بسم الله الرحمن الرحيم
السلام عليكم .. كيف حالكم اخواني
ندخل في صلب الموضوع .. بحث بالانترنت عن حل لمشكله الثلاث لبمات الحمراء كود 0102 واللي غير معروف اسباب الخلل بعد ما صارت لي المشكله
لقيت حل بسيط جدا جدا ما يكلفك ولا 10 ريال بدل ما تروح للحراميه هالمحلات يصكك ب 500 ريال تصليح وانت تضحك
المهم اول شي لازم نعرف كيف نفتح جهاز الاكس بوكس 360
فيه طريقه سهله مره بدون ما نخرب شكل الجهاز او نسبب خدوش
المطلوب:
1- قطعه بلاستيك مقوى
2- مشرط او مقص
3- قلم
بخلفيه الجهاز لو نلاحظ فيه فراغات صغيره ( 6 فراغات .. 2 على اليمين و4 على اليسار) زي المستطيل الصغير ... من هنا نقدر نفتح الجهاز
طيب كيف ؟؟
انا اقول لك كيف
ناخذ قطعه البلاستيك المقوى ونقربها للفراغات الصغير اللي قلنا عليها فوق وبالقلم نحدد على نفس البلاستيك مكان قص او قطع البلاستيك... مو فاهم شي؟؟؟ طيب شوف الصوره اللي تحت...
حددت مكان القطع او القص... ممتاز
الحين نقطع التحديد مثل ماهو بالصوره اللي تحت بالمشرط او المقص
حلويــــن؟؟
طيب نفس الشي نسويه بالجهه اليسااار
وندخل البروز في قطعه البلاستيك اللي سويناها بالفرغات اللي بالاكس بوكس مثل الصوره اللي تحت
وبكذا قدرنا نفتح جهازنا المسكين ابو ثلاث لمبات حمر
الحين نروح للشغل الجاااامد
مشكلة الكود 0102 لها علاقه ب GPU ميموري
والحل بنشوفه تحت بدون استخدام الهوت أير جن
المطلوب:
1- قطعه ممحاه مطاطيه اللي تمسح قلم الرصاص بس تكون طويله وحجمها كبير ..
2- مشرط او سكين حاده
3- شريط لصق وجهين
بعد ما فتحنا الاكس بوكس... بالقاعده او المذربورد حقته بنشوف هالشكل اللي بالصوره
تشوووفوون الاكس اللي على اليسار؟؟
فيه حوله من فوق وعلى اليسار تشيبسات عليها غطاء بلاستيكي
بكل حنيه وبكل دلع شيل او أنزع هالغطاء من على التشبسز مثل ما يصير بالصوره اللي تحت...
الحين نجيب الممحاه او المحايه بالعاميه ونقطعها 4 قطع بحيث يكون ارتفاعها تقريبا 4 مليمتر ويكون حجمها اكبر من التشبس بحوالي 1 مليمتر من كل جهه ونلصقها على التشبس بواسطه شريط اللصق ابو جهتين مثل ماهو موضح بالصوره بس اهم شي ما تترك اثار على التشبس يعني نظف يدك من اثآر الممحاه
الحين ركب جهازك وجرب شغله...
لين الحين فيه مشكله الثلاث لمبات الحمر
طيب عادي انتظر 20 دقيقه على هالووووضع وبعدين قفل الجهاز
انتظر تقريبا دقيقتين
وشغله
خلاااص راااح المشكله للابد
سحر هاااه
ان شاء الله تكون الحل النهائي لمشكله الكود 0102
واتمنى يكون الشرح وافي
ويعطيكم الف عافيه