الي يبغى اي مساعده في تعديل سيارته يدخل

[MR.أستبنه]

اخوي القرص
عن النظام عندكم والله ما ادري لكن بامكانك تستفسر من اداره المرور
اخوي فوفو
الفروق كثيره منها الاسطبات والانوار الاماميه واشياء مختلفه
انت اشتر الاشياء المختلفه واي احد يقدر يركبها لك حتى انت

[ألتيمي]

اخواني انا عندي فولوكس ويجين بــيتيل 2001 وأريد أغير لونــها
والسؤال هنــا
1- هل إذا غيرت اللون أقدر ابيعها ومااخسر فيهــا
2- إذا صيغتها أصباغ ألمانيه الصبع هل تحل محل الصبغ الاصلي
وبعدين انا رحت عند كراج وطلب مني 4كيلو من الصبغ + مواد إلي تضاف إليه وشغل يده وحسبها
كيلو الصبغ=800 ريال ==> 4 كيلو =3200
شغل يد = 2000 ريال
يعني كله 5200 ريال

هل هذا السعر غاالي يعتبر علما بأن السياره كوبيه يعني حجهما صغيــر

.....................

انا حصلت لون في النت بس لازم اجيب رقم هاللون فمن وين ممكن اجيبه من النت؟؟

http://www.9m.com/upload/16-02-2007/0.1650117153.jpg
هذا لون السياره الذي اريده وهو المطلوب

http://www.9m.com/upload/16-02-2007/0.55821011715426.jpg
هذه لون سيارتي المراد تغيره

وآسف على الاطاله

[MR.أستبنه]

هلا اخوي
تغيير اللون اكيد ينزل من سعر السياره لكن ان كان الشغل تمام ما راح ينزل كثير
ثاني شي الي يقوم فيه الدهان هو وضع معجون على السياره كلها (خاصه ان كانت السياره قديمه يعني اكثر من 4 سنوات) وبعدها يعطيها اساس وبعدها يضرب وجه البويه والورنيش وتترك في الفرن لفتره من الوقت وبعدها تكون جاهزه
اما السعر دائماً سعر رش السياره بالكامل مهما كان نوعه من 4500 ريال الى 8000 ريال سعودي
انا عندي جيب وكلف رشه بالكامل 5000 ريال
طبعاً العماله تختلف فيه ناس تقولك عطني الفلوس وانسى الموضوع بعد كم يوم تكون جاهزه
وبعضهم يطلب منك المواد وفوقها شغل اليد وهذي متعبه ويمكن تكون مكلفه اكثر من الطريقه الاوله
اما اللون افضل شي انك تاخذ الصوره وتروح لمحل البويات وتخليه يخلط لك البويه بالكمبيوتر (هذي احدث تقنيه)
ولا تنسى ان لازم يكون فيه ورقه تغيير من المرور (حسب النظام بالسعوديه)

[ألتيمي]

السلام عليكم ورحمه الله وبركاته
اخوي انا امس شريت عده تكلم الحر من نوكيا ويعمل بتقنيه البلوتوث او الكابل وهو خاص لجوالات نوكيا وموديلهck-200w
المهم :- طبعا انا مااعرف اركبها ولكني رحت عن واحد وقلي بـ50 ريال اركبه لك ويوم شاف السياره..قالي 200 ريال
سيارتي فولوكس ويجين (بيـتــيل) وطبعا من الداخل ماكو أماكن عشان اركب المايك مثلا او السبيكر .مثل التيوتــا

وبعدين في شغله ثاني ودي استفسر عنهــا وهي:- إذا بخلي صوت المتصل يطلع من سبيكرات السياره يعني يصير الصوت ستيديو علما ان من الممكن اركب مشغل موسيقا مع عده الاتصال هذه

فأرجوا منك تساعدني وجزاك الله خـيرا

[MR.أستبنه]

اخوي
ما فهمت وش المطلوب بالضبط
مكان المايكرفون عاده يكون فوق السائق
اما عن تشبيك الصوت مع السبيكرات يعتمد على نظام المسجل وعلى شطاره الكهربائي الي يشتغل

[راعي الجي تي آر]

هلا والله استبنه
اشتقت لك
خخخخخ
المهم
بالنسبة لطقم نوكيا الحر
انا اللي اعرفه انه يركب مكان ولاعة السجاير
ويكون فيه سبيكر
وفي نوع البلوتوث
تركبه بالسيارة وتسوي اقتران معاه
ولما شخص يتصل لك يطلع الصوت في سبيكرات السيارة
هذا اللي اعرفه
والله اعلم
وعلى فكرة
صح كلامه استبنه الكهربائي لازم يكون شاطر
وانت اشطر منه حتى تركبه بالسعر اللي تبغيه
والسموحة

( ادري يا استبنه من زمان ما دخلت المنتدى مب لازم اقول تعرف ظروف الكلية خخخخخ
بس ان شاء الله بيكون بينا اتصال من خلال هالموضوع
تحياتي
عبدالله )

[MR.أستبنه]

هلا والله عبوووووووووووووود
هلا بالغالي
والله زماااان عنك
بس شنسوي هالدنيا وما تسوي
مشكووور يالغالي على ردك

وفي انتظارك ...

[Max Kane]

السلام عليكم اخوي كيف حالك؟

انا عندي رود ماستر 1994 واريد ان اركب جنوط كروم وما هو المقاس المناسب؟

واريد ان اركب شاشة مع ستريو في نفس الجهاز اي مكان المسجل القديم ماهي الماركة التي احتاجها

وتحياتي لك

[MR.أستبنه]

اخوي ما عندك مشاكل في الحجم اذا مو اكثر من 18 او 19

لكن نصيحه ركب مقاس صغير ونزل السياره

اما النظام الصوتي مع الشاشه ما تفرق على حسب ميزانيتك

الافضل هو السوني والبايونير ولكن انت وميزانيتك

[ألتيمي]

السلام عليكم

اخي انا عندي صوره لساب ويفر فودي اعمل مثلها وهل فعلا ممكن اقدر انفذها...؟



وهل الصندوق هذا يبيعونه جاخز ولا لازم تفصيل من الفايبر ...ارجوا المساعده
وجزاكم الله خيرا

ملحوظه :- السياره فولوكس ويجين بيتيل

[MR.أستبنه]

ايه اخوي

ممكن تسويه

وهو تفصيل فايبر

هي الطريقه الوحيده

[ألتيمي]

طيب اخوي ممكن أعرف تكلفه العمليه تقريبــا وشنو نوع المضخم المستخدم انا ابي شي ماصار

وجزااااااااك الله خيرا

[MR.أستبنه]

اخوي انا ما اقدر اعطيك تكلفه

روح لمحل الفايبر جلاس وهم يقولون لك

لان كل واحد وطريقته والمواد الي يستخدمها وطريقه شغله

اما المضخم انت ومزاجك وانا مالي خبره زايده في الصوتيات

[راعي الجي تي آر]

انصحك باستعمال مكبرات صوت اللي اسمها بازوكا
شكلها يجي مثل البازوكا
والفايبر روح لمحلات الزينة اللي تشتغل مب بس تبيع
وعندك انواع للبازوكا
JVC
jbt
spider
والسموحة

[MR.أستبنه]

حضر الخبييير

مشكوور اخوي عبدالله على حضورك