المشاركة الأصلية كتبت بواسطة ^^B.H.A^^
حياكم الله يا Baderzx و خوسيه_فرنانديز
لكن احب انوه الى نقطه يمكن ماتهم البعض لكن بالنسبة لي هي أهم شروطنا و ناخذها بجدبة ...
انا ماكتبت الموضوع الا وكلي ثقة بالأعضاء الموجودين وباخلاقهم العالية لكن لازم اني اقول اللي عندي :
- أهم شي عندنا أخلاق اللاعب مع أعضاء الـ LS ! أهم من كم job عنده و كم level أو أي شي ثاني، ما يهمني خبرة اللاعب و تمرسه باللعبة اذا كان ما يحترم بقية الأعضاء و يتعالى عليهم أو يستهتر ء باي عضو و يستنقصه ، يعني فليقل خيرا أو ليصمت.
- ليش تعودنا على التبعية للأجانب ؟ بغض النظر هم امريكان و الا اوربيين ؟ و نشوفهم يتفوقون علينا في اللعب ؟ هل ناقصنا عقل و الا شي ؟ لا!! انا اشوف ان اكبر مشكلة هي الاخلاص و التعاون بين اللاعبين و ان الواحد يحي يجمع اغراضه من برا و يتباهي قدام ربعه ... ( شفت الجير حقي وش رايك فيه ، انا جبته مع اللينك شل حقي ، ما اتوقع تقدرون تجيبونه بسهولة ) و من هالخرابيط .... أكبر هدف لنا هو اننا فعلا نتعاون مع بعض بتحقيق اهدافنا ككل ، مو نجيب لواحد اغراضة و الثاني تذبحنا الغيرة اذا جاه drop وتتلخبط الامور .... كلنا موجودين لشخص و احد! و كل شخص موجود للكل!
- تجنب استخدام الهاكات والبوتات اولا لسلامة شخصيتك من البان و ثانيا ما نبي الناس يقولون العرب مجرد بدو عندهم فلوس يشترون جيل و يغشون ، اتمنى يكون شغلنا نظيف الى ابعد حد.
- مشكلة البنات اللي يلعبون ، غالبية البنات يغبون انهم عرب و يتجنبون الاحتكاك مع العرب ، ليش ؟ من كثر المضايقات و سوء الظن فيهم .... نادر ما تلقى وحده عربية تلعب بدون تتعرض لمضايقات كلامية من ابو عرب
والا يضيع عمره يحاول يحتك ويشبك كأن البنت ما جت للعبه الا تدور لها واحد ... البنت زيها زي اي واحد جت تلعب وتستمتع باللعبه وتتضايق الى ابعد الحدود من هالاشكال ، واذا دافعت عنهم يقولون ايييه انت وش عندك ؟ اكيد بينكم شي!! ارجو اننا نكون أكبر من كذا و نتجنب هالمشاكل و لانخسر أعضائنا بسببها.
انا عارف اني كثرت كلام لكن اعذروني ، شي بالبال وكان ودي اقوله ، هدفنا نثبت للجميع ان العرب ما ناقصهم شي و متعاونين و نحقق كل اهدافنا بنزاهه وعذرا على الاطاله
