لابتوبي ..تجمد ؟؟ في شاشة غريبة قبالي ~.~"أرجوكم فيدوني ..

[Al Bhed Girl]

السلام عليكم ورحمة الله وبركاته ..

اقدم اليكم مشكلتي بكل قلب حار ودموع منسكبه >> التعبير خاييني هالمرة -_- "

لابتوبـــــي ..لقيت عليه اختي الصغيرة تطقطق فيه وتكفخ بالكي بورد لدرجة ان حرف الــ (ك) انشلع من مكانه ..لاتخافون حليت المشكله وفقصته بمكانه فرجع لله الحمد .. ..

المشكله تقول :

عقب ماانحاشت اختي الصغيرة تعلوها الضحكه المكركرة على اثر جريمتها
لقيت شاشة اللابتـــــوب صايره كلها بيضا اللهم نص انش ..
الباقي من الشاشة البيضا هذي.. صاير كأن الشاشة الكريستال مكسرة ، يعني الجزء الابيض فيه اشكال هندسية فنية معبرة ..
والشاشة البيــــــــضا هذي ماتروح وحاجبه سطح المكتب واقدر اشوف الباقي منه من الانش والنص
اللي ماغطته الشاشة البيضا ..

الجهاز ؟؟

يشتغل تمام مع برامجه .. بس مااشوف شي من الشاشة البيضا ولوحه الفسيفساء الفنية اللي مغطية
الــ Desktop ..

جربت اطفيه واشغله نفس الشي لدرج انه وهو مطفا ..الشاشة سودا وفيها اثار النقش الاسلامي
بس سايح تقول بيبســـي مكبوب ؟..
قلت خلاجرب اسوي مثل اختي الصغيرة واكفخه ...يمكن يرجع لرشده ؟
مارجع
شلت حرف ال (N)..قدرنا نرجعه

الحين انا طفيته واودعته الله .. شني اسم مشكلتي بالوسط التقني ؟ وماالحل؟
افيدونا افادكم الله
>>>ارجوكم يااعضااااء !~
اللي قرا الموضوع وموناوي يرد بلييز قولي اقل شي بخبرتك ..قلبي يعورني على لابتوبي
خصوصا اعمالي ومعلوماتي اللي مخزنتها خايفه عليهم مع انهم موجودين ..
لاحول ولا قوة الا بالله

[TURKi]

<------ يحب يحطك دايم ...

حصلت مع أحد زملائي بالعمل ( عنده ) ولد الله لا يرزقك ولدٍ مثله ... شال الاب توب حق ابوه و حذفه عليه علشان يقوم للعمل.. و طاح من السرير على الأرض (الاب توب ليس الأب) ... ( طبعا الارض مو سراميك ) لو سراميك ( كان صار صفائح جزئية الكترونية ) ...
المهم ... مالت ( أي أصبحت مائلة) الشاشة شوي ... وحاول وحاولنا ... ولكن كان الحل هو..:

2500 ريال من صيانة جرير ... ( ولكن قالها بكل ثقة و عزيمة ) يمدحون خنشليلة

ووجد بخنشليلة مدري شلون تكتب ولكن بنحاول ( خن شا لي له ) حي من أحياء الرياض ... محل رخيّص
وجد مهندس لاب توب ... و صلحه له بـ 1200 ريال بعد حب الخشوووووم


ت ح ي ا ت ي و ت ق د ي ر ي
م . أ ب و ف ي ص ل

[TiTaN]

ما دام البرامج تشتغل يعني اللابتوب سليم ان شاء الله بس الشاشة اتوقع خربت
مالك حل غير توديه الصيانة
هي المشكلة ان الشاشة غالية
و بصراحة نصيحتي اذا التصليح اكثر من 2000 ريال , تفكري في جهاز جديد
الا اذا كان غالي من الأساس

[Electro M]

في حل ابسط من كل هذا
اشتري لك شاشة ب150 ريال و اشتغلي عليها

لكن اذا مصرة تصلحين الشاشة
روحي لحراج الكمبيوتر في العليا
و عمارتهم المميزة في الادوار العلوية كلها محلات صيانة لابتوبات
لكن مثل ما قال الاخ تركي
يمكن يوصل حسابك ما بين 1000 ريال الى 1500
لان اختك جزاها الله خيرا و جعلها ذخرا للاسلام و المسلمين
حطمت الشاشة موب بس عطلتها
فراح يستبدلها كليا

لو كان البورد حق الشاشة هو الي بس متعطل كان يمكن صلحتيه بـ500 ريال مثل ما حصلي

بس ممكن صورة بالله للوحة السريالية اللي رسمتها اختك في الشاشة

[ShRsHr]

هاي اوخيتي البيدتون

شخبارج ..؟

شوفي الحل بسيط جدا جدا جدا

ماعليج الا انج تشترين فلاش ميموري وتنقلين كل الي مخزن عندج على الفلاش وتشترين واحد
يديد لان مانصحج تدفعين دم قلبج على تصليحه وعلى قولت شباب 1500ريال وصدقيني بعدين راح يخترب معاج وراح تصير علي مشاكل

زبدة الكلام مالج الا تشترين واحد يديد وتردين لاب توبج ضحيه على الجانيه اختج

وسلامي

[Al Bhed Girl]

السلام عليكم ورحمة الله وبركاته ..
وااااو بجد منحرجه منكم ماتوقعت نخبه الاعضاء بيردون
عساالله يجمعكم بجنانه مع نبيه محمد وكل غالي ع قلبكم
Sys.Eng.Turki
انا اشوف ارقام حمر تهدد بس لحظة شوي

حصلت مع أحد زملائي بالعمل ( عنده ) ولد الله لا يرزقك ولدٍ مثله ...

