هنا !!!
فضفض في اللي قلبك... وقول سالفة صارت لك
وعطنا رايك في هاذي السالفة
الفقد الله يذكره بالخير N73
<< قسم بالله نفس الشكل ونفس اللون.. بس ناقص تلبيسه
في يوم الأربعاء الموافق شباط مارس رمضان 1428 - 2007
في الصباح الساعة 9.30
قومني أستاذنا صاحب الرأس اللماع أجاوب عند السبورة وأكتب الأجابة
طبعا طلعت الجوال وخشيته في درج الطاولة ورا الكتب
خايف الاستاذ يفتشني ويلقى الجوال وبعدين يحجزه في درج المدير
المهم جاوبت ودق جرس الحصة... وجا وقت الصلاة
رحت أصلي ونسيت الجوال في الدرج
<< والله من زود التناحة
صليت وخشعت ودعيت ربي وبعدين رجعت الفصل
شلت الكتب ودخلت يدي... أحوس يمين يسار
يا ولد وينه؟؟؟
يمين يسار مرة ثانية ..... يلعن أم الحالة ... أنسرق
حالة طارئة في الصف !!!
طلعت من الصف وصافط الاستاذ يشرح
رحت للمدير.. قلتله يا أستاذ جوالي أنسرق
وأبيكم تفتشون الطلاب .. بما أن ما عندي صلاحية
قالي ضف وجهك جايب الجوال للمدرسة.. تستاهل
هذا جزاتك تتعدى على قانون المدرسة
<<< والله مامنه فايدة زلف المسمار
طلعت من عنده ورحت الصف جمعت كم طالب
وطلعنا نفتش في الصفوف
كل ما دخلنا قلنا المدير أمرنا ندور عن جوال ضايع
ودورنا في المدرسة كلها... ورا برادة الماي
فوق الدرايش... تحت الشجرة
مافي فايدة
حتى أني قلت لخويي يدق عليه... بس قفل الجوال
لذي الدرجة وصل فيه الأحتراف؟؟
الله يذكرك بالخير بس
رايي
أول شي ... ما يخاف ربه .. في الرمضان وصايمين
ويسرق وما عليه من أحد
يلا شباب أدعوا معي
الله يشل يد اللي سرقه
والله لا يهنيه فيه
وان شاء الله ينسرق جواله مثل ما سرق جوالي
والله يعوضني خير من هذا الجوال
قولوا آمين
اللي بعدوووو
والله إني مافهمتك غلط وإذا زعلت فإني أعتذر