السلام عليكم ورحمه الله وبركاته
هذي أول موضوع لي في منتدى لأسره ^^
وبصراحة احسن إني أخطيت وما أخطيت طبعا في الشيء الي سويته
راح أقولكم السالفه إلي حصلت لي من مده قريبه وانتم احكمو وقولو رأيكم
السالفه هي :
طلعت من البيت عشان أجيب أغراض من السوبر ماركت
وكان الوقت الظهر يعني في عز الحر <<<< إلي ساكن الرياض راح يعرف اش معنى هذي الكلمة
ركبت سيارتي وشغلتها وخليتها تحمي قبل ما أحرك
وأنا جالس في السيارة مرت من عندي عجوز كبيره في السن وهي تمشي تعرج بعكازها
وعاد هي مليانه ( دبه ) يعني يالله تشيل عمرها
صراحه كسرت خاطري خصوصا في هذا الحر
وربي لو شفتو إلي شفته راح ينكسر خاطركم مثلي
لأني الحين مشغل المكيف في السيارة والجو بالداخل بارد وبرى الجو حر موووووت
المهم
قلت في نفسي صالح هذي كبر جدتك
مو حرام تخليها كذا
يمكن مالها احد يوصلها
أو يمكن رايحه للبقاله وما عندها احد
ليش ما تقولها تبغيني أوصلك لأي مكان يا جده ؟ يعني لازم تقول يا جده عشان ما تظن فيك ظن سوء
المهم قلت راح أسوي إلي أشوف انه صح وراح اكلمها عشان ارتاح
حركت السيارة وقربت جنبها <<< لحقت عليها لأنها كانت يالله تمشي
قلت لها
يا جده تبغي أوصلك للمكان إلي تبين تروحين له ؟
قالت : بنظرهوشوووو ؟ <<< صراحه ناظرت نظره خفت منها
قلت : تبغيني أوصلك ؟
عادي هي ناظرت بنظره والتفتت ولا أعطتني إي بال وكملت مشيتها
وأنا متأكد لو كان في يدها حاجه كان رمتني فيها <<<< وشكلها استخسرت تكسر عصاتها علي لانها تحتاجها
عاد أنا قلت أروح اصرف وما اكلمها ثاني عشان ما تقعد تصارخ أو يمر احد ويحسبني أغازلها
خصوصا المكان إلي كلمتها فيه قريب من بيتنا
مع أنها كبيره في السن وأنا اعتبر من عيال عيالها
خصوصا إنها عجوز مو بنت عشان نقول معذورة ويحق لها حتى لو صارخت
واكيد لو احد كلمها راح يعتبر يعاكسها
السؤال هنا
هل أنا أخطيت ؟ أو كانت طريقه سؤالي خطاء ؟
لو كنت في مكاني وش بتسوي ؟
هل راح تكلمها لما تمر من عندك ؟ أو راح تخليها
وهل خلاص ما في ثقة بين الناس ؟
ولكم الحكم
تحيااااااااااااااااااااااتي
..!
) و حتى لو 
