هل اشتري قطع الكمبيوتر من اوربا او من الامارات ؟؟

[zxz999]

.

السلام عليكم

افكر في شراء قطع كمبيوتر مثل ,,,

كرت شاشة ,,, مذربورد ,,, معالج

وانا حاليا متواجد في فرنسا

هل قطع الكمبيوتر تكون ارخص في فرنسا ,, او انتظر واشتري من الامارات ؟

شكرا

.

[MaGn.ae]

أسعارنا مرتفعه وايد ..

انا من فترة كنت في السوق والاسعار مرتفعة مادري على شوه ..

المهم

في شخص بيقدر يفيدك هو Gamer-extrem

لانه حسب علمي ساكن في فرنسا ويعرف الاسعار والاماكن

وشكراً

[SanjiyaN]

اخوي

انا في لندن الحين رايحين اجازة

المهم في محل اسمة بيسي وارد والله انها الاسعار خيالية وبعدين انا اشوف سمانهم قديم

على حسب علمي انا اشوف الامارات اتيب السمان قبل اوربا!!

وارخــــــص بوااايد

[wael_yemen]

أخوي أنا أنصحك تشتريها كلها من دبي...قول لي ليش؟؟؟
عشان مسألة الضمان....لو قطعة مثلا ما تشتغل تقدر تقول لي وش بتسوي؟؟؟؟
بتخسر عليها أضعاف مضاعفة ووجع راس عشان ترجعها
اشتريها من دبي وريح بالك وبعدين القطع صحيح زيادة شوية بدبي على أوروبا بس بالنهاية أنت تشتري ومرتاح بالك لو صار شي ترجعها بالمحل وهو جنبك
القطعة الوحيدة اللي اذا تبي تشتريها من برة وأنصحك بيها هي الرامات وبس
غير كذا ما أنصح لا بمذربورد ولا معالج ولا كرت شاشة
وبالنسة للأخSanjiyaN
عجبني توقيعك ولقطة اللي جالس يصفع نفسه

[zxz999]

مشكورين على الردود ..

وان شاء الله سأنتظر ,,

[RICH BOY]

ممكن تعطوني اسماء المحلات في دبي تكون مضمونة وفيها معظم القطع ؟؟؟

[BoOoOo7a]

شوف بالخليج عندك جدة ودبي تقريباً اغلب القطع موجودة والأسعار تختلف من تاجر لتاجر اخر..
وتعتبر من افضل مكانين بالخليج تقريباً..

[blold]

اخوي انا من دبي و انصحك اتسير مركز العين او اسمه computer plaza
التكاسي يعرفونه باسم مركز العين

سير هناك كل الي فيه hardware * hardware و في محلين يبيعون لك سيديات العاب و برامج و كم واحد يبيعون موبايلات و في شوية مطاعم

المهم لو اتسير هناك بتحصل عندهم كل قطعة تبغيها و في السعر الرخيص و الغالي يعني لو دخلت محل و قالك ب 900 ادخل محل ثاني بيقولك ب 750 !


و ما عليك من كلام magn.ae لأنه مب من دبي

[MaGn.ae]

و ما عليك من كلام magn.ae لأنه مب من دبي

الغالي كلنى من الامارات ولا انته شرايك .. احم احم ؟!

------------------------------

zxz999

اذا انته مب مطمن من القطع الي في فرنسا .. على الاقل اشتر الرامات من هناك

لانه اسعار الرامات * الاحترافية * عندنا سم !! وما تتحصل بسهولة ..

[wael_yemen]

هو الكمبيوتر بلازا مثل ما قالو لك الشباب
أول ما تدخل الكمبيوتر بلازا وتطلع بالسلالم المتحركة روح يسار وامشي شوية وبعدية لف يسار كمان وبعدين امشي طريقك عدل بتمر من على يمينك بمحل يبيع مذربوردات جيجابايت(اذا ببالك مذربورد جيجا بايت فهذا هو المحل)
واذا مو ببالك جيجابايت كمل طريقك شوية بعد بتلاقي قدامك محل ما شاء الله فيه كل شي تقريبا من مذربوردات ASUS ومعالجات INTELL ورامات Corsair ومن النوعيات السريعة كمان مو أي كلام ومن Printers وشاشات


باختصار مثل ما قلنا لك اشتري الرامات فقط من برة والباقي خليه من كمبيوتر بلازا
واذا ببالك كيس للكمبيوتر محترم روح لمركز الخليج اللي هو مقابل كمبيوتر بلازا بس بالشارع المقابل يعني تعبر الطريق ولما تدخل مركز الخليج اصعد السلالم المتحركة وروح لمحل اسمه POWER OPTIONZ بتلاقيه مقابل اتصالات من ورى بس مو من قدام وفيه اثنين هنود يشتغلوا واحد اسمه نسيم والثاني محمد
بتلاقي فيه أحلى كيسات THERMALTAKE واللي هي أفضل شركة مصنعة للكيسات مالت الكمبيوتر في العالم

[AAGun]

http://www.poweroptionz.com/index.asp#

شوف الاكياس هناك

[blold]

هو الكمبيوتر بلازا مثل ما قالو لك الشباب
أول ما تدخل الكمبيوتر بلازا وتطلع بالسلالم المتحركة روح يسار وامشي شوية وبعدية لف يسار كمان وبعدين امشي طريقك عدل بتمر من على يمينك بمحل يبيع مذربوردات جيجابايت(اذا ببالك مذربورد جيجا بايت فهذا هو المحل)
واذا مو ببالك جيجابايت كمل طريقك شوية بعد بتلاقي قدامك محل ما شاء الله فيه كل شي تقريبا من مذربوردات ASUS ومعالجات INTELL ورامات Corsair ومن النوعيات السريعة كمان مو أي كلام ومن Printers وشاشات


باختصار مثل ما قلنا لك اشتري الرامات فقط من برة والباقي خليه من كمبيوتر بلازا
واذا ببالك كيس للكمبيوتر محترم روح لمركز الخليج اللي هو مقابل كمبيوتر بلازا بس بالشارع المقابل يعني تعبر الطريق ولما تدخل مركز الخليج اصعد السلالم المتحركة وروح لمحل اسمه POWER OPTIONZ بتلاقيه مقابل اتصالات من ورى بس مو من قدام وفيه اثنين هنود يشتغلوا واحد اسمه نسيم والثاني محمد
بتلاقي فيه أحلى كيسات THERMALTAKE واللي هي أفضل شركة مصنعة للكيسات مالت الكمبيوتر في العالم

صح كلامك اخوي لكن بخصوص ال case في محل يبيع الكيسات في مركز العين باسعار حلوة الي هو far east و بتحل في ال far east في مركز العين
انا كنت بشتري منه بس حصلت الكيس بنفس السعر في جيتكس فقلت ليش اتريا فاشتريته و كان الكيس thermaltake tsunami

[RICH BOY]

انا بروح لمركز العين

اتمنى ماتكون الاسعار اغلى من الانترنت بوااااااااايد

[بوشمه.zf6]

تشتريها من دبي اضمن لك ياا زييييزووو