السلام عليكم ورحمة الله وبركاته ..
مع السموحة من كل المهندسين ..
وبعد أن أنتهت او على الأقل بدأت تنتهي مراسم حفل انتقالي من كلية الهندسة المقيتة الى كلية الآداب .. وجدت أن أطرح الموضوع ..
سموحة مرة أخرى منكم معشر دارسي الهندسة !
نص الحوار و الرسالة التاليين مقتبس ...
*****
أم المخطوبة :و الله انا بنتي اهم اشي عندها الدين !
- أم الخاطب : والله ما شاء الله عنه ابني ملتزم ومؤدب ورضي وحلو و بشتغل " ,,,, " وشغلو كتير منيح ما شاء الله وشاطر ومتفوق
- أم المخطوبة: يعني مش مهندس؟
- لا والله مش مهندس
- عن جد؟ طيب ليش؟
- ليش شو؟
- ليش مش مهندس مش بتحكي عنه شاطر من هو صغير؟
- شاطر والله الله يرضى عليه بس ما طلعلو سنتها وهو حابب ال " ,,,,, "
- بس يعني ولا واحد من ولادك مهندس؟
- لاء في ,,جوز كنتي هاي ,,ابني الكبير بس مهندس
- طيب والباقيين؟
- كمبيوتر ,,يعني برمجة وهيك,,
- هندسة كمبيوتر ولا كمبيوتر؟
- لا والله مش هندسة
- انا عارفة !
- والله ابني شغلو كتير منيح وما شاء الله عنه بتطور كتير بسرعة و ,,,,
- طيب شو الشهادات اللي معو ؟ حكيتيلي ماستر و " ,,, " و " ,,,"
- ايوه بالزبط ,,ما شاء الله هو احسن اشي هاد التخصص !!!!!!
- طيب يلا بنشوفكم عن قريب ان شاء الله ما شاء الله عنها بنتكم
- السلام عليكم
- وعليكم السلام
********
- انا ام فلان
- اهلين يختي
- والله بنتكم عجبتنا ومش عارفين هلأ شو الخطوة الجاي ازا بتحبو تسألو او
- والله يختي مش عارفة شو اقولك شكلو ما في نصيب استخارت البنت وما في نصيب
****
موقف مستغرب من مجتمع اقل ما يقال عنه انه مثقف ان لم نقل عنه انه مجتمع واعي وراقي بمعايير كثيرة مقارنة مع الدول العربية الاخرى _ على الاقل _ ولكنني كدت أجزم أن كلمة مهندس لها وقع خاص وسحري على النفوس ، وخاصة عند النساء !
ان كانت المشكلة تتعلق بموضوع زواج واختيار شريك الحياة فهي "مصيبة " ان كانت تبنى على اساس العلم الذي يحمله صاحب اللقب وهي " كارثة " ان كانت السبب في تحديد مستقبل حياة بأكملها,,وحرمان من أحلام وأمانٍ كثيرة !
فتلك صديقتي المقربة التي ما زالت تصر على أنها تريد مهندس حتى " يعبي عينها " !
وتلك الأم التي ما زالت تلوم ابنتها في كل مناسبة لأنها غيرت تخصصها الى غير الهندسة! فهي تفخر اليوم بخمسة من ابنائها المهندسين واربعة من اصهارها اينما حلت !
وآخر من اقاربنا ما زال حاقداً على " عديله " لأنه سأله هل انت مهندس ؟ وعلى " حماته " لانها قالت له انها اعطته ابنتها المهندسة ولكنها تريده أن يحصل على شهادة عليا بعد الزواج !
وليس ببعيد عنا ذلك اليوم الذي اخترعت مشكلة من لا شيء وكادت تحصل القطيعة بين الاخوين لأن أحدهم كتب في بطاقة دعوة ابنه " المهندس " و " المهندسة " بالتأكيد حركة متعمدة يقصد فيها اهانة الاخر واهانة ابنائه وزوجاتهم !
وكثير من المواقف التي لا مجال لذكرها الان,,
كتبت هذا الموضوع ليس فقط لأنني متضايقة من هذه الأغلوطة في مجتمعنا ولكنني وجدت ان هذا الفكرة تجاه المهندسين شائعة بشكل قد يسبب فعلاً كوارث نحن بغنى عنها
