اقترب موعد اصدار بـيبر ماريو + الموقع الرسمي للنسخه اليابانيه + سكانات جديده

[wario2002]

السلام عليكم ...


اخيرا اقترب موعد صدور اللعبه المرتقبه .. سوبر بيبر ماريو على الوي .. فلم يبقى على موعد الصدور الا 13 يوم من تاريخ هذا الموضوع .. انصح الكل يوفر فلوسه هاليومين .. لان اللعبه لازم تكون عندك باسرع وقت من وجهة نظري

لان اذا صدرت بيبر ماريو بتاريخ 9 ابريل .. سوف تصدر لعبه منتظره ايضا وهي بوكيمون دايموند/بيرل على الـدي اس بتاريخ 22 ابريل .. بينهم 13 يوم ايضا فانشالله تكون كافيه عشان تلعب فيها بيبر ماريو .. طبعن اكيد بتتاخر كم يوم بالسعوديه .. يمكن يوم او يومين انشالله


المهم اللعبه ماتتفوت .. اسالوني عنها انا لعبت جزء الكيوب وكان قمة الروعه والابداع .. مادري هل امدح الوان اللعبه الرهيبه .. او اسلوبها الجديد .. او القصه .. او امدح ماريو نفسه ؟! .. لكن كل هذا الكلام راح يتغير مع نسخة الوي ،، الحقيقه في اضافات جديده باللعبه .. راح يكون بامكانك اختيار لويجي او بيتش او باوزر .. وبيكون هناك شخصيات جديده تدعى الـpixls .. صراحه اشياء كثيره باللعبه لايتسع الوقت الى ذكرها الان .. لكن اجمالا اللعبه بتكون من اروع الالعاب الي راح تصدر على جهاز الوي


الموقع الرسمي للعبه :



تفضلوا الموقع الرسمي للعبه .. اضغط هنا

انا قعدت اطقطق بالموقع شوي مع اني مافهمت شي .. بس في عروض عن اللعبه بالموقع .. منها العرض حق شرح طريقة التحويل من العالم الثنائي الابعاد الى الثلاثي .. وايضا في شرح لكل شخصيه .. وفي قصة اللعبه على مااظن

الظاهر اني فهمت ليش باوزر راح يكون صديق ماريو بالمغامره .. شوفوا القصه بالموقع


Scans جديده للعبه :

السكانز هذي خاصتن فيها معلومات رهيبه عن اللعبه .. ركزوا بكل سكان زين

سكان 1 .. سكان 2 .. سكان 3

بالسكان الاول .. شوفوا شلون التحويل بين العالمين وش يسوي انشالله اذا شريت اللعبه كل ما امشي خطوه ابحول العالم مابي يفوتني شي

وبالسكان الثاني صراحه ابداااع .. شوفوا الجبال الي تكون خلفيه للمرحله .. الطريق يكون عليها ابداع يابيبر ماريو

السكان الثالث صور ومعلومات عن اللعبه بس بالياباني


انشالله اكون افدتكم وبانتظار ردودكم

[Sanabsie]

وعليكم السلام
العبه ممكن تكون اول العابي مع الوي وبيكون اول جزء اجربه من العبه

[W.White Devil]

مشكووور على الخبر
بس عندي سؤال
كيف راح تلعب على يد الوي ؟
<< معقده اليد يحس بعض الالعاب ماتجي عليه

تشااو

[Digital Guy]

مشكووور على الخبر

بس عندي سؤال
كيف راح تلعب على يد الوي ؟
<< معقده اليد يحس بعض الالعاب ماتجي عليه

تشااو

السلام عليكم

اخوي حسب اللي فهمت أنا ( وأعود بالله من كلمة أنا) لما تمسك الويموت بطريقة الفاميلي يكون التكحم بالطريقة الكلاسيكية لماريو بروز ولكن لما تمسك الويموت بطريقة الريموت تصير اللعبة ثلاثية لفترة محددة بانتهاء عداد خاص...والله أعلم

[wario2002]

Sanabsie : هلا والله اخوي .. غريبه تقول ممكن تكون اول لعبه لك .. الا قل اكيد لان هاللعبه من اقوى الالعاب الي بتنزل على الوي وماتتفوت .. وتعال نسيت زيلدا انت ؟ زيلدا لاتفوتك عالوي .. والله يوفقك .. الوي اختيار موفق تسللم عالرد الحلو

