استنفذت قواي - رسمه

**Amarant** · 13-10-2007, 04:46 AM

السلام عليكم

كل عام وأنتم بخير وبصحة وعافية
وبعيدين عن الهم والمشاكل ^_^

رسمتي الجديدة

العمل بالكامل عبارة عن رسمة وباستخدام أداة البن تول
مدة العمل ما أذكر لأن الرسمة قديمة لها تقريباً 3 أو 4 شهور وكملتها اليوم
عدد الليرات : كثير لكن بعد الدمج 47 لير
أدري في أخطاء خاصة منطقة الأذن >>> حبيت أنقد نفسي عشان محد يتكلم

بصراحة مافيني أعدل بالكاد خلصت الرسمة وعلى طول عرضتها
إن شاء الله يعجبكم العمل : )

**C.Falcon** · 13-10-2007, 04:51 AM

وعليكم السلام ورحمة الله وبركاته

مرحبا فيك أخوي امارانت،، عيدك مبارك حبيبي

الظاهر انت جالس تشرح الي بداخلي والفترة الي جالس امر فيها << ثاني عيد عالتوالي بنفس الكآبة وأسوء

من جد استنزااااف والله،، حمدلله قدرت تعبر وتخرج لوحة تحاكي جزء كبير من ظروفي،، وبنفس الوقت هي

أكيد تمثل محطة من حياتك عشتها أو جالس تعيشها،، ما اقول غير الله يقوي قلبك وثبتك ويعينك ويفرجها،،

رسم جميل مرة وفي شوي اخطاء لكن المهم إنها تحفة فنية ،، جو إبداااع والله

تسلم إيدك

اخوك

**FinalFantasy9** · 13-10-2007, 05:05 AM

وعليكم السلام ورحمة الله وبركاته ..

وانت بخير وصحة سلامه وعساك من العايدين ان شاء الله :] .

شغل عدل اموره :] << يدلعك xD << ملاغة xD << من قلب ~_~ .

تصميم ممتاز وابعاد رائعه ماشاء الله :] .. اعجبني التفصيل بالعناصر بشكل كبير @_@ .. الخلفية والصنع الماهر للخامه (من صنعك صح ؟) , والاضافات الدمويه عليها كان لها تأثير كبير على الرسمه :] .

مستواك في تحويل الرسمه من مسطحه الى ثلاثية الابعاد عالي ماشاء الله اوحييك عليه وعلى لمساتك بهذا التصميم :] .

الملاحظات الي لفتت نظري هي بنهاية الانابيب الحمراء المتصلة بالجسم .. فالظل يعطينا اطباع غريب وكأنها بعيدة عن الجسد , وهناك بعض التكسر ببعض نهايات هذه الانابيب :] .. وبعض مناطق الجسد تحتاج لاظهار ملامحها بشكل افضل :] .. ولكن بشكل عام فالتصميم على مستوى عالي جداً ما شاء الله ^_^ .

الخط ممتاز كالعاده وخرج بشكل لائق وشجاع ! .. واقصد بالشجاعه ان تقوية التأثير قد تكون نقطه يبتعد عنها الكثيرين بالتصاميم الداكنه , ولكنك استطعت تضبطها بشكل ممتاز :] .

الله يخليك لاتحرمنا من المزيد ^_^ .. بالتوفيق .

وشــــــــــ

ـــــــــــكراً

**Angelis world** · 13-10-2007, 05:54 AM

وعليكم السلام ورحمة الله وبركاته
وانت بالف بخير
ماشاء الله عليك زي العادة أجمل طلة و اجمل تصميم
::
ولكن ارجوا ان تسمح لي بنقد بسيط

زاوية الضوء التي وضعتها لم تتناسق مع الظل

اعني انه من المفروض ان يكون هناك ظل على الرأس والكتف

مع هذا كله التصميم رائع جداً جداً
وما اقدر اقوال الا انك ابدعت بكل ما في الكلمة من معنى

والى الامام
اجمل تحية

**Hinata-sama** · 13-10-2007, 08:51 AM

السلام عليكم ^_^

و أنت بألف خير أخوي :-)

