Where Arab in Magtheridon !!!!

[مفتاح صول]

انا بالسيرفر هذا بعد Magtheridon

بس عمري ماشفت عرب الا 3 وشفتهم والله العظيم قبل شوي , يعني لو انا شايف موضوعك هذا امس وكتبت الرد جان قلتلك اني ماشفت ولا عربي

بس انا طاح حيلي وانا ادور جيلد يروح كرزان وماحصلت , اذا في جيلد عربي هني قولولي خلوني ادش معاهم ونروح كرزان عالاقل
بلاك تمبل صعبه ها

I'm in magtheridon it's very easy to get t4 gear as we use lfg to go to kara and gruul and maggy :P

بس انا استغرب من اللي يقول يدخل الرايدات فل ديستركشن


هو صحيح أن الأفليكشن أفضل شي لل PvE

بس والله معانا واحد في الرايد وارلوك ديستركشن

والقير حقه نص بلو ونص ابيك ... ويعتبر عادي يعني مقارنه بالباقين


بس دايم متصدر الدمج ميتر

حتى يوم شفنا الفديو حقه في الرايد .... والله جالس يعطي دمج صهيوني

انا لاحظت ان اغلب الناس الواصلة بالوارلك وعندهم ت6 يكونون ديسترو مع ديمو شادو طبعا لما سألت واحد فيهم قالي قبل لا تحصل ت6 خلك فل افلكشن بس بعد ماتحصل 4/5 ت6 حول ديسترو ديمو واتوقع السبب ان ت6 فيه سبل كرت وايد وال4/5 بونص وايد حلو حق الديسترو

[outland]

طاح حيلي وانا ادور رايدات لأي واحد رايح كارازان او جرول لاير بس مااحصل

لازم جيلد واذا ماعندك جيلد قزرها باتل جراند

ياجماعه انا مسكين والله , انا لو اقولكم قصتي 70% راح تبجون
لا وتبجون دم بعد

انا لعبت اللعبه عن طريق اخوي , واخوي هذا متخصص بالجامعه لغه انجليزيه وكان يبي يصير مدرس انجليزي بس راح اشتغل في بنك , يعني لغه الولد , المهم عرفني على اللعبه ودش في جيلد ويكلمهم انجليزي وانا ولا كلمه بس قاعد ومبطل حلجي
المهم اخوي ضبط نفسه وراح معاهم كل مكان
وانا مبطل حلجي
بعدين غير السيرفر ماله
وانا مبطل حلجي
والكلام هذا كان لفلي 9 بس
ادري ناطرين اقول مبطل حلجي
ومن لفل 9 لغايه لفل 70
مبطل حلجي
لا صج من لفل 9 لغايه لفل 70 وانا العب بروحي
والله العب بروحي
الناس تروح دنجن وتاخذ جير طيب وانا الجير اخضر حده اي شي
لغايه ما مليت بروحي
زهقت
وانا مبطل حلجي
المهم الكلام هذا قبل فتره طويله , ولغايه اليوم وانا مبطل حلجي
قصدي لغايه هاللحظه وانا العب بروحي , لا جيلد ولا احد اعرفه بالسيرفر
امنيتي اروح hyjal وبعدها بلاك تمبل
حزتها بصكر حلجي
بس وين
اللغه رديئه
يكلموني ان دشينا دنجن مثلا يقولولي فلان جذي وجذي
انا طبعا مبطل حلجي ولا ادري شنو يقولون
شوي وله مطرود من الجروب , ليش يالطيب طردتني يقولي كلام والله ماادري شنو يقول
المهم قلت خل ارد العب بروحي وانا مبطل حلجي احسن من ادش وانطرد
الله كريم

[burdga]

انا بقولك شغله بتخليك تبطل حلجك عدل هههههههههههههههه


انا اقول خلك على الباتل قراوند وراح تحصلك قير ممتاز وراح يعجبك وكله ثepic (بنفسجي)

تدري شلون؟ العب باتل قراوند و نتف الامه تنتيف و اجمع
HK = Honor kill وهذا تاخذه لما تذبح احد او تفوز باللعبه

واشتر فيهم القير من orgrimmar , اوstormwind

وخلص عمرك



انا الحين لفل 64 وعندي full epic 60
بس اوصل 70 راح البس epic 70

يعني انت تروح دنجن وتتعب حالك وبالساعات عشان شغله من هناك و اخر شي تاخذها او ماتاخذها على حسب الـroll

[outland]

تبي اقولك شي

عندي انرات مادري وين اوديهم

عندي الميداليات بعد ماادري وين اوديهم

حلبت الباتر جراند حلب
بس ياحوي لازم تروح كرزان والهيروك والسوالف هذي لأنه t4 و t5 و t6 كلهم بالامكنه هذي
والجير هذا يكون احسن من جير البي في بي بالهيروك
انا الجير مالي حاليا 4/5 السيزون1 و 1/5 سيزون 2 اللي اهو الهاند

عندي ستاف الي في بي والقلاده
اما الخواتم والترينكت في بنفسجي و ازرق ماخذهم من علاقات المناطق
عندي جير خياطه اللي اهو سبل فاير و سبل سترايك واحد يجي قطعتين بس وعندي والثاني 3 قطع وعندي كلهم

بس الحظ شين , رحت مره كرزان ووصلت للبوس (طبعا ما اعرف اسم ولا بوس وولا دنجن , لو كارازن مو نفس حاكم افغانستان كرازاي وله ماحفظته) المهم البوس الابيض اللي بعد ماتذبح التنين اللي فوق السطح

عرفتوه او ماعرفتوه ؟ فيكم احد دش كارزان من قبل ؟ التنين اللي في السطح كأنه هيكل عظمي
هذا بعد ما ذبحناه رحنا داخل في آلي كأنه القارد مال البلاد الف اللي اهو يقط الدس مال تاير 4
المهم هذا حدي اللي وصلتله بكرازان والمصيبه ان القطعه اللي طاحت للوورير والهنتر والدرود على مااظن
يعني مو للميج وافلست منها
قالي رفيجي اللي عروقه بالماي ان كل اسبوع يطلع الرئيس مو نفس الدنجن العاده تذبحه وتطلع وبعد 5 دقايق تدش تشوفه واقف
المهم , من ذاك اليوم , مادري متى قبل سنتين او سنه ماني ذاكر بالضبط
الى اليوم وانا ادور ناس تروح ومو محصل
ومازلت امبطل حلجي
المشكله الناس تخاف تقول انا عربي , ليش ؟
سؤال جميل وفي محله
يخافوني عشان ماتروح تسويلك شخصيه لفل 1 وتجي تقوله بليييز 1 جولد
او تدزله وسبر تقول كان يو بووست مي can u boost me plz

الناس مالها خلج فماتقول انا عربي
لأنه شغل الطراره بس عندنا
صارت وظيفه باللعبه هالطراره

انا تاليور و انجانتر وطرار جولد
والله خوش شي
والشغل مو عيب

المهم للتواصل اسألوا عنه قولوا افضل لاعب ميج بالعبه منو
سيده يقولولكم عني

[Predator101]

واحد اسمه " Holic " عنده Mage تقريبا full s3 في سيرفر Magtheridon لا أوصيكم عليه خليه يسويلكم بوست في الـ Arena

من الأردن على فكرة و فيه في السيرفر هذا بالذات عرب بكثرة

[burdga]

عليييهم عليييهم