثير من الجهد... ما تتصورون!
أمضيت الكثير من الوقت عشان أضبط شكل وجه رواية وحتوتة عن قرب لأتوصل إلى ما كان في بالي!
لأنهُ كان عندي تصور معين لهم... شكل وهيئة كانت لاصقة في راسي للوجه, ما قدرت أنفذها إلا على
رسمة كبيرة!
والحمد لله نجحت! هذا وجه رواية كما تخيلته؟! بهذه التفاصيل.
وحتوتة وأبتسامتها وعيناها اللي تبدو فيها دموع الفرح مادري الضحك!
بس يارب تعجبكم...

أنا ملاحظ أنه في كثير أعضاء منطنشيني هاليومين...
مادري والله يمكن زعلانين...
وفيه أعضاء بالمرة ما يردون عليّ
يا رب بس ما يكونون عتبانين...
أنا من دونكم ما أسوى شيء

يا ريت لو تتصدقون علي برد... الله يسعدكم !
وتعطوني إنتقاداتكم وتعليقاتكم عشان أحسن حالي.
لو تعليق بسيط... بيفرحني كثير

أنا الحين في بالي مجموعة أفكار عن عصابة "سطور الخيال"...
وإن شاء الله بنفذها في أقرب فرصة.
وبحط لكم رسومات زيادة -_^ !

تحياتي للجميع وحياكم الله.

ملاحظة!
لا أحد يقولي أنه الرسمة من النوع الرومانسي!! تراني بنفجر من الغيض وبتقرقع!
... ممممم... مواضيع الرومانسية منتشرة هالأيام!

[Rori]

ماقول الا ,,لازم اتخلي امك اتبخرك بخور مصري...


عين الحسود فيها عود...
ماشاالله عليك صج استاذ,,,,
:واو: :واو: :واو:

استمر يارواية ,,ترا انا وايد امووت على المقاتلين (مب المقاتلات الا اذا انا رسمتهم)...
SO COOOOOOOOOOOOOOOOOOOOOOOOOOOOOOL

[Rori]

ملاحظة...
الرسمة مالة البنت والولد الاخيرة (انت) اتجنن روعة
بس ليش ماكملت لين تحت ؟؟؟
هو في شئ..... :واو: OK SORRY SORRY مب المفروض اتدخل
:":
هيه هيه هيه هيه هيه هيه هيه

[Rex]

بصراحة ...
روايه...
تنفع تكون مخرج لأفلام رومانسية!!

من ناحية الانتقادات...
فأنا ما لقيت شيء يذكر ... "من ناحيتي"
أخلي الأمر لشاهين... عنده خبره أكبر في هذي الأمور


وللأمام دوما

[orange road]

رواية.. الحين حزة امتحانات.. لا تتوقع ان كل الاعضاء يكونون متواجدين ..
بس رسوماتك روعة... اخيرا عرفنا فردين من عصابتك..
رواية.. وحتوتة...

الحين نبي اسطورة وقصة.. والبقية.. وابي اعرف شكل هالاشرار اللي دايما تتكلم عنهم...

[Classic Evil]

بصراحة الرسمة مالك آخر وحده ما شفتها .....


مادري ليش مب راضية تطلع ,....... بعدين يا حبك حق كتابة الردود الطويلة !!


أرحــــــم السيرفر ...

[shaheen]

الاشرار.. ههههههههههه اكيد عصابة شاهين
نياهاهااااااااي:غضب:

[Rewayah]

إيه تصدق يا إيفل نيفار داي!
كله أكتب ردود طويله... غالياً...
هالشيء أنا ملاحظنه عليّه من زمان
كله أوسوس... يا أني فشلت في نقل الفكرة والأعضاء ما فهمو عليّه أو أني أخاف واحد يزعل فأتم أرد عليهم كلهم في رد واحد مرة وحدة, فينتج عندي ردود طويلة... ...
بس مو مشكله -_^ !
لكن إذا بعدك ما شفت الرسمة خبرني عشان أطرشها لك بالإيميل, لازم تشوفها! أنا يهمني هالشيء ^_^ !