من زمان عن ابداعاتك الحلوة ^^

الرسمة وايد حلوة و معبرة و هذا ما تعودناه من رسماتك يا مبدع ^^ ،،
الفكرة جميلة ،، عجبني استخدامك للخامات اللي تعطي ملمس واقعي

توزيع الاضاءة و الظلال عجبني ،،، و الخط ما عليه كلام ^^

ملاحظتي الوحيدة هي بعض الحدود الخشنة في الرسمة ،، لكن هذا ما يأثر على روعة التصميم ^^

ان شاء الله تعدي هذي المرحلة ، و الله يبعد الهم والضيق عن الجميع ان شاء الله

موفق,,,

**Ahmed Blight** · 13-10-2007, 11:47 AM

يعني عرضت للرؤية لا للنقد
ليش نرد اذا >> عرضت للرؤية لا للرد خخ

لوول الرسمة غريبة تخوف @___@
الخط و الخلفية حلوات

الانانيب علق عليها اخوتي اللذين سبقوني خخ
الرسمة حلوة و مستواها ممتاز
و لو ان ما اعجبني تفصيلها >> اعني فكرتها ان رجل و عليه انانيب T_T فيها كئيبة ما نبغي نشوفها في العيد خخخ

الحين نقدر نرفع قضية عليك امارانت كأنك حاط سبويلر خخ >> اقصد حاط كآبة بدون تنبيه @@
الحين لازم تعمل تصميم فيه فرح تطلع الكآبة الي عملتها XD

كح المهم عمل حلو و لو انها اقل رسمة مستوى لك ^^"
بس نتريا ترجع بكامل قدراتك قريب ^^

موفق

**Empress uae** · 13-10-2007, 12:28 PM

و عليكم السلام و رحمة الله و بركاته

و بعدين وياك يا أخي أمارانت؟؟ نحن ما نلاقي في تصاميمك إلا التصاميم المأساوية؟؟ وينك عن التصاميم الشعرية و التصاميم اللي تشرح القلب و الشرايين و الكبد و الطحال و البنكرياس؟؟

يا ليت لو تعمل لنا تصاميم إيجابية، أنا بساعدك ببعض الصور (صور ورود) و الباقي عليك، بصراحة مب حالة هذه أنت اللي فيها.

كل يوم تطلع لنا أسوأ نفسياً عن قبل.

الصور في المرفقات، و إن ما سمعت كلامي بخاصمك 14 يوم و نص و 3 أرباع اليوم.

ههههههههههههههه

عيال أخر زمن، بس فاضيين يسون لنا تصاميم مأساوية، و هو نحن ناقصين؟

سامحني بس ما أقدر أبلع تصميمك، مأسواي لدرجة أني مب قادرة أتقبله نفسياً.

**ناي** · 13-10-2007, 01:53 PM

السلام عليكم ورحمة الله وبركاته ..

امارانت

كل عام وانت بخير والجميع يارب << لثاني مره

وبالنسبه للرسمه ماشاء الله روعه ومعبره .. لكن بثاني ايام العيد

عجبني الراس وطريقته انه جا بدون شعر ..فكره حلوووه

وانتقادي على حدود التقاء اخر الوجه مع الرقبه صار الخط الفاصل عريض

وبرضوو الصدر .. بارز بقوه .. وغيرواقعي انه يجي بهالطريقه ..

موفق يارب ونشوف لك اعمال اكثر واروع ..

**Royal Slayer** · 13-10-2007, 06:26 PM

السلام عليكم ورحمة الله وبركاته

ما شاء الله اعمالك تمتاز بالاتقان فى اغلبها

التصميم مميز وفكرته قدرت تخرجها بشىء من الجديه والتوضيح لمغزاها

يمكن اخوتى ذكروا نقاط كثيره بس انا اركز لك على النقد بخصوص اتجاه الاضاءه على الرقبه غير متناسب مع اضاءة الوجه

والصدر مثلما ذكرت اختى ناى يحتاج بعض العمل

اعرف انك اخدت وقت كبير فيها وزهقت من التعديل

فى الاخير التصميم مميز فعلا خصوصا ملامح الوجه

بالتوفيق امارانت وكل عام وانتم بخير

دمتم فى حفظ الله ورعايته،،

**حلزونه** · 13-10-2007, 10:04 PM

السلام عليكم والرحمه ^^
كيف الحال والتحوال ..^^..

