نقاش انمي Death Note - تحديث : رابط الحلقة الخاصة avi

[Shredder]

للاسف كنت متوقع هذي النهايه ... لأني شاهدت الفلم الثاني !
والنهايه متشابهه ...الا ان في الفلم L موجود وفي المسلسل N موجود ...
الحلقه الأخيره كانت محزنه بعض الشي ... وكنت متوقع من ماتسودا هذا التصرف لأنه أنصدم بشكل كبير من لايت ...
ميسا اظن انها انتحرت لأنها كانت واقفه فوق مبنى مرتفع وأظن أنها قفزت ...
على العموم النهايه بالنسبه لي كانت متوقعه ...وأيضا قتل ريوك لـ لايت ... لأن هذا اللي حدث بالفيلم الثاني ...
لايت شكله كان يحزن !..
ميكامي شكله يضحك وهو يطشر دم ...
لايت تسرع في أعلانه للنصر ودفع ثمن هذا التسرع ...
وأنا سمعت أن الأنمي سيتم انزال حلقات أضافيه للأنمي في منتصف 2008 ...

[FAS]

مادري ليش تناقشون المراقبين وانتوا على غلط ..؟

وبعدين المراقبين عطوكم قانون جديد , التزموا فيه , وان شاء الله فيه فايده لكم ولغيركم ولا يخترب المسلسل على حد بهذي القوانين , وفي حال ركبت راسكم إلا تحطون صور , ع الأقل حطوها في بوكسات

صوره

-----

btw

انا كتبت رد اول ما نزلت الحلقه وشكله اختفى مع الخلل ...

اعتبر النهاية منطقيه , الاخراج رائع ,
والحلقه بارده نوعاً ما ...

====

كايتو كيد ,

انا نزلت الفلم الأول , بس ما لقيت الثاني مترجم .... ممكن تعطيني الثاني ؟

[Shredder]

كايتو كيد ,

انا نزلت الفلم الأول , بس ما لقيت الثاني مترجم .... ممكن تعطيني الثاني ؟

نزلته من التورنت -_-
وملف الترجمه خذته من منتدى عربي XD
نزل الفلم بعدين خذ ملف الترجمه ... -_-

[sleeplessgirl]

الحلقه الاخيره كانت حلوه ..وعجبني فيها هدوئها ...

شلون مات لايت على الدري ( صج\انها مختلفه عن نهايه المانجا ) بس معبره ..........

بس سؤال عقب ماكتب ريوك اسم لايت لازم يموت عدل ؟لان ريم يوم كتبت اسم لايت ماتت ......


انسان :

من مقارنتك نهايه المانجا مع الانيمي بديت انزل اخر شابتر عشان اقارن ....... حسيتها اكثر حماسيه ...ومختلفه !!

[NsaN]

Fas

مع احترامي اخوي..وين الغلط بردودنا؟؟
القانون موجود بالصفحة الاولى..و اقتبسته باكثر من رد..
و كاتب القانون هو مراقب القسم..الاخ ahmedkb..
يعني ما يبت كلام من عندي..

و وين القانون الجديد الي تتكلم عنه؟؟

احنا بموضوع نقاش..المفروض الكل ياخذ راحته و يناقش..
مو يقعد يخش ردوده و مادري شو..عسب حد ثاني ما يخترب عليه المسلسل..

لو كان المذكور بردودنا امور مستقبلية..ما حصلت حتى الان..كنت تفهمت الموضوع..
و لكن الحلقة اصدرت من يومين..و على فكرة..بالعادة انا آخر من يشاهد الحلقة..
يعني المفروض متابعين الموضوع اجمعين..يكونون شايفين الحلقة..
اما الي ما شافها..و دخل الموضوع..عاد هو يتحمل نتيجة خطأه..
فطبيعي بمثل هالمواضيع..النقاشات تكون بالاحداث الاخيرة..
و اذا هو ما وصل لها..فغلطته..

اتمنى اني قدرت اوصل الفكرة بشكل صحيح..

Flying Shadow

شفت عاد!!
منتداكم هذا مرعب والله..

انا بصراحة استغربت من موقف Ryuuk البارد تجاه Light..طلع صدق نذل ابن الذين!!
هههههههههه..

