Orange Road Gallery

[orange road]

معاك حق ريفلكس..

عندي برنامج يسوي هاللمعة بشكل حلو لكن تكيسلت انقل الصورة هناك واسويها عليه
قلت يلا.. خل اسويها هني واخلص..
لان التلوين خذ مني وقت طويل لدرجة اني زهقت منها في الاخير..

بالنسبة حق الكشكوشة اعتقد انها عادية..
يعني.. المنظور اوكي فيها..

[Ranma Saotome]

الرسمه الاولى واااااايد حلوه والشخصيات اللي فيها ولا أروع
شخصيات حلوه ويبي لهم تسوين لهم قصه من قصصك الفانتازيه
ومثل ماقلتوا أن اللمعه قويه أكثر من اللازم
عيوب ثانيه في الرسم مافيه لكن الشخصيه اللي شعرها أحمر ماعجبتني لأنهم كلهم أشكالهم خشنين ألا هو شكله هادي ومب مال هواش مع أن عنده سلاح قوي ( فأس )
الرسمه الثانيه أن بعد أأيد العضو الفنان ريفلكس من حيث الشعر
وبعد صبع الخنصر في اليد كإنه مقطوع لأن أحس لو انك كملتي ورسمتي جزء منه طالع من الجهه الثانيه كان ممكن يكون أحسن
أوكي
keep rolling kholood

[orange road]

رانما..
بالنسبة حق البايشونين اللي بالشعر الاحمر.. انا تعمدت اني اسويه جذي..
يعني.. واحد يقتل وهو يبتسم بلا مبالاة.. حتى ان الوليدن عجبوني .. وباخلي ريميتا تدخلهم في وحدة من قصصها اللي بعنوان here we go

بس للحين ما طلعت لهم اسامي..
اذا حد عنده اقتراحات خل يعرضها..

وهذي رسمة يديدة.. اليوم لونتها . قولوا لي رايكم.. شرايكم في (ذيس نيو اوت فيت)؟؟

[Rex]

This is Crazy!!
شو هالفن!!! ما شاء يا أورانج !!روووود !! الطريق اللي ماله نهايه من الفن!!


بصراحة الرسمه جدا روووعه... !!
وشيء جميل انك اعتنيتي باللمعات في الرسمه ...


وان شاء الله نشوف دايما من فنك المتجدد ...

[orange road]

شكرا ريفلكس

اي.. هالمرة اهتميت اكثر باللمعات

وهذي رسمة ثانية بعد..

[{Rmal}]

لا تجنونييييييييييييي

[Ranma Saotome]

الاوت فيت الجديد حلو وزين أن فكرتي تغيرين الملابس
تغيير حلو... والله بس يبي لك هارلي وخلاص تكتمل
رسمه مضبوطه
أقول خلود لو تكملينها وتسوين مثل عرض أزياء لشخصيتك وترسمين شخصيتك في عدة ملابس
فكره حلوه صح... شرايك؟

[orange road]

حلوة الفكرة رانما..

[orange road]

بصراحة انا وايد زعلانة..

لاني عرضت رسمات يدد ومحد علق عليها الا رانما وريفلكس..

شاهين.. استعملت الاقلام اللي كلت جبدي عليهم.. مع ذي ولا عبرت الموضوع

بصراحة.. زعلت عليكم... علشان جذي ما شاركت ولا في اي موضوع يديد..

[orange road]

هاي الرسوم عرضتها من قبل في موضوع الرصاص..

بس لونتهم بالقلم الضوئي (توني شاريته)

[orange road]

لاحظتوا ان في الصورة اللي فاتت في شعرة على جتف البنت تصدقون اني ما انتبهت لها الا وانا الونها وتكيسلت امسحها.. بس شلون دخلت في السكانر؟؟ ?:

وهذي بعد غيرها.. كانوا كلهم في ورقة وحدة بس انا قسمتهم ووزعتهم..

[Classic Evil]

كتب العضو (orange road)
بصراحة انا وايد زعلانة..

لاني عرضت رسمات يدد ومحد علق عليها الا رانما وريفلكس..

شاهين.. استعملت الاقلام اللي كلت جبدي عليهم.. مع ذي ولا عبرت الموضوع

بصراحة.. زعلت عليكم... علشان جذي ما شاركت ولا في اي موضوع يديد..

الصراحة


أنا ماعندي كلام أقولــــــــه غير أنه رسماتج روعة .....

كل مرة أقعد أعيد نفس الكلام مب حلوة :":


بس أنتي ليش ماتشاركين في مواضيع غيرج عشان يشاركون بمواضيعج ؟

[orange road]

يالعكس.. انا اشارك في مواضيع غيري..

يعني اذا ما كنت قادرة ارسم فأنا اعلق..

بس اجوف ان هالاسبوع الكل سافهني..

[orange road]

evilneverdie

نسيت اقول لك شكرا على التعليق

[shaheen]

مسامحة اختي خلود
بصراحة انشغلت مع الاخ دارك ايز والتحدي وما انتبهت للرسومات الجديدة..
وشنهي سالفة القلم الضوئي.. يا سلام عليج تلونين بالقلم ها؟؟ روعة.. ماشاء الله عليج.. تلوين رائع
اشوف الحركات الفنية زايدة في رسوماتج..
الاوت فيت روعة وعجيب بس ليكون شريتي واحد مثله هههههههه

رسمات الجيوبريدرز عجيبة (تعرفين شنو معناة الكلمة؟)
لمعة الشعر حلوة ورسمك متقن لهم.. انا واثق انج رسمتيهم بدون شف لان احنا مجموعة رسامين لا نشف من اجل الرسم.. بيني وبينج احنا واقعيين حتى مع انفسنا!
ليش ماتتدربين على وضعيات المانجا مثل هذي اللي رسمتيها بس تسوينها حق شخصياتج
احيانا انا اسوي جذي

المهم نحن نتظر اي رسمة لج وانا مو من النوع اللي يتجاهل رسمة احد الا اذا انشغلت بالتحدي الخ.. (دارك رواية انا قادم!!)
:غضب: