جهـــازي XP قلب Windows 98 !!

[Al Bhed Girl]

||xXx..الســـلاام عليكم ورحمــة الله وبركاااته..xXx||


مشكلتي عويصة بمعنى الكلمه ×.× ..

مرحباااا اعضااء شخباااركم ؟؟ : D

مبين اني مسوية شي خرب جهازي لوولز ×.× " ..

المشكله ياطويلين العمر ،، صارت لي 3 مرات ،، نجيت منها مرتين من اصل 3 ،،المرة الاخيرة كانت القاضية #.#" ..

هي لما اشغل الويندوز اكس بي ،، بيشتغل الاكس بي صح ؟؟

اوكيـه ،، انا لما اشغل الاكس بي ،، يشتغل ويندوز 98 !! @.@"
رحت لـ Desktop>
Properties>Apearance

بعدين Windows & buttons
عشان اغير الستايل ،، قلت يمكن بالغلط غيرته ،، لكن لما جيت اعدل الخيار ،، تفاجئت ان مافيه خيار غير ويندوز كلاسيك @.@ !!

ليتها بس جذي ،، البرامج مقدر استخدمها الاتصال مااقدر اشبكه
يعني بس الجهاز صاير لي مظهر
مااقدر اتحكم فيه @.@!!

اول مرة صارت لي ،، سويت ريستارت ورجع كل شي تمااام
الويندوز اكس بي رجع والبرامج اقدر استخدمها والنت اقدر اشبك ،،

ثاني مرة صارت سويت ريستارت 3 مرات مانفع ،، تأزمت جد !!!
جت اختي حاولت وراحت لـ msconfig وتاب جينيرال اظن وعدلت بالخيارات ع اساس ان ويندوز يشتغل نورمالي بشكل عادي .. وضبط معاها !
ورجع اكس بي مثل ماكان @.@ !!

ثاااالــــــث مرة صااارت #.# "
>> احد داعي علي XD

الحين لا ام اس كونفيق ولا ريستارت ولا استعادة نظام تنفع ×.× " ،،

تخيلو صارلي اسبوعييين او اكثر على هالحااله ،، !!
شريت لي هارد ديسك خارجي ،، قلت اخزن المعلومات والبيانات اللي عليه ،، واسوي فورمات للجهاز واركب ويندوز فيستا
>> 2 في 1 هعهع

بس لما جيت اركب الهارد ديسك
لابتوبي ماقدر يعرفه ويسوي له انستال ويقولي يلا خزني @.@ "
يعني كاني ماركبت الهارد ديسك اساسا ،، جربته على لابتوب ثاني طلع المشكله من جهازي مو الهارد ديسك ،،

جهااازي شقول عليه ؟؟ عقيييم ماايشتغل لا برامج لا اتصال لا هارد درايف ،، وفوق جذي قلب ويندوز 98 !!

بليــــــــز ،، ارجوكم شنو الحل الصحيح ؟؟
شنو الخطوات الي اقدر اتبعها واصلح الجهااز ؟؟
>> ياارب مايكون الحل فورمات #.#"

بليييز ارجوكم >< "
تعرفون شعور لما تكتبون مقالات ومواضيع وتخزنونها وتجمعون مجلدات وصور عشانها بالاخير هي بين الحياة والموت ؟؟ غير البرامج والتطبيقات الغالية على قلبك؟؟ #.# "
بلييييز ،، ارجوكم ساعدوني ولا تحرموني من خبراتكم ،،وعسا الله يطرح فيكم بركته ،، والله بدعي للي يحلي هالمشلكه #.#"

واسفه على هذي المداخله والازعاج .

[AAGun]

اول شي لازم نقول بسم الله

بعدها لازم نسجب الجواز والرخصة والملكية عن الجهاز لوول امزح


ادخلي Desktop>
Properties>themes

بعدها اختاري ثيم بأسم windows xp


إذا ما رد كل شي لطبيعته لازم تستخدم القوة

حمل هذا البرنامج
فائدة البرنامج:
يستخدم لتحليل البرامج والقيم المثبته على جهازكـ
و يتم تعطيل القيم الضارة من خلال نفس البرنامج.

طريقة استخدام البرنامج بالصور

بالضغط على اللون الأزرق <<

ضع المعطيات في الرد القادم

[Al Bhed Girl]

اشكر لك سرعه تجاوبك @.@ ،،

انا جربت الطريقة الاولى مانفعت ،،

الطريقة الثانية اطبقها من لابتوبي الخربان صح ؟

بس انا ذكرت ان لابتوبي مشكلته لا يشغل برامج ولا حتى يشبك نت وقالب ويندوز 98 ،، امري لله ×.× " ،،

تتوقع شنو الممكن اسويه عشان يتصلح ؟؟ >> والله احس انه منتهي هاللاب XD

[AAGun]

هذا البرنامج على طول يشتغل
ما يتثبت


قد يكون هذا كلة من تأثير فيروس معين ولازم نستأصلة من النظام استأصال



جربي تدخلين على السيف مود

[ألتيمي]

مشكلتج فلم هندي وممكن العيب من الرامات اقول ممكن ,,,طول بالك ياحوي يلي بترد وراي ...
والله ماعندي فكره ابدا بالوندوز انا الحين قلبت osx

[AAGun]

عجبتني هذي الصورة
ومضمونها حقيقة 100%
لكن ما شفنا اللينكس !!