أورانج رود! ليش؟ الإمتحانات بعدهم ما خلّصوا؟!؟!؟! ?:
على بالي والله مخلصين... سورييي...
خلاص بعرفتش على باقي المجموعة!
مو بس كذيه, ولا بحط ملامح من شخصياتهم... أعتقد إني ببدأ في قصّة...
كم هي لطيفة... +@@+
حتوتة: :غضب: !! "طقتني على راسي بمطرقة وزنها خمسين طن" !!
رواية: سوري... ...
شاهين ما بيتوقع الصورة... على باله قصّة شيطانه دايماً!

شاهين!! مالك خص في الأشرار! تفهم!
I am the MASTER of BAD GUYS :غضب: !!
And gals !
مع أنه Guys تشمل الأولاد والبنات وGals بس بنات!
أتصدقون... أفكر أحط مجموعة أخرى من شخصياتي الأشرار... الأساسيين...
أسمهم The Pirate Army of Delmon... بقيادة القرصانة مارانة Pirate Marana
"هي مو رئيستهم الرئيسية الرئيسية يعني... في اللي أعلى عنها... بس أنا أحبها هي ومجموعتها أكثر شيء!!".
هم قراصنة كونيين في الفضاء, يشكلون جزء من الأشرار في مسلسلي الرئيسي...
رسمت أغلبهم! وجوه وأشكال كاملة "Full Figures"...
لكن المصيبة أغلب الشخصيات ملابسهم غير محتشمة... خصوصاً مارانة.
هم قراصنة مو يحتلون الكواكب ويبهدلونها! لأ, لاكن يدخلون عصهم في شيء ما يخصهم! رزّه مني ومناك!
ودايماً يبحثون عن النفايات الكونية عشان يسوون منها أسلحة كونية. وهذا اللي موتر الكواكب الصغيرة ومخوفنها! بس مو الإمبارطوريات! وأولهم "رُدِينَتجَمردان" (تلفض "ردينة جمر دان") اللي تعتبر القراصنة حثالة... ومجموعة من الكلاب الضارية التي يجب التخلص منها!
السالفة فيها حقد
القراصنة يدعون أنهم يريدون تقوية دفاعاتهم الحربية من هذه الأسلحة... لكن الكواكب متخوفه من أنهم They over do it!
مااا علييينااا...

الظاهر إني بكمل الرد على الأصدقاء في رد جديد! ما أقدر أحط أكثر من ثمانية من وجوه التعابير! DAMN IT!

[Rewayah]

كنتينيويشن...

ريفليكس شكراً لك كثيراً!
بس خل الرومانسية مو لي...
لا لا لا... لا تعرِّضني لشاهين...
أنت انتقدني! شاهين ما يرحم! أمزح!
بس يا ريفليكس! "الإنتقادات" تكون سلبية وإيجابية! يعني مديح...
إذا مالقيت شوه ممكن تساعدني على تعديلة, قول اللي عجبك ياخي الطيب!
وشكراً لك!

روري, أمي بخرتني وقالت لا إله إلا الله... أسوي عمري ياهل! كخخخخ
بس شكراً على تعليقاتش.

م.. مم. ما... ماذا...؟ لين تحت! :":
لا تفشليني... !
أنتي ليش كذيه!
أصلاُ انا ما حطيت الصورة عشان عشان...
أأ آآآ...
كيف الحال ؟
بس لا, الرسمة ما فيها شيء... نوعاً ما...
تدرين شلون... بحط الصورة وأنتي حكمي!
وشكراً لك!

شكراً لكم يا أصدقاء يا أعزاء وأعذروني على الإطالة :":

تحياتي!

[Rori]

فظيعة ,اتجنن, اتهبل sweeeeeeeeeet وايد ...
رومانسية ...

تشفت اخوي رواية ,,مافيها شي الرسمة اش زينها اتهبل واييييييييييييد

good work keep going
ابهرنا يا زعيم

[orange road]

ما شاءالله عليج يا روري...
توج واصلة البيت.. على طول على النت؟؟؟ ?:

ما ادري كأن انا شنو.. خيرات يعني

على العموم باركولي.. اليوم خلصت امتاحاناتي... :واو: :

[MALSOONAH]

روايه يوم أقولك أ نا ماخذت اشرطة المانجا مالك ماصدقتني
حليلي حليلي يعور القلب عليه . ..

وبعدين حصلتهن في القوطي الاحمر:غضب:


أورنج رود ... مبرووووووووووك مابغيتوا اتخلصون الامتحانات

[Crying Free Man]

هي الرسمة........................................... عيب":" ":" ":"
ضحكة نمرو...