ملاحظة : لوحة المفاتيح ما فيها ، سامحوني إن لقيتوا أخطاء إملائية
السلام عليكم ورحمة الله وبركاته ، كيف الحال إخواني ، عساكم بخير
، عدت إليكم من جديد مع شكوى جديدة
في البداية أحب أقدم اعتذاري لجميع الأعضاء المسلمين في منطقة الكويت ولجميع الأعضاء المسلمين في منطقة السعودية ، كنت بس أبي أشدد اهتمام الناس للموضوع
طبعا أولا خلني أعرف عن نفسي :
أنا VaSh ThE sTaMpEdE ، عضو من أعضاء منتدى المنتدى الرائع والذي أعتبره عائلتي على النت
أنا عربي-سعودي-مسلم . وفي منا عربي-مصري-مسلم ، وفي منا عربي-كويتي-مسلم ، وفي منا أوروبي-بريطاني-مسلم ، وفي منا أمريكي-أمريكي
-مسلم .
ناظر المجموعة السابقة ، وش الي يجمعهم ؟ لا تقول العربية لأن العرب دايم يطاقون مطاقات قبلية
الي من جد يجمعنا هو الإسلام ، الإسلام دين يأمرنا بالإخوة ، والإسلام هو الحل لإنهاء العنصرية اللونية والقبلية ، والعنصرية الدولية الي أنا بتكلم عنها اليوم .
للأسف كلكم تعرفون إننا عايشين في مآساة حاليا ، أمتنا العربية حالتها متهدورة ، وأمتنا الإسلامية تجيها هجمات من هنا وهناك .
شخصيا أنا ما أشوف فرق بين السعودي أو الكويتي أو القطري أو المصري أو السوداني أو أو أو ، وطبعا لو سألت كل واحد فيكم هل هناك فرق بين الألوان في الإسلام ؟ بتقولون لأ. طيب هل في فرق بين القبيلة الفلانية والقبيلة العلانية ، طبعا لا ، وهل هناك فرق بين مسلم من أرض الكويت ومسلم من أرض السعودية ومسلم من أرض مصر ؟ أكيييييد لا !
طيب ليش كل ذا السب بين الإخوان الي نشوفها دايم ، أنا قبل شوي كنت أتصفح على youtube ، أشوف أنواع السب ، " انتم يا ؟؟؟؟؟ وفضايحكم " ، " الله يفشلكم يا ؟؟؟؟؟؟ انتم وصخين " ، " ال؟؟؟؟؟ عمانك " ، وإلى أخره من التفاهات الي مدري وش تبي .
لاحظوا أنا قلت مسلم في الأرض الفلانية ، ولا قلت مسلم فلاني أو كذا ، لاني كمسلم محا أخلي هذي الحدود الجغرافية تفرق بيني أنا وإخواني ، بس عشان في واحد كويتي غلط علي مب يعني كل الكويتين كذا ، العكس في كويتين أحترمهم دبل ما يحترموني ، ونفس الشيء مع السعودين ، بس عشان في سعودي مغزلجي مب يعني كل السعودية مغزلجية .
الي يقهرني إن فيه كثير ناس لما تقرا ذا الموضوع بيقولون ايه والله الرجال الصادق ، بس بعد بكرة تلاقيه يسبب في الدول المجاورة وكذا
إذا حنا لسا نشوف في فرق بين الكويتي والسعودي والمصري والسوداني والشامي والعرب كلهم ، احلموا نتطور ، احلوا نتحد ، إذا لسا هذي السخافات متعلقة في عقولكم احلموا نتقدم خطوة .
اليوم في الليل صارح نفسك ، لازم ما تشوف نفسك أشرف من أخوك أو تحسب أخوك الفلاني أشرف من أخوك العلاني ، عيب والله عييب ، كيف المسلم يحسب نفسه أفضل من أخوه المسلم عشانه ينتسب للقبيلة الفلانية أو الدولة الفلانية .
في الختام أبي أقولك العنصرية الدولية موجودة بشكل كبير ، ولازم نوقفها إذا نبي ننجح في الحياة .
شكرا....والسلام
رد: يا كويتي يا ملعون ! يا سعودي يا حقير ! يا يا يا ،،، لين متى يا عرب ؟