صور جديدة لماريو جالكسي

[Super Shadow]

بسم الله الرحمن الرحيم

السلام عليكم و رحمة الله و بركاته

اليكم الصور الجديدة للعبة المنتظرة ماريو جالكسي على الويي














للمزيد من هنا

http://www.jeux-france.com/news21697...-d-images.html

و شكرا

[No `AnGel]

امممم ..

الرسوم حلوة وفي نفس الوقت مو حلوة ..

في بعض الاشكال الرسم فيها حاد ودقيق ..

وفي بعضهم .. نوت باد ..



بس هذا الشي ما يغير من طبيعة اللعبة ..

يعني بتعتبر اللعبة الرسمية على الـ Wii

مثل ما Mario 64 على Nintendo 64 ..



بنظري كذا
ثانكس شادو ^^

[KSA_BOY]

في بعض الاشكال الرسم فيها حاد ودقيق ..

وفي بعضهم .. نوت باد

هو السبب أكيد لكوالتي الصور ..

ماريو جالكسي احطها في كفه .. وألعاب الوي كلها في كفة ثانية !

منتظر اللعبة بشوق !

[Black Box]

بيئة اللعب رائعة جداً !!

ما أقدر اصف شدة حماسي للعبة @_@

في الإنتظار.. مشكور سالم..

[KratosGhost]

الصور عجيبه
بس شكلها راح اتجيبلك الدوخه لووووول
منتظر اللعبه بفارغ الصبر شكلها راح اتكون شي خيالي

ومشكور اخوي عله الصور

[Black Box]

بس شكلها راح اتجيبلك الدوخه لووووول

لوول معاك حق.. الله يعيننا عالنظر

[gamecube master]

انا الفيديوات مالت اللعبة جننتني , اهي ومترويد و سوبر سماش اقوى رسوم للجهاز لحد الان وتبين انه في فرق ولو طفيف بينه وبين الكيوب ...

شكرا على الصور الرائعة

[القبطان فرفشلي]

والله الرسم رائع جدا جدا واثبتت ان الوي نكست جن 100%

بالله شوفو هالصورتين وادولي رايكم

انظر الي تفاصيل العملاق وتفاصيل وجه ماريو في نفس اللحظة شيء عظيم

لاحظو الشعر بالوحش والقبعة (حقت الوحش) والارض اثناء التحطم لاحظو تاثيرات الغبار وانعكاس الضوء على الحجر المتساقط شيء لا يوصف

بالله هل رسم رائع كهذا يقارن مع الكيوب ؟؟؟؟

ومشكور اخوي شادو عالموضوع

[القبطان فرفشلي]

على فكرة اخوي شادو نسيت تحط غلاف اللعبة في الموضوع


الغلاف رائع وجذاب وانا منتظر اللعبة على الاحر من البركان

[Artistic-Mind]

معليش ابتفلسف شوي
اللعبة استغلت طبيعة البيئة واضافت خاصية يضنها البعض انها من الإضاءة المحيطة ولكنها ليست كذلك بل هي مجرد تلاعب بخاصية اكساء تسمىself-illumination او هكذا تسمى بالماكس
وهي يعني اضاءة المجسم الذاتية بس يتلاعب بها بشيدر يسمى بالماكس falloff واسألوا فنانين الثريدي بقسم الثريدي
واعطوهم الصور لا تستحقرون الشباب هناك الشباب عندهم طموح وممتازين
وراح يقولون لكم نفس كلامي
ولاحضوا oblivion كيف اذا استخدمت سحر ذاتي على الشخصية تنور بأطرافها بلون اصفر او ازرق لكن بماريو جالاكسي لا ن كل الجهات يعني نور صناعي ماله دخل بالبيئة بس لأنهم بفضاء يطلع لك نور من كل مكان فهمتوا والصناعي هذا لو تحطه بغرفة مظلمة يبقى على نوره ومادري ان كانوا مبرجينها على اساس ان الخاصية تطفى داخل الظلام كعادة ترقيع الجيمز
وشوفوا اعددت صورة توضح الفرق بين النور الحقيقي ذو المصدر والنور الذاتي الي موجود بماريو جالاكسي
اما النور الي بالكورة الي تحت من مصدر ونور فيزيائي يعني فوتوني photon حقيقي ويأتي من مصادر ضوء حقيقية واعتقد انه موجود بكيل زون 2 الي تستعمل تقنية ديستربيوتد ريندرينج والي تخلي الإضاءة كذا حقيقية بسبب الإضاءة الي فيها خاصية cast shadow او shadow enable لها مليون اسم لا يغرونكم المصممين والمطورين وفلسفتهم
هذي الصورة
واعذروني على الفلسفة بس والله حبيت اتسلى وافيدكم بالموضوع كثقافة جانبية

[Artistic-Mind]

بس احياناً الخروج عن القوانين الطبيعية بالرسوم يخلق طابع يجعل اللعبة خلابة ومثيرة وهذا نشوفه بماريو
واعتقد انها راح ترجع نكهة الحماس والفضول للفيديو جيمز
واكيد الكل عارف ان ماريو لا يعلى عليها

[طالب_مفلس]

ما شالله عليك Artistic-Mind .. معلومات جميلة

بس في رأيي ان الفروق هذي زيها زي الفروق بين تلفزيونات الهاي ديفينشن ما يلاحظها الا المحترفين ...

اما اللاعبين العاديين ما تفرق عليهم اهم شي لعبة حلوة و ان الرسوم ما تكون سيئة بشكل واضح ...