هل صحيح أن الاكس بوكس 360 يخترب بنسبة 30%

[عاشق 360]

أهم شي لا تزعل ولا تاخذ بخاطرك رجاءاً ..

لا طبعا راحت ولا يات كلها اجهزه

[hamadino]

والله مادري شقول خرعتوني انا لو بيدي اخذه لان صراحة الاشرطة اللي عليه مو طبيعية و جميلة جدا بس خوفك من الريد لايت يوهقني والله مادري شسوي ؟
احد عنده خبر جم سعر الاكس بوكس بالكويت ؟

[أرنوب قطر]

إذا كذا اجل شي طيب .. نقدر نقول في تطور .. الإكس بوكس نازل بنظام PAL عندكم في الإمــــــــــــــارات.
لا تظن أن كل الوكلاء في دول الخليج مثل الوكيل اللي عندكم في الإمارات .. دبي على وجه الخصوص، إرفع راسك انت إماراتي. والله صحيح اتكلم جد.

حنا عندنا نصب × نصب ، وأكرر : مــســتـحيـل تلقى الجهاز بضمان ثلاث سنوات عند كل الوكلاء الرسميين، تضطر تطلبه من الخارج، واسئلوا فارس.

مش لازم تسأل فارس إحنا عندنا في قطر

مافي ضمان بس تعال وخذ ولا سعره 2700 آنا شاريه من فتره بسيطه من شهرين تقريبا او اقل

وسعره كان 2850 ريال ماعليه هذا الضمان اللي يتكلمون عنه

والله إني خايف بس لايصيده شي الإيلايت اللي عندي عاد إنتو ياكثر كلامكم عنه والله تخوفون الواحد

[hamadino]

بالكويت العادي جم سعره ؟

[عاشق 360]

مش لازم تسأل فارس إحنا عندنا في قطر

مافي ضمان بس تعال وخذ ولا سعره 2700 آنا شاريه من فتره بسيطه من شهرين تقريبا او اقل

وسعره كان 2850 ريال ماعليه هذا الضمان اللي يتكلمون عنه

والله إني خايف بس لايصيده شي الإيلايت اللي عندي عاد إنتو ياكثر كلامكم عنه والله تخوفون الواحد

شلوون مافيه ضماااااااااااااااان !!

يا اخي الضمان من شركة مايكروسوت نفسها !

اذا كان الجهاز معدل (( يشغل كوبي )) الضمان يروح من الشركه ويبقى ضمان المحل هذا اذا عليه

اما اذا كان غير معدل ويشغل اصلي فقط فله ضمان من شركة مايكروسوفت 3 سنوات

[واوا أكس]

أرنوب في ضمان عندنا روح مكتبة جرير ولا فيرجن ميجا ستور وهالاماكن بتلقى الضمان 3 سنوات
وبعد بكارفور رفيجي شاف وحده مكتوب عليها ضمان سنه كامله بالعربي

يعني الشغله مضمونه 100 %

ولصاحب الموضوع توكل على الله وخذ الجهاز اذا بتسمع كلام الاعضاء عمرك ماراح تشتري الاكس بوكس صدقني الجهاز مايتطوف وحاليا هو الاقضل
.. اذا بتاخذ الاليت ماراح يصيده شي ان شاء الله
اما النسخ العاديه اهم شي بس تأكد من تاريخ التصنيع من ورا الجهاز يعني خذ 2007 وطالع

وبس

[حمود جيرمني]

سعر الاكس بوكس بكارفور ممتاز
120 دينار مع لعبة فورزا وضمان مده سنه

[ERGO PROXY]

انا بصراحه احب شي اسمه 360 بس راح اتكلم بصراحه
انا املك جهاز 360 والحمدلله انه لي الحين ماصار فيه اي شي والجهاز بصراحه روعه
والعابه كل وحده احله من الثانيه وانصحك انك تلقي نظره عليه
بس المشكله انه 5 من الي اعرفهم حاشهم الديث رينق
وبصراحه عشان ما اجذب عليك مارحمهم
حته انه التصليح مافادهم بشي بالعكس ضر الجهاز اكثر
واذا كلش كلش تصلح الجهاز واخترب باليوم الثاني
بس من ناحيت الايليت لي الحين مافي اي واحد حاشه الديث رينق
فانا انصحك اذا تبي تاخذ اخذ الايليت او انك تاخذ من الدفعه الجديده
لانه كل الي اخترب جهازهم ماخذينه اول ما نزل تقريبا
ومعروف انه الاجهزه في اول ايامها ماتكون جودتها عاليه
مو بس ال360 حته الوي والبلاي ستيشن 3
الوي حاشتهه فتره انه اذا سويتله اب ديت من النت يحترق الجهاز ويخترب عليك
والبلاي ستيشن 3 واحد من ربعي اول ماشره الجهاز
كان يطفي بروحه فضطر يبدله لانه صارت فيه باول يوم
افضل شي انك تنتظر الدفعه الثانيه من الاجهزه

مشكورين
وسوري عله كثرت الكلام

[Xbox 360 hd]

ياعمي خذه وانتا متطمن بس اهم شي لاتحط الجهاز على الارض وخليه بعيد عن الغبار وحط له مروحة

واللحين الحمد لله في الامارات والسعودي اجهزة مضمونة 100 % وعليها 3 سنوات ضمان للايليت والعادي

والاشرطة على ما اعتقد متوفرة مثل الامريكي الحمد لله

وسيبك من كلام الشباب اللي يخوفونك من الجهاز


الحمد لله انشاء الله في نهاية ذي الحجة رح يكمل الجهاز سنة بدون اي مشكلة ما عادا انه تبند من الكوبي <<< قولوا مشاء الله


هذا ايميلي لو تبي اي استفسار

Hanoode-100@hotmail.com

لك تحياتي

[hamadino]

والله كلامكم طييب
شكلي باخذه من فيرجن

انزين اي نسخة اخذ لانه مو فري ريجين اوروبي ولا امريكي

[Xbox 360 hd]

والله كلامكم طييب
شكلي باخذه من فيرجن

انزين اي نسخة اخذ لانه مو فري ريجين اوروبي ولا امريكي

الاوربي عليه ضمان 3 سنوات ويشغل اغلب الالعاب الامريكية بس كم لعبة تنزل اوربي يمدك تشتريهم
اشرطته كثير نفس الامريكية


الامريكي للاسف ععندنا باسعار فلكية وكمان بدون ضمان

الاشرطة متوفرة بكثرة عند المحلات بس ما اضمن مستقبلا انهم رح يتخلون عن الامريكي ويجيبون اوربي


بالعربي الاوربي انا اقول احسن لانه بضمان ويشغل العاب كثير

الحمد لله نزل برنامج يحول الريجون من امريكي لاوربي والعكس

[hamadino]

اي والله هالبرنامج راح يفيد واييد
يعطيييك العافيه ولد عمي

[graphics style]

لأ مو 30 % ,, نسبة الخراب 95%

[محترف حب 1]

الحمد لله نزل برنامج يحول الريجون من امريكي لاوربي والعكس

أنت متأكد من كلامك
إذا كان صحيح البرنامج لو أمكن

يعني أقدر أحول PES 2008 الى أمريكي

[عاشق 360]

يعني أقدر أحول PES 2008 الى أمريكي

لا مو تحول اللعبه

تحول نضام الاكس بوكس بكبره اعتقد