=================================================================
W.White Devil : هلا اخوي .. اليد مافيها اي مشكله .. انت الظاهر ماعندك وي .. بس صدقني اذا جربته بتشوف ان التحكم رهيب وسهل ،، وكل لعبه لها طريقة تحكم تفرق عن الثانيه .. بيبر ماريو راح تمسك الويموت بشكل افقي .. ولكن التحكم رووعه انا شفت عروض كثيره له .. واذا تبي اي استفسار عن الوي او التحكم او عن اي شي راسلني عالخاص وشكرا لك على الرد

[wario2002]

السلام عليكم

اخوي حسب اللي فهمت أنا ( وأعود بالله من كلمة أنا) لما تمسك الويموت بطريقة الفاميلي يكون التكحم بالطريقة الكلاسيكية لماريو بروز ولكن لما تمسك الويموت بطريقة الريموت تصير اللعبة ثلاثية لفترة محددة بانتهاء عداد خاص...والله أعلم

طريقة الفاملي ؟ قصدك جهاز العائله .. هذي مايسمونها طريقة الفاملي .. تسمى مسكة الويموت بشكل افقي << ياشيخ

على فكره في يد تحكم على الوي يبيعونها عشان تلعب فيها العاب العائله اذا شريتها من الـWii shop

وعلى فكره اخوي الويموت ماتقلبه بشكل عمودي اذا حولت العالم لثلاثي الابعاد .. طوول اللعبه راح يكون الريموت بشكل افقي ..

يمكن بس اذا جيت تختار بعض الاعدادات او الحركات باللعبه تستخدمه بشكل عمودي عشان تستعمل مؤشر الويموت عالشاشه

[Sanabsie]

لا مانسيت زيلدا هي اسبب الرايسي لشرائي الجهاز مع ماريو بارتي 8

[FAS]

القهر انها ما راح تنزل أوروبية ...
ناوي اخذلي لعبتين قبل 15 ابريل ,
كنت متظر بيبر ماريو ...

..

[wario2002]

Sanabsie : زيلدا وماريو بارتي 8 بس ؟؟ وين راحت سوبر ماريو قالكسي اجل .. وبوكيمون ريفلوشن .. وسوبر سماش براول .. ،، لا انشالله انك تعرفهم وبتشتريهم كلهم انشالله .. كل هذي العاب خياااال ماتلقاها على جهاز ثاني غير الوي .. ولاتنسى بعد ان في جزء زيلدا جديد عالوي بينزل غير توايلات برنسس وشكرا عالرد

=================================================================
FAS : اما عاد مب نازله اوروبيه ؟!! تخيل تفوتك هاللعبه .. انت اصلا وش لقفك وخلاك تشتري وي اوروبي ؟؟ <<< زبدها

حرام عليك والله .. انت لاعب جزء الـ64 والكيوب كيف بتفوت ذا ؟ انشالله تلقالك حل .. تسللم يالغالي عالرد

[FAS]

والله يخوك دورت في المواقع الرسمية غيم سبوت وIGN ومالقيت موعد الإصدار الأوروبي !
ولا حتى لقيتها في قائمة الUK ,
وأكثر من هذا رحت موقع ننتندو الرسمي , ومافيه أي شيء عن الألعاب الأوروبية ,
بعدها الحل الأخير , والي مفروض يكون الحل الأول ,
رحت ننتندو-اوروبا ....
واللعبه مو موجودة في اللسته !
إذا تحب تفاجئني وتجيب موقع أعلن عن موعد صدور الأوروبية !

..

[wario2002]

والله يخوك دورت في المواقع الرسمية غيم سبوت وIGN ومالقيت موعد الإصدار الأوروبي !
ولا حتى لقيتها في قائمة الUK ,
وأكثر من هذا رحت موقع ننتندو الرسمي , ومافيه أي شيء عن الألعاب الأوروبية ,
بعدها الحل الأخير , والي مفروض يكون الحل الأول ,
رحت ننتندو-اوروبا ....
واللعبه مو موجودة في اللسته !
إذا تحب تفاجئني وتجيب موقع أعلن عن موعد صدور الأوروبية !

..

خخخخخخخ الله يعينك حالتك مزريه .. مالك الا تلعبها عند احد عنده وي امريكي ،، واحتمال بعد اني افاجئك بخبر اصدار نسخه اوروبيه للعبه بس مب الحين .. اذا دخلنا شهر ابريل