Sleepless

اوووه..غبار عنج!!
وينج مختفية؟!

شفتي كيف؟؟
المانجا بنظري نهياتها وايد احلى..
بالانمي النهاية حسيتها باردة جداً..
تكفي الطريقة الي خاف فيها Light من الموت..خاصة من بعد كتابة Ryuuk لاسمه..

[The Ace Overlord]

النهايه قويه لكن بارده
...
موت لايت كان بارد و ما توقعته لاني كنت انتظره يفوز
لكن غباء منه انه يعلن فوزه وهو ما فاز لسا
...
نير اثبت نجاحه و تفوقهه على L (بمساعدة ميلو)
على العموم الانمي كان رائع و يستاهل كل ثانيه ضاعت على تحميله << تفكير مادي

[BOGEYNIGHT]

بنسبه لي النهايه قويه واشوف ماهي بارده بس مقارنت نهايتها با المانجا بارده جداً ونهايه المانجا احسن خصوصاً الشابتر اخير احلى بكثير من وجه نظري من نهايه انمي وخصوصاً تفصيل الحبكه القصه احللا بكثير يضان مصير اشخاص مثل ماتسودا وباقي الفريق ونيير ويمكن ميساء اذا صار صدق ان البنت الي طلعت في اخر الشابتر ميساء نفسها

اخوي NsaN

ياليت تشوف هذا الصوره لي مانجا ديث نوت وتقول رسميه او لا ؟؟

أضغط هناء

وانا اعتذر لي الجميع اذا قلبتها موضوع طلبات او اسفسارات واذا كانت مخلفه يالت تحذفون المشاركه او تعدلونها

[NsaN]

اخ BOGEYNIGHT

الصفحة الي حطيتها هي غلاف الـPilot لمانجا DN..

الـPilot عبارة عن Chapter اولي..الغرض منه جس نبض القراء..
هل اعجبتهم الفكرة؟ لم تعجبهم؟
و منها يقرر الكاتب استمرار المانجا..

احداث الـPilot مختلفة طبعاً..

تدور حول طفل صغير (نسيت اسمه) يحصل على الـDN..
و يبدأ باستخدامها على الطلاب المؤذين و المشاغبين بمدرسته..

و لكن المختلف هنا هو انه و ان قتلهم..فانه بامكانه اعادتهم للحياة..عن طريق مسح اسمهم..

و من بعد هذه الاحداث..نرى الطفل و قد كبر..و كيف ان قصة الـDN انتشرت بكل مكان..
و اصبحت مثل الـMyth..

بصراحة..يوم قرأت المانجا (من بعد قراءتي للـPilot)..
و عند الوصول للـChapter الي يطلع فيه L لاول مرة..
توقعت ان L يكون هو نفسه الطالب الصغير..كحركة من الكاتب..و لكن خاب ظني..
و ايضاً عند ظهور Mikami لاول مرة..توقعته نفس الشخص..و للمرة الثانية..خاب توقعي..

[sleeplessgirl]

ا

وووه..غبار عنج!!
وينج مختفية؟!

هلا انسان ...زين احد عارفني اهني ...
موجوده انا بس مااحب الترزز !! والله مااحب اشارك واايد

شفتي كيف؟؟
المانجا بنظري نهياتها وايد احلى..
بالانمي النهاية حسيتها باردة جداً..

نهايه الانيمي ... بارده بس وااقعيه ... وعجبتني بعد ..

تكفي الطريقة الي خاف فيها Light من الموت..خاصة من بعد كتابة Ryuuk لاسمه..

عسى ... من كثر ماذبح الاوادم خله يحس ( ماادري ليش اتذكر راي بنبر )
و سؤالي الابدي ...

ريوك بعد ماكتب اسم لايت راح يموت مثل ريم ولا لا ..؟

[NsaN]

ريوك بعد ماكتب اسم لايت راح يموت مثل ريم ولا لا ..؟

ما راح يموت..

Rem ماتت لانها بقتلها لـL..انقذت Misa من الموت..و هو امر المفروض ما يتدخل به الـShinigami..
بس Ryuuke بقتله Light ما راح يزيد من عمر حد..

