||..السلامـــ عليــكم ورحمـة الله وبركـــــاته ..||
شلونـــكمز اعضاء وشخبار الراحه النفسية عقب الاختبارات؟؟
اولا وقبل كل شي باركولي لأني بعد خلصت اختبارات لووولووولييش
من الفرحه احس اني صرت ام عيال اسم الله علي >>XD
وبما اني خلصت اختبارات فحاابة استقبل اختي بوابل من السوالف والهذرة
لكنها للاسف نايمه ، وماقصرت "بالطرق"على بابها لين مارفعت ضغطها وقامت اخيرا بس عطتني كم كلمه حلوة مثلها ..ورجعت نامت
وبما ان محد معطيني فيس بالبيت وماعندي" حدا" حتى افضي لو اللي بألبي من حكي
فقلت اللـــــــه يخلـــــي اعضاء المنتدى ويديمـــــــهم لنا [:
>> رحمتكم منها -.-"
فعشان جذي يلاااا اسمعو سواااالفي !!! XD
* بما انه اليوم الاخير بالمدرسة فعندنا يالبنات صايرة مناحه بقووة ، اول شي البنات ينقسمون قسمين
قسم يضحك >>عقب الطلعه من القاعه
وقسم يصيح>> عقب ماستوعبو انه اليوم الاخير لهم وكله فراق حبايب وعذاب قلوب >.>"
بالنسبة لي انا اخذت نصيبي من القسمين لكني اقتصدت بالقسم الثاني حق الصياح
Cuz i`m soo over it
المهم عاد صديقتنا بالشله واختها بثالث ثانوي اخر سنه لها واختبارات وزارة الله يعين >< "
وتقولنا اذا نزلت من فوق مع صديقاتها نشجع دااانوووه ..دانوووه !! XD
>> نحمسها شوي P :
عاد من يومين كان معاي عطر اســكادا سن سيت هيـت الجديد ، وباااقي فيه شوي ويخلص قلت الا واخلصه على صديقاتيوشوي وهم مجتمعين يسولفون اطلعه وابدا رشه على اثير وعلى كل وحده اقول لها
: اطيب الله فاالتــس عند بو عياالتـــــس
وهم جذي : @.@ شطاري عليها هذي
ورشة لميشو ورشة لنوني .. والعطر ماخلص
اوكي بنااات دور ثاني عطر .. وابدا من جديد >> الفضاوة تعتبر مشغله
عاد نوني تقول : بس خلاااااص شلون بنطلع برا وريحتنا عطر ترا بتاخذين اثامنا XD
انا : اه؟ اي صـــح..|0_0| لا انا اصـــلا مرفوع عني القلم ماعلي حرج
>> امحــــق ترقيعه -.-"
عاد امس جبت كارولينا هريرا T.T >> ماصارت
البيـد : بنــــات ؟
هم : لاااااع انحااشو
*امس امس رحت المجمع وحدّه وناااااسة فرارة 4 ساعات وقعده بالكوفي شوب
بس انا وحده حفظت اسامي الموكاتشينو والفرابتشينو والكافيه موكا وعرفت طعمهم وحست بالملل فانتقلت للمشروبات والعصاير
اوه ..من جرب عصير فـــروت بنش من جوفــــريز ؟
لذيـــــذ !! فراولة+اناناس+ليمون+برتقال ومع ثلج ..مزمز مريندا ! >> شدخل ؟ XD
* مدري ليش ذكرت الرحله للبر ايام الروضة ×.×
هذا الله يسلمكم كنت بالروضة وسوو لنا رحله بالباص للبر المهم ، وانا كنت حركيه ماشاءالله علي
يوم نزلو البزران من الباص انا لفيت من وراه
وقمت امشي بروحي بالبر بعييد >> فديــــــــــــــتج صج -.-"
بس لا تخااافون ... ضعت !!
