بصراحة لا أتنمنى صدور ألعاب منسوخة على البلاي ستيشن3 ! ماذا عن رأيك؟

[عاشق يوشي]

بصراحة نقاش ماله داعي الي يبي يشتري الاصلي كيفه والي يبي يشتري الكوبي بعد كيفه

كل واحد واختياره وانا عن نفسي اشتري الاصلي لانه مافي كوبي على اجهزة الجيل الجديد وثانيا راح تطلع مشاكل كثيره في الكوبي لانه اجهزة الجيل الجديد حساسة جدا

واقول كلمة اخير الى صاحب الموضوع اذا انت ماتبي الكوبي غيرك يبي الكوبي يعني لاتفكر في نفسك بس

[wishbagi]

اذا انت ماتبي الكوبي غيرك يبي الكوبي يعني لاتفكر في نفسك بس

من جد .خل عنك الحسد

[DARKHADUKEN]

كل اللي ذكرته اخوي صحيح إلا سالفة سعر الاصلي.

انا واحد اشتغل والحمدلله يعني لي راتب شهري .. ما اقدر اشتري إلا لعبة وحدة يمكن كل شهرين او ثلاث .. وودي اشتري اكثر من لعبة لان الصراحة انا واحد إلعب كل شي لكن الاصلي مسولي ازمة خصوص العاب البي اس 3 توصل تقريبا 200 - 270 درهم فتخيل لو خذت لعبتين او ثلاث فكم السعر بيصير فافضل اني ما اشتري إلا لعبة وحدة وما ادري هل بتكون تستاهل هالمبلغ او لا بتقولي جرب الديمو فاقولك من كل لعبة نزلت بالسوق لها ديمو.

بالمختصر هالايام الصغار ما يهمهم شي وحتى لو قلت هالالعاب بتغير من معتقداتهم ترها متغيرة بشكل رسمي .. إذا الكبار ما يصلون وحق الغنى يصارخون و اذا شفتهم في الصلاة يستحون من كلمة آمين وحق فضايح البلوتوث اول القائمين و في رمضان عن العبادة صايمين فمن بيغير من ... التربية هي اللي الحكم مب الالعاب.

وانا افضل الكوبي ومنتظرة على احر من الجمر .. يا عمي الكوبي هو الحياة على العاب الفيديو وانا مب مستعد ادفع بالاميات على شي في النهاية هو للترفيه... فـ10 إلعاب بـ100 ولا لعبة بـ100 .

[GHOST 360]

انا اتمنا صدور الكوبي
لاكن يكون مثل نظام البلاي 2 يعني الاصلي تدخل اونلاين والكوبي ماتقدر
على طاري اليهال 9_12 بالله عليك احين ياهل بروح المحل وبيقوله عطني شريط بلاي 3 او خرابيط
طيب لوكان في رقابه من الاهل ماصار إلي في بالك

وبعدين شو لي تعبك من الكوبي؟؟؟

[عاشق يوشي]

من جد .خل عنك الحسد

شدخل الحسد

[wishbagi]

شدخل الحسد

واحد يبغى يرتاح مع الاصلي ويبغى يجبر الناس على الاصلي
لانهم يدفعون قليل للكوبي وهو يدفع اكثر اش يسمى الكلام ذا ؟
الكلام الي انت قلته اش مقصده يفسر كلمه وحده
!!!!!!

[FARES360]

مقصده يفسر كلمه وحده
!!!!!!

البرجوازيه $$$$$$$

[مجروح بوظبي]

صدق ياخوي في كل كلمه

والاهم انه الاون لاين مايشتغل على الكوبي

على الاصلي بس

والعاب الجيل الثالث حلاتها بالاون لاين والتحديات

[wishbagi]

البرجوازيه $$$$$$$

لول
وش تقول انت

[solid ss]

اولا لا تلعب على نفسك اخوي كونامي او كابكوم مارح يغلقون

لان ارصدتهم والعابهم بالمليارات

بعدين اكثر الناس اللي اعرفهم مايعرفون شي اسمه كوبي

يروحون اي محل كمبيوتر ويشترون اللعبه ب10 ريال

هل تقارن 10 ريال ب 250 ريال

وبعدين اسمع هالعبارة

بلايستيشن 2 مانجح الا علشان الكوبي

و بلايستيشن 3 مب فاشل الا بالاصلى

وفكر بكلامي بتلاقيه صح مئه بالمئه

[wishbagi]

بلايستيشن 2 مانجح الا علشان الكوبي

و بلايستيشن 3 مب فاشل الا بالاصلى

يمكن ما تقصد فاشل
الي تقصده ان تسويق الجهاز وارباحه في المنطقه ناجحه بسبب الكوبي
صحيح كلامك
لكن كمان الجهاز ناجح في الغرب بدون كوبي

[النجم الهولندي]

والله أنا أول كنت اقول نزول الكوبي أفضل

لكن بعد صارت المحلات كلها نصابة

وصارلي تقريباً سنة كاملة ما اشتريت ولا لعبة بدون ما اروح وارجع من المحل لانها ما تشتغل

صار شبه مستحيل انك تلعب

هذا غير الدمار الي بصير في جهازك

لذلك الأصلي أفضل لأنه يستاهل سعره

[عاشق يوشي]

واحد يبغى يرتاح مع الاصلي ويبغى يجبر الناس على الاصلي
لانهم يدفعون قليل للكوبي وهو يدفع اكثر اش يسمى الكلام ذا ؟
الكلام الي انت قلته اش مقصده يفسر كلمه وحده
!!!!!!

اخوي الظاهر انت فهمت كلامي غلط

انا ماجبرت احد على شيء وبعدين الحسد ماله اي دخل في الموضوع

تمعن ردي عدل وراح تفهم شنو كنت اقصد

[wishbagi]

اخوي الظاهر انت فهمت كلامي غلط

لا فاهمه واضح

انا ماجبرت احد على شيء وبعدين الحسد ماله اي دخل في الموضوع

تحاول تقنع نفسك غصب فسر الكلام على كيفك

[مورفيس]

اكيد مع الاصلي.


انا كنت اشوف ان الميزه الوحيده في الكوبي هو رخص الاسعار بس بعد ماجربته غيرت رائي لان الكوبي تاخذ 20 لعبه في الاسبوع وافلقني اذى خلصت لعبتين ولا ثلاث ايضا مستحيل تلعب لعبه فيها عروض CG كوبي جميع انواع التقطيع.


وليه المبالغه في اسعار الالعاب 350 و400 وييين انا اشتري اللعاب 360 جديده فرش ب260 ريال سعر معقول وانا اشوف من مميزات الاصلي سعره اغلى بمراحل من الكوبي علشان تشوف وش اللعبه الي تناسبك وتاخذها وتستمتع فيها ولاتنسون انه يوجد ديمو لاغلب الالعاب في الماركت بليس والبلاي ستيشن ستور يعني مع الاصلي ماتشتري لعبه الا وانت متائكد انها مناسبتك الا اذى كنت مفهي.


ايضا فكره تبادل الالعاب في المنتديات وهي مطبقه في كذى منتدى عربي متخصص في الالعاب والحركه سوقها ماشي جدا.

وبعدين لين متى بنضل على الكوبي لو كنا نتعامل بلاصلي كان الحين شفت اللغه العربيه في الاجهزه والالعاب وكان هناك اهتممام فينا من قبل الشركات.