راجعي قصة الـShinigami الي حب Misa عسب تفهمين اكثر..

[نينا ريتشي]

وصلتوا الصفحة 106 .. والظاهر تهاوشتوا ومادري شصار فيكم وانا اول مره اشارك في هالموضوع :>

وعلى فكرة تراني متابع ديث نوت من اول مانزل حلقة بحلق بس خليت اخر الحلقات
وتوني الحين شايف اخر 3 حلقات

ماراح الون كلامي بالأبيض لأني صالا ماراح اتكلم عن الاحداث

كل اللي بقوله انها 37 حلقة .. يعني اشتغلوا عليها بذمه
اخراج .. رسم .. ساوند تراك ..

يمكن يكونون بالغوا شوي في بعض الاحداث والتحليلات
بس وربي احلا انيمي شفته لحد الحين

يعطيكم العافية

[Rave Master]

السلام عليكم و رحمة الله و بركاته ^^

>< ... يستحق المتابعة بمعنى الكلمة ... أنمي قوي قوي قووووووويييي ... ((بس ون بيس أقوىXD))

ياااااااه من كم يوم كاتبة عن الحلقات اللي شفتها كلها تقريبا ... بس للأسف ييت أنشر الرد و للا الأخ المنتدى قال لي ""داتا بيس إرر"" ... سلمت عليه و قلت له إحلم أكتب رد مثل القبلي انزين >_>"

خسااااااارة خسااااااارة ... خسرنا ياباني ذكي <<< شوف تفكيرها ><"

ياااااااااه ودي يكون مخي جي ... ذكية لدرجة العبقرية وأتوقع شو بيصير لوول <<< متأثرة وايد
أنزين لو نطرني ريوكو شوي علشان أسوي عملية زرع و تبديل جزء بسسسسس جزء من مخ هاللايت هذا بعدين جتله!! <<< حد يطلعها بره ينت الأخت
هههههههههههههه

النهاية مثل ما قال بعضكم متوقعة ... و مؤثرة بالنسبة لي ... القهر ما قدرت أندمج وايد لأن يوم قررت اشوف آخر حلقات غرفتي صارت ميلس و الكل قرر يقعد فيها ><"" ... المهم خلصته ما ركنته في الكبت مثل غيره XD

إستحق وقتي صراحة ^^

NsaN
ما شاء الله عليك خبير الموضوع
قود وورك و أفدتنا بمعلوماتك ... شكرا

نشوفكم على خير إن شاء الله

[Al Bhed Girl]

.::الســــلاآآام عليــــكم ورحمـــــــة اللـــهــ وبركااااتـــهـــ::.

فيني قمته فيني حرة فيني صيحه >< " ..!!
شلوون لاايت يمووت ×.× " ..!!
مع ان كل شي متوقع ..
ومليت من كونه Control Freak
>> من حلقه 6 وانا غاسله ايدي منه ..
الا انـي تأثرت حيييل من موته ،،، كاان موقف اكثر من مؤثر
>> يا انه اكثر من مؤثر ولا انا عاطفيه بزيااده -.- "

شفتو ميساااا ؟؟؟
اهــئ اهئ اهئ اهئ >< "
هالقوثيك قيرل .. كل يوم تحس بدبريشن وكل يوم يزيد عندها ×.× " ..!!
شلون تحملت وفااه لاااايت ؟؟
>> ايه مو هي طبت من فوق البناية ؟-__-"

صراحه تصفيق للكريدتس على هذي الخااتمه وهذا الانيمي اللي حسسني تجااهه في النهاية
باحبااط شديد ومو مشتهية فطوري كلش -.- "
بس صراااحه من صج الشرررركه ابدععتتت بهالانيمــــي ..!!

بااااركووليـــــــــيييي ،،،
اوول مرة اشووف انيمي كااامل للاخير من اوله لاخيييره ..!!
وييين اختي اروح اهبلها وانطط عندها افضفض اللي بقلبي XD

[Kubaj]

السلام عليكم ورحمة الله وبركاته

هذا رأيي بالنهاية ومتى بدأت برأيي..