قمت امشي على غير هدى ، البر من امامي والشمس من خلفي ب_ب"
التفت يمين يسار .. ايه لك مااحدااا حوليي
شمس ..حر .. لوحدي ..جحور .. حفر .. العب فيها واطمسها
>> بلكي جحر حيّه ولا ضب شسوي فيج اذا نهش اصبعج؟ -.-"
احلى شي اني ماكنت خايـفة
المهم والله اذكر هذيك الشمس اللي فوق وكاني الحين بالبر >< ولقيت خيام قبالي بس للاسف ماكانت حقت بدو ..كانت داخلها مدرساتنا قاعدين يشربون قهوة ويسولفون ولا درو عن بزر ضاااع
وانــــا .. دخلت عااادي ولا حاجه حصلتش ياطنط نعمه
ولما دخلت لقيت البزران كلللللللللللهم خلصو الفطور عليي ب_ب"
لقيت فهد >> واحد من شله الصف XD
قاعد يتدردم على جبنه البقرة الضاحكه مو عاجبه طعهما لوولز
لقيت لي كمثـــــرى واكلتها .. خلصت الكمثرى كلها من صحون الفاكهه
>> فاكهتي المفضله وقتها
*على طاري شله الفصـــل ×.×
كان معي فاطمه وفهد وحسن وسارا ، حسن كان ماي بيست فريند وهو من البحرين وشخصيته كانت تبهرنـــي احسه اكبر من عمره اذا تكلم تقولون وزيـر خارجيه
كنت كله احب استشيـرة باموري >> بشنو ؟ البس ربطه حمرا ولا بيضا ؟ -____-"
>> حسستكم بوسيم بالحضانه برسوم انا واخي
المهم عاد مرة كان حسن ياكل بسكوت هيللوو باندا
وكان سعود وياه >> سعود واحد ما أدانيه مهبلته مطلعه له عشر قرون
>> طيب اتركيه بسلام XD
سعود : حسن لا تعطيها منه شي >.>"
>> شف البخل ذااابحه
حسن : لا بعطيـــها
سعود : عطها الدب السمين النايم >> -.-"
حسن : لااا بعطيها هذي >> صورة باندا بنوته كيوت ولابسة ربطه على شعرها
بيوم من الايام عرفت ان فاطمه طلعت تقرب لحسن اظن بنت عمته
وقامت تروح وياه للبيت بنفس السيارة وتقعد وياه بالفصل وتسولف اكثر وياه -__-"
عاد انا ... دوروني خخ
شبيت نااااار حسيت اني ماطيقه وقمت اغاار منها ، بس ماكنت بخليه يفرق بيني وبين فطوم فديتني
>> بيني وبينكم كنت اتحالف وياها سريّا ضده
>> ان كيــــــدهن عظيــــــــــم T.T
* مــرة قبل ..لا مو مرة لحظة >< " >> السوالف تسردها مباشرة
اذكر من زماان كان جيرانا يابانيــــــــــــــــــن
>> وين فيتو عنهم
عشان كنا بمجمع سكني حق شركة يابانية قبل لا يخلص عقدها -.-"
المهم عاد جيرانا هذولي كنت احس بفضول عجيبون غريبون تجاههم
مرة كنت العب وشفت ابوهم جا من الدوام لابس بدله وشنطه سوده بيده ..حيييل رسمي
>> مو ع اساس جاي من الدوام -.-"
نزع حذاءه ودخل البيت >> ويه منج @.@
وطلعو اولاده يلعبون برا ، يمكن ولدين وبنت ماذكر شوي ذاكرتي صارت مصديّه
المهم وكانو يلعون قبال بيتهم وانا اطل عليهم من بعيد وانادي :
كونــــــــيتشيـــــــــــــواااا
>> لقطتــــــها منهم >.> "
عاد هم يتلفتون يمنى يسرى منو هذا ؟؟ @.@
>> الاخت تطل عليهم وتتوزى -.-"
>> بيـــدو .. اقول للاعضاء لما كنتي مع صديقتج بتقطعين وردة دوار الشمــــــــس حقتــــــــــهم ؟
>> اص اص واللي يعافيج >< " ، اصلا مدري شكنت افكر فيه ، اول مرة اشوف ورده دوار الشمس كبر البطيخــه كانت عملاقة ومدري ليش كنت بحطها براسي
>> يمكن كنتي ناوية تمتصين اشعه الشمس وتكونين طاقة لوووولز XD
>> سكتي
* اذكر مرة بنات جيرانا >> عرب
كنت العب وياهم ونقطف توت من شجرت بيتنا ~.~"
عاد ذاك اليوم كان رمضان وقالو تعالي لبيتنا رحت وياهم ولقيت اختهم الكبيرة ماشاءالله عليها تساعد امها بالمطبخ ويسوون كبه P :
>> اي ايييييه مو مثل بعض النــــاااس امهم بالمطبخ وهم ع النــــــــت
>> انتي شفيج علي كله فاضحتني بالموضوع ..خلااااص عاد ! XD
عاد كنا نلعب بغرفتها بالالعاب وباربي مقطوعه رجلها وارنب محشو ماله عين
وكان عندهم سرير مزدوج حقها وحق اختها يعني طابقيــن ..
واختكم باللــه خبله تصعد للي فوق وتنط ع الارض .. تصعد وتنط
>> عاد شوفو طابور البزران وراها يقلدون
* هيييه زمن اول .. يوم كنت انام ببيت جدتي واقعد الصبـح" بكيــّر" واطالع بحرين وقطر الانجليزية ماكو غيرهم
رسوم السيـده ملعقه بومبو جازورا وصاحب الظل الطويل، ورسوم امريكيه مدري شتبي
>> ايي هذاا جيلناا شزينا مو بعض الناس جيل حليب نيدو XD
>> اسمع من يتكلم -.-"
والفطور بيضة مقليـه للبــزران ماعليها فلفــــل -.-" !.
يــــــلا شيبان وشابات .. مااطول عليـــكم اكثر بروح اشوف اذا اختي المصون قامت ولا لا
>> يمكن بحط سلحفاتي على مخدتها -.-"
اذا ماقامت كيفـــها بروح الســوق
ببــــاااي
اوه اي .. داااني متحمسه اوي اوي اني اشوف ردودكم ، موتستغلون روحتي و تقرون وتطلعون
::ملاحـظة::هذا مجلسي الخاص الاول ، ابشرو بالثاني P : ..