آميييين اجمعيين -_- "

2500 ريال من صيانة جرير ... ( ولكن قالها بكل ثقة و عزيمة ) يمدحون خنشليلة

ووجد بخنشليلة مدري شلون تكتب ولكن بنحاول ( خن شا لي له ) حي من أحياء الرياض ... محل رخيّص

ببالي ديرة بايران >< "
انا اروح لأبراج الدوسري مجمع كله كمبيوترات وفنيي تصليح
الفورمات بالف يمكن
خنشوف تصليح الشاشة بكم
مشكــــور والله ابو فيصل
ماتقصر والله اشكرك على تفاعلك مرة اخرى
TiTaN
انت متابع جيد ماشاءالله

ما دام البرامج تشتغل يعني اللابتوب سليم ان شاء الله بس الشاشة اتوقع خربت

اي هذا اللي برد قلبي البرامج سليمه الحمد لله .. اشوفها من فتحه نص انج لوول
حسيت اني فارة تطل من شق بطوفه

مالك حل غير توديه الصيانة
هي المشكلة ان الشاشة غالية
و بصراحة نصيحتي اذا التصليح اكثر من 2000 ريال , تفكري في جهاز جديد
الا اذا كان غالي من الأساس

واو واو واو
مستحيل ماافكر اني اشتري لابتوب غير حقي >< "
صاحبني في السراء والضراء مصاحبه لعبة FF8
لوولز صوري وملفاتي ومقاطع الصوت والوثائق واشياء شكثر مخزنتها تحطيييم لاضاعو
بس ماعليه ..
بصلح الشاشه وان شاءالله يراعوني بالسعر
انا مسكين بتشا يعور قلب مال بياع
شكرا تيتان على مرورك وبشرتني ان الجهاز اوكيه بس الشاشة خربانه الحمد لله
>>اهم شي الجهاز XD
شاكرة لك مرورك يعطيك الف عافية ويحمي اجهزتك من التلف اميين ><"
Electro M
الكتروو !!
اخبــــاارك ؟؟
من زمان عنك دب مفعوص

في حل ابسط من كل هذا
اشتري لك شاشة ب150 ريال و اشتغلي عليها

لكن اذا مصرة تصلحين الشاشة
روحي لحراج الكمبيوتر في العليا
و عمارتهم المميزة في الادوار العلوية كلها محلات صيانة لابتوبات
لكن مثل ما قال الاخ تركي
يمكن يوصل حسابك ما بين 1000 ريال الى 1500

ممممم الحمد لله يعني لي خيارين
بس فضلت الثاني اكثر شي اني اصلحها ومو مشكله التكلفه
اهم شي اقدر القى اللي يصلحها عدل يارب
بس بقول شي ..للأسف انا مو من الرياض ولاكان رحت لشارع العليا وطبقت نصيحتك
بس ماانكر انك افدتني والله اشكرك

لان اختك جزاها الله خيرا و جعلها ذخرا للاسلام و المسلمين
حطمت الشاشة موب بس عطلتها

فراح يستبدلها كليا

مو مشكله اهم شي تشتغل وتعوضني عن اللي تحطمت قبل

لو كان البورد حق الشاشة هو الي بس متعطل كان يمكن صلحتيه بـ500 ريال مثل ما حصلي

لا انا وناسة قمت اشلع حرف وارجعه (افقصة)بمكانه ..تقول تركيب احاجي

بس ممكن صورة بالله للوحة السريالية اللي رسمتها اختك في الشاشة

ل وووو ل !
ان شااءالله اذا قدرت اصورها بنزلها خصيص لك
جزاك الله الف خير على طلتك البهية
واشكرك على اللي قدمته

[Al Bhed Girl]

هاي اوخيتي البيدتون

شخبارج ..؟

مررررحباا اخي شرشر >> احس اني برسوم عتيجه دبلجه الاردن

شوفي الحل بسيط جدا جدا جدا

ماعليج الا انج تشترين فلاش ميموري وتنقلين كل الي مخزن عندج على الفلاش وتشترين واحد
يديد لان مانصحج تدفعين دم قلبج على تصليحه وعلى قولت شباب 1500ريال وصدقيني بعدين راح يخترب معاج وراح تصير علي مشاكل

^_______^
انا مااقدر اتحكم بسطح المكتب لأن الشاشه البيضا اللي طلعت حاجبة الرؤيا
اقدر اختلس النظر لسطح المكتب عن طريق فتحه النص انج اقصى اليسار بس الرؤيا مو واضحه
>>اقولكم فار
يعني مااقدر اسوي كليك واحد عشان انقل لفلاش ميموري

زبدة الكلام مالج الا تشترين واحد يديد وتردين لاب توبج ضحيه على الجانيه اختج

بذبحـــــــــــــــها اختي -_-""
شفايده الفضائين الصغار ؟؟ XD
ماشفنا منهم غير الضرر والخساير >< "