مشكلة في الاونلاين والاتصال

[MAXI2]

اول مشاركه لي

شباب انا عندي خدمة W-NET وارليس من الوطنيه سرعته 512 بس والله مره وحده بالشهر يوصل 500 لووووووول باجي الايام 200 ليه 400 المشكله اني صارلي 4 ايام مو قادر العب COD 4 يقولي بعض المرات ERROR ومرا ت downloading game settings ويوقف حتي لما اسوي السنغ ان حق النيتورك يعلق معظم الالعاب ولو دخلت الارسال ضعييييف جدااااا احمر و مسوي اخر ابديت وبخاطري من زمان اشتري warhawk بس خايف لاق يكرهني بالعب شباب تكفون ابي نصيحه من الموجودين خارج الكويت او الكويت شنو احسن سرعه عشان العب الاونلاين مرتاح؟؟ 512 DSL تنفع ومشكورين ؟؟؟

[alsulayman]

مايبيلها مشوووره dsl هو افظل شي للأون لاين وخل عنك الانترنت الاسلكي عن طريق ابراج الوطنيه او زين dsl وبس

[ROSWELL]

يعني حرااام صراحه أخوي تدفع 28بالشهر على الجهاز هذا والله ما يسوى عندي!!!

الحين الكيمز دي اس أل 512 صار أرخص عندهم من هذا اللي عندك

غير دي أس أل أحسن لك بوايد

أنا اعرف واحد من الشباب هم كان عنده جهاز الوطنيه وغيره و الحين فرق وااايد!!

[MAXI2]

مشكور اخوي alsylayman و ROSWELL

اي والله الجهاز الراوتر من الوطنيه سعره135 !!!!!!!! (فيها بلاستيشن 3 جديده) لووووووووول الرواتر اصلن والله بالصين ما ييب 10 دنانير انا انصدمت من السرعه وكاتبين اسرع من DSL

[MAXI2]

احترت يا جماعه اشترك كوالتي او فاست تلكو او كيمز ؟؟؟بسرعة 512 افضل شي حق الاونلاين و ما في لاق

[مدمن جيمز]

كيمز

512 اشتراك سنوي 220
شهري 30 دينار
6 اشهر 150 دينار

[ايوب الحسن]

لوووووووول


نفس الشي حبيبي ،،

انه بعد مشترك بالوطنية ... ومبتلش وياهم وجم مرة ادق عليهم بس ماكو فايدة ....


وتبي الصراحة ... انه مفكر اني اغيره لانه شنو يقولون 512 كيلو والسرعة عندي بس 100 كيلو وناااااادرا مايوصل 200 او 300 .... طبعا 500 ولا شميتها حتى


وودي احول حق زين لانه الكل يمدحها

وسرعتها 7.2 ميغا بايت ..... بس اللي ابي اعرفه اهو بس يصير اشبك بالاون لاين ولا لأ !!!!


اذا يصير والله من باجر الغي اشتراكي ....


لا وسعر شحلاته بعد 15 دينار بالشهر ... 27 دينار اذا تبي تشوف تلفزيون اعتقد بالتلفون .....


جني بغير والله .... !!