التصليح ألي بالالكترونيات والكمبيوترات والروبوت

[Al Bhed Girl]

باك باك باك ..×.× لووولز هااي @.@

هذا البرنامج على طول يشتغل
ما يتثبت

همم ايه واظن يحتاج له نت عشان احمل وادور عنه ؟ ×.× "
مشكلة ان النت بجهازي هذاك مايشتغل خير شر ،، الاتصال مايشبك بروحه >< "

قد يكون هذا كلة من تأثير فيروس معين ولازم نستأصلة من النظام استأصال

نعم نعم !! فايرس خبيث جدا #.#"
حسبي الله على اللي ارسله لي #.#"
بس ويت ،، انا قبل لا يخرب الجهاز اخر مرة كنت مسوية له فايرس سكان وانتي سباي وير ـ،،
ماكان في فايرس والسباي وير يمكن 9 وشالهم بس ،، #.#"
من وين جا هالفايرس @.@"

جربي تدخلين على السيف مود

هممم من وين اخوي ؟؟ ممكن توضح لي ^^
واسفه ادري اني ازعجتك كل شوي اسال ،،بس من جد متأزمة وخايفه ع الجهاز ^^ "

مشكلتج فلم هندي وممكن العيب من الرامات اقول ممكن ,,,طول بالك ياحوي يلي بترد وراي ...

فيلم هندي وبس ؟؟~.~"
قول مسلسل مكسيكي @.@"
وصحيح يمكن من الرام وخواتها @.@"

الله ماعندي فكره ابدا بالوندوز انا الحين قلبت osx

اهااا مو مشكله اخوي ،، مشكور ع المساعده ،،
اي صح ،.، انا بكل الاحوال بحمل نسخه جديدة حق لابتوبي الخربان لا القينا له حل المهم ،، تنصحني بالويندوز فيستا ولا نظام غيره ؟؟
وشكرا ^^

عجبتني هذي الصورة
ومضمونها حقيقة 100%
لكن ما شفنا اللينكس !!

التصليح ألي بالالكترونيات والكمبيوترات والروبوت

ايي والله انا توني انتبه بالصورة عقب مادققت فيها ،، وانا اشهد انها
صحيحة ميه مية #.# >> وحدة تعاني من الويندوز XD

[AAGun]

http://www.montada.com/showthread.php?t=551980

هذا او http://www.montada2.com/showthread.php?t=551980


حاولي تنقلين البرنامج عبر الفلوبي او الفلاس مومري
اعملي سكان للجهاز

[Word Life]

اهلين

مشكلة غريبه خخخ

جربتي تفكين الهارديسك و تركبينه في جهاز ثاني ...؟


اذا عندي هارديسك خارجي كبير " اللي يشتغل بالكهرباء غالبا " افتحيه راح تلقين قطعه مشبوكه بالهارد عباره عن شي يخليه يركب باليو اس بي اسحبيها منه و ركبيها في اللي تبين ملفاتك و جربي تشغلينه بجهاز ثاني ..
و بالطريق سويله سكان بالجهاز اللي راح تشغلينه فيه

احس لازم فورمات ~.~ ..

[No `AnGel]

أهلين ألبيد ..

مشكلتك عويصة ._."

وفي نفس الوقت وما ندري المشكلة من وين بالضبط ..

في حركة انا دايما اسويها في مثل هالحالات ..

افصل الهاردسك من الجهاز واشغله كـ هاردسك خارجي على جهاز ثاني ..

هنا نقدر ننسخ ونعدل ونسوي سكان كمان ..

بس المشكلة ان جهازك لابتوب ×.×

يعني يمكن تكون هذي الطريقة متعبه شوي ._."

انا عن نفسي .. اسويها في البيت ..

بس انتي إذا كنتي مهتمه بـ إلي في جهازك وديه لأقرب محل يفصل لك الهارد ..

وانسخي إلي فيه على جهاز ثاني ..

وفي ذيك الساعة .. خل يسوون إلي يبون في الجهاز D:

[No `AnGel]

^

world life لا تقلد ردي !

لوووول D:

بس حبيت أذكرك .. هي تقول ان جهازها لاب توب .. يعني فصل الهارد ما راح يكون سهل ~.~

[Word Life]

^

world life لا تقلد ردي !

لوووول D:

بس حبيت أذكرك .. هي تقول ان جهازها لاب توب .. يعني فصل الهارد ما راح يكون سهل ~.~

تشوف كيف فرق دقيقه خخخخ ..

اشك انك انا XD ..

ايه بعد يمكن لو فكت اللاب توب يروح الضمان ><"..
انتبهي من هالنقطه هع

[TURKi]

: )) ما شاء الله عليك : )) البيد

فيه أعضاء أول مرة أشوفهم هنا ... كل ذولي جايين يساعدونكـ

( راح ننتظر ردك ... ونكمل معك و مع الشباب ... : ) )

[TURKi]

*على فكرة

إللي بيحل المشكلة :-

( له 20 نقطة ترشيح ) مكآفأة ً له على مجهوده ... : )

وبالله التوفيق : )

[Aero]

بس انا ذكرت ان لابتوبي مشكلته لا يشغل برامج ولا حتى يشبك نت وقالب ويندوز 98 ،، امري لله ×.× " ،،

خخخخخخخخخخخ


الله يعين انا قبل كنت استخدم جهاز ويندوز 98 بس انفجر علي لاني اشوته كل دقيقه

ماعندي شي يفيدج الاخوان يمكن يعطونج نصائح

المهم مشكوره على موضوع