وماراح اكتب بالأبيض بس بكتب تحذير اكبر من راس ريوك.





تحذير بتكلم عن النهاية ok






اهلا مرة اخرى.. =|

بصراحة انا اعتبر النهاية حصلت من يوم ما اعتمد لايت على شخص عشوائي ليقوم بدور كيرا ، لإنه قامر بهالقرار لدرجة انه فرح بعدين كأنه واحد توه فايز بالlottery وانه اعتمد على الشخص الصحيح والخ.. طبعاً مايحتاج اشرح لأنه اتضح بعدين ان ميكامي جاب العيد.

الصراحة النهاية حلوة لكن ماعجبني فيها ردة فعل كيرا.. طول الseries وهو ماسك اعصابه وكان عنده القدرة على تحمل L الين ماتخلص منه بمساعدة rem. وهذا طبعا دليل على ان L كان افضل من لايت ونير وميلو مجتمعين ، لإنه ماعجبني كلام نير يوم يقول انه هو وميلو يتفوقون على L صحيح انهم مرشحين لخلافته وكل واحد له ايجابياته وسلبياته. لكن L اذكى واستخدم اساليب متعددة ومهما وصلت ذروة خطورتها كان لايت متماسك -مثال الاعتقال و مشهد ابو لايت وولده بالسيارة بعد خروجه من السجن- اعتقد انه اذكى بكثير من ( انت بدلت الورقة لكن انا احسن منك بدلتها بعدك وهكذا)+ ميكامي.

لايت-كيرا كان يستحق النهاية المذلة هذي برأيي يمكن لهذا السبب خلو نير هو الشخص اللي يقضي عليه ، وواحد زلابة ناعم مثل ماتسودا هو اللي ينتفه ويقتله eventually.

مهما كانت اسبابه ومبادئه ، لايت خدع وكذب وقتل ناس ابرياء مثل ناومي ميسورا للوصول لهدفه وماكان يحاول يتفادى القتل حيث كان مهووس بالقتل كحل أول لكل مشكلة -مثال اخته يوم خذوها رهينة وقرر خلاص انه ناوي يقتلها لو تعقدت المسألة-

المسلسل-المانجا-الفلم كلها اثارت الآراء ومن يفضل كيرا ومن ضده ، فيه مشهد الصراحة كان معبر.. عندما حاصروا مناصرين كيرا المبنى اللي بامريكا وقاموا بأعمال شغب وكلهم باين عليهم من حثالة القوم يعني ، اول ما كب عليهم نير الفلوس كلهم ماصدقوا واولهم الدب المخرج.

اصبح كيرا رمز للقوة الشبيهة بالقدرة الآلهية والقتل بمجرد تحريك قلم، او رمز يتم الإعلان له عن طريق الإعلام والكسب المادي، ولا يتبعه سوى ضعاف النفوس واللذين وجدوا في كيرا الشخصية العظيمة التي الكل يطمح ويتطلع لها.

لايت استحق النهاية المزرية هذه والتي جردته من كل فكرة لديه اوحت له بأنه آله العالم الجديد.

الصراحة استمتعت وكل من نصحته بالمانجا-انمي (محد عطاني وجه الا يوم نزل انمي =.=)
وجالس اتفرج ع الأفلام الآن.. واترقب وبشدة الفلم الثالث اللي بيكون عن L وقضية شاركه فيها نير وميلو وناوومي ميسورا ، عن BB.

والسلام عليكم ورحمة الله وبركاته

[Scare_shade]

كذا الأنميات ولا بلاش
والله أني فرحان على النهاية حسيت أنها أحلى نهاية أنمي شفتها
بعد ما مات ألـــ جتني حرة بس بردت بعد ما مات لايت
وأحلى شي أنه مات من ريوكو والله تعجبني هالشخصية بس المشكلة
أنه في الحلقات الأخيرة ما صار يطلع كثير
أما عن سالفة نيير وميلو فيوم أتحدوا صاروا أذكى من ألـــ لوحده
ذكروني بالحكمة: الأتحاد قوة خخخخخخخخخخخ
المهم ناهية أروع من الروعة ويستاهل اللوح لايت على اللي جاه