تصميم مؤلم -_____-"
الله يعين الجميع ويسهل لنا في دنيا الشقاء
ونتوفق بالسعاده في دار البقاء

تصميم ماقدر اقول عليه غير ابداع
ونقدك للاذن بالعكس اشوفها تمام

ماشاء الله عليك الله يزيدك من فضله
وكل عام وانت بخير وسلامه ^^

بالتوفيق ان شاء الله

جااناا ^^

**The Dark Moon** · 16-10-2007, 10:23 PM

السلام عليكم ورحمة الله وبركاته ..
بصراحة ...
..............
>>> يبدو انها تأثرت ..

الرسمة ككل جميلة جدا ..
ولن اذكر نقاط الضعف لكن ان احببت اذكرها لك ..
لكني عارفة انك عارف نقاط ضعف الرسمة .. >>>> اعتقد
لو حابب اذكرهم بذكرهم ..

بالنسبة لمضمون الرسمة
فلله الحمد والشكر على حال ..

ما بهديك الا كلمات ..

لو ساءت الأحوال .. وضاق عليك الحال ..
قِصر العمر أو طال .. مالك غير الله ..
ضاعت عليك الايام .. احلام ورى احلام ..
حلال .. ولا حرام .. ضيعت حق الله ..

يا صاحبي وش فيك .. غرك فرح ماضيك ..
لابد يوم مايجيك .. يسألك عنه الله ..
مالك وحالك وين ؟ .. احسب حسابك زين ..
الحين مو بعدين .. راقب و خاف الله ..

عمرك ترى محسوب .. يكفي كفاك ذنوب ..
ردد بصوت مغلوب .. ارحمني يا الله ..
ردد بصوت مغلوب .. ارحمني يا الله ..
إملأ زمانك آه .. وعود له تلقاه ..
ما يخيبك حاشاه .. تفرج بعون الله ..

تفرج بعون الله ..

انت بس خلي املك بالله كبير
وان شاء الله يكون معك ..

بالتوفيق ..

اختك Multazemah

**eob717** · 17-10-2007, 02:22 PM

ماشاء الله عليك , عمل إحترافي
توزيعك للنصوص Perfect بالتمام , ولدي تعقيب بسيط على رسمك للخطوط المتصلة أو الأنابيب كما ذكروا الأخوة في صورة البنت...يبيلها شوية تحرير وخاصةً الخط اللي عاليمين , ولكن ما بيأثر هالشيء..بصراحة أشوف التصميم متكامل وما بيحتاج أي اضافة..بنظري

شكراً

**Amarant** · 17-10-2007, 05:12 PM

المشاركة الأصلية كتبت بواسطة C.Falcon

وعليكم السلام ورحمة الله وبركاته

مرحبا فيك أخوي امارانت،، عيدك مبارك حبيبي

الظاهر انت جالس تشرح الي بداخلي والفترة الي جالس امر فيها << ثاني عيد عالتوالي بنفس الكآبة وأسوء

من جد استنزااااف والله،، حمدلله قدرت تعبر وتخرج لوحة تحاكي جزء كبير من ظروفي،، وبنفس الوقت هي

أكيد تمثل محطة من حياتك عشتها أو جالس تعيشها،، ما اقول غير الله يقوي قلبك وثبتك ويعينك ويفرجها،،

رسم جميل مرة وفي شوي اخطاء لكن المهم إنها تحفة فنية ،، جو إبداااع والله

تسلم إيدك

اخوك

أهلين أخوي حسان وكل عام وانت بألف خير وصحة وسعادة
بالنسبة للرسمة إنت عارف ظروفها وما يحتاج أقولك : )
ودعواتي لك بالتوفيق وإن شاء الله الأزمة الحالية تمر على خير وترجع زي ما كنت وأحسن ~_^
شاكر لك مرورك ورأيك يالغالي ^_^